Gaiha 《 ᠮᠣᠩᠭᠣᠯᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ》
ᠬᠣᠶᠠᠳᠤᠭᠠᠷ ᠪᠦᠯᠦᠭ᠂ ᠴᠢᠩᠬᠢᠰᠦᠨ ᠢᠳᠡᠷ ᠨᠠᠰᠤ
96᠂ ᠲᠡᠮᠦᠵᠢᠨ ᠨᠠᠷ ᠰᠡᠩᠭᠦᠷ ᠭᠣᠷᠤᠬᠠᠨᠠᠴᠠ ᠨᠡᠭᠦᠵᠦ ᠭᠡᠷᠦᠯᠦᠨ ᠮᠦᠷᠡᠨᠦ ᠡᠬᠢ ᠪᠦᠷᠬᠢ ᠡᠷᠭᠢᠳᠦ ᠪᠠᠭᠤᠵᠤ ᠨᠤᠲᠤᠭᠯᠠᠬᠤ ᠴᠠᠭᠲᠤ ᠴᠤᠳᠠᠨ ᠡᠬᠡᠶᠢᠨ ᠰᠢᠳᠭᠦᠯ （ ᠡᠮᠦᠰᠭᠡᠯ） ᠭᠡᠵᠦ ᠠᠪᠴᠢᠷᠠᠭᠰᠠᠨ ᠬᠠᠷᠠ ᠪᠣᠯᠠᠭᠠᠨ ᠳᠠᠬᠤᠶᠢ ᠠᠪᠴᠤ ᠲᠡᠮᠦᠵᠢᠨ ᠬᠠᠰᠠᠷ ᠪᠡᠯᠭᠦᠳᠡᠢ ᠭᠤᠷᠪᠠᠭᠤᠯᠠ ᠶᠢᠰᠦᠭᠡᠢ ᠡᠴᠢᠭᠡᠶᠢᠨ ᠬᠠᠭᠤᠴᠢᠨ ᠲᠣᠳᠤᠨᠤ ᠠᠨᠳᠠ ᠸᠠᠩ ᠬᠠᠨ ᠲᠠᠢ ᠠᠭᠤᠯᠵᠠᠬᠤᠪᠠᠷ ᠣᠴᠢᠪᠠ᠃ ᠡᠴᠢᠭᠡᠶᠢᠨ ᠠᠨᠳᠠ ᠪᠣᠯᠪᠠᠰᠤ ᠡᠴᠢᠭᠡ ᠮᠡᠲᠦ ᠪᠢᠯᠡ ᠭᠡᠵᠦ ᠸᠠᠩ ᠬᠠᠨᠢ ᠲᠤᠤᠯᠠ ᠭᠣᠣᠯᠤᠨ ᠬᠠᠷᠠ ᠲᠥᠩᠳᠦ ᠨᠤᠲᠤᠭᠯᠠᠨ ᠪᠠᠢᠬᠤᠳᠤ ᠬᠦᠷᠴᠦ ᠣᠴᠢᠭᠠᠳ ᠲᠡᠮᠦᠵᠢᠨ ᠄ 《 ᠡᠴᠢᠭᠡᠶᠢᠨ ᠬᠠᠭᠤᠴᠢᠨ ᠠᠨᠳᠠ ᠲᠠ᠂ ᠮᠢᠨᠤ ᠡᠴᠢᠭᠡᠶᠢᠨ ᠠᠳᠠᠯᠢ ᠪᠣᠶᠤ ᠭᠡᠵᠦ ᠪᠢ ᠭᠡᠷᠭᠡᠢ ᠠᠪᠤᠭᠠᠳ ᠡᠮᠦᠰᠭᠡᠯ （ ᠪᠡᠷᠢᠡᠴᠡ ᠬᠦᠷᠭᠡᠨᠦ ᠡᠴᠢᠭᠡᠳᠦ ᠪᠠᠷᠢᠬᠤ ᠪᠡᠯᠡᠭ） ᠬᠠᠷᠠ ᠪᠣᠯᠠᠭᠠᠨ ᠳᠠᠬᠤᠶᠢ ᠴᠢᠮᠠᠳᠣ᠌ ᠠᠪᠴᠢᠷᠠᠪᠠ》 ᠭᠡᠵᠦ ᠪᠣᠯᠭᠠᠨ ᠳᠠᠬᠤᠪᠠᠨ ᠥᠭᠪᠡ᠃ ᠸᠠᠩ ᠬᠠᠨ ᠄ 《 ᠬᠠᠷᠠ ᠪᠤᠯᠠᠭᠠᠨ ᠳᠠᠬᠤᠶᠢᠨ ᠴᠢᠨᠢ ᠬᠠᠷᠢᠭᠤᠳᠤ \ ᠬᠠᠭᠠᠴᠠᠭᠰᠠᠨ ᠤᠯᠤᠰᠢ ᠴᠢᠨᠢ \ ᠬᠠᠮᠲᠤᠳᠬᠠᠵᠤ ᠥᠭᠭᠦᠶᠡ᠃ \ ᠪᠤᠯᠠᠭᠠᠨ ᠳᠠᠬᠤᠶᠢᠨ ᠴᠢᠨᠢ ᠬᠠᠷᠢᠭᠤᠳᠤ \ ᠪᠣᠲᠠᠷᠠᠭᠰᠠᠨ ᠤᠯᠤᠰᠢ ᠴᠢᠨᠢ \ ᠴᠤᠭᠯᠠᠭᠤᠯᠵᠤ ᠥᠭᠭᠦᠶᠡ᠃ \ ᠪᠦᠭᠡᠷᠡ ᠢᠨᠤ ᠪᠥᠭᠰᠡᠨᠳᠦ ᠪᠠᠢᠭ᠋ \ ᠴᠡᠷ ᠢᠨᠤ ᠴᠡᠭᠡᠵᠢᠨᠳᠦ ᠪᠠᠢᠭ᠋》 ᠭᠡᠪᠡ᠃