ᠦᠬᠦᠬᠦ ᠬᠥᠮᠥᠨᠳᠦ ᠬᠠᠨᠢ ᠬᠡᠷᠡᠭ ᠦᠭᠡᠢ
– ᠪ᠂ ᠳ᠋ᠣᠭ᠍ᠮᠢᠳ
ᠪᠦᠳᠡᠬᠢ ᠭᠡᠷᠡᠯ ᠲᠠᠢ ᠴᠢᠯᠠᠭᠤᠨ ᠱᠠᠯᠠ ᠲᠠᠢ ᠳᠠᠪᠴᠢᠭᠤᠬᠠᠨ ᠥᠷᠦᠭᠡᠨᠦ ᠬᠣᠢᠮᠤᠷᠲᠤ ᠳᠡᠪᠢᠰᠦᠭᠰᠡᠨ ᠡᠪᠡᠰᠦ ᠰᠦᠷᠡᠯ ᠳᠡᠭᠡᠷᠡ ᠬᠣᠶᠠᠷ ᠬᠣᠷᠢᠭ᠍ᠳᠠᠯ ᠡᠷᠡ ᠵᠡᠷᠭᠡᠴᠡᠨ ᠬᠡᠪᠲᠡᠵᠤ ᠪᠠᠢᠯᠠ᠃ ᠲᠡᠷᠡ ᠬᠣᠶᠠᠭᠤᠯᠠ ᠠᠭᠠᠯᠵᠢᠨ ᠰᠢᠯᠦᠰᠦ᠂ ᠣᠲᠣᠭᠠ ᠲᠣᠷᠳᠤᠭᠲᠤ ᠪᠠᠷᠢᠭ᠍ᠳᠠᠭᠰᠠᠨ ᠠᠲᠠᠷ ᠰᠢᠷᠲᠡᠨ ᠲᠣᠰ ᠲᠣᠰᠤᠨᠢᠶᠠᠨ ᠴᠢᠯᠠᠭᠤ ᠠᠳᠠᠯᠢ ᠬᠥᠨᠳᠥ᠍ ᠪᠣᠳᠤᠯᠳᠤ ᠳᠠᠷᠤᠭᠳᠠᠨ ᠰᠠᠨᠠᠭᠠᠰᠢᠷᠠᠨᠠ᠃ ᠶᠠᠪᠣᠬᠤ ᠭᠠᠵᠠᠷ ᠬᠡᠮᠵᠢᠶᠡ ᠲᠠᠢ᠂ ᠶᠠᠷᠢᠬᠤ ᠦᠭᠡ ᠲᠣᠭᠠ ᠲᠠᠢ᠃ ᠡᠨᠡ ᠴᠢᠬᠢᠭ᠌ ᠬᠠᠩᠬᠤᠯᠤᠭᠰᠠᠨ ᠦᠮᠡᠬᠡᠢ ᠪᠠᠢᠰᠢᠩᠳᠤ ᠬᠥᠮᠥᠨᠦ ᠪᠡᠶᠡ ᠪᠠᠢᠲᠤᠭᠠᠢ ᠪᠣᠳᠤᠯ ᠰᠡᠳᠬᠢᠯ ᠬᠦᠷᠲᠡᠯᠡ ᠬᠦᠯᠢᠶᠡᠰᠦᠨᠳᠦ ᠣᠷᠤᠵᠤ ᠴᠤᠤᠵᠢᠯᠠᠭᠳᠠᠳᠠᠭᠢ ᠨᠠᠷᠠᠨᠳᠤ ᠡᠷᠬᠡ ᠴᠢᠯᠦᠭᠡ ᠲᠠᠢ ᠶᠠᠪᠤᠭᠠ ᠬᠥᠮᠥᠨ ᠶᠠᠭᠠᠬᠢᠨ ᠮᠡᠳᠡᠬᠦ ᠰᠠᠨ ᠪᠢᠯᠡ᠃ ᠲᠡᠷᠡ ᠬᠣᠶᠠᠷᠤᠨ ᠨᠠᠰᠤᠪᠠᠷ ᠠᠷᠠᠢ ᠠᠬᠠᠮᠠᠳ᠂ ᠦᠰᠦ ᠰᠠᠬᠠᠯᠳᠤᠪᠠᠨ ᠪᠠᠷᠢᠭ᠍ᠳᠠᠭᠰᠠᠨ ᠴᠣᠩᠬᠢᠭᠠᠷ ᠴᠢᠷᠠᠢ ᠲᠠᠢ᠂ ᠶᠠᠰᠤᠷᠬᠠᠭ ᠲᠣᠷᠠᠩᠬᠠᠢ ᠡᠷᠡ ᠰᠢᠷᠬᠠᠨᠳᠤᠪᠠᠨ ᠡᠮᠵᠡᠭᠯᠡᠨ ᠪᠣᠯᠭᠤᠮᠵᠢᠲᠠᠢ ᠵᠦᠭᠡᠯᠡᠨ ᠡᠷᠭᠢᠭᠰᠡᠨᠢᠶᠡᠨ᠄
《 ᠨᠠᠷᠠ ᠰᠠᠯᠬᠢ ᠨᠢᠭᠡ ᠦᠵᠡᠭᠡᠳ ᠨᠢᠳᠦ ᠠᠨᠢᠬᠤ ᠶᠤᠮ ᠰᠠᠨ᠃ ᠰᠢᠷᠬᠠᠨᠳᠤ ᠦᠨᠦᠷ ᠣᠷᠤᠭᠠᠳ ᠠᠮᠢᠳᠤᠪᠠᠷᠢᠶᠠᠨ ᠥᠮᠡᠬᠡᠢᠷᠡᠵᠦ ᠭᠦᠢᠴᠡᠯᠡ᠃ ᠶᠠᠫᠤᠨᠤ ᠬᠡᠳᠦᠨ ᠱᠣᠷᠣᠩ ᠳᠠᠮᠵᠢᠬᠤᠳᠤᠪᠠᠨ ᠠᠷᠠᠢ ᠢᠩᠬᠢᠲᠡᠯᠡ ᠲᠤᠢᠯᠳᠠᠭᠠ ᠦᠭᠡᠢ ᠶᠤᠮ ᠰᠠᠨ᠃ ᠮᠢᠨᠤ ᠦᠬᠦᠬᠦ ᠭᠠᠵᠠᠷᠤᠨ ᠰᠢᠷᠤᠢ ᠡᠨᠳᠡ ᠫᠤᠷᠭᠢᠭ᠍ᠰᠠᠨ ᠪᠠᠢᠯᠬᠦᠢ ᠳᠠ》 ᠭᠡᠳ ᠴᠠᠭᠠᠰᠢᠪᠠᠨ ᠬᠡᠯᠡᠬᠦ ᠦᠭᠡ ᠮᠣᠩᠬᠤᠷᠳᠠᠪᠠ ᠪᠣᠯᠤᠯᠲᠠᠢ᠂ ᠤᠷᠲᠤ ᠭᠡᠭᠴᠢ ᠰᠠᠨᠠᠭᠠ ᠠᠯᠳᠠᠯᠠ᠃ ᠲᠡᠭᠦᠨᠦ ᠡᠨᠡ ᠰᠢᠨᠡᠯᠭᠠᠲᠠᠢ ᠴᠦᠬᠦᠷᠡᠩᠭᠦᠢ ᠦᠭᠡᠨᠳᠦ ᠥᠷᠦᠴᠡ ᠬᠦᠨᠳᠡᠭᠦᠷᠯᠡᠨ ᠥᠷᠦᠪᠳᠦᠭᠰᠡᠨ ᠵᠠᠮᠰᠤ ᠰᠡᠳᠬᠢᠯᠢ ᠨᠢ ᠵᠠᠰᠠᠬᠤ ᠨᠠᠭᠠᠰᠢᠲᠠᠢ ᠦᠭᠡ ᠬᠠᠢᠬᠤ ᠮᠡᠨᠳᠦ ᠱᠣᠷᠤᠩᠤᠨ ᠬᠠᠷᠠᠩᠭᠤᠢ ᠳᠠᠪᠴᠢᠭᠤ ᠥᠷᠦᠭᠡᠨᠦ ᠥᠨᠴᠦᠭ ᠪᠣᠯᠤᠩ ᠤᠷᠤᠭᠤ ᠬᠠᠷᠠᠭᠠ ᠭᠦᠶᠦᠯᠭᠡᠭᠰᠡᠨᠢᠶᠡᠨ᠄
《 ᠬᠥᠮᠥᠨ ᠵᠣᠪᠠᠯᠠᠩᠢ ᠳᠠᠭᠠᠭᠠᠳᠠᠭ ᠶᠤᠮ᠃ ᠣᠳᠣ᠌ ᠢᠯᠠᠯᠲᠠ ᠣᠢᠷᠠᠲᠤᠭᠰᠠᠨ᠃ ᠮᠠᠨᠤ ᠬᠢᠨ ᠨᠢᠭᠡ ᠯᠡ ᠡᠳᠦᠷ ᠤᠷᠢᠶᠠ ᠬᠠᠰᠬᠢᠷᠤᠭᠠᠳ ᠣᠷᠤᠭᠠᠳ ᠢᠷᠡᠨᠡ᠃ ᠳᠡᠰᠯᠡᠭᠴᠢ ᠲᠠ ᠲᠡᠷᠡ ᠪᠣᠯᠲᠠᠯᠠ ᠳᠡᠰᠬᠥ ᠬᠡᠷᠡᠭᠲᠡᠢ᠃ ᠠᠮᠢᠳᠤ ᠶᠠᠪᠤᠭᠰᠠᠨ ᠬᠥᠮᠥᠨ ᠠᠯᠲᠠᠨ ᠠᠶᠠᠭᠠᠨᠠᠴᠠ ᠤᠰᠤ ᠤᠤᠭᠤᠬᠤ ᠴᠠᠭ ᠪᠣᠢ》 ᠭᠡᠵᠦ ᠬᠡᠯᠡᠭᠡᠳ ᠲᠡᠷᠡ ᠦᠭᠡᠨᠳᠦᠪᠡᠨ ᠡᠷᠡᠭᠡᠯᠵᠡᠨ ᠥᠪᠡᠷᠢᠪᠡᠨ ᠬᠡᠳᠦᠢᠳᠦᠪᠡᠨ ᠡᠢᠮᠦ ᠪᠡᠯᠡᠨ ᠰᠡᠴᠡᠨ ᠦᠭᠡ ᠲᠠᠢ ᠪᠣᠯᠴᠢᠬᠠᠭᠰᠠᠨᠢ ᠭᠠᠢᠬᠠᠭᠠᠳ ᠣᠯᠤᠭᠰᠠᠨ ᠦᠭᠡᠢ᠃ ᠤᠴᠢᠷᠤᠨ ᠦᠵᠦᠭᠦᠷ ᠨᠢ ᠥᠯᠦ ᠣᠯᠳᠠᠬᠣ᠌ ᠤᠨᠢᠰᠤᠭᠠ ᠳᠠᠭᠠᠪᠦᠷᠢ ᠰᠢᠭ᠋ ᠡᠭᠡᠳᠡᠷᠡᠭᠡᠨ ᠲᠠᠢ ᠭᠦᠨ ᠪᠣᠳᠤᠯᠳᠤ ᠣᠯᠠᠨ ᠬᠣᠨᠤᠭ ᠳᠠᠷᠤᠭᠳᠠᠨ ᠥᠯᠦᠰᠬᠦ ᠡᠪᠡᠳᠬᠦᠶᠢ ᠪᠠᠢᠲᠤᠭᠠᠢ ᠡᠷᠡᠮᠳᠡᠭ ᠵᠡᠷᠡᠮᠳᠡᠭ ᠪᠣᠯᠤᠭᠰᠠᠨ ᠠᠮᠢᠳᠤ ᠪᠡᠶᠡᠪᠡᠨ ᠠᠯᠢ ᠡᠷᠲᠡ ᠮᠠᠷᠲᠠᠭᠰᠠᠨ ᠨᠢᠰᠭᠡᠭᠴᠢ ᠪᠠᠲᠤ᠂ ᠵᠠᠮᠰᠤᠶᠢᠨ ᠰᠠᠶᠢ ᠶᠠᠭᠤ ᠬᠡᠯᠡᠭᠰᠡᠨᠢ ᠪᠠᠷᠤᠭ ᠠᠩᠵᠠᠭᠠᠷᠠᠭᠰᠠᠨ ᠦᠭᠡᠢ᠃
ᠪᠢ ᠡᠨᠡ ᠵᠠᠯᠠᠭᠤ ᠲᠠᠢ ᠭᠤᠷᠪᠠᠨ ᠰᠠᠷᠠ ᠰᠢᠬᠠᠮ ᠨᠢᠭᠡ ᠥᠷᠦᠭᠡᠨᠳᠦ ᠬᠣᠷᠢᠭ᠍ᠳᠠᠯᠠ᠃ ᠰᠢᠷᠬᠠ ᠬᠥᠨᠳᠦᠷᠡᠵᠤ ᠪᠡᠶᠡ ᠰᠤᠯᠠᠷᠠᠬᠤᠪᠠᠷ ᠤᠬᠠᠭᠠᠨ ᠴᠤᠴᠠᠵᠤ ᠡᠭᠡᠳᠡᠷᠡᠳᠡᠭ ᠶᠤᠮ ᠪᠣᠯᠪᠠ ᠦᠦ？ ᠵᠠᠷᠢᠮᠳᠠᠭᠠᠨ ᠰᠢᠷᠬᠠᠨᠳᠤᠪᠠᠨ ᠬᠠᠯᠠᠭᠤᠷᠠᠨ ᠰᠣᠯᠢᠶᠠᠷᠠᠵᠤ ᠪᠠᠢᠨᠠ ᠦᠦ ᠭᠡᠮᠡᠷ ᠡᠯᠳᠡᠪᠦᠨ ᠣᠷᠣᠭᠠ ᠪᠣᠰᠬᠠᠭᠠ ᠶᠠᠭᠤᠮᠠ ᠪᠣᠳᠤᠵᠤ ᠠᠮᠢᠪᠠᠨ ᠬᠣᠷᠤᠭᠠᠴᠢᠬᠠᠮᠠᠷ ᠰᠠᠨᠠᠭᠳᠠᠬᠣ᠌ ᠶᠤᠮ᠃ ᠬᠠᠷᠠᠪᠠᠰᠤ ᠡᠨᠡ ᠬᠠᠯᠬᠠ ᠵᠠᠯᠠᠭᠤ ᠳᠠᠩᠳᠠ ᠡᠨᠡ ᠥᠮᠡᠬᠡᠢ ᠨᠥᠬᠡᠨᠳᠦ ᠨᠠᠳᠠ ᠲᠠᠢ ᠬᠠᠮᠲᠤ ᠬᠡᠳᠦᠨ ᠰᠠᠷᠠ ᠬᠣᠷᠢᠭ᠍ᠳᠠᠨᠠ ᠭᠡᠵᠦ ᠪᠠᠢᠮᠠᠷ ᠦᠭᠡᠢ ᠰᠠᠨ᠃ ᠠᠷᠠᠰᠤᠪᠠᠨ ᠠᠮᠢᠳᠤᠪᠠᠷᠢᠶᠠᠨ ᠥᠪᠴᠢᠭᠦᠯᠬᠦᠡᠴᠡ ᠨᠠᠭᠠᠭᠤᠷ ᠳᠠᠮᠤᠯᠠᠭᠤᠯᠬᠤᠳᠤᠪᠠᠨ ᠭᠠᠭᠴᠠ ᠴᠤ᠌ ᠦᠨᠡᠨ ᠦᠬᠡ ᠬᠡᠯᠡᠭᠡᠳ ᠦᠭᠡᠢ ᠬᠥᠮᠥᠨᠢ ᠬᠡᠪ ᠭᠡᠨᠡᠳᠲᠡ ᠰᠢᠷᠬᠠᠨᠤᠪᠠᠨ ᠬᠠᠯᠠᠭᠤᠨᠳᠤ ᠰᠣᠯᠢᠶᠠᠷᠠᠭᠠᠳ ᠬᠠᠮᠤᠭ ᠪᠠᠢᠳᠠᠭᠢᠶᠠᠨ ᠲᠣᠭᠠᠴᠢᠴᠢᠬᠠᠨᠠ ᠭᠡᠵᠦ ᠰᠠᠨᠠᠮᠠᠷ ᠦᠭᠡᠢ ᠰᠠᠨ᠃ ᠶᠠᠫᠤᠨᠴᠤᠳ ᠲᠡᠢᠮᠤ ᠲᠡᠨᠡᠭ ᠭᠡᠨᠡᠭᠡᠨ ᠬᠥᠮᠥᠰ ᠪᠢᠰᠢ᠃ ᠶᠠᠬᠡ ᠤᠷᠠᠨ ᠲᠣᠷᠭᠠᠨ （ ᠨᠠᠷᠢᠨ ᠤᠬᠠᠭᠠᠨ） ᠲᠠᠢ ᠳᠣᠲᠣᠷ ᠲᠠᠮᠢᠷ ᠲᠠᠢ ᠠᠮᠢᠲᠠᠳ᠃ ᠬᠠᠷᠢᠨ ᠶᠠᠭᠠᠬᠢᠭᠠᠳ ᠨᠠᠮᠠᠶᠢ ᠴᠠᠭᠠᠰᠢ ᠬᠠᠷᠠᠭᠣᠯᠴᠢᠬᠠᠬᠤ ᠦᠭᠡᠢ ᠢᠩᠬᠢᠵᠤ ᠤᠳᠠᠭᠠᠨ ᠬᠠᠳᠠᠭᠠᠯᠠᠭᠠᠳ ᠪᠠᠢᠭᠠ ᠶᠤᠮ ᠪᠣᠯ？ ᠶᠠᠳᠠᠷᠠᠵᠤ ᠲᠤᠢᠯᠳᠠᠭᠠᠳ ᠶᠠᠰᠤ ᠠᠷᠠᠰᠤ ᠪᠣᠯᠬᠣ᠌ᠶᠢᠨ ᠴᠠᠭᠲᠤᠪᠠᠨ ᠠᠮᠢ ᠭᠤᠶᠤᠵᠤ ᠠᠶᠠᠨᠳᠠᠭᠠᠨ ᠳᠣᠯᠣᠭᠠᠨ ᠪᠣᠯᠴᠢᠷᠬᠠᠢᠪᠠᠨ ᠲᠣᠭᠠᠴᠢᠨᠠ ᠭᠡᠵᠦ ᠬᠦᠯᠢᠶᠡᠭᠡ ᠦᠭᠡᠢ ᠪᠠᠢᠯᠲᠠᠢ᠃
ᠪᠢ ᠡᠨᠡ ᠵᠠᠯᠠᠭᠤᠶᠢ ᠤᠬᠠᠭᠠᠨᠤᠪᠠᠨ ᠬᠢᠷᠢᠪᠡᠷ ᠤᠯᠠᠨ ᠳᠠᠬᠢᠨ ᠮᠠᠭᠤ ᠦᠭᠡᠢ ᠰᠢᠯᠭᠠᠭᠰᠠᠨ᠂ ᠦ ᠰᠡᠪ ᠣᠯᠤᠭᠠ ᠦᠭᠡᠢ᠃ ᠲᠡᠭᠦᠨᠦ ᠬᠡᠯᠡᠭᠰᠡᠨ ᠪᠣᠯᠭᠠᠨ ᠦᠨᠡᠨ ᠪᠠᠢᠳᠠᠭ᠃ ᠬᠡᠷᠪᠡ ᠰᠠᠮᠤᠷᠠᠢ ᠨᠠᠷᠲᠤ ᠮᠢᠨᠦ ᠦᠭᠡᠶᠢ ᠳᠠᠮᠵᠢᠭᠤᠯᠳᠠᠭ ᠰᠠᠨ ᠪᠣᠯ ᠡᠳᠦᠷ ᠪᠣᠯᠭᠠᠨ ᠴᠡᠷᠢᠭᠦᠨ ᠭᠠᠯ ᠲᠣᠭᠤᠭᠠᠨᠳᠤ ᠣᠴᠢᠵᠤ ᠴᠠᠳᠲᠠᠯᠠᠪᠠᠨ ᠬᠣᠭᠤᠯᠠ ᠢᠳᠡᠳᠡᠭᠢᠶᠡᠨ ᠨᠠᠳᠠᠳᠤ ᠶᠠᠭᠤᠨᠳᠤ ᠬᠡᠯᠡᠬᠦ ᠰᠠᠨ ᠪᠢᠯᠡ᠃ ᠥᠯᠦᠨ ᠬᠣᠭᠤᠰᠤᠨ ᠬᠥᠮᠥᠨᠦ ᠬᠠᠮᠠᠷᠲᠤ ᠬᠣᠭᠤᠯᠠᠨᠤ ᠦᠨᠦᠷ ᠰᠣᠳᠤᠨ ᠪᠠᠢᠳᠠᠭ ᠲᠤᠯᠠ ᠨᠢᠭᠤᠭᠠᠳ ᠨᠡᠮᠡᠷᠢ ᠦᠭᠡᠢ ᠭᠡᠵᠦ ᠰᠠᠨᠠᠭᠰᠠᠨ ᠴᠤ᠌ ᠪᠠᠢᠵᠤ ᠪᠣᠯᠬᠤ ᠶᠤᠮ᠃ ᠬᠡᠷᠪᠡ ᠳᠠᠢᠰᠤᠨᠳᠤ ᠪᠡᠶᠡᠪᠡᠨ ᠬᠤᠳᠠᠯᠳᠤᠨ᠂ ᠬᠦᠴᠦᠨ ᠵᠢᠳᠭᠦᠶᠡ ᠭᠡᠵᠦ ᠦᠨᠡᠬᠡᠷ ᠰᠠᠨᠠᠭᠰᠠᠨ ᠪᠣᠯ ᠥᠨᠦᠴᠢᠨ ᠥᠷᠦᠭᠡᠰᠦᠨ᠂ ᠠᠷᠤᠳᠤᠪᠠᠨ ᠬᠣᠷᠭᠤᠲᠠᠬᠤ ᠠᠪᠤ ᠡᠵᠢ ᠦᠭᠡᠢ ᠭᠡᠳᠡᠭᠢᠶᠡᠨ ᠨᠠᠳᠠᠳᠤ ᠬᠡᠯᠡᠬᠦ ᠶᠣᠰᠤ ᠦᠭᠡᠢ᠃ ᠬᠠᠷᠢᠨ ᠬᠡᠦᠬᠡᠳᠢᠶᠡᠨ ᠳᠡᠩᠰᠡᠯᠭᠡᠯ ᠦᠭᠡᠢ ᠶᠡᠬᠡᠪᠡᠷ ᠰᠠᠨᠠᠵᠤ ᠪᠠᠢᠨᠠ ᠭᠡᠵᠦ ᠬᠤᠳᠠᠯ ᠶᠠᠷᠢᠬᠤ ᠶᠣᠰᠤ ᠲᠠᠢ ᠪᠠᠢᠭ᠍ᠰᠠᠨ᠃ ᠦᠨᠡᠬᠡᠷ ᠮᠢᠨᠤ ᠦᠭᠡᠶᠢ ᠡᠲᠦᠨ ᠨᠠᠮᠠᠶᠢ ᠲᠤᠷᠰᠢᠵᠤ ᠪᠠᠢᠭᠠ ᠪᠣᠯ ᠨᠢᠭᠤᠵᠤ ᠬᠠᠭᠠᠵᠤ ᠪᠠᠢᠮᠠᠨᠵᠢᠨ ᠣᠯᠵᠤ ᠢᠷᠡᠯᠡ ᠬᠡᠮᠡᠨ ᠨᠠᠳᠠᠳᠤ ᠲᠠᠯᠬᠠᠶᠢᠨ ᠪᠣᠯᠤᠩ ᠣᠢᠷᠠᠲᠤᠭᠤᠯᠤᠨ ᠥᠭᠬᠦ ᠪᠠᠢᠭ᠍ᠰᠠᠨ ᠪᠢᠵᠡ᠃ ᠡᠰᠡᠭᠦᠯᠡ ᠥᠪᠡᠷᠦᠨᠢᠶᠡᠨ ᠬᠣᠭᠣᠯᠠᠠᠴᠠ ᠢᠯᠡᠭᠦᠴᠢᠯᠡᠨ ᠥᠭᠴᠦ ᠪᠠᠢᠭᠠ ᠪᠣᠯᠬᠤᠷᠢᠶᠠᠨ ᠲᠡᠢᠮᠦ ᠶᠠᠭᠤᠮᠠ ᠰᠠᠨᠠᠳᠠᠭ ᠦᠭᠡᠢ ᠪᠠᠢᠵᠤ ᠪᠣᠯᠬᠤ ᠶᠤᠮ᠃ ᠭᠡᠲᠡᠯᠡ ᠨᠠᠳᠠᠳᠤ ᠬᠣᠭᠤᠯᠠᠨᠠᠴᠠᠪᠠᠨ ᠢᠯᠡᠭᠦᠴᠢᠯᠡᠨ ᠥᠭᠳᠡᠭᠦᠨ ᠤᠴᠢᠷ ᠶᠠᠭᠤ ᠰᠠᠨ ᠪᠢᠯᠡ᠃ ᠰᠠᠮᠤᠷᠠᠢ ᠨᠠᠷ ᠡᠨᠡ ᠲᠣᠬᠠᠢ ᠪᠣᠳᠤᠬᠤᠪᠠᠨ ᠮᠠᠷᠲᠠᠴᠢᠬᠠᠭᠰᠠᠨ ᠭᠡᠪᠡᠯ ᠳᠠᠩᠴᠢ ᠦᠨᠡᠮᠰᠢᠯ ᠦᠭᠡᠢ ᠬᠤᠳᠠᠯ᠃ ᠵᠠᠮᠰᠤ ᠬᠥᠯᠦᠰᠦᠨᠦ ᠲᠤᠷᠰᠢᠭᠤᠯ （ ᠵᠣᠭᠣᠰ ᠮᠥᠩᠬᠦᠪᠡᠷ ᠬᠥᠯᠦᠰᠦᠯᠡᠨ ᠠᠪᠤᠭᠰᠠᠨ ᠲᠠᠩᠨᠠᠭᠤᠯ） ᠪᠠᠢᠭ᠍ᠰᠠᠨ ᠰᠠᠨ ᠪᠣᠯ 《 ᠡᠨᠡ ᠬᠠᠨᠠᠨᠳᠤ ᠲᠠ ᠪᠢᠳᠡ ᠬᠣᠶᠠᠷᠤᠨ ᠶᠠᠷᠢᠶᠠᠶᠢ ᠴᠢᠩᠨᠠᠳᠠᠭ ᠴᠢᠬᠢ ᠪᠣᠢ ᠰᠢᠦ》 ᠭᠡᠵᠦ ᠨᠠᠳᠠᠳᠤ ᠰᠠᠨᠠᠭᠤᠯᠬᠤ ᠪᠠᠢᠭ᠍ᠰᠠᠨ ᠭᠡᠵᠦ ᠦᠦ？ ᠶᠣᠰᠤᠲᠠᠢ ᠭᠠᠢᠬᠠᠮᠠᠷ ᠶᠤᠮ᠃ ᠳᠠᠢᠰᠤᠨᠳᠤ ᠣᠷᠪᠠᠨ᠂ ᠠᠨᠳᠠᠭᠠᠢ ᠲᠠᠩᠭᠠᠷᠢᠭ᠋ᠠᠴᠠᠪᠠᠨ ᠨᠢᠴᠤᠭᠰᠠᠨ ᠬᠥᠮᠥᠨ 《 ᠶᠠᠫᠤᠨᠴᠤᠳ ᠨᠠᠮᠠᠶᠢ ᠮᠠᠨᠤ ᠨᠠᠷᠠᠨ ᠤᠯᠤᠰᠲᠤ ᠬᠦᠴᠦᠨ ᠵᠢᠳᠬᠦ ᠭᠡᠵᠦ ᠢᠳᠬᠠᠭᠠᠳ ᠪᠠᠢᠨᠠ᠂ ᠥᠪᠡᠷᠢ ᠴᠢᠨᠢ ᠶᠠᠭᠤ ᠶᠠᠷᠢᠬᠤᠶᠢ ᠲᠠᠩᠨᠠᠵᠤ ᠪᠠᠢ ᠭᠡᠵᠦ ᠲᠠᠭᠠᠭᠠᠯᠭᠠᠯᠠ》 ᠬᠡᠮᠡᠨ ᠶᠠᠷᠢᠬᠤ ᠪᠠᠢᠭ᠍ᠰᠠᠨ ᠦᠦ？ ᠳᠠᠢᠰᠤᠨᠤ ᠰᠠᠨᠠᠭᠠ ᠬᠣᠷᠤᠨ᠂ ᠠᠷᠭᠠ ᠨᠠᠷᠢᠨ᠂ ᠴᠠᠭᠠᠨᠠᠪᠠᠨ ᠣᠯᠠᠨ ᠲᠣᠯᠤᠭᠠᠢ ᠵᠡᠷᠭᠡ ᠵᠡᠷᠭᠡ ᠪᠣᠳᠤᠵᠤ ᠪᠠᠢᠭᠠ ᠪᠣᠯᠬᠤᠷ ᠡᠢᠮᠦᠷᠬᠦᠦ ᠬᠥᠮᠥᠨᠦ ᠰᠠᠨᠠᠭᠠᠨᠳᠤ ᠣᠷᠤᠮᠠ ᠦᠭᠡᠢ ᠬᠠᠴᠢᠨ ᠠᠷᠭᠠ ᠬᠡᠷᠡᠭᠯᠡᠪᠡᠯ ᠨᠠᠮᠠᠶᠢ ᠵᠠᠮᠰᠤᠳᠤ ᠢᠲᠡᠭᠡᠭᠡᠳ ᠬᠠᠮᠤᠭ ᠨᠠᠷᠢᠨ ᠰᠢᠷᠢᠨ ᠨᠢᠭᠤᠴᠠᠪᠠᠨ ᠬᠡᠯᠡᠨᠡ ᠭᠡᠵᠦ ᠰᠠᠨᠠᠭᠰᠠᠨ ᠪᠠᠢᠬᠤᠶᠢ ᠦᠭᠡᠢ ᠭᠡᠬᠦᠶᠢᠨ ᠭᠠᠵᠠᠷ ᠦᠭᠡᠢ᠃ ᠠᠯᠢ ᠡᠰᠡᠪᠡᠯ ᠪᠢ ᠬᠡᠲᠦᠷᠬᠡᠢ ᠪᠣᠯᠭᠤᠮᠵᠢᠯᠠᠨ᠂ ᠮᠠᠭᠤ ᠰᠠᠨᠠᠭᠠᠯᠠᠭᠠᠳ ᠨᠥᠬᠦᠷ ᠳᠠᠢᠰᠤᠨ ᠬᠣᠶᠠᠷ ᠢᠵᠢᠯ ᠢᠯᠭᠠᠬᠤ ᠦᠭᠡᠢ ᠪᠣᠳᠣᠯᠢᠵᠤ （ ᠲᠥᠭᠡᠷᠡᠵᠦ） ᠰᠠᠭᠤᠭᠠ ᠶᠤᠮ ᠪᠢᠰᠢ ᠪᠢᠵᠠ᠃ ᠨᠠᠮᠠᠶᠢ ᠡᠢᠨ ᠬᠦ᠌ ᠳᠠᠮᠵᠢᠭᠤᠯᠬᠤ ᠦᠭᠡᠪᠡᠨ ᠬᠡᠯᠡᠵᠤ ᠵᠢᠷᠦᠬᠡᠯᠡᠯ ᠦᠭᠡᠢ ᠡᠷᠭᠢᠵᠤ ᠬᠣᠷᠭᠤᠭᠰᠠᠭᠠᠷ ᠰᠠᠭᠤᠲᠠᠯᠠ ᠭᠡᠨᠡᠳᠲᠡ ᠨᠢᠭᠡ ᠡᠳᠦᠷ ᠶᠠᠫᠤᠨᠴᠤᠳ ᠵᠠᠮᠰᠤᠶᠢ ᠪᠣᠰᠴᠠᠭᠠᠵᠤ ᠢᠷᠡᠭᠦᠯᠬᠦ ᠦᠭᠡᠢᠪᠡᠷ ᠪᠦᠷᠢᠮᠦᠰᠦᠨ ᠠᠪᠤᠭᠠᠳ ᠶᠡᠪᠤᠴᠢᠬᠠᠪᠠᠯ ᠳᠠᠯᠢᠢᠭ᠍ᠴᠢ ᠮᠠᠭᠰᠠᠷᠭᠣᠴᠤᠤᠶᠢᠨ ᠦᠭᠡ ᠪᠠᠰᠠ ᠨᠠᠳᠠ ᠲᠠᠢ ᠬᠠᠮᠲᠤ ᠰᠢᠷᠤᠢᠳᠤ ᠪᠣᠯᠠᠭᠳᠠᠨᠠ᠃ ᠮᠢᠨᠤ ᠦᠬᠦᠬᠦ ᠪᠠᠭᠠ ᠬᠡᠷᠡᠭ᠂ ᠳᠠᠯᠢᠢᠭ᠍ᠴᠢᠶᠢᠨ ᠬᠡᠯᠡᠭᠰᠡᠨ ᠦᠭᠡᠶᠢ ᠨᠠᠢᠳᠠᠪᠣᠷᠢᠲᠠᠢ ᠬᠥᠮᠥᠨᠳᠦ ᠳᠠᠮᠵᠢᠭᠤᠯᠤᠭᠠ ᠦᠭᠡᠢ ᠴᠠᠭᠲᠤ ᠪᠢ ᠦᠬᠦᠬᠦ ᠡᠷᠬᠡ ᠦᠭᠡᠢ᠃ ᠪᠢ ᠴᠢᠨᠢ ᠡᠬᠡ ᠣᠷᠤᠨᠤᠪᠠᠨ ᠳᠠᠭᠠᠭᠠᠯᠭᠠᠪᠣᠷᠢ ᠪᠠᠢᠳᠣᠭᠠᠢ ᠠᠩᠬᠢᠶᠢᠨᠢᠶᠡᠨ ᠲᠣᠭᠢ ᠠᠮᠢᠪᠠᠷᠢᠶᠠᠨ ᠬᠠᠮᠠᠭᠠᠯᠠᠨ ᠪᠤᠰᠤᠭᠠᠪᠠᠷᠢᠶᠠᠨ ᠨᠦᠭᠴᠢᠬᠦ ᠲᠠᠩᠭᠠᠷᠢᠭ᠋ ᠲᠠᠢ ᠬᠣᠪᠢᠰᠬᠠᠯᠴᠢ ᠤᠯᠠᠭᠠᠨ ᠴᠡᠷᠢᠭᠦᠨ ᠣᠹᠢᠼᠧᠷ ᠬᠥᠮᠥᠨ ᠬᠡᠮᠡᠨ ᠪᠠᠲᠤᠶᠢ ᠡᠬᠢ ᠵᠠᠬᠠ ᠦᠭᠡᠢ ᠪᠣᠳᠤᠯᠳᠤᠪᠠᠨ ᠣᠷᠢᠶᠠᠴᠠᠯᠳᠤᠨ ᠭᠠᠷᠢᠶᠠᠨ ᠳᠡᠷᠡᠯᠡᠨ ᠰᠠᠨᠠᠭᠠᠰᠢᠷᠠᠵᠤ ᠬᠡᠪᠲᠡᠬᠦᠳᠦ ᠲᠡᠭᠦᠨᠦ ᠬᠠᠵᠠᠭᠤᠳᠤ ᠬᠠᠨᠠ ᠲᠦᠰᠢᠨ ᠰᠠᠭᠤᠭᠰᠠᠨ ᠶᠡᠬᠡ ᠫᠤᠤᠶᠢᠨ ᠴᠡᠷᠢᠭ ᠵᠠᠮᠰᠤ ᠲᠡᠭᠦᠨᠡᠴᠡ ᠲᠤᠲᠠᠭᠤ ᠦᠭᠡᠢ ᠬᠡᠯᠬᠢᠶᠡᠰᠦ ᠨᠢ ᠳᠠᠰᠤᠷᠠᠭᠰᠠᠨ ᠪᠣᠳᠣᠯᠳᠤ ᠠᠪᠲᠠᠨ ᠭᠠᠢᠬᠠᠰᠢ ᠲᠠᠰᠤᠷᠠᠨ ᠭᠠᠩᠰᠠᠷᠠᠵᠤ ᠰᠠᠭᠤᠯᠠ᠃
ᠶᠠᠭᠤ ᠭᠡᠪᠡᠯ ᠪᠠᠲᠤ ᠨᠢᠰᠭᠡᠭᠴᠢ ᠪᠥᠭᠡᠳ ᠳᠡᠰᠯᠡᠭᠴᠢ ᠴᠣᠯᠠ ᠲᠠᠢ ᠣᠹᠢᠼᠧᠷ ᠬᠥᠮᠥᠨ ᠪᠠᠢᠯᠠ 《 ᠴᠢ ᠬᠠᠷᠠ ᠲᠣᠯᠤᠭᠠᠢ ᠪᠣᠯ ᠡᠨᠳᠡᠡᠴᠡ ᠠᠪᠴᠤ ᠭᠠᠷᠬᠤᠶᠢ ᠪᠣᠳᠣ᠌᠃ ᠥᠨᠦᠴᠢᠨ ᠥᠷᠦᠭᠡᠰᠦᠨ ᠴᠤ᠌ ᠭᠡᠰᠡᠨ ᠡᠢᠮᠦ ᠨᠢᠯᠬᠠᠪᠠᠷᠢᠶᠠᠨ ᠦᠬᠦᠬᠦ ᠭᠡᠵᠦ ᠶᠠᠭᠠᠷᠠᠬᠤ ᠬᠡᠷᠡᠭ ᠦᠭᠡᠢ᠃ ᠶᠠᠫᠤᠨᠴᠤᠳᠲᠤ ᠬᠦᠴᠦᠨ ᠵᠢᠳᠭᠦᠶᠡ ᠭᠡᠵᠦ ᠠᠮᠠ ᠥᠭ᠃ ᠠᠮᠢᠳᠤ ᠮᠡᠨᠳᠦ ᠶᠠᠪᠤᠪᠠᠯ ᠨᠤᠲᠤᠭᠤᠨᠢᠶᠠᠨ ᠰᠢᠷᠤᠢ ᠳᠡᠭᠡᠷᠡ ᠬᠦᠯ ᠲᠠᠯᠪᠢᠬᠤ ᠬᠣᠪᠢ ᠵᠠᠶᠠᠭᠠᠨ ᠲᠣᠬᠢᠶᠠᠬᠤ ᠡᠳᠦᠷ ᠢᠷᠡᠵᠦ ᠶᠠᠭᠤ ᠮᠠᠭᠠᠳ᠃ ᠮᠢᠨᠤ ᠦᠭᠡᠨᠳᠦ ᠡᠰᠡ ᠣᠷᠤᠪᠠᠯ ᠴᠢ ᠪᠢᠳᠡ ᠬᠣᠶᠠᠭᠤᠯᠠᠪᠠᠨ ᠡᠨᠡ ᠭᠢᠨᠳᠠᠨᠤ ᠮᠣᠬᠤᠷᠲᠤ ᠨᠠᠷᠠ ᠦᠵᠡᠯ ᠦᠭᠡᠢ ᠦᠬᠦᠨᠡ᠃ ᠡᠢᠮᠦ ᠪᠣᠯᠤᠯᠴᠠᠭᠠ ᠴᠢᠮᠠᠳᠤ ᠣᠯᠳᠠᠬᠤ ᠦᠭᠡᠢ᠃ ᠰᠠᠮᠤᠷᠠᠢ ᠨᠠᠷ ᠬᠥᠮᠥᠨ ᠪᠥᠭᠦᠳᠡᠶᠢ ᠮᠠᠨᠤᠳᠤ ᠬᠦᠴᠦᠨ ᠵᠢᠳᠬᠦ ᠭᠡᠵᠦ ᠭᠣᠶᠤᠳᠠᠭ ᠬᠥᠮᠥᠰ ᠪᠢᠰᠢ》 ᠬᠡᠮᠡᠨ ᠢᠳᠬᠠᠵᠠᠢ᠃ ᠪᠠᠲᠤᠶᠢᠨ ᠡᠨᠡ ᠦᠭᠡᠶᠢ ᠶᠠᠫᠤᠨ ᠬᠣᠷᠠᠩᠳᠠ ᠨᠠᠺᠠᠮᠤᠷᠠ ᠵᠠᠮᠰᠤᠳᠤ ᠪᠠᠰᠠ ᠨᠢᠭᠡ ᠪᠣᠰᠤ ᠤᠳᠠᠭᠠ ᠰᠠᠨᠠᠭᠤᠯᠤᠭᠰᠠᠨ᠃ ᠦᠴᠦᠭᠡᠳᠦᠷ ᠥᠷᠯᠥᠭᠡ ᠲᠡᠷᠡ ᠬᠣᠷᠠᠩᠳᠠ ᠵᠠᠮᠰᠤᠶᠢ ᠥᠷᠦᠭᠡᠨᠳᠦᠪᠡᠨ ᠳᠠᠭᠤᠳᠠᠨ ᠠᠪᠠᠴᠢᠭᠠᠳ᠄
《 ᠴᠢᠮᠠᠶᠢ ᠨᠤᠲᠤᠭᠲᠤᠪᠠᠨ ᠣᠷᠭᠤᠭᠠᠳ ᠣᠴᠢᠭ᠍ᠰᠠᠨ ᠴᠤ᠌ ᠲᠠᠨᠤ ᠬᠢᠨ ᠥᠷᠦᠰᠢᠶᠡᠬᠦ ᠦᠭᠡᠢ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠲᠠᠨᠤ ᠴᠡᠷᠢᠭᠦᠨ ᠬᠠᠤᠯᠢᠳᠤ ᠥᠪᠡᠷᠢᠪᠡᠨ ᠤᠰᠠᠳᠬᠠᠯ ᠦᠭᠡᠢ ᠳᠠᠢᠰᠤᠨᠳᠤ ᠠᠮᠢᠳᠤᠪᠠᠷᠢᠶᠠᠨ ᠣᠯᠵᠠᠯᠠᠭᠳᠠᠭᠰᠠᠨ ᠬᠥᠮᠥᠨᠢ ᠡᠬᠡ ᠣᠷᠤᠨᠠᠴᠠᠪᠠᠨ ᠣᠷᠪᠠᠭᠰᠠᠨᠳᠤ ᠲᠣᠭᠠᠴᠠᠳᠠᠭ᠃ ᠲᠡᠭᠡᠵᠦ ᠠᠯᠠᠭᠤᠯᠤᠭᠰᠠᠨᠠᠴᠠ ᠶᠡᠬᠡ ᠨᠠᠷᠠᠨ ᠤᠯᠤᠰᠤᠳ ᠢᠪᠡᠭᠡᠯᠳᠦ ᠪᠠᠭᠲᠠᠨ ᠮᠣᠷᠢ ᠨᠣᠬᠠᠢ ᠮᠡᠲᠦ ᠦᠨᠡᠨᠴᠢᠪᠡᠷ ᠬᠦᠴᠦᠨ ᠵᠢᠳᠭᠦᠪᠡᠯ ᠴᠢᠨᠦ ᠡᠮᠦᠨᠡ ᠶᠡᠬᠡ ᠢᠷᠡᠭᠡᠳᠦᠢ ᠪᠣᠢ᠃ ᠡᠭᠦᠷᠭᠡ ᠭᠦᠢᠴᠡᠳᠬᠡᠭᠡᠳ ᠢᠷᠡᠭᠰᠡᠨ ᠬᠤᠢᠨᠠ ᠡᠵᠡᠨ ᠬᠠᠭᠠᠨᠤ ᠰᠠᠩ ᠬᠥᠮᠦᠷᠭᠡᠡᠴᠡ ᠴᠢᠮᠠᠳᠤ ᠬᠣᠪᠢ ᠱᠠᠩ ᠬᠦᠷᠲᠡᠭᠡᠨᠡ᠃ ᠮᠠᠨᠤ ᠶᠠᠫᠤᠨ ᠬᠥᠮᠥᠨᠦ ᠨᠢᠭᠡ ᠡᠷᠬᠢᠮ ᠴᠢᠨᠠᠷ ᠪᠣᠯ ᠢᠲᠡᠭᠡᠭᠰᠡᠨ ᠬᠥᠮᠥᠰᠢᠶᠡᠨ ᠬᠥᠨᠳᠦᠳᠬᠡᠨ ᠬᠠᠢᠷᠠᠯᠠᠵᠤ᠂ ᠬᠡᠯᠡᠭᠰᠡᠨ ᠦᠭᠡᠨᠳᠦᠪᠡᠨ ᠬᠦᠷᠳᠡᠭᠲᠦ ᠯᠡ ᠪᠠᠢᠭᠠ ᠶᠤᠮ᠃ ᠡᠨᠡ ᠶᠢᠷᠳᠢᠨᠴᠤ ᠳᠡᠭᠡᠷᠡ ᠬᠥᠮᠥᠨᠳᠦ ᠠᠮᠢ ᠨᠠᠰᠤ ᠴᠤᠷᠤᠨ ᠭᠠᠭᠴᠠᠬᠠᠨ ᠤᠳᠠᠭᠠ ᠣᠯᠳᠠᠳᠠᠭ ᠶᠤᠮ ᠰᠢᠦ᠂ ᠰᠠᠢᠨ ᠪᠣᠳᠤᠭᠠᠷᠠᠢ！ 》 ᠭᠡᠵᠦ ᠬᠡᠯᠡᠵᠦ ᠪᠢᠯᠡ᠃
ᠵᠠᠮᠰᠤᠶᠢᠨ ᠬᠣᠪᠢᠳᠤ ᠭᠡᠪᠡᠯ ᠠᠮᠢᠪᠠᠨ ᠬᠤᠤᠷᠯᠠᠵᠤ ᠵᠢᠷᠦᠬᠡᠯᠡᠯ ᠦᠭᠡᠢ᠂ ᠳᠠᠢᠰᠤᠨᠳᠤ ᠭᠠᠷ ᠡᠷᠭᠦᠵᠤ ᠪᠠᠭᠤᠵᠤ ᠥᠭᠭᠦᠭᠡ ᠦᠭᠡᠢ᠃ ᠣᠯᠠᠨ ᠲᠠᠩᠺᠢᠶᠠᠷ ᠳᠡᠮᠵᠢᠭᠦᠯᠦᠭᠰᠡᠨ ᠳᠠᠢᠰᠤᠨᠤ ᠪᠦᠬᠦᠯᠢ ᠪᠦᠲᠦᠨ ᠬᠤᠷᠢᠶᠠ ᠴᠡᠷᠢᠭᠦᠨ ᠲᠣᠪᠲᠤᠯᠭᠠᠨᠤ ᠡᠮᠦᠨᠡᠡᠴᠡ ᠶᠡᠬᠡ ᠫᠤᠤᠶᠢᠨ ᠬᠡᠲᠦᠬᠡᠨ ᠰᠣᠮᠣ᠌ ᠦᠯᠡᠳᠡᠲᠡᠯᠡ ᠪᠠᠭᠠᠲᠤᠷᠯᠢᠭ᠋ᠢᠶᠠᠷ ᠲᠣᠯᠤᠯᠳᠤᠵᠤ᠂ ᠨᠢᠭᠡ ᠮᠡᠳᠡᠬᠦᠯᠡ ᠵᠠᠮᠰᠤ ᠬᠠᠮᠤᠭ ᠨᠥᠬᠦᠳᠢᠶᠡᠨ ᠠᠯᠠᠭᠤᠯᠤᠭᠠᠳ ᠭᠠᠪ ᠭᠠᠭᠴᠠᠭᠠᠷ ᠦᠯᠡᠳᠡᠭᠰᠡᠨ ᠪᠠᠢᠵᠤ ᠪᠢᠯᠡ᠃ ᠠᠮᠠᠪᠠᠷᠢᠶᠠᠨ ᠰᠢᠷᠤᠢ ᠭᠤᠲᠤᠷᠤᠨ ᠣᠩᠬᠤᠯᠢᠳᠤᠭᠰᠠᠨ ᠶᠡᠬᠡ ᠫᠤᠤ᠂ ᠴᠢᠰᠤᠨᠳᠤᠪᠠᠨ ᠬᠤᠳᠬᠤᠯᠳᠤᠨ ᠡᠨᠳᠡ ᠲᠡᠨᠳᠡ ᠦᠭᠡᠢ ᠤᠨᠳᠤᠢ ᠰᠤᠨᠳᠤᠢ ᠤᠨᠠᠭᠰᠠᠨ ᠨᠥᠬᠦᠳ᠂ ᠣᠳᠣ᠌ ᠴᠢ ᠪᠢᠳᠡᠨᠦ ᠭᠠᠷᠲᠤ ᠣᠷᠤᠬᠤ ᠦᠭᠡᠢ ᠬᠠᠮᠢᠭᠠ ᠣᠴᠢᠬᠤ ᠪᠣᠢ ᠭᠡᠰᠡᠨ ᠰᠢᠭ᠌ ᠡᠯᠡᠭ ᠪᠠᠷᠢᠭ᠍ᠰᠠᠨ ᠶᠠᠩᠵᠤᠲᠠᠢ ᠪᠡᠶᠡᠪᠡᠨ ᠬᠠᠯᠬᠠᠯᠠᠯ ᠦᠭᠡᠢ ᠢᠯᠡ ᠵᠠᠳᠠᠭᠠᠢ ᠳᠠᠪᠰᠢᠨ ᠢᠷᠡᠵᠦ ᠪᠠᠢᠭᠠ ᠤᠷᠢ ᠣᠯᠠᠨ ᠰᠠᠮᠤᠷᠠᠢ᠂ ᠰᠢᠷᠤᠢ ᠮᠠᠨᠠᠨ ᠲᠠᠲᠠᠭᠤᠯᠤᠭᠰᠠᠭᠠᠷ ᠭᠢᠨᠵᠢᠪᠡᠨ ᠬᠠᠷᠴᠢᠬᠢᠨᠠᠭᠤᠯᠤᠨ ᠬᠠᠷᠠ ᠤᠲᠤᠭᠠ ᠬᠠᠶᠠᠨ ᠠᠢᠰᠤᠢ ᠭᠤᠷᠪᠡᠨ ᠲᠣᠮᠣ᠌ ᠲᠠᠩᠺᠢ ᠬᠠᠷᠠᠭᠠᠳ ᠵᠠᠮᠰᠤ ᠠᠶᠤᠵᠤ ᠰᠦᠷᠳᠡᠬᠦᠶᠢᠨ ᠣᠷᠤᠨᠳᠤ ᠬᠠᠷᠢᠨ ᠴᠤ᠌ ᠣᠯᠠᠮ ᠤᠯᠠᠩᠭᠠᠰᠤᠨ （ ᠭᠠᠯᠵᠠᠭᠤᠷᠠᠬᠤ）᠂ ᠬᠣᠶᠠᠷ ᠬᠥᠮᠥᠨᠡᠴᠡ ᠲᠤᠳᠠᠭᠤ ᠦᠭᠡᠢ ᠭᠠᠢᠬᠠᠯᠲᠠᠢ ᠬᠤᠷᠳᠤᠨᠢᠶᠠᠷ ᠶᠡᠬᠡ ᠫᠤᠤᠪᠠᠨ ᠰᠣᠮᠣᠯᠠᠨ ᠬᠠᠮᠤᠭᠤᠨ ᠨᠠᠭᠠᠲᠤ ᠲᠠᠯᠠᠶᠢᠨ ᠮᠠᠰᠢᠨᠢ ᠢᠯᠡ ᠬᠠᠷᠠᠭᠠᠪᠠᠷ ᠱᠠᠭᠠᠢᠵᠤ ᠲᠣᠬᠢᠷᠠᠭᠤᠯᠤᠭᠠᠳ ᠭᠣᠬᠠᠪᠠᠨ ᠳᠤᠭᠲᠤᠷᠪᠠ᠃ ᠭᠠᠭᠴᠠ ᠬᠥᠮᠥᠨᠢ ᠢᠯᠡᠷᠬᠡᠢ ᠡᠯᠡᠭ ᠪᠠᠷᠢᠨ ᠶᠡᠬᠡ ᠫᠤᠤᠶᠢᠨ ᠴᠠᠮᠬᠠᠭᠢᠶᠠᠨ ᠣᠩᠭᠤᠢᠯᠭᠠᠨ ᠰᠦᠷᠳᠡᠭᠦᠯᠵᠦ ᠭᠠᠷ ᠫᠦᠯᠧᠮᠶᠣᠲᠢᠶᠠᠷ ᠲᠡᠭᠦᠨᠦ ᠲᠣᠯᠣᠭᠠᠢ ᠳᠡᠭᠡᠭᠦᠷ ᠬᠡᠢ ᠰᠦᠷᠴᠢᠨ ᠢᠷᠡᠵᠤ ᠶᠠᠪᠤᠭᠰᠠᠨ ᠲᠠᠩᠺᠠᠴᠠ ᠭᠡᠨᠡᠳᠲᠡ ᠬᠠᠷᠠ ᠤᠲᠤᠭᠠ ᠣᠯᠭᠣᠢᠳᠠᠨ ᠳᠣᠣᠷᠠᠪᠠᠨ ᠣᠭᠵᠤᠮ ᠵᠤᠭ ᠲᠣᠰᠣᠭᠰᠠᠨᠢᠶᠠᠨ ᠭᠠᠯ ᠳᠦᠷᠡᠯᠵᠡᠨ ᠰᠢᠲᠠᠯᠠ᠃
ᠵᠠᠢᠯᠠᠰᠢ ᠦᠭᠡᠢ ᠦᠬᠦᠯ ᠲᠠᠢ ᠤᠯᠠᠭᠠᠨ ᠨᠢᠭᠤᠷᠢᠶᠠᠷᠢᠶᠠᠨ ᠲᠣᠯᠭᠠᠷᠠᠭᠰᠠᠨ ᠬᠥᠮᠥᠨᠳᠦ ᠠᠶᠣᠮᠰᠢᠭ᠋ ᠲᠠᠢ ᠶᠠᠭᠤᠮᠠ ᠨᠢᠭᠡᠬᠡᠨᠢᠶᠡᠷ ᠦᠭᠡᠢ ᠪᠣᠯᠳᠠᠭᠢ ᠵᠠᠮᠰᠤ ᠲᠡᠷᠡᠬᠡᠨ ᠮᠦᠴᠡᠳᠦ ᠥᠪᠡᠷᠦᠨ ᠪᠡᠶᠡᠪᠡᠷ ᠦᠵᠡᠨ ᠫᠣᠣ ᠲᠡᠪᠡᠷᠢ ᠪᠦᠳᠦᠭᠦᠨ ᠬᠥᠨᠳᠦ ᠰᠣᠮᠣ᠌ᠶᠢ ᠬᠡᠷᠴᠢᠮ ᠳᠦᠯᠡᠭᠡᠨᠦ ᠲᠡᠳᠦᠢ ᠪᠣᠳᠣᠯ ᠦᠭᠡᠢ᠂ ᠶᠡᠷᠦ ᠡᠭᠦᠷᠲᠦᠭᠰᠡᠨ （ ᠳᠠᠭᠠᠵᠤ ᠶᠠᠳᠠᠭᠰᠠᠨ） ᠰᠢᠨᠵᠢ ᠦᠭᠡᠢ ᠲᠡᠪᠡᠷᠢᠨ ᠭᠦᠶᠦᠵᠦ ᠶᠠᠪᠤᠯᠠ᠃ ᠵᠠᠮᠰᠤ ᠤᠢᠷᠠᠬᠠᠨ ᠰᠠᠭᠠᠬᠠᠯᠲᠠᠶᠢᠨ ᠲᠡᠳᠦᠢ ᠭᠠᠵᠠᠷ ᠢᠷᠡᠵᠤ ᠶᠠᠪᠤᠭᠠ ᠲᠠᠩᠺ ᠬᠠᠷᠠᠭᠠᠪᠠᠨ ᠲᠣᠬᠢᠷᠠᠭᠤᠯᠬᠤᠪᠠᠷ ᠫᠤᠤᠶᠢᠨᠢᠶᠡᠨ ᠱᠠᠭᠠᠢᠪᠴᠢ ᠤᠷᠤᠭᠤ ᠲᠣᠩᠭᠤᠢᠲᠠᠯᠠ ᠨᠢᠭᠤᠷ ᠳᠡᠭᠡᠷᠡ ᠨᠢ ᠴᠦᠢᠳᠡᠩ ᠵᠣᠷᠠᠬᠤ ᠰᠢᠭ᠋ ᠪᠣᠯᠵᠤ ᠲᠠᠰᠤᠷᠠᠯᠲᠠᠶᠢᠨ ᠴᠢᠬᠢ ᠲᠦᠭᠵᠢᠷᠡᠮᠡ ᠶᠡᠬᠡ ᠴᠢᠮᠡᠭᠡᠨᠳᠦ ᠭᠠᠵᠠᠷ ᠲᠡᠭᠷᠢ ᠬᠥᠮᠦᠷᠢᠴᠢᠬᠡᠬᠦ ᠰᠢᠭ᠌ ᠰᠠᠨᠠᠭᠳᠠᠵᠠᠢ᠃ ᠳᠡᠯᠪᠡᠷᠡᠯᠲᠡᠶᠢᠨ ᠰᠢᠷᠣᠢᠳᠤ ᠳᠠᠷᠤᠭᠤᠯᠤᠨ ᠪᠢᠲᠡᠬᠦᠦ ᠪᠡᠷᠲᠡᠭᠡᠳ （ ᠳᠣᠲᠤᠷ ᠰᠢᠷᠬᠠ ᠣᠯᠤᠭᠠᠳ） ᠲᠦᠩᠭᠡᠵᠤ ᠠᠮᠢ ᠲᠠᠢ ᠳᠡᠳᠦᠢ ᠪᠠᠢᠭ᠍ᠰᠠᠨ ᠲᠡᠭᠦᠨᠢ 《 ᠠᠮᠢᠳᠤ ᠬᠡᠯᠡ》 ᠪᠣᠯᠭᠠᠬᠤᠪᠠᠷ ᠰᠠᠮᠤᠷᠠᠢ ᠨᠠᠷ ᠠᠷᠤ ᠲᠡᠢᠰᠢᠪᠡᠨ ᠬᠦᠷᠭᠡᠭᠦᠯᠵᠠᠢ᠃
ᠬᠡᠳᠦ ᠬᠣᠨᠣᠭᠤᠨ ᠳᠠᠷᠠᠭᠠ ᠲᠡᠷᠡ ᠱᠣᠷᠣᠩᠤᠨ ᠡᠨᠡ ᠳᠠᠪᠴᠢᠭᠤᠬᠠᠨ ᠥᠷᠦᠭᠡᠨᠳᠦ ᠪᠦᠦᠷ ᠲᠦᠦᠷᠬᠡᠨ ᠤᠬᠠᠭᠠᠨ ᠣᠷᠤᠨ ᠲᠠᠮᠢᠷ ᠮᠠᠭᠤᠲᠠᠢᠬᠠᠨ ᠡᠮᠵᠡᠭᠯᠡᠨ ᠶᠤᠤᠯᠠᠬᠤᠳᠤᠪᠠᠨ ᠥᠪᠡᠷᠦᠨᠢᠶᠡᠨ ᠳᠠᠭᠤᠶᠢ ᠲᠠᠨᠢᠨ᠂ ᠠᠮᠢᠳᠤ ᠦᠯᠡᠳᠡᠭᠰᠡᠨᠳᠦᠪᠡᠨ ᠳᠠᠬᠢᠨ ᠲᠥᠷᠦᠭᠰᠡᠨᠡᠴᠡ ᠲᠤᠲᠠᠭᠤ ᠦᠭᠡᠢ ᠪᠠᠶᠠᠷᠯᠠᠵᠤ ᠪᠢᠯᠡ᠃ ᠬᠠᠵᠠᠭᠠᠢ ᠮᠤᠷᠤᠢ ᠮᠣᠩᠭᠣᠯ ᠬᠡᠯᠡ ᠲᠠᠢ ᠬᠥᠮᠥᠨ᠄
《 ᠲᠠ ᠤᠬᠠᠭᠠᠨ ᠣᠷᠤᠭᠰᠠᠨ᠃ ᠣᠳᠣ᠌ ᠤᠳᠠᠬᠤ ᠦᠭᠡᠢ ᠡᠷᠡᠭᠦᠯ ᠪᠣᠯᠤᠨᠠ》 ᠭᠡᠵᠦ ᠬᠡᠯᠡᠬᠦᠶᠢ ᠠᠩᠬᠠ ᠰᠣᠨᠤᠰᠤᠭᠠᠳ ᠬᠡᠯᠡ ᠠᠮᠠᠪᠠᠨ ᠠᠷᠠᠢ ᠶᠠᠳᠠᠨ ᠡᠪᠯᠡᠭᠦᠯᠵᠦ᠄
《 ᠪᠢ ᠬᠠᠮᠢᠭᠠ ᠢᠷᠠᠭᠡᠳ ᠪᠠᠢᠪᠠ ᠪᠣᠢ？》 ᠭᠡᠵᠦ ᠠᠰᠠᠭᠤᠪᠠᠯ ᠴᠠᠭᠠᠲᠤ ᠬᠥᠮᠥᠨ ᠡᠭᠡᠷᠡᠵᠦ ᠲᠥᠭᠳᠡᠷᠡᠨ᠄
《 ᠲᠠ ᠶᠡᠬᠡ ᠨᠠᠷᠠᠨ ᠤᠯᠤᠰᠤᠨ ᠢᠪᠡᠭᠡᠯ ᠳᠣᠣᠷᠠ ᠣᠷᠤᠭᠰᠠᠨ》 ᠬᠡᠮᠡᠨ ᠬᠠᠷᠢᠭᠤ ᠬᠡᠯᠡᠬᠦᠶᠢ ᠳᠤᠭᠤᠯᠤᠭᠠᠳ ᠭᠡᠨᠡᠳᠲᠡ ᠴᠣᠴᠢᠨ ᠨᠢᠳᠦᠪᠡᠨ ᠨᠡᠬᠡᠭᠡᠨ ᠬᠠᠷᠠᠪᠠᠯ ᠶᠠᠰᠤᠴᠢᠨ （ ᠡᠴᠡᠩᠬᠡᠢ） ᠶᠤᠮ ᠦᠦ᠂ ᠠᠪᠰᠠᠴᠢᠨ （ ᠠᠪᠰᠠᠨᠳᠤ ᠣᠷᠤᠭᠰᠠᠨ ᠬᠥᠮᠥᠨ） ᠯᠡ ᠡᠢᠮᠦ ᠪᠠᠢᠳᠠᠭ ᠪᠠᠢᠬᠤ ᠭᠡᠵᠦ ᠪᠣᠳᠤᠭᠳᠠᠮᠠᠷ ᠬᠠᠪ ᠬᠠᠷᠠ ᠴᠢᠷᠠᠢ ᠲᠠᠢ᠂ ᠨᠣᠣᠷᠠᠩᠬᠠᠢ ᠬᠣᠪᠴᠠᠰᠤ ᠲᠠᠢ ᠬᠠᠲᠠᠩᠬᠢᠷ （ ᠡᠴᠡᠩᠬᠡᠢ） ᠬᠥᠬᠡ ᠡᠪᠦᠭᠡᠨ ᠨᠢᠳᠦᠨᠳᠦ ᠨᠢ ᠲᠤᠰᠴᠠᠢ᠃ ᠵᠠᠮᠰᠤ ᠭᠠᠷᠢᠶᠠᠨ ᠠᠯᠳᠠᠯᠠᠨ ᠳᠡᠷᠡᠯᠡᠭᠡᠳ ᠠᠳᠠᠭᠠᠷ ᠰᠢᠷᠲᠡᠨ ᠬᠡᠪᠲᠡᠵᠦ ᠪᠠᠢᠬᠤᠳᠤᠪᠠᠨ ᠡᠢᠨ ᠬᠦ᠌ ᠰᠡᠭᠦᠯᠴᠢᠶᠢᠨ ᠲᠤᠯᠤᠯᠳᠤᠭᠠᠨᠤ ᠲᠤᠬᠠᠢ ᠪᠣᠳᠤᠵᠤ ᠪᠠᠢᠵᠠᠢ᠃
ᠮᠥᠷᠳᠡᠨ ᠪᠠᠢᠴᠠᠭᠠᠯᠲᠠᠳᠤ ᠥᠴᠢᠭ ᠬᠤᠳᠠᠯ ᠥᠭᠭᠦᠭᠰᠡᠨᠦᠪᠡᠨ ᠱᠠᠩ ᠬᠦᠷᠲᠡᠨ ᠭᠢᠨᠳᠠᠨᠤ ᠬᠠᠷᠬᠢᠰ ᠳᠣᠭ᠍ᠰᠢᠨ ᠬᠣᠶᠠᠭ ᠲᠠᠬᠠᠷ （ ᠰᠤᠯᠠ ᠴᠡᠷᠢᠭ） ᠨᠠᠷᠤᠨ ᠬᠢᠷᠤᠮᠴᠠᠭ （ ᠬᠡᠷᠴᠢᠵᠦ ᠢᠳᠡᠬᠦᠪᠡᠷ ᠪᠡᠯᠡᠳᠬᠡᠵᠦ ᠭᠦᠵᠡᠭᠡᠯᠡᠵᠦ ᠬᠥᠯᠳᠠᠭᠡᠭᠰᠡᠨ ᠮᠠᠯᠤᠨ ᠳᠣᠲᠣᠷ） ᠪᠣᠯᠲᠠᠯᠠᠪᠠᠨ ᠨᠦᠳᠦᠭᠦᠯᠦᠨ ᠨᠢᠭᠤᠷ ᠠᠮᠠ ᠨᠢ ᠬᠥᠬᠡ ᠠᠯᠠᠭ ᠪᠣᠯᠤᠭᠰᠠᠨ ᠪᠠᠲᠤ ᠭᠠᠷᠬᠤ ᠨᠥᠬᠡ ᠰᠦᠪᠡ ᠬᠠᠢᠬᠤ ᠮᠡᠲᠦ ᠲᠠᠭᠠᠵᠠ ᠱᠠᠯᠠ ᠬᠣᠶᠠᠷᠢ ᠡᠭᠡᠯᠵᠢᠯᠡᠨ ᠬᠠᠷᠠᠭᠰᠠᠨᠢᠶᠠᠨ᠄
《 ᠴᠢᠰᠤ ᠲᠠᠰᠤᠷᠠᠭᠠ ᠦᠭᠡᠢ ᠰᠠᠨ ᠪᠣᠯ ᠡᠷᠡ ᠶᠠᠭᠠᠬᠢᠵᠤ ᠣᠷᠭᠤᠳᠠᠭᠢ ᠡᠨᠡ ᠮᠠᠭᠤᠰᠠᠢᠨ ᠶᠠᠫᠤᠨᠴᠤᠳᠲᠤ ᠨᠢᠭᠡ ᠦᠵᠡᠭᠦᠯᠬᠦ ᠰᠠᠨ ᠶᠤᠮ᠃
ᠪᠢ ᠨᠢᠰᠴᠦ ᠪᠠᠢᠬᠤᠳᠤᠪᠠᠨ ᠳᠠᠢᠰᠤᠨᠤ ᠣᠩᠭᠤᠴᠠᠨᠤ ᠬᠡᠭᠡᠷᠡᠶᠢᠨ ᠪᠠᠭᠤᠳᠠᠯ᠂ ᠵᠡᠪᠰᠡᠭ᠂ ᠲᠸᠭ᠌ᠨᠢᠭ᠌᠂ ᠠᠮᠢᠳᠤ ᠬᠦᠴᠦ᠂ ᠰᠢᠲᠠᠬᠤᠨᠤ ᠠᠭᠤᠯᠬᠤᠶᠢ ᠯᠡ ᠢᠯᠡᠷᠡᠭᠦᠯᠦᠨ ᠪᠥᠮᠪᠦᠭᠡᠳᠡᠵᠦ ᠶᠠᠪᠤᠭᠰᠠᠨᠠᠴᠠ ᠪᠢᠰᠢ ᠱᠣᠷᠣᠩ ᠭᠡᠵᠦ ᠡᠢᠮᠦ ᠠᠮᠢᠳᠤ ᠲᠠᠮᠤ ᠪᠠᠢᠳᠠᠭ ᠭᠡᠵᠦ ᠵᠡᠭᠦᠳᠦᠯᠡᠭᠰᠡᠨ ᠦᠭᠡᠢ ᠶᠠᠪᠤᠵᠠᠢ᠃ ᠣᠳᠣ᠌ ᠢᠩᠬᠢᠭᠡᠳ ᠦᠬᠦᠯᠢᠶᠡᠨ ᠬᠦᠯᠢᠶᠡᠭᠡᠳ ᠠᠯᠳᠠ ᠳᠠᠯᠢᠮ ᠰᠠᠨᠠᠭᠠ ᠠᠯᠳᠠᠭᠠᠳ ᠬᠡᠪᠲᠡᠵᠦ ᠪᠠᠢᠬᠤᠠᠴᠠ》 ᠭᠡᠵᠦ ᠦᠬᠦᠯᠡᠲᠡᠯᠡ ᠬᠠᠭᠠᠯᠭᠠᠨᠤ ᠴᠣᠣᠵᠢ ᠬᠠᠷᠴᠢᠬᠢᠨᠠᠨ ᠬᠡᠯᠬᠢᠶᠡᠰᠦᠲᠡᠢ ᠣᠯᠠᠨ ᠲᠦᠯᠬᠢᠭᠦᠷ ᠳᠤᠤᠭᠠᠷᠤᠭᠰᠠᠨᠢᠶᠠᠨ ᠡᠭᠦᠳᠡ ᠰᠢᠨᠠᠯᠭᠠᠲᠠᠢ ᠴᠢᠬᠠᠷᠠᠨ ᠨᠡᠬᠡᠭᠡᠭᠳᠡᠬᠦᠳᠦ ᠬᠤᠶᠠᠭᠤᠨ ᠲᠣᠯᠤᠭᠠᠢᠠᠴᠠ ᠲᠥᠷᠦᠭᠦᠯᠡᠵᠦ ᠬᠤᠩᠬᠢᠯᠤᠨ ᠴᠢᠳ᠋ᠸᠩ （ ᠴᠠᠬᠢᠯᠭᠠᠨ ᠳ᠋ᠸᠩ）ᠦᠨ ᠬᠤᠷᠴᠠ ᠭᠡᠷᠡᠯ ᠬᠠᠷᠠᠩᠭᠤᠢᠶᠢ ᠬᠠᠭᠠᠨ ᠢᠷᠠᠨ ᠬᠢᠯᠠᠰᠬᠢᠨ ᠣᠷᠤᠵᠤ ᠢᠷᠡᠯᠡ᠃
ᠬᠣᠶᠠᠷ ᠬᠣᠷᠢᠭ᠍ᠳᠠᠯ ᠬᠤᠷᠴᠠ ᠭᠡᠷᠡᠯᠳᠦ ᠬᠢᠯᠪᠠᠭᠰᠠᠨ ᠨᠢᠳᠦᠪᠡᠨ ᠠᠨᠢᠪᠴᠢᠨ ᠭᠢᠨᠳᠠᠨᠤ ᠳᠦᠷᠢᠮ ᠶᠣᠰᠤᠪᠠᠷ ᠭᠠᠷᠢᠶᠠᠨ ᠲᠣᠯᠤᠭᠠᠢᠶᠢᠨᠢᠶᠡᠨ ᠠᠷᠤᠳᠤ ᠵᠥᠷᠢᠭᠦᠯᠡᠨ ᠪᠣᠰᠴᠤ ᠪᠤᠷᠤᠭᠤ ᠬᠠᠷᠠᠨ ᠵᠣᠭᠰᠤᠪᠠ᠃ ᠲᠡᠷᠡ ᠬᠣᠶᠠᠷᠤᠨ ᠠᠷᠤᠳᠤ᠄
《 ᠵᠠᠮᠰᠤ ᠭᠠᠷᠤᠭᠠᠳ ᠢᠷᠡ》 ᠭᠡᠵᠦ ᠨᠢᠭᠡ ᠬᠥᠮᠥᠨ ᠬᠠᠰᠬᠢᠷᠤᠯᠠ᠃ ᠡᠨᠡᠦᠬᠡᠨ ᠭᠱᠠᠨᠳᠤ 《 ᠴᠢ ᠣᠳᠣ᠌ ᠶᠠᠫᠤᠨᠴᠤᠳᠲᠤ ᠶᠡᠬᠡ ᠨᠠᠷᠠᠨ ᠤᠯᠤᠰᠤᠨ ᠲᠥᠯᠦᠭᠡ ᠬᠦᠴᠦᠨ ᠵᠢᠳᠭᠦᠶᠡ ᠭᠡᠵᠦ ᠵᠠᠪᠠᠯ ᠠᠮᠠ ᠥᠭᠭᠦᠭᠡᠷᠡᠢ》 ᠭᠡᠵᠦ ᠥᠭᠡᠳᠡᠡᠴᠡ ᠨᠢ ᠬᠠᠷᠠᠭᠰᠠᠨ ᠵᠠᠮᠰᠤᠳᠤ ᠪᠠᠲᠤ ᠨᠢᠳᠦᠪᠡᠷᠢᠶᠡᠨ ᠳᠠᠬᠢᠨ ᠬᠡᠯᠡᠨᠡ᠃
ᠵᠠᠮᠰᠤ᠁ ᠠᠯᠢ ᠲᠠᠯᠠᠪᠠᠷ ᠪᠣᠳᠤᠭᠰᠠᠨ ᠴᠤ᠌ ᠮᠠᠭᠤ ᠬᠥᠮᠥᠨ ᠪᠢᠰᠢ᠃ ᠭᠡᠳᠡᠯᠡ ᠪᠢ ᠶᠠᠭᠠᠬᠢᠭᠠᠳ ᠣᠳᠣ᠌ ᠬᠦᠷᠲᠡᠯᠡ ᠲᠡᠭᠦᠨᠳᠦ ᠢᠲᠡᠭᠡᠭᠡ ᠦᠭᠡᠢ ᠰᠠᠨ ᠪᠢᠯᠡ ᠭᠡᠵᠦ ᠪᠠᠲᠤ ᠥᠪᠡᠷᠡᠴᠡᠪᠡᠨ ᠠᠰᠠᠭᠤᠭᠠᠳ ᠬᠠᠷᠢᠭᠤᠯᠵᠤ ᠡᠰᠡ ᠴᠢᠳᠠᠪᠠ᠃ ᠴᠢᠮᠠᠳᠤ ᠵᠠᠮᠰᠤᠠᠴᠠ ᠦᠭᠡᠷᠡ ᠢᠲᠡᠭᠡᠯ ᠲᠠᠢ ᠬᠥᠮᠥᠨ᠂ ᠳᠠᠬᠢᠨ ᠡᠢᠮᠦ ᠪᠣᠯᠤᠮᠵᠢ ᠣᠯᠳᠠᠬᠤ ᠦᠭᠡᠢ ᠰᠢᠦ ᠭᠡᠵᠦ ᠨᠢᠭᠡᠨ ᠬᠥᠮᠥᠨ ᠲᠡᠭᠦᠨᠦ ᠬᠠᠴᠡᠷᠢ ᠬᠠᠯᠠᠭᠤᠨ ᠠᠮᠢᠰᠬᠤᠯᠢᠶᠠᠷᠢᠶᠠᠨ ᠱᠦᠷᠭᠦᠭᠡᠨ ᠴᠢᠬᠢᠨᠳᠦ ᠨᠢ ᠰᠢᠪᠡᠨᠡᠬᠦ ᠰᠢᠭ᠌ ᠰᠠᠨᠠᠭᠳᠠᠯᠠ᠃
ᠦᠳᠡᠰᠢᠶᠢᠨ ᠪᠦᠷᠦᠩᠬᠦᠢ ᠭᠢᠨᠳᠠᠨᠤ ᠬᠠᠨᠠᠶᠢ ᠳᠠᠭᠠᠨ ᠮᠤᠤᠷ ᠮᠢᠭᠤᠢ ᠠᠳᠠᠯᠢ ᠭᠡᠲᠡᠨ ᠳᠣᠭᠤᠭᠰᠢᠯᠠᠬᠤ ᠪᠦᠷᠢ ᠪᠠᠲᠤᠶᠢᠨ ᠳᠣᠲᠤᠷᠠ ᠪᠠᠴᠢᠮᠳᠠᠨ ᠬᠠᠷᠠᠩᠭᠤᠢᠯᠠᠬᠤ ᠪᠦᠭᠡᠳ ᠵᠠᠮᠰᠤ ᠲᠠᠢ ᠳᠠᠬᠢᠨ ᠬᠡᠵᠢᠶᠡ ᠴᠤ᠌ ᠠᠭᠤᠯᠵᠠᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠶᠤᠮ ᠪᠢᠰᠢ ᠪᠠᠢᠬᠤ ᠡ ᠭᠡᠰᠡᠨ ᠠᠶᠤᠳᠠᠰᠤ ᠬᠠᠷᠠᠰᠠᠯ ᠬᠣᠶᠠᠷ ᠴᠡᠭᠡᠵᠢᠶᠢ ᠨᠢ ᠬᠤᠷᠴᠠ ᠲᠡᠮᠦᠷ ᠬᠢᠮᠤᠰᠤᠪᠠᠷ ᠮᠠᠭᠠᠵᠢᠬᠤ ᠰᠢᠭ᠋ ᠪᠣᠯᠤᠨᠠ᠃ ᠵᠠᠮᠰᠤ ᠰᠦᠨᠢ ᠳᠦᠯᠢ ᠪᠣᠯᠤᠭᠰᠠᠨ ᠬᠣᠢᠨᠠ ᠤᠰᠤᠷᠬᠠᠭ ᠪᠣᠷᠤᠭᠠᠨᠳᠤ ᠱᠠᠯᠠᠪ ᠴᠣᠬᠢᠭᠤᠯᠤᠨ ᠤᠰᠤᠭᠤᠭᠰᠠᠨ ᠬᠥᠮᠥᠨ ᠰᠢᠭ᠌ ᠬᠣᠶᠠᠷ ᠭᠤᠲᠤᠯᠢᠶᠠᠨ ᠳᠠᠭᠠᠭᠠᠵᠤ ᠶᠠᠳᠠᠭᠰᠠᠨ᠂ ᠬᠠᠴᠢᠨ ᠵᠢᠰᠦ ᠴᠢᠷᠠᠢ ᠲᠠᠢ ᠠᠮᠢᠲᠠᠨ ᠪᠣᠴᠠᠵᠤ ᠢᠷᠡᠪᠡ᠃ ᠲᠡᠷᠡ ᠠᠲᠠᠷᠲᠤ ᠳᠡᠭᠦᠵᠢᠯᠡᠭᠡᠰᠦᠲᠡᠢ ᠴᠢᠳ᠋ᠸᠩᠦᠨ ᠪᠦᠳᠡᠬᠢ ᠭᠡᠷᠡᠯᠳᠦ ᠪᠦᠳᠦᠴᠢᠨ ᠪᠠᠢᠵᠤ᠂ ᠳᠠᠭᠠᠭᠠᠵᠤ ᠲᠡᠪᠡᠰᠢ ᠦᠭᠡᠢ ᠬᠡᠷᠡᠭ ᠬᠢᠴᠢᠬᠡᠭᠰᠡᠨ ᠬᠥᠮᠥᠨᠦ ᠦᠬᠡᠨᠴᠡ ᠳᠣᠷᠤᠢ ᠳᠠᠭᠤᠪᠠᠷ ᠡᠭ ᠮᠠᠭ ᠬᠢᠨ᠄
《 ᠪᠢ ᠶᠠᠫᠤᠨᠴᠤᠳ ᠲᠠᠢ ᠲᠣᠬᠢᠷᠠᠯᠴᠠᠭᠰᠠᠨ᠃ ᠶᠡᠬᠡ ᠨᠠᠷᠠᠨ ᠤᠯᠤᠰᠤᠨ ᠲᠥᠯᠦᠭᠡ ᠵᠢᠳᠭᠦᠶᠡ ᠭᠡᠵᠦ ᠠᠮᠠ ᠥᠭᠭᠦᠭᠰᠡᠨ》 ᠭᠡᠰᠡᠨᠢᠶᠡᠨ ᠪᠠᠲᠤᠳᠤ ᠤᠢᠷᠠᠲᠤᠨ ᠲᠡᠭᠦᠨᠢ ᠪᠡᠶᠡ ᠤᠷᠤᠭᠤᠪᠠᠨ ᠲᠠᠲᠠᠭᠠᠳ ᠴᠢᠬᠢᠨᠳᠦ ᠪᠢ ᠢᠩᠬᠢᠵᠤ ᠰᠢᠪᠡᠨᠡᠯᠡ᠄
《 ᠭᠡᠬᠦᠳᠡᠭᠡᠨ ᠪᠢ ᠡᠬᠡ ᠣᠷᠤᠨᠠᠴᠠᠪᠠᠨ ᠣᠷᠪᠠᠭᠠ ᠦᠭᠡᠢ ᠰᠢᠦ᠃ ᠳᠡᠰᠯᠡᠭᠴᠢ ᠲᠠᠨᠤ ᠥᠭᠭᠦᠭᠰᠡᠨ ᠡᠭᠦᠷᠭᠡᠶᠢ ᠯᠡ ᠭᠦᠢᠴᠡᠳᠭᠡᠭᠰᠡᠨ᠃ ᠢᠩᠬᠢᠬᠦᠡᠴᠡ ᠥᠭᠡᠷᠡ ᠶᠠᠮᠠᠷ ᠴᠤ᠌ ᠠᠷᠭᠠ ᠪᠠᠢᠭᠠ ᠦᠭᠡᠢ᠃ ᠡᠨᠳᠡ ᠲᠠ ᠪᠣᠯ ᠮᠢᠨᠤ ᠳᠠᠷᠤᠭᠠ᠂ ᠡᠬᠡ ᠣᠷᠤᠨ᠂ ᠠᠷᠤ ᠲᠠᠯᠠ᠁ ᠴᠢᠩ ᠦᠨᠡᠨᠢ ᠬᠡᠯᠡᠬᠦᠳᠦ ᠶᠠᠫᠤᠨᠴᠤᠳ ᠨᠠᠳᠠᠳᠤ ᠨᠢᠭᠡ ᠬᠠᠲᠠᠭᠤ ᠪᠣᠯᠵᠤᠯ ᠲᠠᠯᠪᠢᠭ᠍ᠰᠠᠨ᠃ ᠡᠨᠡ ᠰᠢᠯᠭᠠᠯᠲᠠᠶᠢ ᠡᠰᠡ ᠳᠠᠭᠠᠭᠠᠪᠠᠯ ᠮᠠᠷᠭᠠᠰᠢ ᠥᠷᠯᠥᠭᠡᠨᠦ ᠤᠯᠠᠭᠠᠨ ᠨᠠᠷᠠᠨᠢᠶᠠᠷ ᠨᠠᠮᠠᠶᠢ ᠴᠠᠭᠠᠵᠠᠯᠠᠨᠠ ᠭᠡᠵᠦ ᠰᠦᠷᠳᠡᠭᠦᠯᠦᠭᠰᠡᠨ᠃》
《 ᠲᠡᠭᠡᠭᠡᠳ ᠶᠠᠮᠠᠷ ᠪᠣᠯᠵᠤᠯ ᠲᠠᠯᠪᠢᠵᠤ ᠪᠠᠢᠬᠤ ᠶᠤᠮ？》
《 ᠮᠠᠰᠢ ᠬᠠᠲᠠᠭᠤ ᠪᠣᠯᠵᠤᠯ᠁ ᠪᠢ ᠲᠠᠨᠠᠴᠠ ᠠᠰᠠᠭᠤᠵᠤ ᠪᠠᠢᠵᠤ ᠪᠣᠯᠤᠶᠠ ᠭᠡᠵᠦ ᠰᠠᠨᠠᠭᠠᠳ ᠥᠷᠯᠥᠭᠡ ᠡᠴᠦᠰᠦᠨ ᠬᠠᠷᠢᠭᠤᠶᠢ ᠬᠡᠯᠡᠶᠡ ᠭᠡᠵᠦ ᠲᠥᠷ ᠬᠣᠢᠰᠢᠯᠠᠭᠤᠯᠤᠭᠰᠠᠨ》 ᠬᠡᠮᠡᠨ ᠬᠡᠯᠡᠭᠡᠳ ᠭᠡᠰᠡᠭ ᠴᠢᠮᠡᠭᠡ ᠦᠭᠡᠢ ᠪᠣᠯᠣᠭᠰᠠᠨᠢᠶᠠᠨ᠄
《 ᠨᠠᠮᠠᠶᠢ ᠮᠠᠷᠭᠠᠰᠢ ᠥᠷᠯᠥᠭᠡ ᠲᠠᠨᠢ ᠪᠢᠳᠡᠨᠦ ᠨᠢᠳᠦᠨ ᠳᠡᠭᠡᠷᠡ ᠫᠤᠤᠳᠠ ᠭᠡᠯᠡ》 ᠭᠡᠳ ᠵᠠᠮᠰᠤᠶᠢᠨ ᠵᠢᠷᠦᠬᠡ ᠰᠢᠪᠦᠭᠡᠪᠡᠷ ᠬᠠᠳᠬᠤᠭᠤᠯᠪᠠ ᠦᠦ ᠬᠡᠮᠡᠷ ᠤᠷᠤᠭ᠍ᠰᠢ ᠨᠢᠭᠡᠨᠲᠡ ᠤᠬᠤᠰᠬᠢᠨ ᠠᠯᠬᠤᠮᠠᠷ ᠪᠣᠯᠤᠭᠰᠠᠨᠢᠶᠠᠨ ᠳᠣᠣᠷᠠᠪᠠᠨ ᠵᠣᠭ ᠲᠤᠰᠪᠠ᠃
ᠲᠡᠷᠡ ᠬᠣᠶᠠᠷ ᠬᠥᠮᠥᠨ ᠬᠡᠨ ᠬᠡᠨ ᠨᠢ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠃ ᠶᠠᠭᠠᠬᠢᠬᠤ ᠪᠣᠢ ᠭᠡᠰᠡᠨ ᠰᠢᠭ᠌ ᠪᠡᠶᠡ ᠪᠡᠶᠡᠪᠡᠨ ᠬᠠᠷᠠᠨ ᠵᠣᠭᠰᠤᠪᠠ᠃ ᠪᠠᠲᠤ ᠨᠥᠬᠦᠷᠦᠨᠢᠶᠡᠨ ᠨᠢᠳᠦᠶᠢ ᠡᠭᠴᠡᠯᠡᠨ ᠬᠠᠷᠠᠪᠠ᠃
《 ᠴᠢ ᠵᠥᠪ ᠰᠢᠢᠳᠴᠡᠢ᠃ ᠴᠢᠨᠤ ᠣᠷᠤᠨᠳᠤ ᠪᠢ ᠪᠠᠢᠭ᠍ᠰᠠᠨ ᠪᠣᠯ ᠪᠠᠰᠠ ᠯᠡ ᠢᠩᠬᠢᠬᠦ ᠪᠠᠢᠭ᠍ᠰᠠᠨ᠃ ᠨᠥᠬᠦᠷᠢᠶᠡᠨ ᠠᠪᠤᠷᠠ᠂ ᠥᠪᠡᠷᠢᠶᠡᠨ ᠦᠬᠦ ᠭᠡᠰᠡᠨ ᠴᠡᠷᠢᠭᠦᠨ ᠬᠠᠤᠯᠢ ᠪᠠᠢᠳᠠᠭ᠃ ᠳᠠᠢᠰᠤᠨᠤ ᠰᠣᠮᠣᠨᠳᠤ ᠬᠣᠶᠠᠭᠤᠯᠠᠪᠠᠨ ᠠᠯᠠᠭᠤᠯᠤᠭᠰᠠᠨᠠᠴᠠ ᠨᠥᠬᠦᠷᠦᠨᠢᠶᠡᠨ ᠭᠠᠷᠲᠤ ᠦᠬᠦᠭᠰᠡᠨ ᠨᠢ ᠳᠡᠭᠡᠷᠡ᠃ ᠬᠥᠮᠥᠨᠳᠦ ᠦᠬᠦᠬᠦ ᠬᠦᠷᠲᠡᠯᠡ ᠤᠳᠬᠠ ᠤᠴᠢᠷ ᠪᠠᠢᠳᠠᠭ ᠶᠤᠮ᠃ ᠶᠣᠰᠤ ᠲᠥᠷᠥ᠍ ᠲᠠᠢ ᠦᠬᠦᠨᠡ ᠭᠡᠳᠡᠭ ᠬᠥᠮᠥᠨ ᠪᠥᠭᠦᠳᠡᠶᠢᠨ ᠴᠢᠳᠠᠳᠠᠭ ᠠᠵᠢᠯ ᠪᠢᠰᠢ᠃ ᠴᠢ ᠠᠮᠢᠳᠤ ᠦᠯᠡᠳᠡᠪᠡᠯ ᠬᠡᠳᠦᠨ ᠵᠠᠭᠤ᠂ ᠮᠠᠭᠠᠳ ᠦᠭᠡᠢ ᠬᠡᠳᠦᠨ ᠮᠢᠩᠭᠠᠨ ᠬᠥᠮᠥᠨᠦ ᠠᠮᠢ ᠨᠠᠰᠤᠶᠢ ᠠᠪᠤᠷᠠᠨᠠ ᠭᠡᠰᠡᠨ ᠦᠭᠡ᠃ ᠪᠢ ᠴᠢᠮᠠᠳᠤ ᠠᠮᠢ᠂ ᠠᠯᠲᠠ ᠬᠣᠶᠠᠷᠠᠴᠠ ᠦᠨᠡᠲᠡᠢ ᠬᠡᠳᠦᠬᠡᠨ ᠦᠭᠡ ᠬᠡᠯᠡᠨᠡ᠃ ᠡᠭᠦᠨᠢ ᠶᠠᠫᠤᠨᠤ ᠱᠣᠷᠣᠩᠳᠤ ᠨᠠᠰᠤ ᠡᠴᠦᠰᠯᠡᠭᠰᠡᠨ ᠮᠠᠨᠤ ᠨᠢᠭᠡ ᠬᠥᠮᠥᠨ ᠨᠠᠳᠠᠳᠤ ᠬᠡᠯᠡᠭᠰᠡᠨ ᠶᠤᠮ᠃ ᠭᠡᠲᠡᠯᠡ ᠪᠢ ᠲᠡᠷᠡ ᠦᠭᠡᠶᠢ ᠬᠦᠷᠭᠡᠬᠦ ᠶᠤᠰᠤᠲᠠᠢ ᠭᠠᠵᠠᠷᠲᠤ ᠬᠦᠷᠭᠡᠵᠤ ᠴᠢᠳᠠᠯ ᠦᠭᠡᠢ ᠴᠡᠭᠡᠵᠢᠨᠳᠡᠭᠡᠨ ᠣᠯᠠᠨ ᠰᠠᠷᠠ ᠬᠠᠷᠠ ᠳᠠᠷᠤᠯᠠ᠃
ᠲᠡᠢᠨᠦ ᠦᠶᠡᠳᠦ ᠲᠠᠩᠨᠠᠭᠤᠯᠴᠢᠶᠢᠨ ᠮᠡᠳᠡᠭᠡ᠂ ᠴᠠᠭ ᠬᠤᠭᠤᠴᠠᠭᠠ ᠬᠣᠨᠵᠢᠬᠤ ᠰᠢᠭ᠋ ᠦᠨᠡ ᠴᠡᠨᠡ ᠲᠠᠢ ᠶᠠᠭᠤᠮᠠ ᠪᠠᠢᠳᠠᠭ ᠦᠭᠡᠢᠶᠢ ᠴᠢ ᠮᠡᠳᠡᠨᠡ᠃ ᠶᠠᠭᠤ ᠭᠡᠪᠡᠯ ᠮᠠᠨᠤ ᠲᠣᠲᠤᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤᠳᠤ ᠶᠠᠫᠤᠨᠤ ᠲᠠᠩᠨᠠᠭᠤᠯ ᠬᠥᠬᠡᠭᠦᠦ ᠭᠡᠳᠡᠭ ᠬᠥᠮᠥᠨ ᠰᠢᠷᠭᠤᠯᠠᠨ ᠣᠷᠤᠵᠠᠢ᠃ ᠲᠡᠭᠦᠨᠦ ᠭᠣᠣᠯ ᠵᠣᠷᠢᠯᠭᠠ ᠨᠢ ᠹᠷᠣᠨᠲ ᠳᠡᠭᠡᠷᠡ ᠪᠠᠢᠯᠳᠤᠵᠤ ᠪᠠᠢᠭᠠ ᠮᠠᠨᠤ ᠴᠡᠷᠢᠭᠦᠨ ᠬᠣᠷᠢᠶᠠ᠂ ᠳ᠋ᠢᠸᠢᠽᠢ᠂ ᠠᠩᠬᠢ ᠨᠢᠭᠡᠳᠬᠡᠯᠦᠨ ᠠᠯᠢ ᠡᠷᠳᠡᠮ ᠪᠣᠯᠪᠠᠰᠤᠷᠠᠯ ᠲᠠᠢ ᠰᠢᠯᠢᠳᠡᠭ ᠳᠠᠷᠤᠭᠠ᠂ ᠺᠣᠮᠢᠰᠰᠠᠷᠤᠳᠤᠨ ᠴᠣᠯᠠ ᠬᠡᠷᠬᠡᠮ᠂ ᠣᠪᠤᠭ ᠨᠡᠷᠡ᠂ ᠠᠯᠪᠠᠨ ᠲᠣᠰᠢᠶᠠᠯᠢ ᠨᠠᠭᠠᠰᠢᠪᠠᠨ ᠬᠢᠯᠢ ᠳᠠᠪᠠᠭᠤᠯᠤᠨ ᠮᠡᠳᠡᠭᠡᠯᠡᠬᠦ᠂ ᠲᠡᠳᠡᠨᠦ ᠪᠡᠶᠡ ᠪᠡᠶᠡᠳᠡᠭᠡᠨ ᠢᠲᠡᠭᠡᠬᠦ ᠢᠲᠡᠭᠡᠯᠢ ᠠᠯᠳᠠᠭᠳᠠᠭᠤᠯᠬᠤ᠂ 〈 ᠶᠠᠫᠤᠨᠤ ᠲᠠᠩᠨᠠᠭᠤᠯ᠂ ᠠᠷᠠᠳᠤᠨ ᠳᠠᠢᠰᠤᠨ〉 ᠬᠡᠮᠡᠨ ᠰᠡᠷᠳᠡᠵᠦ （ ᠶᠠᠯᠠ ᠨᠡᠮᠡᠵᠦ） ᠡᠯᠳᠡᠪ ᠬᠠᠭᠣᠷᠮᠠᠭ᠍ᠴᠢ ᠬᠡᠷᠡᠭ᠂ ᠪᠠᠷᠢᠮᠲᠠ ᠪᠦᠷᠢᠳᠦᠭᠦᠯᠵᠦ ᠪᠠᠷᠢᠪᠴᠢᠯᠠᠭᠤᠯᠬᠤ᠂ ᠣᠯᠠᠮᠢᠶᠠᠷ ᠠᠷᠮᠢᠶᠢᠨ ᠭᠠᠷ ᠬᠥᠯᠢ ᠮᠣᠬᠤᠷᠯᠠᠨ ᠤᠳᠤᠷᠢᠳᠤᠯᠭᠠ ᠲᠣᠯᠤᠭᠠᠢ ᠦᠭᠡᠢ ᠪᠣᠯᠭᠠᠬᠤ ᠶᠠᠪᠤᠭᠤᠯᠤᠭᠠ ᠵᠣᠬᠢᠶᠠᠨ ᠪᠠᠢᠭᠤᠯᠬᠤ ᠬᠣᠣᠷᠲᠤ ᠬᠡᠷᠡᠭ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠪᠠᠢᠬᠤᠳᠤ ᠪᠣᠢ᠃ ᠬᠦᠬᠡᠬᠦᠦ ᠣᠯᠠᠭᠤᠯᠠᠪᠠᠨ᠂ ᠥᠪᠡᠷᠦᠨ ᠭᠠᠷ ᠬᠥᠯ᠂ ᠰᠦᠷᠴᠢᠨ ᠲᠠᠷᠵᠢᠨ ᠡᠪᠳᠡᠭᠡᠳᠦᠳᠢ ᠶᠠᠮᠤᠨᠳᠤ ᠭᠠᠳᠠᠭᠠᠳᠤᠶᠢᠨ ᠲᠠᠩᠨᠠᠭᠤᠯ ᠪᠠᠢᠨᠠ ᠭᠡᠳᠡᠭ ᠠᠷᠭᠠᠯ ᠲᠦᠯᠡᠭᠡᠨᠳᠦ ᠲᠠᠷᠢ ᠨᠢᠭᠤᠭᠰᠠᠨ ᠲᠠᠢ ᠠᠳᠠᠯᠢ ᠠᠶᠤᠯ ᠲᠠᠢ᠃ ᠭᠡᠪᠡᠴᠦ ᠴᠢ ᠶᠠᠭᠠᠷᠠᠵᠤ ᠪᠣᠯᠬᠤ ᠦᠭᠡᠢ᠃ ᠶᠠᠭᠠᠷᠠᠪᠠᠯ ᠲᠠᠭᠠᠷᠠᠨᠠ？ ᠴᠢ ᠢᠯᠡᠷᠡᠪᠡᠯ ᠡᠬᠡ ᠣᠷᠤᠨᠳᠤᠠᠶᠤᠯ ᠤᠴᠠᠷᠠᠨᠠ᠂ ᠣᠯᠠᠮ ᠭᠡᠮ ᠵᠢᠮ ᠦᠭᠡᠢ ᠬᠥᠮᠥᠨᠦ ᠠᠮᠢ ᠰᠦᠢᠳᠦᠨᠡ᠃ ᠡᠢᠮᠦ ᠠᠶᠤᠯᠤᠨ ᠳᠡᠷᠭᠡᠳᠡ ᠴᠢ ᠪᠢᠳᠡᠨᠦ ᠥᠴᠦᠭᠡᠨ ᠠᠮᠢ ᠶᠠᠭᠤ ᠴᠤ᠌ ᠪᠢᠰᠢ ᠭᠡᠳᠡᠭᠢ ᠳᠠᠩᠳᠠ ᠪᠣᠳᠤᠵᠤ ᠶᠠᠪᠤ᠃ ᠡᠨᠡ ᠳᠠᠭᠠᠭᠠᠯᠭᠠᠪᠤᠷᠢᠶᠢ ᠪᠡᠶᠡᠯᠡᠭᠦᠯᠪᠡᠯ ᠴᠢ ᠪᠢᠳᠡ ᠬᠣᠶᠠᠷᠤᠨ ᠬᠥᠮᠥᠨ ᠪᠣᠯᠣᠭᠰᠠᠨᠤ ᠬᠡᠷᠡᠭ ᠪᠥᠲᠦᠨᠡ᠃ ᠡᠨᠡ ᠨᠢᠭᠤᠴᠠᠶᠢ ᠨᠠᠳᠠᠳᠤ ᠳᠠᠮᠵᠢᠭᠤᠯᠤᠭᠰᠠᠨ᠂ ᠶᠠᠫᠤᠨᠤ ᠱᠤᠷᠤᠩᠳᠤ ᠨᠠᠰᠤ ᠡᠴᠦᠰᠯᠡᠭᠰᠡᠨ ᠲᠡᠷᠡ ᠬᠥᠮᠥᠨᠦ ᠨᠡᠷᠡᠶᠢ ᠮᠠᠭᠰᠠᠷᠭᠣᠴᠤᠤ ᠭᠡᠳᠡᠭ ᠶᠤᠮ ᠰᠢᠦ᠃ ᠲᠡᠢᠨᠦ ᠬᠡᠴᠡᠭᠦᠦ ᠪᠡᠷᠬᠡ ᠴᠠᠭᠲᠤ ᠳᠠᠢᠰᠤᠨ ᠨᠥᠬᠦᠷ ᠬᠣᠶᠠᠷᠢ ᠲᠡᠨᠢᠬᠤ ᠠᠮᠠᠷ ᠦᠭᠡᠢ᠃ ᠮᠠᠷᠭᠠᠰᠢ ᠴᠢ ᠨᠠᠮᠠᠶᠢ ᠫᠣᠣᠳᠠᠬᠤᠳᠠᠭᠠᠨ ᠵᠢᠷᠦᠬᠡ ᠠᠯᠳᠠᠨ ᠬᠠᠯᠢᠷᠠᠵᠤ ᠪᠣᠯᠬᠤ ᠦᠭᠡᠢ ᠰᠢᠦ᠃ ᠪᠢ ᠴᠢᠮᠠᠶᠢ ᠦᠵᠡᠨ ᠶᠠᠳᠠᠭᠰᠠᠨ ᠬᠥᠮᠥᠨᠦ ᠳᠦᠷᠢᠪᠡᠷ ᠶᠠᠫᠤᠨᠳᠤ ᠪᠡᠶᠡᠪᠡᠨ ᠬᠤᠳᠠᠯᠳᠤᠭᠰᠠᠨ ᠣᠷᠪᠠᠭ᠍ᠴᠢ ᠭᠡᠵᠦ ᠡᠨᠡ ᠲᠡᠷᠡ ᠦᠭᠡᠪᠡᠷ ᠬᠠᠷᠢᠶᠠᠵᠤ ᠵᠦᠬᠡᠨᠡ᠃ ᠴᠢ ᠲᠡᠭᠦᠨᠳᠦ ᠢᠲᠡᠭᠡᠵᠤ ᠦᠨᠡᠮᠰᠢᠵᠤ᠂ ᠡᠷᠡᠬᠡᠯᠵᠡᠵᠦ ᠲᠡᠭᠡᠨᠡᠭᠯᠡᠵᠡᠪᠡ！ ᠴᠢᠮᠠᠶᠢ ᠡᠴᠦᠰᠦᠨ ᠤᠳᠠᠭᠠ ᠭᠤᠶᠤᠬᠤ ᠶᠠᠭᠤᠮᠠ ᠪᠣᠯ ᠨᠠᠮᠠᠶᠢ ᠵᠣᠪᠡᠵᠤ ᠲᠠᠷᠴᠢᠯᠠᠭᠠᠬᠤ ᠦᠭᠡᠢᠪᠡᠷ ᠰᠠᠢᠨ ᠫᠣᠣᠳᠠᠭᠠᠷᠠᠢ᠃ ᠬᠠᠷᠢᠨ ᠡᠵᠢᠳᠦ ᠮᠢᠨᠢ ᠨᠠᠮᠠᠶᠢ ᠠᠮᠢᠳᠤ ᠪᠠᠢᠭᠠ᠂ ᠶᠡᠬᠡ ᠬᠣᠯᠠ ᠶᠠᠭᠤᠮᠠᠨᠳᠤ ᠶᠠᠪᠤᠭᠰᠠᠨ᠂ ᠤᠳᠠᠵᠤ ᠢᠷᠡᠨᠡ ᠭᠡᠵᠦ ᠬᠡᠯᠡᠭᠡᠷᠡᠢ᠃ ᠲᠡᠭᠡᠭᠡᠳ ᠡᠨᠡ ᠴᠢᠯᠠᠭᠤᠶᠢ ᠠᠪᠠᠴᠢᠵᠤ ᠥᠭᠭᠦᠭᠡᠳ ᠬᠦᠦᠪᠡᠨ ᠰᠠᠨᠠᠭᠰᠠᠨ ᠦᠶᠡᠳᠦ ᠭᠠᠷᠭᠠᠵᠤ ᠬᠠᠷᠠᠭᠠᠷᠠᠢ ᠭᠡᠵᠦ ᠠᠷᠭᠠᠳᠠᠭᠠᠷᠠᠢ᠃ ᠨᠤᠲᠤᠭᠤᠨ ᠮᠢᠨᠢ ᠴᠢᠯᠠᠭᠤ᠁ ᠪᠢ ᠴᠡᠷᠢᠭᠲᠦ ᠮᠣᠷᠳᠠᠬᠤᠳᠠᠭᠠᠨ ᠥᠯᠵᠡᠢᠲᠦ ᠬᠠᠢᠷᠬᠠᠨᠤᠪᠠᠨ ᠪᠡᠯᠡᠴᠡ ᠠᠪᠴᠤ ᠡᠪᠦᠷᠲᠦᠯᠡᠭᠡᠳ ᠮᠣᠷᠳᠠᠭᠰᠠᠨ ᠶᠤᠮ᠃ ᠠᠭᠣᠯᠠᠰ ᠴᠢᠯᠠᠭᠤᠪᠠᠨ ᠦᠭᠡᠢᠯᠡᠳᠡᠭ ᠶᠤᠮ ᠭᠡᠨᠡ ᠯᠠᠢ᠂ ᠬᠥᠮᠥᠨᠦ ᠭᠠᠵᠠᠷᠲᠤ ᠨᠤᠲᠤᠭᠤᠨᠢᠶᠠᠨ ᠴᠢᠯᠠᠭᠤᠶᠢ ᠭᠠᠭᠴᠠᠭᠠᠷᠳᠠᠭᠤᠯᠤᠨ ᠥᠨᠦᠴᠢᠷᠡᠭᠦᠯᠬᠦ ᠦᠭᠡᠢ ᠭᠡᠵᠤ ᠪᠣᠳᠤᠭᠰᠠᠨᠳᠠᠭᠠᠨ ᠴᠢᠮᠠᠳᠤ ᠥᠭᠴᠦ ᠪᠠᠢᠭᠠ ᠶᠤᠮ》 ᠭᠡᠵᠦ ᠦᠭᠦᠯᠡᠭᠡᠳ ᠪᠠᠲᠤ ᠡᠩᠭᠡᠷᠦᠨᠢᠶᠡᠨ ᠬᠠᠯᠠᠭᠠᠰᠤᠶᠢ ᠠᠭᠤᠳᠠᠯᠤᠨ ᠡᠪᠤᠷᠲᠡᠬᠡᠨ ᠬᠠᠳᠠᠭᠠᠯᠠᠭᠰᠠᠭᠠᠷ ᠶᠠᠪᠤᠭᠠᠳ ᠡᠯᠡᠭᠳᠡᠴᠢᠬᠡᠭᠰᠡᠨ ᠶᠤᠮ ᠰᠢᠭ᠋ ᠬᠥᠬᠡᠪᠦᠷ ᠰᠤᠳᠠᠯ ᠲᠠᠢ ᠦ ᠦᠭᠡᠢ ᠵᠢᠵᠢᠭᠬᠡᠨ ᠴᠢᠯᠠᠭᠤ ᠭᠠᠷᠭᠠᠨ ᠮᠠᠩᠨᠠᠢᠳᠤᠪᠠᠨ ᠬᠦᠷᠭᠡᠵᠦ ᠭᠤᠷᠪᠠᠨᠲᠠ ᠠᠳᠢᠰ ᠠᠪᠤᠭᠠᠳ᠄
《 ᠡᠵᠢᠳᠦ ᠮᠢᠨᠢ ᠥᠭᠭᠦᠭᠡᠷᠡᠢ》 ᠭᠡᠵᠦ ᠬᠡᠯᠡᠬᠦᠳᠡᠭᠡᠨ ᠲᠡᠭᠦᠨᠦ ᠬᠣᠭᠤᠯᠠᠢ ᠲᠣᠷᠤᠰᠬᠢᠨ ᠵᠠᠩᠭᠢᠷᠠᠬᠤᠶᠢ ᠠᠵᠢᠭ᠍ᠯᠠᠭᠰᠠᠨ ᠵᠠᠮᠰᠤᠶᠢᠨ ᠬᠠᠮᠠᠷ ᠨᠠᠷᠮᠠᠢ ᠥᠪᠡᠷᠦᠨ ᠡᠷᠬᠡ ᠦᠭᠡᠢ ᠱᠠᠷᠬᠢᠷᠠᠭᠠᠳ ᠶᠠᠪᠤᠴᠢᠬᠠᠯᠠ᠃ ᠦᠬᠦᠯ ᠬᠠᠭᠠᠴᠠᠯ᠂ ᠳᠠᠢᠨ ᠲᠤᠯᠤᠯᠳᠤᠭᠠᠨᠳᠤ ᠬᠠᠳᠠᠭᠤᠵᠢᠭ᠍ᠰᠠᠨ ᠬᠣᠶᠠᠷ ᠡᠷᠡ ᠬᠥᠮᠥᠨ ᠲᠡᠷᠡ ᠰᠦᠨᠢ ᠵᠤᠪᠬᠢ ᠠᠨᠢᠯ ᠦᠭᠡᠢ ᠰᠡᠷᠡᠭᠦᠨ ᠬᠣᠨᠤᠵᠠᠢ᠃ ᠠᠯᠠᠬᠤ ᠨᠢ ᠠᠯᠠᠭᠳᠠᠬᠤᠠᠴᠠ ᠪᠡᠨ ᠲᠤᠳᠠᠭᠤ ᠦᠭᠡᠢ ᠰᠢᠨᠠᠯᠤᠨ ᠲᠠᠷᠴᠢᠯᠠᠬᠤ ᠬᠡᠨ ᠬᠡᠨᠦᠪᠡᠨ ᠵᠣᠪᠠᠯᠠᠩᠢ ᠲᠦᠷ ᠴᠤ᠌ ᠭᠡᠰᠡᠨ ᠮᠠᠷᠲᠠᠭᠳᠠᠭᠤᠯᠬᠤᠶᠢᠨ ᠲᠤᠯᠠᠳᠠ ᠪᠠᠭᠠ ᠨᠠᠰᠤ᠂ ᠨᠤᠲᠤᠭ ᠤᠰᠤᠪᠠᠨ ᠳᠤᠷᠠᠰᠤᠨ ᠶᠡᠬᠡ ᠶᠠᠷᠢᠯᠴᠠᠮᠠᠷ ᠪᠠᠢᠭ᠍ᠰᠠᠨ ᠪᠣᠯᠪᠠᠴᠤ ᠱᠣᠷᠣᠩᠤᠨ ᠬᠠᠨᠠᠨᠳᠤ ᠨᠢᠭᠤᠴᠠᠯᠠᠭᠰᠠᠨ ᠳᠠᠭᠤ ᠬᠤᠷᠢᠶᠠᠭ᠍ᠴᠢᠠᠴᠠ ᠡᠮᠢᠶᠡᠭᠡᠳ ᠰᠦᠨᠢ ᠳᠣᠮᠳᠠᠠᠴᠠ ᠬᠣᠢᠰᠢ ᠶᠠᠭᠤ ᠴᠤ᠌ ᠶᠠᠷᠢᠬᠤ ᠦᠭᠡᠢ ᠪᠠᠢᠬᠤᠪᠠᠷ ᠲᠣᠬᠢᠷᠠᠯᠴᠠᠪᠠ᠃
ᠠᠳᠠᠭ ᠨᠢ ᠶᠠᠭᠠᠷᠠᠵᠤ ᠬᠦᠯᠢᠶᠡᠬᠦᠳᠦ ᠪᠠᠷᠠᠭᠳᠠᠳᠠᠭ ᠦᠭᠡᠢ ᠴᠠᠭ ᠬᠣᠭᠣᠴᠠᠭᠠ ᠠᠭᠰᠤᠮ ᠴᠠᠭᠠᠨ ᠮᠣᠷᠢᠲᠠᠢ ᠬᠥᠮᠥᠨ ᠠᠢᠯᠤᠨ ᠭᠠᠳᠠᠭᠤᠷ ᠳᠠᠪᠬᠢᠨ ᠣᠳᠬᠤ ᠠᠳᠠᠯᠢ ᠥᠩᠭᠡᠷᠡᠪᠡ᠃ ᠨᠢᠭᠡ ᠮᠡᠳᠡᠬᠦᠯᠡ ᠵᠤᠨᠤ ᠪᠤᠭᠤᠨᠢᠬᠠᠨ ᠰᠦᠨᠢ ᠪᠠᠷᠠᠭᠳᠠᠭᠠᠳ ᠭᠢᠨᠳᠠᠨᠤ ᠭᠡᠭᠡᠪᠴᠢᠪᠡᠷ ᠦᠯᠦ ᠮᠡᠳᠡᠭᠡ ᠬᠥᠬᠡᠪᠦᠷ ᠲᠣᠶᠠᠭᠠ ᠲᠠᠢ ᠦᠦᠷᠦᠨ ᠣᠷᠣᠭ ᠰᠠᠭᠠᠷᠠᠯ ᠭᠡᠭᠡ ᠪᠦᠳᠡᠬᠢ ᠪᠠᠳᠠᠬᠢᠬᠠᠨ ᠲᠣᠰᠬᠤ ᠲᠣᠰᠬᠤ ᠦᠭᠡᠢᠶᠢᠨ ᠠᠯᠳᠠᠳᠤ ᠤᠷᠲᠤ ᠬᠣᠩᠬᠢᠯᠤᠨ ᠨᠦᠭᠦᠭᠡ ᠦᠵᠦᠭᠦᠷᠲᠦ ᠪᠣᠢ ᠬᠣᠯᠬᠤᠪᠴᠢ ᠲᠠᠢ ᠳᠡᠮᠦᠷ ᠬᠠᠭᠠᠯᠭᠠ ᠬᠠᠷᠴᠢᠬᠢᠨᠠᠨ ᠳᠤᠤᠭᠠᠷᠬᠤ ᠰᠠᠴᠠᠭᠤ ᠠᠯᠤᠰᠲᠤ ᠬᠡᠳᠦ ᠬᠡᠳᠦᠨ ᠬᠥᠮᠥᠨᠦ ᠬᠥᠯ ᠴᠢᠮᠡᠭᠡ ᠭᠠᠷᠴᠤ ᠭᠠᠵᠢ ᠪᠤᠷᠤᠭᠤ ᠬᠡᠯᠡᠪᠡᠷ ᠴᠢᠩᠭᠠ ᠴᠢᠩᠭᠠ ᠶᠠᠷᠢᠯᠴᠠᠬᠤ ᠨᠢ ᠬᠠᠭᠠᠰ ᠲᠣᠳᠠᠭᠤ ᠳᠠᠭᠤᠯᠳᠠᠯᠠ᠃
ᠪᠠᠲᠤ ᠶᠡᠷᠦ ᠶᠠᠭᠤ ᠴᠤ᠌ ᠪᠣᠯᠤᠭᠠ ᠦᠭᠡᠢ ᠶᠤᠮ ᠰᠢᠭ᠋ ᠰᠠᠨᠠᠭᠠᠨᠳᠤ ᠣᠷᠤᠮᠠ ᠦᠭᠡᠢ ᠴᠦᠯᠭᠥ （ ᠰᠣᠯᠠ） ᠲᠠᠢᠪᠣᠩ ᠲᠠᠭᠤᠨᠢᠶᠠᠷ᠄
《 ᠵᠠ᠂ ᠬᠠᠭᠠᠴᠠᠬᠤ ᠴᠠᠭ ᠬᠠᠭᠠᠯᠭᠠᠨᠤ ᠴᠠᠭᠠᠨᠠ ᠢᠷᠡᠪᠡ ᠪᠣᠯᠤᠯᠲᠠᠢ᠃ ᠬᠥᠬᠡᠬᠦᠦ᠂ ᠮᠠᠭᠰᠠᠷᠭᠣᠴᠤᠤ ᠬᠣᠶᠠᠷᠢ ᠮᠠᠷᠲᠠᠪᠠ》 ᠭᠡᠵᠦ ᠨᠠᠮ ᠳᠠᠭᠤᠪᠠᠷ ᠬᠡᠯᠡᠭᠡᠳ ᠵᠠᠮᠰᠤᠶᠢ ᠶᠠᠰᠤᠷᠬᠠᠭ ᠥᠷᠭᠡᠨ ᠴᠡᠭᠡᠵᠢᠨᠳᠡᠭᠡᠨ ᠲᠡᠪᠡᠷᠢᠨ ᠠᠪᠴᠤ᠄
《 ᠵᠣᠷᠢᠭ᠋ᠢᠶᠠᠨ ᠴᠢᠩᠭᠠᠯᠠ᠂ ᠴᠡᠷᠢᠭ ᠬᠥᠮᠥᠨ ᠳᠠᠢᠰᠤᠨᠳᠠᠭᠠᠨ ᠨᠢᠯᠪᠣᠰᠣ᠌᠂ ᠭᠤᠲᠤᠷᠠᠯ ᠬᠣᠶᠠᠷᠢᠶᠠᠨ ᠦᠵᠡᠭᠦᠯᠬᠦ ᠰᠢᠭ᠌ ᠭᠤᠲᠤᠮᠰᠢᠭ᠋ ᠪᠠᠢᠳᠠᠭ ᠦᠭᠡᠢ ᠶᠤᠮ》 ᠭᠡᠵᠦ ᠬᠡᠯᠡᠭᠡᠳ ᠲᠡᠭᠦᠨᠦ ᠳᠤᠬᠤᠨ ᠳᠡᠭᠡᠷᠡ ᠦᠨᠦᠰᠪᠡ᠃ ᠡᠭᠦᠳᠡᠨᠦ ᠴᠤᠤᠵᠢ ᠬᠠᠷᠴᠢᠬᠢᠨᠠᠨ ᠲᠤᠤᠭᠠᠷᠤᠭᠰᠠᠨᠢᠶᠠᠷ ᠲᠡᠮᠦᠷ ᠲᠣᠪᠤᠷᠤᠤ ᠲᠠᠢ ᠬᠠᠳᠠᠭᠠᠰᠤᠪᠠᠷ ᠪᠦᠭᠡᠯᠡᠭᠰᠡᠨ ᠲᠣᠮᠣ᠌ ᠮᠣᠳᠤᠨ ᠬᠠᠭᠠᠯᠭᠠ ᠴᠠᠭᠠᠵᠠᠶᠢᠨ ᠲᠣᠭᠲᠠᠭᠠᠯ ᠣᠩᠰᠢᠬᠤ ᠮᠡᠨᠳᠦ ᠴᠢᠬᠠᠷᠠᠨ ᠨᠡᠬᠡᠬᠡᠭᠳᠡᠯᠡ᠃ ᠠᠷᠤᠳᠠᠭᠠᠨ ᠵᠣᠭᠰᠤᠵᠤ ᠪᠠᠢᠭᠠ ᠶᠠᠫᠤᠨ ᠳᠠᠷᠤᠭᠠ ᠨᠠᠷᠢ ᠬᠠᠷᠠᠭᠠᠳ ᠡᠷᠲᠦᠵᠤ ᠬᠥᠭᠡᠷᠦᠭᠰᠡᠨ ᠬᠣᠶᠠᠭ᠂ ᠫᠤᠤᠶᠢᠨᠢᠶᠡᠨ ᠵᠠᠮᠣᠭᠢ ᠲᠠᠴᠢᠬᠢᠨᠠᠭᠤᠯᠤᠨ ᠰᠦᠷ ᠪᠠᠳᠠᠷᠠᠭᠤᠯᠬᠤ ᠵᠠᠭᠤᠷᠠᠪᠠᠨ᠄
《 ᠬᠣᠶᠠᠭᠤᠯᠠᠪᠠᠨ ᠭᠠᠷᠤᠭᠠᠳ ᠢᠷᠡ》 ᠭᠡᠵᠦ ᠶᠡᠬᠡ ᠯᠡ ᠣᠮᠤᠭᠲᠠᠢ ᠴᠢᠩᠭᠠ ᠬᠠᠰᠬᠢᠷᠤᠯᠠ᠃ ᠡᠨᠡᠬᠡᠨ ᠮᠥᠴᠡᠳᠦ ᠰᠠᠮᠤᠷᠠᠢ ᠨᠠᠷ ᠶᠠᠮᠠᠷ ᠪᠣᠳᠣᠯ ᠡᠪᠦᠷᠯᠡᠨ ᠬᠣᠶᠠᠷ ᠬᠣᠷᠢᠭ᠍ᠳᠠᠯᠢ ᠨᠢᠭᠡ ᠳᠣᠣᠷᠠ ᠤᠳᠠᠭᠠᠨ ᠬᠣᠭᠣᠴᠠᠭᠠᠪᠠᠷ ᠡᠢᠨ ᠬᠦ᠌ ᠬᠣᠷᠢᠭ᠍ᠰᠠᠨᠤ ᠴᠠᠭᠠᠲᠤ ᠨᠠᠷᠢᠨ ᠤᠴᠢᠷᠢ ᠪᠠᠲᠤ ᠭᠡᠨᠡᠳᠲᠡ ᠤᠬᠠᠭᠠᠷᠠᠯᠠ᠃ ᠲᠡᠭᠦᠨᠦ ᠣᠢᠯᠠᠭᠠᠭᠰᠠᠨᠢᠶᠠᠷ ᠬᠣᠶᠠᠷ ᠬᠣᠶᠠᠷ ᠬᠣᠷᠢᠭ᠍ᠳᠠᠯᠢ ᠨᠢᠭᠡ ᠳᠣᠣᠷᠠ ᠬᠣᠷᠢᠬᠣ᠌ᠳᠤ ᠬᠡᠳᠦᠨ ᠲᠠᠯᠠᠶᠢᠨ ᠠᠰᠢᠭ᠍ᠲᠠᠢ ᠪᠠᠢᠭ᠍ᠰᠠᠨ ᠶᠤᠮ ᠰᠠᠨᠵᠠᠢ᠃ ᠶᠠᠭᠤ ᠭᠡᠪᠡᠯ ᠨᠢᠭᠡᠳᠦ᠂ ᠬᠣᠭᠣᠷᠣᠨᠳᠣ᠌ᠪᠠᠨ ᠨᠠᠷᠢᠨ ᠰᠢᠷᠢᠨ ᠶᠠᠭᠤᠮᠠ ᠶᠠᠭᠤ ᠶᠠᠷᠢᠯᠴᠠᠬᠤᠶᠢ ᠰᠣᠨᠣᠰᠬᠣ᠌᠂ ᠨᠥᠭᠦᠭᠡ ᠨᠢᠭᠡ ᠠᠰᠢᠭ᠋ ᠭᠡᠪᠡᠯ ᠬᠥᠮᠥᠨᠦ ᠭᠠᠵᠠᠷ᠂ ᠬᠥᠨᠳᠦ ᠪᠡᠷᠬᠡ ᠱᠣᠷᠣᠩ ᠭᠢᠨᠳᠠᠨᠳᠤ ᠵᠤᠪᠠᠯᠠᠩ ᠵᠢᠷᠭᠠᠯᠢᠶᠠᠨ ᠬᠣᠪᠢᠶᠠᠯᠴᠠᠨ ᠪᠡᠶᠡ ᠪᠡᠶᠡᠳᠡᠭᠡᠨ ᠢᠲᠡᠭᠡᠯᠴᠡᠨ ᠳᠠᠰᠤᠯᠴᠠᠭᠰᠠᠨ ᠬᠥᠮᠥᠰᠦᠨ ᠨᠢᠭᠡᠪᠡᠷ ᠨᠥᠭᠦᠭᠡᠶᠢ ᠨᠢ ᠫᠣᠣᠳᠠᠭᠤᠯᠤᠨᠠ ᠭᠡᠳᠡᠭ ᠪᠠᠰᠠ ᠴᠢᠭᠡ ᠬᠠᠲᠠᠭᠤᠬᠠᠨ ᠰᠢᠯᠭᠠᠯᠲᠠ ᠪᠣᠯᠬᠤᠶᠢ ᠲᠡᠳᠡ ᠠᠯᠳᠠᠭᠠ ᠦᠭᠡᠢ ᠲᠣᠭᠠᠴᠠᠭᠠᠯᠠᠵᠠᠢ᠃ ᠵᠠᠮᠰᠤᠶᠢ ᠲᠥᠷᠦᠭᠦᠯᠡᠨ ᠬᠣᠩᠬᠢᠯᠳᠤ ᠭᠠᠷᠴᠤ ᠢᠷᠡᠬᠦᠳᠦ ᠱᠣᠷᠣᠩᠳᠤ ᠡᠯᠳᠡᠪ ᠪᠣᠬᠢᠷ ᠦᠨᠦᠷ ᠲᠠᠨᠢᠷᠠᠴᠠ ᠳᠠᠢᠵᠢᠭ᠍ᠰᠠᠨ ᠶᠠᠩᠵᠤᠲᠠᠢ ᠲᠡᠷᠲᠡᠭᠡᠬᠢ ᠪᠣᠯᠣᠩᠳᠤ ᠪᠦᠭᠡᠮᠨᠡᠷᠡᠨ ᠵᠣᠭᠰᠤᠭᠰᠠᠨ ᠬᠡᠰᠡᠭ ᠬᠥᠮᠥᠰᠦᠨ ᠳᠣᠮᠳᠠ ᠱᠠᠲ᠋ᠠᠪᠤᠨ ᠬᠡᠳᠦᠨ ᠭᠣᠶᠣ᠌ ᠲᠡᠭᠵᠢᠨ ᠣᠹᠢᠼᠧᠷ ᠥᠪᠡᠷ ᠬᠣᠭᠤᠷᠤᠨᠳᠤᠪᠠᠨ ᠡᠨᠡ ᠲᠡᠷᠡᠬᠡᠨ ᠰᠤᠯᠠ ᠦᠭᠡᠰᠢ ᠶᠠᠷᠢᠯᠴᠠᠨ ᠨᠢᠷᠤᠭᠤᠪᠠᠨ ᠡᠭᠦᠷᠦᠨ ᠵᠣᠭᠰᠤᠵᠠᠭᠠᠵᠤ ᠪᠠᠢᠯᠠ᠃
ᠡᠨᠡ ᠪᠣᠯ ᠵᠠᠮᠰᠤᠠᠴᠠ ᠨᠢᠳᠦ ᠦᠵᠡᠨ ᠰᠢᠯᠭᠠᠯᠲᠠ ᠠᠪᠬᠤ 《 ᠺᠣᠮᠢᠰ》 ᠪᠠᠢᠭ᠍ᠰᠠᠨ ᠶᠤᠮ ᠰᠠᠨᠵᠠᠢ᠃ ᠪᠥᠰᠡ ᠮᠠᠯᠠᠭᠠᠢ ᠦᠭᠡᠢ᠂ ᠦᠰᠦ ᠰᠠᠬᠠᠯ ᠨᠢ ᠣᠷᠭᠤᠨ ᠴᠢᠷᠠᠢ ᠳᠠᠷᠤᠭᠰᠠᠨ ᠬᠣᠶᠠᠷ ᠬᠣᠷᠢᠭ᠍ᠳᠠᠯ᠂ ᠬᠤᠶᠠᠭᠤᠨ ᠵᠠᠮᠴᠢᠯᠠᠭᠰᠠᠨᠢᠶᠠᠷ ᠭᠠᠳᠠᠭ᠍ᠰᠢ ᠭᠠᠷᠳᠠᠭ ᠬᠠᠭᠠᠯᠭᠠᠨᠤ ᠵᠦᠭ ᠴᠤᠪᠤᠷᠠᠨ ᠠᠯᠬᠤᠪᠠ᠃ ᠶᠠᠪᠤᠬᠤ ᠬᠥᠳᠡᠯᠬᠦ ᠪᠦᠷᠢ ᠳᠡᠰᠬᠦᠶᠡ ᠪᠡᠷᠬᠡ ᠲᠠᠲᠠᠯᠳᠤᠨ ᠡᠪᠡᠳᠴᠦ ᠪᠣᠢ ᠰᠢᠷᠬᠠ ᠰᠣᠯᠪᠢᠨᠳᠠᠭᠠᠨ ᠡᠮᠵᠡᠭᠯᠡᠭᠰᠡᠨ ᠪᠠᠲᠤ ᠡᠨᠡ ᠮᠠᠭᠤᠰᠠᠢᠨᠳᠤ ᠮᠠᠭᠤᠪᠠᠨ ᠦᠵᠡᠭᠦᠯᠬᠦ ᠦᠭᠡᠢ ᠳᠠ ᠭᠡᠰᠡᠨ ᠳᠠ ᠭᠡᠰᠡᠨ ᠰᠢᠭ᠌ ᠰᠢᠳᠦ ᠵᠠᠭᠤᠨ ᠲᠣᠩᠭᠣᠢᠨ ᠠᠯᠬᠤᠬᠤ ᠪᠦᠭᠡᠳ ᠲᠡᠭᠦᠨᠦ ᠳᠤᠬᠤᠨᠳᠤ ᠬᠦᠢᠲᠡᠨ ᠬᠥᠯᠦᠰᠦ ᠴᠢᠬᠠᠷᠠᠨᠠ᠃ ᠴᠠᠭᠠᠵᠠᠶᠢᠨ ᠭᠠᠵᠠᠷ ᠢᠷᠡᠬᠦᠳᠦ ᠥᠷᠯᠦᠭᠡᠨᠦ ᠨᠠᠷᠠᠨᠤ ᠴᠢᠰᠤᠨ ᠤᠯᠠᠭᠠᠨ ᠲᠤᠶᠠᠭᠠ᠂ ᠤ᠌ᠢᠶᠢᠨ ᠴᠣᠭᠤᠷᠤᠬᠠᠢᠳᠤ ᠰᠤᠨᠳᠤᠭᠤᠢᠳᠠᠭᠤ ᠤᠷᠭᠤᠭᠰᠠᠨ ᠬᠡᠳᠦᠨ ᠭᠤᠸᠠᠯᠢᠭ᠋ ᠵᠠᠯᠠᠭᠤ ᠨᠠᠷᠠᠰᠤᠨᠤ ᠲᠣᠷᠭᠠᠨ ᠣᠷᠤᠢ （ ᠨᠠᠷᠢᠨ ᠣᠷᠤᠢ）ᠳᠤ ᠳᠦᠩᠭᠡᠵᠦ ᠲᠣᠰᠴᠤ ᠪᠠᠢᠯᠠ᠃ ᠡᠨᠡ ᠶᠢᠷᠳᠢᠨᠴᠦᠶᠢ ᠠᠯᠠᠭ ᠦᠭᠡᠢ ᠢᠪᠡᠭᠡᠬᠦ ᠥᠷᠯᠥᠭᠡᠨᠦ ᠨᠠᠷᠠᠨᠤ ᠭᠡᠭᠡ ᠭᠡᠷᠡᠯ᠂ ᠪᠠᠶᠠᠰᠤᠭᠰᠠᠨ ᠰᠢᠪᠠᠵᠢ ᠬᠣᠷᠤᠬᠠᠢ᠂ ᠵᠢᠭᠦᠷᠲᠡᠨ ᠰᠢᠪᠠᠭᠤ᠂ ᠬᠥᠮᠥᠨ ᠠᠳᠤᠭᠤᠰᠤ ᠠᠯᠢᠨᠢ ᠨᠢ ᠪᠣᠯᠪᠠᠴᠤ ᠦᠬᠦᠯᠦᠨ ᠲᠣᠬᠠᠢ ᠪᠣᠳᠤᠬᠤᠶᠢᠨ ᠡᠴᠦᠰ ᠦᠭᠡᠢ ᠥᠭᠬᠢᠶᠡᠮᠦᠷ ᠭᠡᠭᠡᠨ ᠤᠢᠷᠠᠳᠪᠠ᠁
ᠵᠤᠨᠤ ᠳᠣᠮᠳᠠ ᠰᠠᠷᠠᠶᠢᠨ ᠨᠠᠪᠴᠢ ᠨᠣᠭᠤᠭᠠ ᠠᠯᠠᠭᠯᠠᠨ᠂ ᠪᠠᠯ ᠪᠣᠷᠠᠮᠤᠨ ᠠᠮᠲᠠ ᠦᠨᠦᠷᠲᠦ ᠪᠠᠢᠭᠠᠯᠢ ᠳᠡᠯᠡᠬᠡᠢ ᠱᠠᠩᠳᠠᠭᠤᠷᠠᠮᠠᠷ ᠴᠡᠴᠡᠭᠡᠰᠦᠨ ᠠᠩᠬᠢᠯᠤᠭᠤᠨ ᠦᠨᠦᠷ ᠲᠠᠢ ᠴᠡᠩᠬᠡᠷ ᠰᠠᠯᠬᠢᠨᠳᠤ ᠪᠠᠲᠤ ᠵᠤᠯᠠ ᠲᠠᠢ ᠯᠡ ᠰᠣᠭᠲᠤᠭᠤᠷᠠᠨ ᠤᠨᠠᠭᠰᠠᠨ ᠦᠭᠡᠢ᠃ ᠡᠷᠭᠢᠬᠦ ᠳᠦᠷᠪᠡᠨ ᠤᠯᠠᠷᠢᠯ᠂ ᠡᠷᠡᠭᠦᠯ ᠴᠡᠩᠬᠡᠷ ᠠᠭᠠᠷ ᠭᠡᠵᠤ ᠡᠢᠮᠦ ᠣᠢᠳᠬᠤᠶᠢᠨ ᠠᠷᠭᠠ ᠦᠭᠡᠢ ᠠᠷᠢᠭᠤᠨ ᠲᠡᠭᠰᠢᠶᠢᠨ ᠳ᠋ᠸᠪᠠᠵᠠᠨᠤ ᠮᠥᠩᠬᠡ ᠨᠣᠭᠤᠭᠠᠨ ᠴᠡᠴᠡᠷᠯᠢᠭ ᠪᠠᠢᠳᠠᠭᠢ ᠭᠢᠨᠳᠠᠨᠤ ᠢᠷᠤᠭᠠᠷᠲᠤ ᠨᠠᠷᠠ ᠰᠠᠯᠬᠢᠨᠤ ᠪᠠᠷᠠ ᠬᠠᠷᠠᠯ ᠦᠭᠡᠢ ᠬᠡᠳᠦᠨ ᠰᠠᠷᠠ ᠴᠤᠤᠵᠢᠲᠠᠢ ᠬᠡᠪᠲᠡᠬᠦᠳᠦᠪᠡᠨ ᠪᠠᠷᠤᠭ ᠮᠠᠷᠲᠠᠬᠤᠠᠴᠠ ᠨᠠᠭᠠᠭᠤᠷ ᠪᠣᠯᠵᠠᠢ᠃ ᠦᠢ ᠲᠥᠮᠡᠨ ᠥᠯᠦᠰᠭᠦᠯᠡᠩ ᠨᠣᠬᠠᠢᠶᠢᠨ ᠪᠦᠭᠡᠰᠦᠨᠳᠦ ᠬᠠᠮᠤᠭ ᠴᠢᠰᠤᠪᠠᠨ ᠰᠣᠷᠤᠭᠤᠯᠤᠨ ᠱᠣᠷᠣᠩᠤᠨ ᠬᠤᠶᠠᠭ ᠲᠠᠬᠠᠷ ᠨᠠᠷᠲᠤ ᠲᠠᠨᠢᠭ᠍ᠳᠠᠬᠤ ᠦᠭᠡᠢ ᠪᠣᠯᠲᠠᠯᠠᠪᠠᠨ ᠨᠦᠳᠦᠭᠦᠯᠦᠭᠰᠡᠨ᠂ ᠭᠠᠷ ᠬᠥᠯᠳᠦᠪᠡᠨ ᠭᠠᠷᠪᠠ ᠲᠠᠢ ᠣᠯᠵᠠᠶᠢᠨ ᠬᠥᠮᠥᠨ ᠵᠢᠭᠣᠳᠠᠶᠠ ᠭᠡᠵᠦ ᠬᠢᠴᠢᠶᠡᠨ ᠪᠣᠳᠤᠪᠠᠴᠦ ᠬᠡᠳᠦᠢᠬᠡᠨ ᠬᠣᠯᠠ ᠬᠠᠷᠠᠢᠬᠤ ᠰᠠᠨ ᠪᠢᠯᠡ᠃
ᠳᠠᠭᠣᠵᠦ ᠶᠠᠪᠤᠭᠠ ᠬᠠᠷᠠᠭᠠᠯᠵᠠᠭ᠍ᠴᠢ ᠰᠠᠮᠤᠷᠠᠢᠶᠢᠨ ᠰᠦᠷᠲᠦ ᠳᠦᠷᠢ ᠤᠷᠴᠢᠯᠠᠩᠤᠨ ᠰᠢᠷᠤᠢ ᠲᠦᠩᠭᠡᠵᠤ ᠬᠥᠳᠡᠯᠭᠡᠨ ᠶᠠᠪᠤᠭᠠ ᠫᠣᠣᠶᠢᠨᠢᠶᠡᠨ ᠬᠢᠲᠤᠭᠠᠨ ᠵᠢᠳᠠᠠᠴᠠ ᠲᠤᠳᠠᠭᠤ ᠦᠭᠡᠢ ᠬᠤᠷᠴᠠ ᠳᠣᠭ᠍ᠰᠢᠨ ᠬᠠᠷᠠᠴᠠ ᠲᠠᠢ ᠲᠡᠷᠡ ᠰᠦᠷᠵᠢᠨ ᠶᠠᠫᠤᠨ ᠬᠠᠷᠠᠭᠠᠯᠵᠠᠭ᠍ᠴᠢ ᠲᠠᠢ ᠬᠡᠯᠡ ᠨᠡᠪᠲᠡᠷᠡᠳᠡᠭ ᠰᠠᠨ ᠪᠣᠯ ᠬᠡᠳᠦᠨ ᠡᠭᠳᠡᠭᠦᠦ ᠲᠠᠢ ᠭᠠᠰᠢᠭᠤᠨ ᠦᠭᠡ ᠬᠡᠯᠡᠵᠦ ᠳᠤᠷᠠ ᠦᠭᠡᠢᠶᠢ ᠨᠢ ᠬᠦᠷᠭᠡᠮᠡᠷ᠃ ᠬᠠᠷᠠᠪᠠᠰᠤ ᠲᠡᠷᠡ ᠶᠠᠫᠤᠨ ᠲᠡᠢᠨ ᠦᠵᠡᠭᠡ ᠦᠭᠡᠢ ᠠᠮᠢᠲᠠᠨ ᠪᠣᠯᠬᠤᠪᠠᠨ ᠬᠥᠳᠡᠯᠭᠡᠭᠡᠨ ᠪᠦᠷᠢᠪᠡᠷᠢᠶᠡᠨ ᠬᠡᠯᠡᠭᠡᠳ ᠪᠠᠢᠬᠤ ᠰᠢᠭ᠋᠃ ᠬᠠᠯᠬᠠᠶᠢᠨ ᠭᠣᠣᠯᠳᠤ ᠪᠢ ᠴᠢᠮᠠ ᠲᠠᠢ ᠤᠯᠠᠭᠠᠨ ᠨᠢᠭᠤᠷᠢᠶᠠᠷᠢᠶᠠᠨ ᠠᠭᠤᠯᠵᠠᠭᠰᠠᠨ ᠴᠤ᠌ ᠪᠣᠯᠤᠭᠠᠰᠠᠢ᠃ ᠲᠡᠭᠡᠪᠡᠯ ᠬᠡᠨ ᠬᠡᠨ ᠮᠠᠨᠢ ᠨᠢᠭᠡ ᠶᠣᠰᠤᠷᠬᠠᠭ ᠴᠡᠮᠴᠡᠭᠡᠨᠡᠵᠤ （ ᠪᠣᠯᠭᠤᠮᠵᠢᠯᠠᠵᠤ） ᠰᠦᠢᠳ ᠪᠣᠯᠬᠤ ᠦᠭᠡᠢ ᠪᠠᠢᠭ᠍ᠰᠠᠨ ᠪᠢᠵᠠ᠃ ᠶᠠᠮᠠᠷ ᠴᠤ᠌ ᠭᠡᠰᠡᠨ ᠦᠬᠦᠬᠦᠡᠴᠡᠪᠡᠨ ᠡᠮᠦᠨᠡ ᠡᠷᠡᠬᠦᠯ ᠠᠭᠠᠷᠢᠶᠠᠷ ᠬᠡᠳᠦᠨ ᠮᠦᠴᠡ ᠠᠮᠢᠰᠬᠤᠯᠯᠠᠭᠠᠳ ᠶᠢᠷᠳᠢᠨᠴᠤᠶᠢᠨ ᠨᠠᠷᠠᠶᠢ ᠨᠢᠭᠡᠨᠲᠡ ᠬᠠᠷᠠᠭᠠᠳ ᠨᠢᠳᠦ ᠠᠨᠢᠳᠠᠭ ᠲᠠᠪᠢᠯᠠᠩ ᠲᠠᠢ ᠪᠠᠢᠵᠠᠢ ᠭᠡᠵᠦ ᠭᠦᠨ ᠬᠥᠬᠡ ᠲᠡᠭᠷᠢᠳᠦ ᠬᠣᠢᠲᠦ ᠵᠦᠭ ᠠᠨᠢᠷ ᠦᠭᠡᠢᠬᠡᠨ ᠨᠡᠭᠦᠬᠦ ᠭᠡᠰᠡᠭ ᠪᠣᠰᠠᠭ ᠰᠡᠮᠡᠵᠡᠨ （ ᠨᠢᠮᠭᠡᠨ） ᠡᠭᠦᠯᠡᠰᠢ ᠭᠣᠨᠢᠭ᠍ᠲᠠᠢ ᠨᠢᠳᠦᠪᠡᠷ ᠬᠠᠷᠠᠵᠤ ᠵᠣᠭᠰᠤᠯᠠ ᠲᠠᠩᠨᠠᠭᠤᠯᠤᠨ ᠭᠠᠵᠠᠷᠤᠨ ᠳᠠᠷᠤᠭᠠ ᠬᠣᠷᠠᠩᠳᠠ ᠨᠠᠺᠠᠮᠤᠷᠠ ᠭᠢᠯᠠᠯᠵᠠᠭᠰᠠᠨ ᠬᠤᠷᠴᠠ ᠬᠦᠷᠵᠡᠶᠢ ᠵᠠᠮᠰᠤᠳᠤ ᠥᠭᠴᠦ᠄
《 ᠵᠠ᠂ ᠵᠠᠯᠠᠭᠤ ᠮᠢᠨᠢ᠂ ᠥᠩᠭᠡᠷᠡᠭᠰᠡᠨ ᠰᠦᠨᠢ ᠨᠠᠳᠠᠳᠤ ᠶᠠᠮᠠᠷ ᠬᠠᠷᠢᠭᠤ ᠥᠭᠬᠦᠪᠡᠨ ᠠᠭᠠᠵᠢᠭᠤ ᠲᠠᠢᠪᠤᠩ ᠪᠣᠳᠤᠵᠤ ᠬᠣᠨᠤᠭᠠ ᠪᠢᠵᠠ ᠳᠠ᠃ ᠡᠨᠡ ᠬᠦᠷᠵᠡᠪᠡᠷ ᠬᠡᠳᠦᠨ ᠬᠥᠮᠦᠨᠦ ᠨᠦᠬᠡ ᠤᠬᠤᠬᠤᠪᠠᠨ ᠥᠪᠡᠷᠢᠶᠡᠨ ᠮᠡᠳᠡ ᠳᠠ᠃ ᠴᠢᠮᠠᠶᠢ ᠨᠥᠬᠡ ᠤᠬᠤᠵᠤ ᠳᠠᠭᠤᠰᠲᠠᠯᠠ ᠡᠨᠡ ᠵᠠᠯᠠᠭᠤ ᠨᠢᠰᠭᠡᠭᠴᠢ ᠡᠷᠡᠭᠦᠯ ᠠᠭᠠᠷᠲᠤ ᠠᠮᠠᠷᠠᠵᠤ ᠪᠠᠢᠭ᠋᠃ ᠦᠬᠦᠬᠦᠶᠢᠨ ᠡᠮᠦᠨᠡ ᠬᠥᠮᠥᠨᠦ ᠣᠶᠤᠨ ᠤᠬᠠᠭᠠᠨ ᠭᠠᠢᠬᠠᠮᠰᠢᠭ᠍ᠲᠠᠢ ᠰᠠᠷᠠᠭᠤᠯᠬᠠᠨ ᠪᠣᠯᠳᠠᠭ ᠶᠤᠮ ᠭᠡᠰᠡᠨ᠃ ᠬᠢᠭᠰᠡᠨ ᠨᠢᠭᠦᠯ ᠬᠢᠯᠢᠨᠴᠡᠪᠡᠨ ᠪᠣᠳᠣᠵᠤ ᠪᠣᠷᠬᠠᠨᠤ ᠡᠮᠦᠨᠡ ᠨᠠᠮᠠᠨᠴᠢᠯᠠᠨ ᠮᠥᠷᠭᠦᠭ᠂ ᠬᠡᠬᠦᠳᠡᠭᠡᠨ ᠪᠢ ᠡᠨᠡ ᠨᠢᠰᠭᠡᠭᠴᠢᠶᠢ ᠶᠠᠭᠤ ᠴᠤ᠌ ᠭᠡᠵᠦ ᠠᠮᠠᠯᠠᠭᠰᠠᠨ᠂ ᠤᠯᠠᠭᠠᠨᠪᠠᠭᠠᠲᠤᠷᠢ ᠦᠨᠡᠰᠦᠨ ᠳᠣᠪᠣᠷᠠᠭ ᠪᠤᠯᠲᠠᠯᠠ ᠪᠥᠮᠪᠦᠭᠡᠳᠡᠴᠢᠭᠡᠭᠡᠳ ᠡᠷᠬᠢᠭᠡᠳ ᠢᠷᠡᠶᠡ ᠴᠤ᠌ ᠭᠡᠰᠡᠨ ᠠᠭᠤᠴᠢᠯᠠᠬᠤ ᠡᠷᠬᠡ ᠦᠭᠡᠢ᠃ ᠬᠠᠮᠤᠭᠤᠨ ᠠᠶᠤᠯ ᠲᠠᠢ ᠨᠢ ᠨᠢᠰᠭᠡᠭᠴᠢ ᠬᠥᠮᠥᠨ ᠭᠠᠭᠴᠠᠭᠠᠷᠳᠠᠳᠠᠭ ᠦᠭᠡᠢ᠂ ᠪᠦᠬᠦᠯᠢ ᠪᠦᠲᠦᠨ ᠬᠣᠷᠢᠶᠠ᠂ ᠳ᠋ᠢᠸᠢᠽᠢ ᠮᠠᠭᠠᠳ ᠦᠭᠡᠢ ᠲᠡᠭᠦᠨᠡᠴᠡ ᠢᠯᠡᠭᠦᠦ ᠴᠤ᠌ ᠶᠡᠬᠡ ᠬᠣᠬᠢᠷᠠᠯᠢ ᠨᠢᠰᠭᠡᠭᠴᠢ ᠬᠥᠮᠥᠨ ᠠᠰᠤᠷᠤ ᠪᠣᠭᠤᠨᠢᠬᠠᠨ ᠬᠣᠭᠤᠴᠠᠭᠠᠨᠳᠤ ᠭᠦᠨ ᠠᠷᠤ ᠲᠠᠯᠠᠳᠤ ᠤᠴᠠᠷᠠᠭᠤᠯᠳᠠᠭᠢᠶᠠᠷᠢᠶᠠᠨ ᠬᠠᠮᠤᠭᠠᠴᠠ ᠠᠶᠤᠯ ᠲᠠᠢ ᠳᠠᠢᠰᠤᠨ᠃ ᠢᠯᠠᠩᠭᠤᠶᠠ ᠡᠨᠡ ᠵᠠᠯᠠᠭᠤ ᠳᠡᠰᠯᠡᠭᠴᠢ ᠪᠣᠷᠬᠠᠨᠠᠴᠠ ᠵᠠᠶᠠᠭᠠᠭᠰᠠᠨ ᠲᠥᠷᠦᠯᠬᠢᠶᠢᠨ ᠤᠷᠠᠨ ᠨᠢᠰᠦᠯᠭᠡᠶᠢᠨ ᠶᠡᠬᠡ ᠠᠪᠢᠶᠠᠰ ᠲᠠᠢ ᠠᠰ ᠨᠢᠰᠭᠡᠭᠴᠢ ᠤᠴᠢᠷᠠᠴᠠ ᠶᠠᠮᠠᠷ ᠴᠤ᠌ ᠥᠷᠦᠰᠢᠶᠡᠯ ᠦᠵᠡᠭᠦᠯᠬᠦ ᠠᠷᠭᠠ ᠠᠯᠠᠭᠠ》 ᠭᠡᠵᠦ ᠬᠡᠯᠡᠭᠰᠡᠨᠢ ᠨᠢᠭᠡᠨ ᠠᠯᠠᠭᠤᠬᠠᠨ ᠡᠷᠡ ᠮᠣᠩᠭᠣᠯ ᠬᠡᠯᠡᠪᠡᠷ ᠡᠭᠡᠷᠡᠵᠦ ᠲᠦᠭᠳᠡᠷᠡᠨ ᠪᠠᠢᠵᠤ ᠴᠢᠳᠠᠨ ᠶᠠᠳᠠᠨ ᠲᠤᠲᠠᠭᠤᠬᠠᠨ ᠬᠠᠯᠲᠤ ᠮᠦᠯᠲᠦ ᠣᠷᠴᠢᠭᠤᠯᠪᠠ᠃
ᠵᠠᠮᠰᠤ ᠵᠢᠭᠠᠭᠰᠠᠨ ᠭᠠᠵᠠᠷᠢ ᠳᠥᠷᠪᠡᠯᠵᠢᠯᠡᠨ ᠵᠢᠷᠤᠭᠠᠳ ᠬᠥᠪᠴᠢᠶᠢᠨ ᠬᠥᠪᠲᠦ ᠰᠢᠯᠮᠤᠤᠰᠤᠨᠳᠤ ᠬᠤᠴᠢᠭ᠍ᠳᠠᠭᠰᠠᠨ ᠵᠥᠭᠡᠯᠡᠨ ᠬᠠᠷᠠ ᠬᠥᠷᠦᠰᠦᠲᠠᠢ ᠭᠠᠵᠠᠷᠢ ᠥᠮᠥ᠍ ᠴᠥᠮᠥ᠍ ᠬᠢᠰᠬᠢᠨ ᠨᠥᠬᠡ ᠤᠬᠤᠵᠤ ᠡᠬᠢᠯᠡᠪᠡ᠃ ᠬᠦᠷᠵᠡᠶᠢ ᠭᠠᠵᠠᠷᠲᠤ ᠰᠢᠬᠢᠳᠳᠡᠯᠡ ᠬᠢᠰᠬᠢᠬᠦᠶᠢᠨ ᠳᠣᠭᠠᠯᠠᠩᠢᠶᠠᠷ ᠵᠠᠮᠰᠤᠶᠢᠨ ᠦᠷᠦ ᠵᠢᠷᠦᠬᠡ ᠰᠢᠷ ᠰᠢᠷ ᠬᠢᠬᠦ ᠰᠢᠭ᠌ ᠪᠣᠯᠤᠨᠠ᠃ ᠫᠣᠣ ᠴᠡᠭᠡᠵᠢᠨᠳᠡᠭᠡᠨ ᠠᠭᠰᠠᠭᠰᠠᠨ ᠶᠠᠫᠤᠨ ᠴᠡᠷᠢᠭ ᠡᠷᠭᠢᠨ ᠲᠣᠭᠤᠷᠢᠨ ᠰᠦᠷ ᠪᠠᠳᠠᠷᠠᠭᠤᠯᠤᠨ ᠠᠯᠴᠠᠢᠨ ᠵᠣᠭᠰᠤᠬᠤ ᠨᠢ ᠬᠠᠷᠠᠬᠤᠠᠴᠠ ᠡᠭᠳᠡᠭᠦᠦ ᠲᠠᠢ᠃ ᠵᠠᠯᠠᠭᠤ ᠴᠡᠯᠭᠡᠮᠡ ᠨᠠᠷᠠᠰᠤᠨᠤ ᠣᠷᠤᠢᠳᠤ ᠨᠠᠷᠠᠨᠤ ᠭᠡᠷᠡᠯ ᠲᠠᠢ ᠲᠣᠭᠯᠠᠨ ᠨᠠᠮᠢᠷᠠᠬᠤ ᠲᠣᠷᠭᠠᠨ ᠨᠣᠭᠤᠭᠠᠨ ᠨᠠᠪᠴᠢᠰᠤᠨ ᠳᠣᠮᠳᠠ ᠾᠷᠤᠮ （ ᠭᠢᠯᠠᠯᠵᠠᠭᠰᠠᠨ ᠵᠥᠭᠡᠯᠡᠨ ᠠᠷᠠᠰᠤᠨ ᠭᠤᠲᠤᠯ） ᠢᠰᠭᠦᠯᠦᠭᠰᠡᠨ ᠬᠥᠯᠢᠶᠡᠨ ᠮᠣᠳᠤᠨᠤ ᠣᠷᠪᠤᠩ （ ᠤ᠌ᠭ ᠦᠨᠳᠦᠰᠦ） ᠳᠡᠭᠡᠷᠡ ᠰᠣᠢᠯᠵᠤ ᠲᠠᠯᠪᠢᠭᠠᠳ ᠰᠠᠯᠠᠭᠠᠨᠳᠠᠭᠠᠨ ᠬᠠᠪᠴᠢᠭᠤᠯᠤᠭᠰᠠᠨ ᠶᠠᠩᠵᠤᠤᠷᠢᠶᠠᠨ ᠠᠮᠲᠠᠷᠬᠠᠨ ᠰᠣᠷᠤᠬᠤ ᠵᠠᠭᠤᠷᠠᠪᠠᠨ ᠦᠶᠡ ᠦᠶᠡ ᠴᠠᠭᠢᠶᠠᠨ ᠬᠠᠷᠠᠨᠠ᠃ ᠨᠥᠬᠡ ᠤᠬᠤᠵᠤ ᠳᠠᠭᠤᠰᠪᠠ᠃ ᠬᠣᠷᠠᠩᠳᠠᠶᠢᠨ ᠲᠤᠰᠢᠶᠠᠯᠢᠶᠠᠷ ᠨᠢᠰᠭᠡᠭᠴᠢ ᠪᠠᠲᠤᠶᠢᠨ ᠭᠠᠪᠠ ᠲᠤᠱᠠᠶᠢ ᠠᠪᠴᠤ ᠤᠬᠤᠭᠰᠠᠨ ᠨᠥᠭᠡᠨᠦ ᠠᠮᠡᠰᠠᠷ ᠳᠡᠭᠡᠷᠡ ᠠᠪᠴᠢᠷᠠᠵᠤ ᠥᠭᠡᠳᠡᠡᠴᠡ ᠨᠢ ᠬᠠᠷᠠᠭᠤᠯᠤᠨ ᠵᠣᠭᠰᠤᠭᠠᠯᠠ᠃
ᠴᠡᠷᠢᠭᠦᠨ ᠬᠡᠭᠡᠷᠡᠶᠢᠨ ᠰᠢᠭᠦᠬᠦᠡᠴᠡ ᠦᠢᠯᠡᠳᠦᠭᠰᠡᠨ ᠶᠠᠯᠠᠶᠢᠨ ᠲᠣᠭᠲᠠᠭᠠᠯ ᠲᠦᠷᠴᠢᠬᠢᠨᠡᠳᠡᠭ （ ᠣᠩᠰᠢᠳᠠᠭ） ᠶᠤᠮ ᠪᠣᠯᠪᠠ ᠦᠦ ᠭᠡᠰᠡᠨ ᠴᠢᠨᠢ ᠳᠡᠭᠡᠭᠰᠡᠨ ᠦᠭᠡᠢ᠃ ᠬᠣᠷᠠᠩᠳᠠ ᠨᠠᠺᠠᠮᠦᠷᠠᠶᠢᠨ ᠣᠷᠤᠯᠠᠭ᠍ᠴᠢ ᠨᠥᠭᠦᠭᠡ ᠭᠠᠩᠭᠠᠩ ᠬᠤᠰᠢᠭᠤᠴᠢ ᠥᠪᠡᠷᠦᠨᠢᠶᠡᠨ ᠭᠤᠴᠢᠨ ᠠᠯᠬᠤᠮ ᠭᠠᠵᠠᠷ ᠬᠡᠮᠵᠢᠵᠦ᠂ ᠶᠠᠪᠠᠭᠠᠨ ᠴᠡᠷᠢᠭᠦᠨ ᠬᠢᠲᠤᠭᠠᠨ ᠵᠢᠳᠠ ᠲᠠᠢ ᠤᠷᠲᠤ ᠰᠢᠷᠠ ᠸᠢᠨᠲ᠋ᠤᠸ ( ᠶᠠᠪᠠᠭᠠᠨ ᠫᠣᠣ)ᠶᠢᠨ ᠬᠣᠭᠣᠯᠠᠢᠳᠤ ᠭᠠᠭᠴᠠ ᠰᠣᠮᠣ᠌ ᠬᠢᠭᠡᠳ ᠵᠠᠮᠰᠤᠳᠤ ᠥᠭᠴᠦ ᠨᠢᠰᠭᠡᠭᠴᠢᠶᠢ ᠫᠣᠣᠳᠠᠬᠤᠶᠢ ᠲᠤᠰᠢᠶᠠᠯᠠ᠃ ᠰᠠᠮᠤᠷᠠᠢ ᠨᠠᠷ ᠡᠨᠡ ᠦᠶᠡᠳᠦ ᠨᠢ ᠭᠠᠷ ᠫᠣᠣᠪᠠᠨ ᠪᠡᠯᠡᠨ ᠪᠠᠷᠢᠭᠠᠳ ᠲᠡᠭᠦᠨᠦ ᠬᠥᠳᠡᠯᠭᠡᠭᠡᠨ ᠪᠦᠷᠢᠶᠢ ᠠᠵᠢᠨ ᠪᠠᠢᠭᠠ ᠭᠡᠳᠡᠭᠢ ᠵᠠᠮᠰᠤ ᠬᠠᠷᠠᠭᠠ ᠦᠭᠡᠢ ᠪᠣᠯᠪᠠᠴᠤ ᠬᠠᠷᠠᠭᠰᠠᠨᠠᠴᠠ ᠲᠤᠳᠠᠭᠣ᠌ ᠦᠭᠡᠢ ᠮᠡᠳᠡᠵᠤ ᠪᠠᠢᠯᠠ᠃ ᠵᠠᠮᠰᠤᠶᠢᠨ ᠡᠨᠡ ᠫᠣᠣ ᠵᠢᠩᠬᠢᠨᠢ ᠬᠠᠳᠠᠭᠤ ᠬᠤᠰᠢᠭᠤ ᠲᠠᠢ ᠰᠣᠮᠣ᠌ ᠲᠠᠢ ᠬᠡᠮᠡᠨ ᠥᠪᠡᠷᠲᠡᠬᠡᠨ ᠮᠦᠷᠦᠯᠡᠨ ᠱᠠᠭᠠᠢᠯᠠ᠃
ᠪᠠᠲᠤᠶᠢᠨ ᠳᠤᠬᠤ ᠤᠷᠤᠭᠤᠪᠠᠨ ᠤᠷᠭᠤᠭᠰᠠᠨ ᠬᠡᠳᠦᠨ ᠲᠣᠭ （ ᠪᠠᠭᠴᠠ） ᠭᠠᠷᠠᠬᠠᠨ ᠦᠰᠦ ᠵᠥᠭᠡᠯᠡᠨ ᠰᠠᠯᠬᠢᠨᠳᠤ ᠰᠡᠷᠪᠡᠯᠵᠡᠨ ᠬᠡᠢᠰᠦᠨᠡ᠃ ᠬᠥᠪᠴᠢᠶᠢᠨ ᠡᠨᠡ ᠨᠠᠷᠯᠠᠭᠬᠠᠨ ᠴᠢᠯᠦᠭᠡᠨᠳᠦ ᠠᠶᠤᠳᠠᠰᠤ ᠲᠥᠷᠦᠮᠡᠷ ᠳᠡᠩᠳᠡᠭᠦᠦ ᠴᠠᠢᠪᠤᠷ ᠴᠢᠮᠡᠭᠡ ᠦᠭᠡᠢ᠃ ᠲᠥᠷᠦᠭᠦᠨᠡᠴᠡ ᠬᠣᠢᠰᠢ ᠬᠦᠷᠵᠡ ᠠᠮᠠᠷᠠᠯ ᠦᠭᠡᠢ ᠨᠥᠬᠡ ᠤᠬᠤᠭᠰᠠᠨ ᠵᠠᠮᠰᠤᠶᠢᠨ ᠵᠢᠷᠦᠬᠡ ᠬᠦᠷᠦᠭᠡᠳ ᠢᠷᠡᠭᠰᠡᠨ ᠮᠡᠲᠦ ᠴᠡᠭᠡᠵᠢᠪᠡᠨ ᠨᠦᠳᠦᠴᠢᠨ ᠲᠦᠭ ᠲᠦᠭ ᠴᠣᠬᠢᠯᠠᠨᠠ᠃ ᠭᠡᠳᠡᠯᠡ ᠨᠥᠬᠡᠨᠦ ᠠᠮᠠᠰᠠᠷ ᠳᠡᠭᠡᠷᠡ ᠰᠦᠨᠡᠰᠦ ᠰᠡᠭᠦᠳᠡᠷ ᠨᠢ ᠵᠠᠢᠯᠠᠭᠰᠠᠨ ᠠᠮᠢᠲᠠᠨ ᠯᠡ ᠡᠢᠮᠦ ᠪᠠᠢᠳᠠᠭ ᠪᠣᠯᠪᠠ ᠦᠦ ᠭᠡᠮᠡᠷ ᠮᠥᠷᠦᠪᠡᠨ ᠤᠨᠵᠢᠭᠤᠯᠤᠨ ᠵᠣᠭᠰᠤᠵᠤ ᠪᠠᠢᠭ᠍ᠰᠠᠨ ᠪᠠᠲᠤ ᠲᠣᠯᠣᠭᠠᠢᠪᠠᠨ ᠡᠷᠭᠦᠭᠰᠡᠨᠢᠶᠡᠨ ᠰᠢᠳᠦᠪᠡᠨ ᠬᠠᠪᠢᠷᠬᠤᠠᠴᠠ ᠨᠠᠭᠠᠭᠤᠷ ᠬᠣᠷᠤᠰᠤᠯᠲᠠᠢ ᠲᠣᠳᠣ᠌ ᠳᠠᠭᠣ᠌ᠪᠠᠷ᠄
《 ᠰᠠᠮᠤᠷᠠᠢ ᠨᠠᠷᠲᠤ ᠪᠡᠶᠡᠪᠡᠨ ᠬᠤᠳᠠᠯᠳᠤᠭᠰᠠᠨ ᠮᠠᠭᠤ ᠨᠣᠪᠰᠢ᠂ ᠪᠢᠳᠡᠬᠡᠢ ᠴᠡᠴᠡᠷᠡᠭᠡᠳ ᠪᠠᠢᠭᠠᠴᠢ！ ᠠᠯᠠᠭᠤᠯᠬᠤ ᠬᠥᠮᠥᠨ ᠡᠮᠢᠶᠡᠭᠡ ᠦᠭᠡᠢ ᠪᠠᠢᠬᠤᠳᠤ ᠴᠢ ᠶᠠᠭᠤᠨᠳᠠᠭᠠᠨ ᠢᠩᠬᠢᠳᠡᠯᠡ ᠬᠤᠯᠴᠢᠢᠵᠤ ᠠᠶᠤᠭᠠᠳ ᠪᠠᠢᠭᠠ ᠶᠤᠮ ᠪᠣᠢ！ ᠡᠬᠡ ᠣᠷᠤᠨᠠᠴᠠᠪᠠᠨ ᠣᠷᠪᠠᠭᠰᠠᠨ ᠬᠥᠮᠥᠨᠳᠦ ᠦᠬᠦᠭᠰᠡᠨ ᠬᠣᠢᠨᠠ ᠨᠢ ᠲᠣᠯᠣᠭᠠᠢ ᠳᠡᠭᠡᠷᠡ ᠨᠢ ᠪᠣᠰᠬᠠᠬᠤ ᠴᠢᠯᠠᠭᠤ ᠣᠯᠳᠠᠳᠠᠭ ᠦᠭᠡᠢ ᠶᠤᠮ ᠰᠢᠦ！ ᠠᠯᠢ ᠪᠣᠢ᠂ ᠫᠣᠣᠳᠠᠭᠠᠳ ᠥᠭᠭᠦᠭᠡᠴᠢ！》 ᠭᠡᠵᠦ ᠺᠣᠮᠠᠨᠳ᠋ ᠥᠭᠴᠦ ᠪᠠᠢᠨᠠ ᠦᠦ ᠬᠡᠮᠡᠷ ᠴᠠᠭᠠᠨᠠᠪᠠᠨ ᠯᠡ ᠨᠢᠭᠡ ᠵᠠᠩᠳᠤᠷᠤᠩᠭᠤᠢ ᠬᠠᠰᠬᠢᠷᠪᠠ᠃
ᠨᠥᠬᠦᠷᠦᠨᠢᠶᠡᠨ ᠶᠠᠳᠠᠷᠠᠵᠤ ᠴᠣᠩᠬᠢᠢᠭ᠍ᠰᠠᠨ ᠵᠢᠰᠦ ᠴᠢᠷᠠᠢᠶᠢ ᠬᠠᠷᠠᠨ ᠥᠷᠦᠪᠳᠦᠭᠰᠡᠨ ᠵᠠᠮᠰᠤᠶᠢᠨ ᠭᠠᠷ ᠥᠯᠦ ᠮᠡᠳᠡᠭ ᠰᠠᠯᠭᠠᠨᠠᠨ ᠴᠡᠴᠡᠷᠬᠢᠯᠡᠬᠦᠳᠦ ᠲᠡᠷᠡᠪᠡᠷ ᠠᠮᠢᠰᠬᠤᠬᠠᠪᠠᠨ ᠳᠠᠷᠤᠨ ᠪᠡᠶᠡᠪᠡᠨ ᠴᠢᠩᠭᠠᠯᠠᠭᠠᠳ ᠫᠣᠣᠶᠢᠨ ᠣᠪᠤᠭᠠ ᠬᠠᠷᠠᠭᠠ ᠪᠡᠶᠡ ᠭᠤᠷᠪᠠ ᠴᠢᠴᠠᠤᠷᠠᠭᠠᠳ ᠢᠷᠡᠬᠦᠶᠢᠨ ᠲᠡᠷᠡᠬᠡᠨ ᠲᠣᠷᠭᠠᠨ ᠭᠱᠡᠨᠳᠦ ᠭᠤᠬᠠᠪᠠᠨ ᠠᠭᠠᠵᠢᠭᠤᠬᠠᠨ ᠳᠠᠷᠤᠯᠠ᠃
ᠠᠭᠤᠯᠠ ᠬᠥᠪᠴᠢ ᠴᠤᠤᠷᠢᠶᠠᠲᠤᠭᠤᠯᠤᠨ ᠳᠠᠰ ᠬᠢᠭᠰᠡᠨ ᠫᠣᠣᠶᠢᠨ ᠳᠠᠭᠤᠨᠳᠤ ᠴᠣᠴᠢᠭ᠍ᠰᠠᠨ ᠵᠠᠯᠠᠭᠤ ᠨᠠᠷᠠᠰᠤᠨᠤ ᠤᠷᠤᠢ ᠥᠷᠭᠦᠭᠰᠡᠨ ᠤᠯᠠᠨ ᠠᠳᠤᠭᠤ ᠳᠡᠯ ᠰᠡᠭᠦᠯᠢᠶᠡᠨ ᠬᠡᠢᠰᠭᠡᠨ ᠤᠬᠤᠰᠬᠢᠨ ᠳᠠᠪᠬᠢᠬᠤ ᠠᠳᠠᠯᠢ ᠰᠡᠷᠪᠡᠯᠵᠡᠨ ᠰᠢᠯᠭᠡᠭᠡᠬᠦ ᠰᠠᠴᠠᠭᠤ᠂ ᠰᠦᠷᠦᠭ ᠪᠣᠯᠵᠤᠮᠤᠷ ᠳᠡᠷᠪᠡᠨ ᠨᠢᠰᠴᠦ ᠲᠦᠳᠡᠬᠡᠨ ᠣᠣᠯᠭᠠ ᠠᠯᠳᠠᠨ ᠰᠠᠳᠠᠷᠠᠨ ᠦᠳᠬᠤ ᠶᠡᠬᠡ ᠬᠥᠪᠴᠢ ᠴᠤᠤᠷᠢᠶᠠ ᠲᠠᠢ ᠬᠠᠮᠳᠤ ᠪᠠᠷᠠ ᠰᠤᠷᠠᠭ ᠦᠭᠡᠢ ᠠᠯᠠᠭᠠ ᠪᠣᠯᠤᠯᠠ᠃ ᠪᠠᠲᠤ ᠳᠠᠷᠢᠬᠢᠨ ᠳᠣᠮᠳᠠᠭᠤᠷᠢᠶᠠᠨ ᠪᠤᠷᠤᠤᠬᠠᠢᠲᠠᠭᠤᠯᠤᠭᠰᠠᠨ ᠮᠡᠲᠦ ᠲᠡᠩᠴᠡᠭᠦᠷᠢ ᠠᠯᠳᠠᠨ ᠴᠡᠭᠡᠵᠢᠪᠡᠨ ᠳᠠᠷᠤᠨ ᠤᠷᠤᠭ᠍ᠰᠢ ᠨᠢᠭᠡᠨᠲᠡ ᠤᠬᠤᠰᠬᠢᠨ ᠠᠯᠬᠤᠭᠰᠠᠨᠢᠶᠠᠨ ᠬᠤᠷᠤᠮ ᠬᠣᠷᠣᠮᠢᠶᠠᠷ ᠠᠭᠠᠵᠢᠮᠬᠠᠨ ᠭᠠᠯ ᠨᠢ ᠪᠦᠬᠦᠵᠤ ᠪᠣᠢ ᠨᠢᠳᠦᠨᠦᠪᠡᠨ ᠬᠠᠷᠠᠴᠠᠶᠢ ᠵᠠᠮᠰᠤᠶᠢᠨ ᠨᠢᠳᠦᠨ ᠳᠡᠭᠡᠷᠡ ᠤᠳᠠᠭᠠᠨ ᠭᠡᠭᠴᠢ ᠲᠣᠭᠲᠠᠭᠠᠨ ᠬᠠᠷᠠᠭᠠᠳ ᠭᠡᠪᠡᠴᠦ ᠭᠡᠨᠡᠳᠲᠡ ᠨᠢᠭᠤᠷᠢᠶᠠᠷᠢᠶᠠᠨ ᠭᠠᠵᠠᠷ ᠬᠠᠷᠠᠭᠤᠯᠳᠠᠨ ᠤᠨᠠᠪᠠ᠃
ᠪᠠᠲᠤᠶᠢᠨ ᠡᠴᠦᠰᠦᠨ ᠲᠡᠷᠡ ᠬᠠᠷᠠᠴᠠ ᠵᠠᠮᠰᠤᠳᠤ ᠶᠡᠬᠡ ᠶᠠᠭᠤᠮᠠ ᠬᠡᠯᠡᠭᠰᠡᠨ ᠪᠦᠭᠡᠳ ᠲᠡᠭᠦᠨᠦ ᠨᠢᠭᠤᠷᠤᠨ ᠬᠣᠶᠠᠷ ᠲᠠᠯᠠᠳᠤ ᠡᠳᠦᠷ ᠰᠦᠨᠢ ᠬᠣᠶᠠᠷ ᠰᠢᠭ᠋ ᠠᠯᠠᠭᠯᠠᠨ ᠪᠠᠢᠭ᠍ᠰᠠᠨ ᠭᠡᠷᠡᠯ ᠰᠡᠭᠦᠳᠡᠷ ᠳᠣᠮᠳᠠ ᠳᠠᠢᠰᠤᠨᠢᠶᠠᠨ ᠦᠵᠡᠨ ᠶᠠᠳᠠᠭᠰᠠᠨ ᠬᠣᠷᠣᠰᠣᠯ᠂ ᠳᠡᠩᠳᠡᠭᠦᠦ ᠵᠠᠯᠠᠭᠤᠪᠠᠷᠢᠶᠠᠨ ᠦᠷᠡᠭᠳᠡᠪᠡ ᠬᠡᠮᠡᠭᠰᠡᠨ ᠬᠠᠷᠠᠰᠠᠯ᠂ ᠡᠭᠦᠷᠭᠡᠪᠡᠨ ᠪᠡᠶᠡᠯᠡᠭᠦᠯᠡᠭᠰᠡᠨ ᠴᠡᠷᠢᠭ ᠡᠷᠡ ᠪᠠᠬᠠᠷᠬᠠᠯ᠂ ᠨᠥᠬᠦᠷᠲᠡᠬᠡᠨ ᠲᠠᠯᠠᠷᠬᠠᠭᠰᠠᠨ ᠤᠶᠠᠨ ᠵᠥᠭᠡᠯᠡᠨ ᠢᠨᠢᠶᠡᠮᠰᠦᠭᠯᠡᠯ᠂ ᠬᠡᠯᠡᠭᠰᠡᠨ ᠪᠦᠬᠦᠨᠢ ᠭᠦᠢᠴᠡᠳᠬᠡ ᠭᠡᠰᠡᠨ ᠳᠠᠷᠤᠭᠠ ᠬᠥᠮᠥᠨᠦ ᠳᠤᠰᠢᠶᠠᠯ ᠴᠥᠮ ᠨᠢᠭᠡᠨ ᠵᠡᠷᠭᠡ ᠬᠠᠷᠠᠭᠳᠠᠵᠠᠢ᠃
