Gaiha ᠪᠢ ᠮᠣᠩᠭᠣᠯ ᠬᠦᠮᠦᠨ
– ᠴ᠂ ᠴᠢᠮᠡᠳ
ᠠᠷᠭᠠᠯᠤᠨ ᠤᠲᠤᠭᠠ ᠪᠣᠷᠭᠢᠯᠤᠭᠰᠠᠨ
ᠮᠠᠯᠴᠢᠨᠤ ᠭᠡᠷᠲᠦ ᠲᠥᠷᠦᠭᠰᠡᠨ ᠪᠢ
ᠠᠲᠠᠷ ᠬᠡᠭᠡᠷᠡ ᠨᠤᠲᠤᠭᠢᠶᠠᠨ
ᠥᠯᠦᠭᠡᠢ ᠮᠢᠨᠢ ᠭᠡᠵᠤ ᠪᠣᠳᠤᠳᠠᠭ᠃
ᠴᠡᠩᠬᠡᠷ ᠮᠠᠨᠠᠨ ᠰᠤᠭᠤᠨᠠᠭᠯᠠᠭᠰᠠᠨ
ᠠᠯᠤᠰᠤᠨ ᠪᠠᠷᠠᠶᠢ ᠰᠢᠷᠲᠡᠭᠡᠳ
ᠴᠡᠯᠡᠭᠡᠷ ᠰᠠᠢᠬᠠᠨ ᠨᠤᠲᠤᠭᠢᠶᠠᠨ
ᠰᠡᠳᠬᠢᠯ ᠪᠠᠬᠠᠳᠤᠨ ᠬᠠᠷᠠᠬᠤᠳᠤ
ᠦᠯᠢᠶᠡᠵᠤ ᠪᠠᠢᠭᠠ ᠰᠠᠯᠬᠢ ᠨᠢ
ᠦᠨᠦᠰᠦᠭᠡᠳ ᠪᠠᠢᠭᠠ ᠴᠤ᠌ ᠶᠤᠮ ᠰᠢᠭ᠋
ᠦᠷᠦᠰᠢᠶᠡᠯᠲᠦ ᠡᠵᠢᠶᠢᠨ ᠮᠢᠨᠢ ᠭᠠᠷ
ᠢᠯᠪᠢᠭᠡᠳ ᠪᠠᠢᠭᠠ ᠴᠤ᠌ ᠶᠤᠮ ᠰᠢᠭ᠋
ᠡᠨᠡᠷᠢᠩᠭᠦᠢ ᠰᠠᠢᠬᠠᠨ ᠰᠠᠨᠠᠭᠳᠠᠬᠤᠳᠤ
ᠡᠯᠢᠭᠡ ᠵᠢᠷᠦᠬᠡ ᠮᠢᠨᠢ ᠳᠤᠭᠳᠤᠯᠠᠵᠤ
ᠬᠤᠤᠰ ᠦᠭᠡᠢ ᠪᠠᠶᠠᠷᠤᠨ ᠨᠢᠯᠪᠣᠰᠤ
ᠬᠣᠶᠠᠷ ᠨᠢᠳᠦᠶᠢ ᠮᠢᠨᠢ ᠪᠥᠷᠬᠦᠳᠡᠭ᠃
ᠥᠷᠭᠡᠨ ᠰᠠᠢᠬᠠᠨ ᠨᠤᠲᠤᠭᠤᠨᠢᠶᠠᠨ
ᠡᠪᠴᠢᠭᠦᠨ ᠳᠡᠭᠡᠷᠡ ᠨᠢ ᠲᠥᠷᠦᠭᠡᠳ
ᠦᠨᠢᠷ ᠠᠭᠤᠳᠠᠮ ᠲᠠᠯᠠᠶᠢᠨᠢᠶᠡᠨ
ᠥᠩᠭᠡᠲᠦ ᠠᠮᠢᠳᠤᠷᠠᠯᠤᠨ ᠲᠦᠯᠦᠭᠡ
ᠠᠮᠢ ᠪᠠᠶᠡᠪᠠᠨ ᠵᠤᠷᠢᠭᠤᠯᠳᠠᠭ
ᠠᠷᠢᠭᠤᠨ ᠨᠠᠨᠳᠢᠨ ᠵᠠᠩᠰᠢᠯ ᠲᠠᠢ
ᠡᠪᠦᠭᠡᠳ ᠬᠦᠭᠰᠢᠳ ᠳᠡᠭᠡᠳᠦᠰᠦᠨ ᠮᠢᠨᠢ
ᠦᠷᠡᠪᠡᠨ ᠭᠡᠵᠦ ᠨᠠᠢᠳᠠᠭᠠᠳ
ᠦᠯᠡᠳᠡᠭᠡᠵᠤ ᠨᠠᠳᠠᠳᠤ ᠥᠭᠭᠦᠭᠰᠡᠨ
ᠦᠨᠢᠷ ᠮᠣᠩᠭᠣᠯ ᠣᠷᠤᠨᠤ
ᠨᠠᠷᠠ ᠨᠢ ᠨᠠᠮᠠᠶ᠋ᠢ ᠭᠡᠢᠭᠦᠯᠵᠤ
ᠨᠠᠷᠢᠨ ᠰᠠᠯᠬᠢ ᠨᠢ ᠦᠯᠢᠶᠡᠵᠤ
ᠨᠠᠮᠢᠷᠠᠭᠠ ᠬᠤᠷᠠ ᠨᠢ ᠲᠡᠵᠢᠭᠡᠵᠤ
ᠨᠠᠢᠷᠠᠮᠲᠠᠢ ᠰᠠᠢᠬᠠᠨ ᠣᠷᠤᠨ ᠮᠢᠨᠢ
ᠨᠠᠳᠠ ᠲᠠᠢ ᠬᠣᠪᠢ ᠨᠢᠭᠡ ᠪᠠᠢᠳᠠᠭ ᠲᠤᠯᠠ
ᠤᠨᠠᠭᠰᠠᠨ ᠡᠨᠡ ᠨᠤᠲᠤᠭᠢᠶᠠᠨ ᠪᠢ
ᠥᠪᠡᠷᠦᠨ ᠪᠡᠶᠡ ᠰᠢᠭ᠌ ᠬᠠᠢᠷᠠᠯᠠᠵᠤ
ᠤᠭᠢᠶᠠᠭᠰᠠᠨ ᠲᠤᠩᠭᠠᠯᠠᠭ ᠮᠥᠷᠡᠨᠢᠶᠡᠨ ᠪᠢ
ᠡᠬᠡᠶᠢᠨ ᠰᠦ ᠰᠢᠭ᠌ ᠰᠠᠨᠠᠳᠠᠭ᠃
ᠡᠨᠡ ᠨᠤᠲᠤᠭᠲᠠᠭᠠᠨ ᠪᠢ ᠡᠵᠡᠨ ᠨᠢ ᠶᠤᠮ᠃
ᠡᠩᠭᠦᠷᠠᠢᠯᠠᠯ ᠳ᠋ᠤᠨᠢ ᠥᠰᠦᠭᠰᠡᠨ ᠬᠦᠦ ᠨᠢ ᠶᠤᠮ᠃
ᠢᠷᠡᠭᠡᠳᠦᠢᠳᠦ ᠲᠥᠮᠡᠨ ᠲᠠᠢᠪᠠᠨ ᠪᠣᠰᠬᠠᠯᠴᠠᠬᠤ
ᠶᠡᠬᠡ ᠡᠬᠦᠷᠭᠡᠶᠢ ᠬᠦᠯᠢᠶᠡᠭᠰᠡᠨ ᠶᠤᠮ᠃
ᠬᠡᠷᠪᠡ ᠬᠦᠮᠦᠨ ᠡᠬᠡ ᠣᠷᠤᠨᠢᠶᠠᠨ
ᠬᠠᠮᠤᠭᠠᠴᠠ ᠦᠨᠡᠲᠠᠢ ᠭᠡᠳᠡᠭ ᠪᠣᠯ
ᠬᠡᠭᠡᠷᠡ ᠲᠠᠯᠠ ᠨᠤᠲᠤᠭᠢᠶᠠᠨ
ᠶᠠᠭᠤᠨᠠᠴᠠ ᠴᠤ᠌ ᠢᠯᠡᠬᠦᠦ ᠰᠠᠨᠠᠳᠠᠭ ᠪᠣᠯ
ᠠᠵᠢᠯᠯᠠᠬᠤ ᠬᠥᠳᠡᠯᠬᠦ ᠪᠦᠷᠢᠳᠡᠭᠡᠨ
ᠠᠯᠬᠤᠵᠤ ᠬᠢᠰᠬᠢᠬᠦ ᠪᠣᠯᠭᠠᠨᠳᠠᠭᠠᠨ
ᠠᠤᠭᠠ ᠣᠷᠤᠨᠤᠪᠠᠨ ᠲᠥᠯᠦᠭᠡ ᠪᠣᠯ
ᠠᠯᠲᠠᠨ ᠰᠢᠷᠤᠢ ᠤᠷᠤᠭᠤᠪᠠᠨ ᠲᠠᠭᠠᠷᠢᠭ᠍ᠰᠠᠨ
ᠠᠲᠠᠭᠠᠲᠠᠨᠤ ᠬᠣᠣᠷᠠᠲᠤ ᠰᠤᠮᠤᠶᠢ
ᠠᠶᠤᠰᠢ ᠰᠢᠭ᠋ᠴᠡᠭᠡᠵᠢᠪᠡᠷᠢᠶᠡᠨ ᠲᠠᠭᠯᠠᠬᠤ
ᠠᠮᠢᠪᠡᠨ ᠥᠭᠬᠦᠡᠴᠡ ᠪᠣᠴᠠᠳᠠᠭ ᠦᠭᠡᠢ ᠪᠣᠯ
ᠡᠨᠡ ᠬᠦᠮᠦᠨ ᠮᠣᠩᠭᠣᠯ ᠬᠦᠮᠦᠨ᠃
ᠡᠬᠡ ᠣᠷᠤᠨᠳᠠᠭᠠᠨ ᠬᠠᠢᠷᠠᠲᠠᠢ ᠬᠦᠮᠦᠨ᠃
ᠡᠨᠡ ᠬᠠᠢᠷᠠ ᠨᠢ ᠮᠣᠩᠭᠤᠯᠴᠤᠳᠲᠤ
ᠡᠷᠲᠡᠨᠡᠴᠡ ᠬᠡᠪᠰᠢᠭᠰᠡᠨ ᠬᠠᠢᠷᠠ ᠭᠡᠨᠡ᠃
ᠪᠢ ᠮᠣᠩᠭᠣᠯ ᠬᠦᠮᠦᠨ ᠪᠣᠯᠬᠤᠷ
ᠪᠢᠨᠳᠠᠷᠢᠶᠠ ᠨᠤᠲᠤᠭᠤᠨᠢᠶᠠᠨ ᠲᠥᠯᠦᠭᠡ
ᠠᠮᠢ ᠪᠡᠶᠡ᠂ ᠪᠦᠬᠦ ᠨᠠᠰᠤᠪᠠᠨ
ᠠᠪᠴᠤ ᠪᠠᠢᠭᠠ ᠠᠮᠢᠰᠬᠤᠭᠠᠪᠠᠨ
ᠣᠷᠭᠢᠯᠠᠵᠤ ᠪᠠᠢᠭᠠ ᠵᠤᠷᠢᠭ᠋ᠢᠶᠠᠨ
ᠠᠯᠢᠶᠢ ᠨᠢ ᠴᠤ᠌ ᠬᠠᠢᠷᠠᠯᠠᠯ ᠦᠭᠡᠢ ᠵᠣᠷᠠᠭᠤᠯᠳᠠᠭ᠃
ᠲᠥᠷᠦᠯᠬᠢ ᠨᠤᠲᠤᠭᠢᠶᠠᠨ ᠭᠡᠢᠭᠦᠯᠦᠭᠰᠡᠨ
ᠨᠠᠷᠠᠨᠤ ᠲᠤᠶᠠᠭᠠᠨᠳᠤ ᠬᠠᠢᠷᠠᠲᠠᠢ ᠪᠢ᠂
ᠲᠥᠪᠰᠢᠨ ᠲᠠᠯᠠᠳᠠᠭᠠᠨ ᠴᠤᠤᠷᠢᠶᠠᠲᠤᠭᠰᠠᠨ
ᠡᠭᠡᠰᠢᠭᠲᠦ ᠳᠠᠭᠤᠤᠳᠤ ᠳᠤᠷᠠᠲᠠᠢ ᠪᠢ᠂
ᠬᠠᠨᠠᠭᠠᠷ ᠴᠢᠯᠦᠭᠡᠲᠦ ᠨᠤᠲᠤᠭᠢᠶᠠᠨ
ᠬᠠᠷᠠᠬᠤ ᠲᠣᠰᠤᠮᠢᠶᠠᠨ ᠪᠠᠶᠠᠰᠴᠤ ᠪᠠᠢᠨᠠ᠃
ᠬᠠᠯᠠᠭᠤᠨ ᠠᠮᠢᠪᠠᠨ ᠬᠠᠢᠷᠠᠯᠠᠬᠤ ᠦᠭᠡᠢ
ᠵᠢᠳᠭᠦᠬᠦ ᠵᠣᠷᠢᠭ᠋ ᠨᠡᠮᠡᠭᠳᠡᠵᠦ ᠪᠠᠢᠨᠠ᠃
赞 (0)