Gaiha 《 ᠮᠣᠩᠭᠣᠯᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ》
ᠨᠢᠭᠡᠳᠦᠭᠡᠷ ᠪᠦᠯᠦᠭ᠂ ᠲᠡᠮᠦᠵᠢᠨᠦ ᠤ᠌ᠭ ᠭᠠᠷᠤᠯ ᠪᠠ ᠪᠠᠭᠠ ᠨᠠᠰᠤᠨᠤ ᠦᠶᠡ
53᠂ ᠪᠦᠢᠷ ᠬᠥᠯᠦᠨ ᠬᠣᠶᠠᠷ ᠨᠠᠭᠤᠷᠢ ᠬᠣᠯᠪᠤᠵᠤ ᠤᠷᠤᠰᠬᠤ ᠤᠷᠱᠤᠨ ᠮᠦᠷᠡᠨᠳᠦ ᠠᠢᠷᠭᠣᠳ᠂ ᠪᠤᠢᠷᠭᠤᠳ ᠣᠪᠤᠭᠤᠨ ᠲᠠᠲ᠋ᠠᠷ ᠠᠢᠮᠠᠭ ᠨᠤᠲᠤᠭᠯᠠᠳᠠᠭ᠃ ᠲᠡᠳᠡᠨᠳᠦ ᠠᠮᠪᠠᠭᠠᠢ ᠬᠠᠭᠠᠨ ᠦᠬᠢᠨᠢᠶᠡᠨ ᠦᠭᠴᠦ᠂ ᠥᠪᠡᠷᠢᠶᠡᠨ ᠦᠬᠢᠨᠢᠶᠡᠨ ᠬᠦᠷᠭᠡᠵᠦ ᠤᠴᠢᠭᠠᠳ ᠲᠠᠲ᠋ᠠᠷᠲᠤ ᠪᠠᠷᠢᠭ᠍ᠳᠠᠪᠠ᠃ ᠲᠠᠲ᠋ᠠᠷ᠂ ᠠᠮᠪᠠᠭᠠᠢ ᠬᠠᠭᠠᠨᠢ ᠪᠠᠷᠢᠵᠤ ᠭᠢᠳᠠᠨᠤ ᠠᠯᠲᠠᠨ ᠬᠠᠭᠠᠨᠳᠤ ᠬᠦᠷᠭᠡᠪᠡ᠃ ᠠᠮᠪᠠᠭᠠᠢ ᠬᠠᠭᠠᠨᠠᠴᠠ ᠪᠠᠰᠤᠳ ᠣᠪᠤᠭᠤᠨ ᠪᠠᠯᠬᠠᠴᠢ ᠭᠡᠬᠦ ᠬᠥᠮᠥᠨᠢ ᠡᠯᠴᠢ ᠪᠤᠯᠭᠠᠵᠤ᠄《 ᠬᠠᠪᠤᠯ ᠬᠠᠭᠠᠨᠤ ᠳᠣᠯᠤᠭᠠᠨ ᠬᠦᠪᠡᠭᠦᠨᠦ ᠳᠣᠮᠳᠠᠬᠢ ᠬᠤᠲᠠᠯᠠᠳᠤ᠂ ᠮᠢᠨᠤ ᠠᠷᠪᠠᠨ ᠬᠦᠪᠡᠭᠦᠨᠦ ᠳᠤᠮᠳᠠᠬᠢ ᠬᠠᠳᠠᠭᠠᠨ ᠲᠠᠢᠵᠢᠳᠤ ᠴᠢ ᠣᠴᠢᠵᠤ ᠬᠡᠯᠡ᠃ ᠬᠠᠮᠤᠭᠤᠨ ᠬᠠᠭᠠᠨ᠂ ᠤᠯᠤᠰᠤᠨ ᠡᠵᠡᠨ ᠪᠠᠢᠲᠠᠯᠠ᠂ ᠦᠬᠢᠨᠢᠶᠡᠨ ᠥᠪᠡᠷᠢᠶᠡᠨ ᠥᠳᠡᠵᠦ ᠬᠦᠷᠭᠡᠬᠦᠶᠢ ᠨᠠᠳᠠᠪᠠᠷ ᠴᠡᠭᠡᠷ ᠪᠣᠯᠭᠠᠭᠲᠤᠨ！ ᠪᠢ ᠲᠠᠲ᠋ᠠᠷ ᠠᠢᠮᠠᠭᠲᠤ ᠪᠠᠷᠢᠭ᠍ᠳᠠᠪᠠ᠃ ᠲᠠᠪᠤᠨ ᠬᠤᠷᠤᠭᠤᠨᠤ ᠬᠢᠮᠤᠰᠤᠶᠢ ᠲᠡᠮᠲᠦᠷᠡᠲᠡᠯᠡ᠂ ᠠᠷᠪᠠᠨ ᠬᠣᠷᠤᠭᠤᠪᠠᠨ ᠪᠠᠷᠠᠭᠳᠠᠲᠠᠯᠠ ᠮᠢᠨᠤ ᠦᠰᠢᠶᠡᠶᠢ ᠠᠪᠬᠤᠶᠢ ᠣᠷᠤᠯᠳᠤᠭᠲᠤᠨ》 ᠭᠡᠵᠦ ᠬᠡᠯᠡᠪᠡ᠃