Gaiha 《 ᠮᠣᠩᠭᠣᠯᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ》
ᠬᠣᠶᠠᠳᠤᠭᠠᠷ ᠪᠦᠯᠦᠭ᠂ ᠴᠢᠩᠬᠢᠰᠦᠨ ᠢᠳᠡᠷ ᠨᠠᠰᠤ
93᠂ ᠬᠣᠶᠠᠭᠤᠯᠠ ᠨᠠᠬᠤ ᠪᠠᠶᠠᠨᠤ ᠭᠡᠷᠲᠦ ᠬᠦᠷᠪᠡᠯ᠂ ᠬᠦᠪᠡᠭᠦᠨᠢᠶᠡᠨ ᠠᠯᠳᠠᠪᠠ ᠭᠡᠳ ᠨᠢᠰᠤ ᠨᠢᠯᠪᠣᠰᠤ ᠪᠣᠯᠵᠤ ᠪᠠᠢᠭ᠍ᠰᠠᠨ ᠨᠠᠬᠤ ᠪᠠᠶᠠᠨ᠂ ᠬᠦᠪᠡᠭᠦᠨᠢᠶᠡᠨ ᠢᠷᠡᠭᠰᠡᠨᠢ ᠦᠵᠡᠭᠡᠳ ᠨᠢᠭᠡ ᠤᠬᠢᠯᠠᠵᠤ᠂ ᠨᠢᠭᠡ ᠵᠠᠩᠨᠠᠵᠤ ᠄ 《 ᠬᠦᠪᠡᠭᠦᠨ ᠮᠢᠨᠢ ᠶᠠᠭᠤ ᠪᠣᠯᠤᠭᠰᠠᠨᠢᠶᠠᠨ ᠬᠡᠯᠡ》 ᠭᠡᠰᠡᠨᠳᠦ᠂ ᠪᠣᠭᠤᠷᠴᠢ ᠄ 《 ᠡᠨᠡ ᠰᠠᠢᠨ ᠨᠥᠬᠦᠷ ᠮᠣᠩᠭᠠᠨᠢᠵᠤ ᠶᠠᠪᠤᠬᠤᠶᠢ ᠦᠵᠡᠭᠡᠳ ᠬᠠᠮᠲᠤ ᠶᠠᠪᠤᠭᠰᠠᠨ ᠪᠢᠯᠡ᠃ ᠣᠳᠣ᠌ ᠢᠷᠡᠪᠡ》 ᠭᠡᠳ ᠮᠣᠷᠳᠠᠵᠤ ᠬᠡᠭᠡᠷᠡ ᠪᠣᠭᠤᠵᠤ ᠲᠠᠯᠪᠢᠭ᠍ᠰᠠᠨ ᠨᠠᠮᠪᠤᠬᠠ ᠰᠠᠭᠤᠯᠠᠭᠠᠪᠠᠨ ᠠᠪᠴᠤ ᠢᠷᠡᠪᠡ᠃ ᠲᠡᠮᠦᠵᠢᠨᠳᠦ ᠲᠡᠳᠡ ᠲᠡᠯᠡᠭᠡ ᠬᠤᠷᠠᠭᠠ ᠠᠯᠠᠵᠤ ᠬᠦᠨᠡᠰᠦ ᠪᠡᠯᠡᠳᠬᠡᠭᠡᠳ ᠪᠠᠰᠠ ᠭᠠᠨᠵᠤᠭᠠᠶᠢᠨ ᠲᠣᠯᠤᠮ ᠥᠭᠪᠡ᠃ ᠨᠠᠬᠤ ᠪᠠᠶᠠᠨ ᠄ 《 ᠬᠣᠶᠠᠷ ᠵᠠᠯᠠᠭᠤᠰ ᠡᠭᠦᠨᠡᠴᠡ ᠬᠣᠢᠰᠢ ᠰᠠᠢᠬᠠᠨ ᠨᠥᠬᠦᠷᠯᠡ᠂ ᠪᠡᠶᠡ ᠪᠡᠶᠡᠪᠡᠨ ᠪᠢᠳᠡᠬᠡᠢ ᠣᠷᠬᠢ》 ᠭᠡᠪᠡ᠃ ᠲᠡᠨᠳᠡᠴᠡ ᠲᠡᠮᠦᠵᠢᠨ ᠮᠣᠷᠳᠠᠵᠤ ᠭᠤᠷᠪᠠᠨ ᠡᠳᠦᠷ ᠭᠤᠷᠪᠠᠨ ᠰᠦᠨᠢ ᠶᠠᠪᠤᠭᠠᠳ ᠰᠡᠩᠬᠦᠷ ᠭᠣᠷᠤᠬᠠᠨᠳᠤ ᠭᠡᠷᠲᠦᠪᠡᠨ ᠬᠦᠷᠪᠡ᠃ ᠲᠡᠮᠦᠵᠢᠨᠢ ᠢᠷᠡᠬᠦᠳᠦ ᠦᠭᠡᠯᠦᠨ ᠡᠬᠡ᠂ ᠬᠠᠰᠠᠷ ᠬᠢᠭᠡᠳ ᠳᠡᠭᠦᠦ ᠨᠠᠷᠤᠨ ᠵᠣᠪᠠᠨᠢᠯ ᠲᠠᠢᠯᠤᠭᠳᠠᠵᠤ ᠰᠡᠳᠬᠢᠯ ᠪᠠᠶᠠᠰᠪᠠ᠃