Gaiha 《 ᠮᠣᠩᠭᠣᠯᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ》
ᠬᠣᠶᠠᠳᠤᠭᠠᠷ ᠪᠦᠯᠦᠭ᠂ ᠴᠢᠩᠬᠢᠰᠦᠨ ᠢᠳᠡᠷ ᠨᠠᠰᠤ
82᠂ 《 ᠪᠠᠷᠢᠭ᠍ᠳᠠᠭᠰᠠᠨ ᠬᠥᠮᠥᠨᠢ ᠠᠯᠳᠠᠪᠠ 》 ᠭᠡᠵᠦ ᠲᠡᠭᠦᠨᠢ ᠰᠠᠬᠢᠵᠤ ᠪᠠᠢᠭ᠍ᠰᠠᠨ ᠬᠥᠮᠦᠨ ᠶᠡᠬᠡ ᠳᠠᠭᠤᠨᠢᠶᠠᠷ ᠬᠠᠰᠬᠢᠷᠬᠤᠳᠤ᠂ ᠲᠠᠷᠬᠠᠭᠰᠠᠨ ᠲᠠᠢᠴᠢᠭᠤᠳ ᠴᠤᠭᠯᠠᠨ ᠢᠷᠡᠵᠦ ᠡᠳᠦᠷ ᠮᠡᠲᠦ ᠰᠠᠷᠠᠭᠤᠯ ᠰᠦᠨᠢ ᠣᠨᠤᠨᠤ ᠰᠢᠭᠤᠢᠶᠢ ᠨᠡᠩᠵᠢᠨ ᠪᠠᠳᠠᠷᠢᠪᠠ᠃ ᠤᠰᠤᠨᠤ ᠬᠠᠷᠭᠢᠳᠤ ᠬᠡᠪᠲᠡᠵᠦ ᠪᠣᠢ ᠲᠡᠮᠦᠵᠢᠨ ᠲᠠᠢ ᠰᠦᠯᠳᠦᠰᠦᠨᠦ ᠰᠤᠷᠬᠠᠨ ᠰᠢᠷᠠ ᠶᠠᠭ ᠲᠣᠬᠢᠶᠠᠯᠳᠤᠨ ᠦᠵᠡᠵᠦ ᠄ 《 ᠴᠢ ᠡᠢᠮᠦ ᠠᠷᠭᠠ ᠲᠠᠢ ᠪᠦᠭᠡᠳ ᠨᠢᠳᠦᠨᠳᠦᠪᠡᠨ ᠭᠠᠯ ᠲᠠᠢ᠂ ᠨᠢᠭᠤᠷᠲᠤᠪᠠᠨ ᠭᠡᠷᠡᠯ ᠲᠠᠢ ᠬᠥᠮᠥᠨ ᠲᠤᠯᠠ ᠲᠠᠢᠴᠢᠭᠤᠳ ᠡᠢᠨ ᠬᠦ᠌ ᠠᠲᠡᠭᠠᠷᠬᠠᠳᠠᠭ᠃ ᠴᠢ ᠢᠩᠬᠢᠭᠡᠳ ᠬᠡᠪᠲᠡᠵᠤ ᠪᠠᠢ᠃ ᠪᠢ ᠴᠢᠮᠠᠶ᠋ᠢ ᠵᠢᠭᠠᠵᠤ ᠦᠭᠬᠦ ᠦᠭᠡᠢ 》 ᠭᠡᠳ ᠥᠩᠭᠡᠷᠡᠨ ᠭᠠᠷᠪᠠ᠃ ᠴᠢᠨᠠᠭ᠍ᠰᠢ ᠬᠡᠷᠬᠢᠨ ᠡᠷᠢᠬᠦᠶᠢ ᠲᠠᠢᠴᠢᠭᠤᠳ ᠨᠠᠷ ᠵᠦᠪᠯᠡᠬᠦᠳᠦ᠂ ᠰᠤᠷᠬᠠᠨ ᠰᠢᠷᠠ ᠄ 《 ᠬᠥᠮᠥᠨ ᠪᠦᠷᠢ ᠶᠠᠪᠤᠭᠰᠠᠨ ᠮᠦᠷᠢᠶᠡᠷ ᠭᠡᠳᠡᠷᠬᠦ ᠶᠠᠪᠤᠵᠤ ᠣᠷᠴᠢᠮᠤᠨ ᠭᠠᠵᠠᠷᠢ ᠳᠠᠬᠢᠨ ᠰᠢᠯᠭᠠᠵᠤ ᠦᠵᠡᠶᠡ 》 ᠬᠡᠮᠡᠪᠡᠯ᠂ ᠴᠦᠮ 《 ᠵᠠ 》 ᠭᠡᠵᠦ ᠵᠦᠪᠰᠢᠶᠡᠷᠡᠵᠦ᠂ ᠬᠥᠮᠥᠨ ᠪᠦᠷᠢ ᠶᠠᠪᠤᠭᠰᠠᠨ ᠮᠦᠷᠢᠶᠡᠷᠢᠶᠡᠨ ᠶᠠᠪᠤᠵᠤ ᠡᠷᠢᠪᠡ᠃ ᠪᠠᠰᠠ ᠰᠤᠷᠬᠠᠨ ᠰᠢᠷᠠ᠂ ᠲᠡᠮᠦᠵᠢᠨᠢ ᠳᠠᠭᠠᠷᠢᠵᠤ ᠄ 《 ᠠᠬᠠ ᠳᠡᠭᠦᠦ ᠲᠠᠢᠴᠢᠭᠤᠳ ᠨᠠᠷ ᠠᠮᠠ ᠰᠢᠳᠦᠪᠡᠨ ᠪᠢᠯᠡᠭᠦᠳᠡᠵᠦ ᠪᠠᠢᠨᠠ᠃ ᠴᠢ ᠬᠠᠲᠠᠭᠤᠵᠢᠨ ᠬᠡᠪᠲᠡᠵᠤ ᠪᠠᠢ 》 ᠭᠡᠳ ᠥᠩᠭᠡᠷᠡᠭᠡᠵᠦ ᠣᠳᠪᠠ᠃