Gaiha 《 ᠮᠣᠩᠭᠣᠯᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ》
ᠬᠣᠶᠠᠳᠤᠭᠠᠷ ᠪᠦᠯᠦᠭ᠂ ᠴᠢᠩᠬᠢᠰᠦᠨ ᠢᠳᠡᠷ ᠨᠠᠰᠤ
77᠂ ᠲᠡᠨᠳᠡᠡᠴᠡ ᠲᠡᠮᠦᠵᠢᠨ ᠬᠠᠰᠠᠷ ᠬᠣᠶᠠᠷ ᠥᠯᠦ ᠣᠢᠰᠢᠶᠠᠨ ᠄ 《 ᠥᠴᠦᠭᠡᠳᠦᠷ ᠨᠢᠭᠡᠨ ᠪᠣᠯᠵᠤᠮᠤᠷ ᠬᠠᠷᠪᠤᠵᠤ ᠠᠯᠠᠭᠰᠠᠨᠢ ᠲᠡᠳᠡ ᠪᠣᠯᠢᠶᠠᠵᠤ ᠠᠪᠤᠪᠠ᠃ ᠡᠨᠡ ᠡᠳᠦᠷ ᠪᠠᠰᠠ ᠳᠠᠬᠢᠨ ᠪᠣᠯᠢᠶᠠᠪᠠ᠃ ᠡᠢᠮᠦ ᠪᠣᠯᠪᠠᠰᠤ ᠡᠳᠡᠨ ᠲᠠᠢ ᠬᠠᠮᠲᠤ ᠶᠠᠭᠠᠬᠢᠨ ᠠᠮᠢᠳᠤᠷᠠᠮᠤᠢ》 ᠭᠡᠳ ᠭᠡᠷᠦᠨ ᠡᠭᠦᠳᠡᠶᠢ ᠰᠢᠷᠦᠭᠦᠨ ᠬᠠᠶᠠᠵᠤ ᠭᠠᠷᠴᠤ ᠶᠠᠪᠤᠪᠠ᠃ ᠪᠡᠭᠳᠡᠷ᠂ ᠳᠣᠪᠤᠷᠴᠠᠭ ᠳᠡᠭᠡᠷᠡ ᠶᠢᠰᠦᠨ ᠰᠢᠷᠭᠠ ᠮᠣᠷᠢᠪᠠᠨ ᠬᠠᠷᠢᠭᠤᠯᠵᠤ ᠰᠠᠭᠤᠳᠠᠯᠠ᠂ ᠲᠡᠮᠦᠵᠢᠨ ᠬᠣᠢᠨᠠᠠᠴᠠ᠂ ᠬᠠᠰᠠᠷ ᠡᠮᠦᠨᠡᠡᠴᠡ ᠨᠢᠭᠤᠴᠠᠪᠠᠷ ᠰᠤᠮᠤᠪᠠᠨ ᠣᠨᠢᠯᠠᠵᠤ ᠬᠦᠷᠬᠦᠳᠦ ᠪᠡᠭᠳᠡᠷ ᠦᠵᠡᠭᠡᠳ ᠄ 《 ᠲᠠᠢᠴᠢᠭᠤᠳ ᠠᠬᠠ ᠳᠡᠭᠦᠦ ᠨᠠᠷᠤᠨ ᠬᠥᠨᠦᠭᠡᠯᠢ ᠬᠦᠯᠢᠶᠡᠭᠡᠳ᠂ ᠦᠰᠢᠶᠡᠪᠡᠨ ᠳᠠᠭᠤᠰᠬᠠᠨ ᠠᠪᠴᠤ ᠴᠢᠳᠠᠭᠠᠳᠤᠢ ᠪᠠᠢᠲᠠᠯᠠ᠂ ᠲᠠ ᠨᠠᠷ ᠨᠠᠮᠠᠶ᠋ᠢ ᠶᠠᠭᠠᠬᠢᠨ ᠨᠢᠳᠦᠨᠦ ᠰᠣᠷᠮᠤᠤᠰᠤ᠂ ᠠᠮᠠᠨᠤ ᠪᠦᠭᠡᠯᠵᠢᠰᠦ ᠪᠣᠯᠭᠠᠮᠣᠢ？ ᠣᠳᠣ᠌ ᠰᠡᠭᠦᠳᠡᠷᠡᠴᠡ ᠥᠭᠡᠷᠡ ᠨᠥᠬᠦᠷ ᠦᠭᠡᠢ᠂ ᠰᠡᠭᠦᠯᠡᠴᠡ ᠥᠭᠡᠷᠡ ᠲᠠᠰᠢᠭᠤᠷ ᠦᠭᠡᠢ ᠪᠠᠢᠯᠠ᠂ ᠶᠠᠭᠤᠨᠳᠤ ᠢᠩᠬᠢᠬᠦ ᠪᠣᠢ ᠲᠠ？ ᠭᠤᠯᠤᠮᠲᠠᠶᠢ ᠮᠢᠨᠢ ᠪᠦᠦ ᠪᠦᠷᠢᠯᠭᠡᠭᠲᠦᠨ᠂ ᠪᠡᠯᠬᠦᠳᠡᠢᠶᠢ ᠪᠦᠦ ᠬᠥᠨᠦᠭᠡᠭᠲᠦᠨ》 ᠭᠡᠳ ᠵᠠᠪᠢᠯᠠᠨ ᠰᠠᠭᠤᠵᠤ ᠬᠦᠯᠢᠶᠡᠪᠡ᠃ ᠲᠡᠮᠦᠵᠢᠨ ᠬᠠᠰᠠᠷ ᠬᠣᠶᠠᠷ ᠬᠣᠢᠨᠠ ᠡᠮᠦᠨᠡᠡᠴᠡ ᠬᠠᠷᠪᠤᠨ ᠠᠯᠠᠪᠠ᠃