ᠲᠤᠩᠭᠠᠯᠠᠭ ᠲᠠᠮᠢᠷ
– ᠴ᠂ ᠯᠤᠳᠤᠢᠳᠠᠮᠪᠠ
ᠨᠢᠭᠡ — ᠵᠢᠷᠭᠤᠭᠠ
ᠪᠤᠯᠠᠭᠠᠨ ᠠᠭᠤᠯᠠᠶᠢᠨ ᠤᠷᠤᠢᠪᠠᠷ ᠭᠠᠷᠴᠤ ᠢᠷᠡᠭᠰᠡᠨ ᠪᠥᠭᠡᠮ ᠪᠥᠭᠡᠮ ᠬᠠᠷᠠ ᠡᠭᠦᠯᠡ ᠵᠠᠶᠠ ᠪᠠᠨᠳᠢᠳᠠᠶᠢᠨ ᠬᠦᠷᠢᠶᠡᠨ ᠳᠡᠭᠡᠭᠦᠷ ᠰᠡᠭᠦᠳᠡᠷ ᠲᠠᠳᠠᠭᠤᠯᠤᠨ ᠨᠡᠭᠦᠭᠰᠡᠭᠡᠷ ᠦᠳᠡᠶᠢᠨ ᠬᠢᠷᠢᠳᠦ ᠲᠡᠭᠷᠢ ᠪᠦᠷ ᠪᠦᠷᠬᠦᠵᠦ ᠰᠢᠷᠦᠭᠦᠨ ᠪᠤᠷᠤᠭᠠᠨ ᠤᠷᠤᠯᠠ᠃
ᠬᠦᠷᠢᠶᠡᠨᠦ ᠭᠤᠳᠤᠮᠵᠢᠳᠤ ᠬᠦᠯ ᠲᠠᠰᠤᠷᠠᠨ᠂ ᠭᠠᠳᠠᠨᠠᠠᠴᠠ ᠬᠠᠷᠠᠬᠤᠳᠤ ᠪᠤᠷᠤᠭᠠᠨᠳᠤ ᠱᠠᠯᠠᠪ ᠴᠣᠬᠢᠭᠤᠯᠤᠭᠰᠠᠨ ᠬᠡᠳᠦᠨ ᠨᠤᠬᠠᠢᠠᠴᠠ ᠦᠭᠡᠷᠡ ᠠᠮᠢᠳᠤ ᠠᠮᠢᠲᠠᠨ ᠦᠭᠡᠢ ᠮᠡᠳᠦ ᠪᠣᠯᠪᠠᠴᠤ ᠦᠨᠡᠨᠳᠡᠭᠡᠨ ᠲᠡᠢᠮᠦ ᠪᠢᠰᠢ᠂ ᠠᠮᠢᠳᠤᠷᠠᠯ ᠥᠪᠡᠷᠦᠨ ᠬᠠᠤᠯᠢᠪᠠᠷ ᠤᠷᠤᠰᠴᠤ ᠪᠠᠢᠵᠠᠢ᠃
ᠲᠤᠮᠤ ᠬᠠᠰᠢᠶᠠᠨᠤ ᠬᠤᠢᠲᠤ ᠲᠠᠯᠠᠳᠤ ᠪᠤᠵᠠᠭᠠᠷ ᠲᠤᠬᠢᠯᠢᠭ᠋ ᠪᠠᠷᠢᠭ᠍ᠰᠠᠨ ᠵᠤᠨᠤ ᠮᠤᠳᠣᠨ ᠪᠠᠢᠰᠢᠩᠳᠦ ᠬᠤᠶᠠᠷ ᠯᠠᠮᠠ ᠳᠤᠮᠳᠠᠪᠠᠨ ᠲᠤᠮᠤ ᠸᠠᠭᠠᠷ ᠲᠠᠢ ᠱᠤᠤᠭᠢᠭ᠍ᠰᠠᠨ ᠠᠢᠷᠠᠭ ᠲᠠᠯᠪᠢᠭᠠᠳ ᠬᠢᠳᠠᠳ ᠨᠠᠷᠢᠨ ᠱᠠᠵᠠᠩᠳᠤ ᠲᠦᠭᠦᠷᠡᠩ ᠳᠦᠭᠦᠷᠡᠩ ᠬᠢᠵᠦ ᠤᠤᠭᠤᠨᠠ᠃
ᠥᠨᠳᠥᠷ ᠭᠤᠸᠠᠯᠢᠭ᠋ ᠪᠡᠶᠡ ᠲᠠᠢ᠂ ᠲᠤᠩᠭᠠᠯᠠᠭ ᠴᠠᠭᠠᠨ ᠴᠢᠷᠠᠢ ᠲᠠᠢ ᠰᠢᠨᠡ ᠬᠦᠷᠡᠩ ᠲᠠᠷᠮᠠᠨ ᠳᠡᠪᠡᠯ ᠲᠡᠭᠡᠷᠡ ᠰᠢᠷᠠ ᠬᠢᠶᠠᠷᠠᠭ ᠣᠷᠢᠶᠠᠭᠰᠠᠨ ᠲᠡᠭᠵᠢᠨ ᠯᠠᠮᠠᠶᠢ ᠴᠠᠮᠪᠠ ᠭᠡᠳᠡᠭ ᠪᠦᠭᠡᠳ ᠡᠨᠡ ᠵᠢᠯ ᠬᠤᠷᠢᠨ ᠭᠤᠷᠪᠡᠨ ᠨᠠᠰᠦ ᠬᠦᠷᠴᠡᠢ᠃ ᠨᠥᠭᠦᠭᠡ ᠨᠢ ᠭᠠᠵᠠᠷ ᠱᠠᠭᠠᠢᠭ᠍ᠰᠠᠨ ᠬᠤᠷᠴᠠ ᠨᠢᠳᠦ ᠲᠠᠢ᠂ ᠲᠣᠷᠠᠩᠬᠠᠢ ᠬᠠᠳᠠᠭ᠍ᠬᠢᠷ ᠪᠡᠶᠡ ᠲᠠᠢ ᠨᠡᠷᠡ ᠵᠠᠮᠪᠠᠯ ᠭᠡᠳᠡᠭ᠂᠂ ᠨᠠᠰᠦᠪᠠᠷ ᠴᠠᠮᠪᠠᠶᠢᠨ ᠦᠶᠡ ᠠᠵᠢ᠃
ᠡᠨᠡ ᠬᠤᠶᠠᠷ ᠵᠠᠶᠠᠶᠢᠨ ᠬᠦᠷᠢᠶᠡᠨᠦ ᠤᠨᠠᠭᠠᠨ ᠱᠠᠪᠢ ᠪᠢᠰᠢ᠃ ᠴᠠᠮᠪᠠ ᠯᠤᠤ ᠭᠥᠩᠦᠨ ᠬᠦᠷᠢᠶᠡᠨ ᠳᠡᠭᠡᠷᠡ ᠪᠠᠭᠠᠠᠴᠠᠪᠠᠨ ᠰᠠᠭᠤᠵᠤ ᠪᠠᠢᠭᠠᠳ ᠵᠠᠶᠠᠶᠢᠨ ᠬᠦᠷᠢᠶᠡᠨᠳᠦ ᠪᠠᠢᠭ᠍ᠰᠠᠨ ᠨᠠᠭᠠᠴᠦ ᠠᠬᠠ ᠯᠠᠮᠠ ᠨᠢ ᠦᠬᠦᠵᠦ ᠲᠡᠭᠦᠨᠦ ᠬᠥᠷᠦᠩᠭᠡ ᠳᠡᠭᠡᠷᠡ ᠢᠷᠡᠵᠠᠢ᠃ ᠡᠴᠢᠭᠡ ᠭᠤᠮᠪᠣ ᠲᠠᠢᠵᠢ ᠨᠢ ᠯᠤᠤ ᠭᠦᠩᠦᠨ ᠬᠣᠰᠢᠭᠤ ᠲᠤᠰᠠᠯᠠᠭ᠍ᠴᠢ ᠪᠠᠢᠭᠠᠳ ᠳᠡᠭᠡᠳᠦ ᠨᠤᠶᠠᠨ ᠦᠬᠦᠵᠦ᠂ ᠠᠭᠡ ᠨᠤᠶᠠᠨ ᠰᠢᠷᠡᠭᠡᠨᠳᠦ ᠰᠠᠭᠣᠬᠣ᠌ᠳᠤ ᠤᠭᠴᠤᠷᠵᠠᠢ᠃ ᠭᠡᠬᠦᠳᠡᠭᠡᠨ ᠣᠳᠣ᠌ ᠴᠤ᠌ ᠭᠡᠰᠡᠨ ᠬᠤᠰᠢᠭᠤᠨᠤ ᠬᠡᠷᠡᠭᠲᠦ ᠨᠥᠯᠤᠭᠡ ᠲᠠᠢ ᠬᠦᠮᠦᠨᠦ ᠨᠢᠭᠡ ᠶᠤᠮ᠃
ᠵᠠᠮᠪᠠᠯ ᠪᠣᠯ ᠤᠤᠯ ᠨᠢ ᠳᠠᠯᠠᠢᠴᠤᠢᠩᠬᠤᠷ ᠸᠠᠩᠤᠨ ᠬᠤᠰᠢᠭᠤᠨᠤ ᠬᠦᠮᠦᠨ ᠪᠦᠭᠡᠳ ᠪᠤᠭᠳᠠᠶᠢᠨ ᠬᠦᠷᠢᠶᠡᠨ ᠳᠡᠭᠡᠷᠡ ᠠᠷᠪᠠᠨ ᠨᠠᠰᠤᠲᠠᠢᠠᠴᠠᠪᠠᠨ ᠡᠬᠢᠯᠡᠵᠤ ᠰᠠᠭᠤᠭᠠᠳ ᠠᠷᠪᠠᠨ ᠨᠠᠢ᠍ᠮᠠᠨ ᠨᠠᠰᠤᠨᠳᠠᠭᠠᠨ ᠪᠤᠭᠳᠠᠶᠢᠨ ᠬᠦᠷᠢᠶᠡ ᠣᠷᠣᠵᠤ ᠭᠠᠩᠳᠠᠨ ᠳᠡᠭᠡᠷᠡ ᠰᠠᠭᠤᠵᠠᠢ᠃ ᠵᠠᠮᠪᠠᠯ ᠰᠠᠩ ᠠᠮᠪᠠᠨᠤ ᠵᠤᠤᠰᠠ ᠣᠷᠣᠭᠣ᠌ ᠴᠢᠯᠠᠭᠤ ᠨᠡᠭᠦᠯᠭᠡᠨ ᠳᠡᠭᠠᠷᠢᠭ᠍ᠰᠠᠨ ᠯᠠᠮᠠ ᠨᠠᠷᠤᠨ ᠬᠡᠷᠡᠭ᠂ ᠠᠮᠪᠠᠨᠢ ᠬᠦᠷᠢᠶᠡᠨᠡᠴᠡ ᠬᠥᠭᠡᠭᠡᠬᠦᠳᠦ ᠤᠷᠤᠯᠴᠠᠵᠤ ᠶᠠᠪᠤᠭᠠᠳ ᠬᠤᠶᠠᠷ ᠵᠢᠯᠦᠨ ᠡᠮᠦᠨᠡ ᠵᠠᠶᠠᠶᠢᠨ ᠬᠦᠷᠢᠶᠡᠨᠳᠦ ᠢᠷᠡᠵᠠᠢ᠃
ᠵᠠᠶᠠᠶᠢᠨ ᠬᠦᠷᠢᠶᠡᠨᠦ ᠰᠠᠩᠤᠨ ᠨᠢᠷᠪᠠ᠂ ᠳᠠᠯᠠᠢᠴᠣᠢᠩᠬᠤᠷ ᠸᠠᠩᠤᠨ ᠬᠣᠰᠢᠭᠤᠨᠳᠤ ᠶᠠᠪᠤᠵᠤ ᠪᠠᠢᠬᠤᠳᠠᠭᠠᠨ ᠨᠢᠭᠡ ᠵᠠᠯᠠᠭᠤ ᠪᠦᠰᠡᠭᠦᠢ ᠲᠠᠢ ᠬᠣᠯᠪᠤᠭᠠ ᠲᠠᠢ ᠪᠣᠯᠵᠤ ᠵᠠᠮᠪᠠᠯ ᠭᠡᠳᠡᠭ ᠬᠥᠮᠥᠨ ᠶᠡᠷᠳᠢᠨᠴᠦᠳᠦ ᠲᠦᠷᠦᠵᠡᠢ᠃ ᠦᠯᠡᠮᠵᠢ ᠬᠦᠷᠦᠩᠭᠡ ᠲᠠᠢ ᠨᠢᠷᠪᠠ ᠨᠠᠰᠤ ᠬᠦᠭᠰᠢᠷᠡᠬᠦᠳᠡᠭᠡᠨ ᠶᠠᠰᠤ ᠮᠢᠬᠠᠨᠤ ᠲᠠᠰᠤᠷᠬᠠᠢ ᠪᠣᠯᠣᠭᠰᠠᠨ ᠵᠠᠮᠪᠠᠯᠢ ᠲᠠᠳᠠᠵᠤ ᠢᠷᠡᠭᠦᠯᠵᠠᠢ᠃
– ᠮᠠᠨᠤ ᠡᠨᠡ ᠣᠯᠠᠨᠠ ᠡᠷᠭᠦᠭᠳᠡᠭᠰᠡᠨ ᠲᠦᠷᠦ᠂ ᠣᠯᠠᠨᠠ ᠢᠳᠡᠭᠳᠡᠭᠰᠡᠨ ᠰᠡᠭ ᠪᠣᠯᠤᠨᠠ ᠰᠢᠦ ᠭᠡᠵᠤ ᠵᠠᠮᠪᠠᠯ ᠠᠢᠷᠠᠭ ᠤᠤᠭᠤᠬᠤ ᠵᠠᠭᠤᠷᠠ ᠬᠡᠯᠡᠪᠡ᠃
– ᠲᠡᠢᠮᠦ ᠭᠡᠵᠤ ᠦᠦ？ ᠣᠷᠤᠢ ᠳᠡᠭᠡᠷᠡ ᠪᠣᠭᠳᠠ ᠭᠡᠭᠡᠨ ᠵᠠᠯᠠᠷᠠᠵᠤ ᠪᠠᠢᠭ᠍ᠰᠠᠨ ᠴᠠᠭᠲᠤ ᠭᠠᠢᠭᠤᠢ ᠪᠠᠢᠬᠠ᠃
– ᠪᠢ ᠮᠡᠳᠡᠯ ᠲᠠᠢ ᠰᠠᠨ ᠪᠣᠯ ᠳᠠ᠃ ᠬᠠᠯᠬᠠᠶᠢᠨ ᠡᠷᠡ ᠰᠦᠪᠡ ᠲᠠᠢ ᠪᠦᠬᠦᠨᠢ ᠴᠦᠮᠢ ᠴᠡᠷᠢᠭᠲᠦ ᠳᠠᠢᠴᠢᠯᠠᠵᠤ ᠬᠦᠳᠠᠯᠪᠡᠯ ᠬᠤᠭᠤᠷᠤᠨᠳᠤ ᠪᠡᠨ ᠮᠡᠷᠡᠯᠴᠡᠵᠦ ᠬᠦᠴᠦ ᠨᠢ ᠰᠤᠯᠠᠷᠠᠭᠰᠠᠨ ᠬᠢᠳᠠᠳᠢ ᠰᠠᠨᠳᠤᠷᠤᠭᠤᠯᠵᠤ ᠪᠣᠯᠬᠤ ᠯᠡ ᠪᠠᠢᠭ᠍ᠰᠠᠨ ᠳᠠ᠃
– ᠴᠢ ᠴᠤ᠌ ᠳᠠᠯᠠᠢ ᠰᠢᠭ᠋ ᠶᠠᠭᠤᠮᠠ ᠪᠣᠳᠤᠵᠤ ᠶᠠᠪᠤᠳᠠᠭ ᠭᠠᠢᠬᠠᠯ ᠪᠠᠢᠨᠠ᠃
– ᠳᠠᠯᠠᠢ ᠰᠢᠭ᠋ ᠮᠦᠷᠲᠡᠯᠡ ᠪᠡᠨ ᠵᠡᠷᠭᠡᠯᠭᠡᠨ ᠰᠢᠭ᠌ ᠬᠤᠭᠤᠰᠤᠨ᠁ ᠵᠠ᠂ ᠲᠦᠷᠦᠶᠢᠨ ᠲᠦᠯᠦᠭᠡ ᠤᠭᠤᠳᠤᠨᠠ ᠭᠡᠭᠴᠢᠪᠡᠷ ᠲᠡᠷᠡ ᠴᠤ᠌ ᠶᠠᠭᠠᠮᠠᠢ᠃ ᠬᠠᠷᠢᠨ ᠤᠳᠠᠬᠤ ᠦᠭᠡᠢ ᠯᠤᠤ ᠬᠦᠩᠦᠨ ᠬᠣᠰᠢᠭᠤ ᠨᠠᠭᠠᠳᠤᠮ ᠪᠣᠯᠬᠤ ᠭᠡᠨᠡ ᠪᠢᠯᠡ᠂ ᠶᠠᠪᠤᠨᠠ ᠰᠢᠦ᠃
– ᠶᠠᠪᠤᠨᠠ᠃ ᠪᠢ ᠤᠨᠤᠭᠠ ᠭᠡᠵᠦ ᠬᠡᠯᠡ ᠥᠭᠭᠦᠭᠰᠡᠨ᠃
ᠵᠠᠮᠪᠠᠯ ᠨᠡᠬᠡᠭᠡᠯᠲᠡ ᠲᠠᠢ ᠭᠡᠭᠡᠪᠴᠢ ᠤᠷᠤᠭᠤ ᠠᠵᠢᠭ᠍ᠯᠠᠨ ᠨᠢᠳᠦ ᠪᠡᠨ ᠴᠠᠪᠴᠢᠯᠠᠨ ᠰᠠᠭᠤᠪᠠ᠃ << ᠬᠡᠷᠪᠡ ᠪᠢ ᠪᠣᠭᠳᠠᠶᠢᠨ ᠣᠷᠣᠨᠳᠤ ᠪᠠᠢᠭ᠍ᠰᠠᠨ ᠪᠣᠯ ᠱᠠᠮᠪᠠᠯᠤᠨ ᠳᠠᠢᠨ ᠪᠤᠯᠪᠠ ᠭᠡᠵᠦ ᠯᠦᠨᠳᠥᠩ ᠪᠠᠭᠤᠯᠭᠠᠭᠠᠳ ᠮᠣᠩᠭᠣᠯᠤᠨ ᠡᠷᠡ ᠬᠦᠮᠦᠨ᠂ ᠮᠣᠷᠢ ᠪᠦᠬᠦᠨᠢ ᠳᠠᠢᠴᠢᠯᠠᠵᠤ ᠠᠪᠤᠷᠭᠤ ᠲᠣᠮᠤ ᠮᠣᠩᠭᠣᠯ ᠤᠯᠤᠰᠢ ᠪᠠᠢᠭᠤᠯᠬᠤ ᠪᠠᠢᠭ᠍ᠰᠠᠨ ᠰᠠᠨ >> ᠭᠡᠵᠦ ᠪᠤᠳᠤᠵᠤ ᠪᠠᠢᠬᠤᠳᠤ ᠶᠡᠬᠡ ᠴᠡᠷᠢᠭ ᠵᠠᠬᠢᠷᠤᠨ ᠡᠷᠳᠡᠨᠢᠰᠦᠨ ᠳᠡᠭᠡᠳᠦᠶᠢ ᠡᠳ᠋ᠯᠡᠵᠦ᠂ ᠠᠷᠢᠬᠢᠨᠤ ᠳᠡᠭᠡᠳᠦᠶᠢ ᠤᠤᠭᠤᠵᠤ᠂ ᠡᠬᠡᠨᠡᠷᠦᠨ ᠰᠠᠢᠬᠠᠨ ᠲᠠᠢ ᠵᠢᠷᠭᠠᠵᠤ ᠪᠠᠢᠭᠠ ᠪᠦᠳᠡᠬᠢ ᠮᠠᠨᠠᠨ ᠲᠤᠯᠤᠭᠠᠢ ᠳ᠋ᠤᠨᠢ ᠤᠷᠤᠨ ᠭᠠᠷᠤᠨ ᠪᠠᠢᠯᠠ᠃
– ᠵᠠ᠂ ᠶᠠᠪᠤᠶᠠ ᠭᠡᠳ ᠵᠠᠮᠪᠠᠯᠤᠨ ᠪᠣᠰᠬᠤᠳᠤ ᠴᠠᠮᠪᠠ ᠵᠤᠪᠠᠮᠠᠳᠠᠭᠠᠢ ᠢᠨᠢᠶᠡᠮᠰᠦᠭᠯᠡᠭᠰᠡᠨᠢᠶᠡᠨ 《 ᠡᠪᠦᠭᠡᠨ ᠴᠢᠨᠢ ᠢᠴᠢᠭᠡᠳ ᠪᠠᠢᠨᠠ᠃ ᠪᠦᠷᠦᠩᠭᠦᠢ ᠪᠤᠯᠭᠠᠵᠤ ᠶᠠᠪᠤᠶᠠ᠃ ᠯᠠᠮᠠ ᠨᠠᠷ ᠮᠡᠳᠡᠪᠡᠯ ᠪᠠᠯᠠᠷᠠᠯᠠ ᠰᠢᠦ 》 ᠭᠡᠬᠦ ᠳ᠋ᠤᠨᠢ ᠵᠠᠮᠪᠠᠯ ᠬᠦᠭᠵᠢᠭᠦᠨ ᠢᠨᠢᠶᠡᠮᠰᠦᠭᠯᠡᠪᠡ᠃
– ᠬᠠᠷᠠ ᠬᠡᠷᠢᠶᠡ ᠪᠡᠶᠡ ᠪᠡᠶᠡᠶᠢᠨ ᠬᠠᠷᠠᠶᠢ ᠭᠠᠢᠬᠠᠪᠠ ᠭᠡᠭᠴᠢᠪᠡᠷ ᠬᠡᠨ ᠨᠢ ᠬᠡᠨᠢᠪᠡᠨ ᠱᠤᠤᠯᠠᠬᠤ ᠪᠢᠯᠡ ᠳᠠ᠂ ᠶᠠᠪᠤᠶᠠ ᠭᠡᠯᠡ᠃
ᠢᠩᠬᠢᠭᠡᠳ ᠵᠠᠮᠪᠠᠯ ᠲᠥᠷᠦᠭᠦᠯᠡᠨ ᠭᠠᠷᠴᠤ ᠪᠠᠢᠰᠢᠩ ᠬᠠᠰᠢᠶᠠ ᠪᠡᠨ ᠲᠤᠮᠤ ᠬᠠᠷᠠ ᠴᠣᠣᠵᠢᠶᠢᠨ ᠮᠡᠳᠡᠯᠳᠦ ᠦᠯᠡᠳᠡᠭᠡᠭᠡᠳ ᠬᠦᠷᠢᠶᠡᠨᠦ ᠡᠮᠦᠨᠡ ᠪᠤᠷᠤᠴᠤᠤᠯᠤᠨ ᠬᠤᠷᠢᠶᠠ ᠤᠷᠤᠭᠤ ᠶᠠᠪᠦᠵᠠᠢ᠃
ᠥᠨᠥᠳᠥᠷ ᠵᠠᠮᠪᠠᠯ᠂ ᠴᠠᠮᠪᠠ ᠶᠠᠭ ᠡᠨᠡ ᠮᠡᠲᠦᠪᠡᠷ ᠵᠠᠶᠠᠶᠢᠨ ᠬᠦᠷᠢᠶᠡᠨᠦ ᠳᠡᠷᠭᠡᠲᠡ ᠪᠣᠢ ᠪᠣᠯᠣᠭᠰᠠᠨ ᠬᠣᠷᠢᠶᠠᠨᠳᠤ ᠰᠠᠭᠤᠳᠠᠭ ᠴᠢᠮᠡᠭ᠂ ᠴᠡᠴᠡᠭ ᠭᠡᠳᠡᠭ ᠬᠣᠶᠠᠷ ᠬᠡᠦᠬᠡᠨᠦᠳᠦ ᠣᠴᠢᠵᠤ ᠨᠠᠢᠷᠯᠠᠨ ᠰᠠᠮᠠᠭᠤᠷᠠᠬᠤᠪᠠᠷ ᠶᠠᠪᠤᠭᠠ ᠠᠵᠢ᠃
ᠡᠨᠡ ᠵᠠᠮᠢᠶᠠᠷ ᠠᠩᠬᠠ ᠤᠳᠠᠭᠠ ᠶᠠᠪᠤᠵᠤ ᠪᠠᠢᠭᠠ ᠴᠠᠮᠪᠠᠶᠢᠨ ᠰᠡᠳᠬᠢᠯᠳᠦ ᠢᠴᠢᠬᠦ ᠬᠦᠰᠡᠬᠦ ᠬᠣᠣᠰᠯᠠᠨ᠂ ᠡᠷᠭᠢᠨ ᠲᠤᠭᠤᠷᠢᠨᠢ ᠠᠵᠢᠭ᠍ᠯᠠᠨ᠂ ᠦᠷᠭᠦᠭᠰᠡᠨ ᠵᠡᠭᠡᠷᠡ ᠰᠢᠭ᠌ ᠰᠠᠷᠪᠠᠯᠵᠠᠨ ᠨᠢᠭᠤᠷᠢᠶᠠᠨ ᠪᠤᠷᠤᠭᠤᠯᠠᠨ ᠶᠠᠪᠤᠵᠠᠢ᠃ ᠬᠠᠷᠢᠨ ᠵᠠᠮᠪᠠᠯ ᠪᠤᠯ ᠡᠭᠡᠯ ᠠᠮᠢᠳᠤᠷᠠᠯᠤᠨ ᠠᠮᠲᠠᠶᠢ ᠠᠯᠢ ᠡᠷᠲᠡ ᠮᠡᠳᠡᠭᠰᠡᠨ ᠪᠦᠭᠡᠳ ᠡᠨᠡ ᠵᠠᠮᠳᠤ ᠭᠤᠲᠤᠯᠤᠨᠢᠶᠠᠨ ᠤᠯᠠᠶᠢ ᠡᠯᠡᠭᠡᠭᠰᠡᠨ ᠬᠦᠮᠦᠨ ᠪᠤᠯᠬᠤᠷ ᠢᠴᠢᠬᠦ ᠵᠤᠪᠠᠬᠤᠶᠢ ᠮᠡᠳᠡᠬᠦ ᠦᠭᠡᠢ ᠪᠠᠢᠵᠠᠢ᠃
ᠬᠦᠷᠡᠩ ᠬᠠᠭᠠᠯᠭᠠ ᠲᠠᠢ ᠬᠠᠰᠢᠶᠠᠨᠤ ᠡᠭᠦᠳᠡᠨᠳᠦ ᠢᠷᠡᠭᠡᠳ ᠵᠠᠮᠪᠠᠯ ᠤᠨᠢᠰᠤᠨᠤ ᠤᠷᠲᠤ ᠰᠤᠷᠢ ᠲᠠᠲᠠᠬᠤ ᠵᠠᠭᠤᠷᠠ ᠴᠠᠮᠪᠠᠶᠢ ᠬᠠᠷᠠᠪᠠᠯ ᠴᠠᠭᠠᠨ ᠴᠢᠷᠠᠢ ᠨᠢ ᠤᠯᠠᠭᠠᠨ ᠪᠤᠯᠤᠭᠠᠳ ᠪᠦᠬᠦ ᠪᠡᠶᠡ ᠨᠢ ᠲᠤᠭᠲᠠᠨ ᠶᠠᠳᠠᠨ ᠴᠡᠴᠡᠷᠡᠵᠦ ᠪᠠᠢᠯᠠ᠃
– ᠳᠠᠯᠠᠢ ᠪᠠᠢᠪᠠᠯ ᠴᠤ᠌ ᠨᠠᠮᠠᠶ᠋ᠢ ᠬᠠᠷᠠᠮᠠᠭᠴᠠ ᠵᠤᠪᠬᠢ ᠨᠢ ᠪᠠᠭᠤᠭᠠᠳ ᠲᠦᠷᠭᠡᠨ ᠵᠠᠢᠯᠠᠨᠠ᠃ ᠮᠢᠳᠤᠭᠤᠨᠳᠤ ᠲᠠᠭᠠᠷᠢᠯᠳᠤᠵᠤ ᠲᠠᠪᠤᠨ ᠰᠠᠯᠠᠭᠠ ᠪᠤᠤᠪᠤ ᠬᠦᠷᠲᠡᠭᠰᠡᠨᠡᠴᠡ ᠬᠤᠢᠰᠢ ᠰᠡᠭᠦᠯᠢᠶᠡᠨ ᠬᠠᠪᠴᠢᠳᠠᠭ ᠪᠤᠯᠤᠭᠰᠠᠨ᠃ ᠬᠠᠷᠢᠨ ᠪᠤᠶᠠᠨᠲᠤ ᠪᠠᠢᠪᠠᠯ ᠴᠤᠷ ᠴᠤᠷ ᠭᠡᠳ ᠪᠠᠢᠵᠤ ᠮᠠᠭᠠᠳ ᠦᠭᠡᠢ ᠡᠯᠵᠢᠭᠡ ᠰᠢᠦ᠃ ᠰᠢᠭᠤᠳ ᠯᠡ ᠪᠠᠷᠢᠵᠦ ᠠᠪᠤᠭᠠᠳ ᠳᠡᠯᠡᠰᠴᠦ ᠤᠷᠬᠢᠨᠠ ᠰᠢᠦ᠃ ᠦᠭᠡᠢ ᠴᠢ ᠠᠶᠤᠭᠠᠳ ᠪᠠᠢᠨᠠ ᠦᠦ ᠳᠠ？ ᠭᠡᠵᠦ ᠵᠠᠮᠪᠠᠯ ᠠᠰᠠᠭᠤᠪᠠ᠃
– ᠠᠶᠤᠬᠤ ᠴᠤ᠌ ᠶᠠᠭᠤ ᠪᠠᠢᠬᠤᠪ ᠳᠠ᠁
– ᠲᠠ ᠲᠦᠷᠦᠭᠦᠯᠡᠭᠡᠳ ᠤᠷᠤ ᠭᠡᠳ ᠬᠠᠭᠠᠯᠭᠠ ᠨᠡᠬᠡᠭᠡᠬᠦᠳᠦ ᠴᠠᠮᠪᠠ ᠢᠨᠢᠶᠡᠮᠰᠦᠭᠯᠡᠬᠦ ᠮᠡᠲᠦ ᠪᠤᠯᠵᠤ᠂ ᠰᠢᠯᠢᠪᠡᠨ ᠮᠠᠭᠠᠵᠢᠭ᠍ᠰᠠᠨᠢᠶᠠᠨ ᠤᠷᠲᠤ ᠰᠠᠨᠠᠭᠠ ᠠᠯᠳᠠᠭᠠᠳ ᠲᠤᠲᠤᠭ᠍ᠰᠢᠪᠠᠨ ᠤᠷᠤᠯᠠ᠃
ᠬᠠᠰᠢᠶᠠᠨᠤ ᠪᠠᠷᠠᠭᠤᠨ ᠲᠠᠯᠠᠳᠤ ᠰᠢᠪᠬᠠᠷᠠᠭᠰᠠᠨ ᠵᠡᠭᠡᠷᠳᠡ ᠮᠣᠷᠢ ᠤᠶᠠᠭᠠ ᠲᠠᠢ ᠪᠠᠢᠪᠠ᠃ ᠲᠣᠯᠣᠭᠠᠢᠪᠠᠷᠢᠶᠠᠨ ᠲᠣᠭᠯᠠᠵᠤ ᠪᠠᠢᠭᠠ ᠲᠡᠷᠡ ᠮᠣᠷᠢᠨᠤ ᠡᠮᠡᠭᠡᠯ ᠰᠢᠭᠣᠯᠲᠠ ᠲᠠᠢ ᠪᠠᠢᠭᠠᠶᠢ ᠬᠠᠷᠠᠬᠤᠳᠤ ᠡᠵᠡᠨ ᠨᠢ ᠪᠤᠷᠤᠭᠠᠨᠠᠴᠠ ᠡᠮᠦᠨᠡ ᠪᠤᠶᠤ ᠪᠤᠷᠤᠭᠠᠨᠤ ᠦᠶᠡᠪᠡᠷ ᠢᠷᠡᠵᠠᠢ᠃
– ᠮᠣᠷᠢ ᠪᠠᠢᠨᠠ ᠭᠡᠵᠦ ᠴᠠᠮᠪᠠ ᠰᠢᠪᠡᠨᠡᠪᠡ᠃
ᠵᠠᠮᠪᠠᠯ ᠶᠠᠪᠤᠳᠠᠯ ᠳᠤᠮᠳᠠᠪᠠᠨ ᠮᠣᠷᠢᠶᠢ ᠠᠵᠢᠭ᠍ᠯᠠᠨ ᠬᠠᠷᠠᠭᠰᠠᠨᠢᠶᠠᠨ << ᠬᠠᠮᠢᠶᠠ ᠦᠭᠡᠢ >> ᠭᠡᠳ ᠬᠢᠲᠠᠳ ᠮᠠᠶᠢᠭ᠋ᠤᠨ ᠪᠠᠩᠵᠠᠨ ᠪᠠᠢᠰᠢᠩ ᠤᠷᠤᠭᠤ ᠶᠠᠪᠤᠵᠤ ᠤᠷᠤᠬᠤᠳᠤ ᠢᠨᠢᠶᠡᠵᠦ ᠪᠠᠢᠭ᠍ᠰᠠᠨ ᠬᠥᠮᠦᠰ ᠨᠠᠮ ᠬᠥᠮ ᠪᠤᠯᠪᠠ᠃
ᠡᠵᠡᠳᠡᠴᠡ ᠭᠠᠳᠠᠨᠠ ᠥᠯᠦ ᠲᠠᠨᠢᠬᠤ ᠨᠢᠭᠡ ᠬᠦᠮᠦᠨ ᠪᠠᠢᠯᠠ᠃ ᠵᠠᠬᠠ ᠨᠢ ᠵᠠᠳᠠᠭᠠᠢ᠂ ᠬᠦᠷᠡᠩ ᠲᠤᠷᠭᠠᠨ ᠳᠡᠪᠡᠯ ᠲᠠᠢ᠂ ᠲᠦᠷᠡᠢ ᠳ᠋ᠤᠨᠢ ᠳᠥᠷᠦᠭᠡᠨᠦ ᠰᠤᠷᠤᠨ ᠬᠡᠪ ᠭᠠᠷᠤᠭᠰᠠᠨ ᠯᠤᠤᠴᠢᠨᠳᠠᠢ᠂ ᠲᠤᠭᠲᠠᠵᠤ ᠶᠠᠳᠠᠭᠰᠠᠨ ᠬᠤᠷᠴᠠ ᠨᠢᠳᠦ ᠪᠦᠬᠦᠢ ᠴᠤᠭ ᠡᠷᠡ ᠬᠠᠨᠵᠤᠨ ᠳᠡᠭᠡᠷᠡ ᠵᠡᠭᠦᠨ ᠡᠪᠦᠳᠦᠭᠢᠶᠡᠨ ᠨᠤᠭᠤᠯᠤᠨ ᠰᠠᠭᠤᠭᠠᠳ ᠡᠮᠦᠨᠡᠪᠡᠨ ᠲᠠᠯᠪᠢᠭ᠍ᠰᠠᠨ ᠲᠠᠷᠭᠤᠨ ᠮᠢᠬᠠᠠᠴᠠ ᠲᠤᠮᠤ ᠲᠤᠮᠤ ᠤᠭᠲᠤᠯᠤᠨ ᠢᠳᠡᠵᠤ ᠪᠠᠢᠪᠠ᠃
ᠬᠤᠶᠠᠷ ᠬᠡᠦᠬᠡᠨᠦ ᠨᠢᠭᠡ ᠨᠢ ᠤᠷᠤᠨ ᠳᠡᠭᠡᠷᠡ ᠰᠠᠨᠳᠠᠢᠯᠠᠨ᠂ ᠨᠥᠭᠥᠭᠡ ᠨᠢ ᠥᠯᠦ ᠲᠠᠨᠢᠭ᠍ᠴᠢ ᠬᠦᠮᠦᠨᠦ ᠬᠠᠵᠠᠭᠤᠳᠤ ᠰᠠᠭᠤᠵᠠᠢ᠃ ᠰᠠᠶᠢᠬᠠᠨ ᠢᠨᠢᠵᠡᠵᠦ ᠪᠠᠶᠠᠰᠴᠤ ᠪᠠᠢᠭ᠍ᠰᠠᠨ ᠲᠡᠮᠳᠡᠭ ᠨᠢᠭᠤᠷᠠᠴᠠ ᠨᠢ ᠰᠠᠯᠤᠭᠠ ᠦᠭᠡᠢ ᠤᠴᠢᠷ ᠤᠷᠤᠭᠤᠯ ᠨᠢ ᠵᠤᠤᠮᠠᠯᠵᠠᠨ ᠪᠠᠢᠪᠠ᠃
– ᠪᠥᠭᠦᠳᠡ ᠮᠡᠨᠳᠦ ᠠᠮᠤᠭᠤᠯᠠᠩ ᠦᠦ？ ᠭᠡᠵᠦ ᠵᠠᠮᠪᠠᠯ ᠮᠡᠨᠳᠦᠯᠡᠪᠡ᠃ ᠵᠠᠮᠪᠠᠯᠢ ᠬᠠᠷᠠᠭᠰᠠᠨ ᠬᠣᠶᠠᠷ ᠬᠡᠦᠬᠡᠨᠦ ᠴᠢᠷᠠᠢ ᠬᠤᠪᠢᠷᠠᠵᠤ ᠲᠦᠪ ᠪᠤᠯᠤᠭᠠᠳ ᠪᠡᠶᠡ ᠪᠡᠶᠡᠪᠡᠨ ᠬᠠᠷᠠᠯᠴᠠᠪᠠ᠃
– ᠮᠡᠨᠳᠦ ᠡ᠂ ᠭᠡᠯᠦᠩ ᠭᠣᠸᠠᠢ ᠨᠠᠷ ᠰᠠᠢᠨ ᠦᠦ？ ᠭᠡᠵᠦ ᠨᠥᠭᠥᠭᠡ ᠬᠦᠮᠦᠨ ᠮᠢᠬᠠ ᠵᠠᠵᠢᠯᠬᠤ ᠵᠠᠭᠤᠷᠠ ᠶᠤᠵᠤᠲᠠᠢ ᠬᠡᠯᠡᠭᠡᠳ ᠯᠠᠮᠠ ᠨᠠᠷᠤᠨ ᠲᠤᠯᠤᠭᠠᠢᠠᠴᠠ ᠨᠢ ᠤᠯᠠᠶᠢ ᠨᠢ ᠬᠦᠷᠲᠡᠯᠡ ᠬᠠᠷᠠᠵᠤ ᠠᠮᠵᠢᠪᠠ᠃
ᠪᠠᠷᠠᠭᠤᠨ ᠬᠠᠨᠵᠤᠨ ᠳᠡᠭᠡᠷᠡᠬᠢ ᠴᠡᠩᠮᠡᠨ ᠭᠤᠳᠤᠰ ᠳᠡᠭᠡᠷᠡ ᠵᠠᠮᠪᠠᠯᠢ ᠤᠴᠢᠭᠠᠳ ᠰᠠᠭᠤᠬᠤᠳᠦ ᠴᠠᠮᠪᠠ ᠳᠤᠤᠷᠠᠳᠤ ᠲᠠᠯᠠ ᠳ᠋ᠤᠨᠢ ᠰᠠᠭᠤᠵᠠᠢ᠃
ᠨᠥᠭᠦᠭᠡ ᠬᠦᠮᠦᠨ ᠤᠢᠰᠤᠨ ᠡᠰᠢ ᠲᠠᠢ ᠬᠢᠲᠤᠭᠠᠪᠠᠨ ᠠᠷᠴᠢᠵᠤ᠂ ᠮᠥᠩᠭᠥᠨ ᠳᠤᠨᠤᠭᠲᠠᠢ ᠬᠤᠢᠳᠤ ᠬᠢᠭᠡᠳ᠂ ᠲᠦᠷᠡᠢᠡᠴᠡᠪᠡᠨ ᠪᠦᠳᠦᠭᠦᠨ ᠴᠠᠭᠠᠨ ᠰᠣᠷᠤᠭᠤᠯ ᠲᠠᠢ ᠭᠠᠩᠰᠠ᠂ ᠪᠦᠰᠡᠨᠡᠴᠡᠪᠡᠨ ᠮᠥᠩᠭᠥᠨ ᠰᠤᠶᠤᠭᠠ ᠴᠣᠬᠢᠯᠠᠭᠤᠷ ᠲᠠᠢ ᠰᠠᠪᠠ ᠠᠪᠴᠤ ᠲᠠᠮᠠᠬᠢ ᠲᠠᠲᠠᠯᠠ᠃
ᠡᠨᠡ ᠪᠦᠬᠦᠨᠢ ᠨᠢ ᠬᠠᠷᠠᠭᠠᠳ << ᠣᠪᠣᠭᠠ ᠯᠡ ᠪᠡᠯᠡ ᠲᠠᠢ ᠬᠦᠮᠦᠨ ᠪᠤᠯᠤᠯᠲᠠᠢ >> ᠭᠡᠵᠦ ᠵᠠᠮᠪᠠᠯ ᠳᠤᠲᠤᠷᠠᠪᠠᠨ ᠪᠤᠳᠤᠪᠠ᠃ ᠲᠠᠰᠤᠯᠭᠠᠨᠳᠤ ᠬᠡᠰᠡᠭ ᠵᠠᠭᠤᠷᠠ ᠤᠭᠲᠤ ᠴᠢᠮᠡᠭᠡ ᠠᠨᠢᠷ ᠦᠭᠡᠢ ᠪᠠᠢᠪᠠ᠃ ᠥᠯᠦ ᠲᠠᠨᠢᠭ᠍ᠴᠢᠶᠢ ᠲᠦᠭᠵᠢᠯ ᠭᠡᠳᠡᠭ᠃ ᠳᠠᠯᠠᠢᠴᠤᠢᠩᠬᠤᠷ ᠸᠠᠩᠤᠨ ᠬᠤᠰᠢᠭᠤᠨᠤ ᠬᠦᠮᠦᠨ᠃ ᠬᠢᠳᠡᠭ ᠠᠵᠢᠯ ᠭᠡᠪᠡᠯ ᠬᠤᠯᠠᠭᠠᠢᠴᠢ᠂ ᠭᠡᠬᠦᠳᠡᠭᠡᠨ ᠲᠡᠮᠦᠷ ᠰᠢᠭ᠌ ᠠᠢᠮᠠᠭ ᠳᠠᠪᠠᠵᠤ ᠰᠦᠷᠦᠭᠢᠶᠡᠷ ᠠᠳᠤᠭᠤ ᠬᠦᠭᠡᠭᠡᠳᠡᠭ ᠦᠭᠡᠢ᠃ ᠬᠠᠪᠢ ᠣᠢᠷᠠᠠᠴᠠᠪᠠᠨ ᠬᠣᠨᠢ ᠬᠤᠷᠠᠭᠠ᠂ ᠪᠢᠷᠠᠭᠤ ᠰᠢᠳᠦᠯᠡᠩᠡᠴᠡ ᠡᠬᠢᠯᠡᠭᠡᠳ ᠬᠠᠪᠢᠳᠠᠭᠰᠠᠨ ᠪᠦᠬᠦᠨᠢ ᠠᠪᠴᠤ ᠬᠠᠮᠠᠷ ᠳᠠᠪᠠᠭᠤᠯᠤᠨ ᠪᠣᠷᠤᠯᠠᠭᠤᠯᠵᠤ ᠶᠠᠪᠤᠳᠠᠭ ᠠᠵᠢ᠃ ᠵᠢᠵᠢᠭ᠌ ᠬᠤᠯᠠᠭᠠᠢᠶᠢᠨ ᠬᠡᠷᠡᠭᠲᠦ ᠬᠡᠳᠤᠨ ᠤᠳᠠᠭᠠ ᠪᠠᠷᠢᠭ᠍ᠳᠠᠭᠰᠠᠨ ᠪᠤᠯᠪᠠᠴᠤ ᠬᠡᠭᠡᠯᠢ ᠬᠠᠬᠤᠤᠯᠢᠶᠢᠨ ᠬᠦᠴᠦᠪᠡᠷ ᠰᠤᠯᠠᠯᠠᠭᠳᠠᠵᠠᠢ᠃
ᠡᠨᠡ ᠤᠳᠠᠭᠠ ᠪᠠᠰᠠ ᠣᠯᠵᠠ ᠬᠠᠢᠵᠤ ᠯᠠᠮᠠᠶᠢᠨ ᠭᠡᠭᠡᠨᠦ ᠱᠠᠪᠢ ᠪᠤᠶᠤ ᠣᠢᠷᠠ ᠵᠡᠷᠭᠡᠯᠡᠳᠡᠭᠡ ᠬᠤᠰᠢᠭᠤᠠᠴᠠ ᠠᠮᠪᠠᠨ ᠱᠠᠷ ᠬᠡᠳᠦᠶᠢ ᠠᠪᠴᠤ ᠲᠠᠷᠢᠶᠠᠲᠤᠶᠢᠨ ᠣᠷᠣᠰᠤᠳᠲᠤ ᠬᠤᠳᠠᠯᠳᠤᠬᠤ ᠪᠤᠳᠤᠯ ᠲᠠᠢ ᠶᠠᠪᠤᠭᠠ ᠠᠵᠢ᠃
ᠬᠡᠷᠡᠭᠦᠯ ᠵᠤᠳᠤᠭᠠᠨ ᠪᠤᠯᠬᠤᠳᠤ ᠡᠨᠡ ᠬᠣᠶᠠᠷ ᠠᠰᠠᠮᠠᠨ ᠯᠠᠮᠠᠶᠢ ᠳᠡᠢᠯᠦᠨᠡ ᠭᠡᠵᠦ ᠪᠠᠲᠤ ᠢᠲᠡᠭᠡᠭᠰᠡᠨ ᠲᠦᠭᠵᠢᠯ᠂ ᠪᠠᠭᠤᠯᠭᠠᠭᠰᠠᠨ ᠨᠢᠳᠦᠷᠭᠠᠪᠠᠷᠢᠶᠠᠨ ᠰᠤᠷᠤᠭᠤᠯᠢᠶᠠᠨ ᠠᠷᠴᠢᠬᠤ ᠵᠠᠭᠤᠷᠠ << ᠭᠡᠯᠦᠬᠠᠢ ᠨᠠᠷ ᠰᠠᠩ ᠲᠠᠯᠪᠢᠵᠤ ᠥᠭᠬᠦ ᠭᠡᠵᠦ ᠮᠣᠷᠢᠯᠠᠨ ᠢᠷᠡᠪᠡ ᠦᠦ？ >> ᠭᠡᠳ ᠬᠠᠵᠠᠭᠤᠳᠠᠭᠠᠨ ᠰᠠᠭᠤᠵᠤ ᠪᠠᠢᠭᠠ ᠴᠢᠮᠡᠭ ᠤᠷᠤᠭᠤ ᠨᠢᠳᠦ ᠢᠷᠮᠡᠭᠰᠡᠨᠢᠶᠡᠨ ᠡᠪᠦᠷᠡᠴᠡᠪᠡᠨ ᠪᠦᠳᠦᠭᠦᠨ ᠲᠦᠷᠡᠢᠪᠴᠢ ᠭᠠᠷᠭᠠᠵᠤ ᠨᠦᠬᠡ ᠲᠠᠢ ᠤᠯᠠᠭᠠᠨ ᠵᠤᠭᠤᠰ ᠬᠣᠶᠠᠷᠢ ᠭᠠᠷᠭᠠᠵᠤ << ᠪᠠᠷᠢᠴᠠᠶᠢ ᠨᠢ ᠤᠷᠢᠭ᠍ᠳᠠᠭᠠᠳ ᠪᠠᠷᠢᠴᠢᠬᠠᠶᠠ>> ᠭᠡᠯᠡ᠃
ᠳᠤᠷᠤᠮᠵᠢᠯᠠᠵᠤ ᠪᠠᠢᠭᠠᠶᠢ ᠨᠢ ᠮᠡᠳᠡᠭᠰᠡᠨ ᠵᠠᠮᠪᠠᠯᠤᠨ ᠠᠭᠤᠷ ᠪᠠᠭᠲᠠᠵᠤ ᠶᠠᠳᠠᠬᠤᠳᠠᠭᠠᠨ ᠨᠢᠳᠦ ᠨᠢ ᠭᠢᠯᠠᠯᠵᠠᠨ᠂ ᠰᠢᠨᠠᠶᠢᠨ ᠪᠤᠯᠴᠢᠩ ᠨᠢ ᠲᠠᠲᠠᠭᠠᠨᠠᠨ ᠴᠡᠴᠡᠷᠡᠪᠡ᠃ ᠵᠠᠮᠪᠠᠯ ᠵᠤᠳᠤᠭᠠᠨᠳᠤ ᠶᠠᠭ ᠦᠭᠡᠢ ᠪᠤᠯᠬᠤᠷ ᠤᠯᠠᠨ ᠦᠭᠡ ᠲᠠᠢ ᠰᠠᠭᠰᠠᠭᠤ ᠬᠠᠷᠠ ᠬᠦᠦᠶᠢᠨ ᠨᠠᠮᠠᠯᠳᠠᠭᠢ ᠨᠢ ᠴᠢᠬᠢᠵᠦ ᠠᠭᠠᠭᠢ ᠨᠢ ᠳᠠᠷᠤᠵᠤ ᠦᠭᠭᠦᠶᠡ ᠭᠡᠵᠦ ᠰᠢᠢᠳᠪᠡ᠃
ᠴᠠᠮᠪᠠ ᠠᠭᠤᠷᠯᠠᠭᠰᠠᠨ ᠴᠤ᠌ ᠦᠭᠡᠢ᠂ ᠪᠠᠶᠠᠷᠯᠠᠭᠰᠠᠨ ᠴᠤ᠌ ᠦᠭᠡᠢ᠃ ᠠᠮᠢᠰᠬᠤᠭᠠ ᠨᠢ ᠳᠠᠪᠬᠤᠴᠠᠨ ᠲᠠᠰᠤᠯᠭᠠᠨᠳᠤ ᠪᠠᠢᠭᠠ ᠶᠠᠭᠤᠮᠠ ᠪᠦᠬᠦᠨᠡᠴᠡ ᠬᠠᠷᠠᠭᠠ ᠪᠤᠷᠤᠭᠤᠯᠠᠵᠤ᠂ ᠶᠠᠮᠠᠷ ᠨᠢᠭᠡ ᠶᠠᠭᠤᠮᠠ ᠪᠤᠯᠪᠠᠯ ᠡᠷᠭᠢᠵᠦ ᠬᠠᠷᠠᠯ ᠦᠭᠡᠢ ᠪᠣᠯᠠᠭᠠᠨ ᠠᠭᠤᠯᠠᠶᠢ ᠳᠠᠪᠠᠵᠤ ᠵᠢᠭᠤᠳᠠᠬᠤᠳᠤ ᠪᠡᠯᠡᠬᠡᠨ ᠪᠠᠢᠵᠠᠢ᠃
ᠬᠡᠷᠪᠡ ᠠᠯᠢ ᠨᠢᠭᠡ ᠨᠢ ᠬᠦᠳᠡᠯᠬᠦ ᠦᠭᠡᠢ ᠪᠤᠯ ᠵᠠᠮᠪᠠᠯ ᠲᠦᠭᠵᠢᠯ ᠬᠣᠶᠠᠷ ᠬᠡᠳᠦᠢ ᠪᠣᠯᠲᠠᠯᠠ ᠢᠩᠬᠢᠭᠡᠳ ᠯᠡ ᠬᠡᠷᠦᠭᠰᠡᠨ ᠪᠤᠬᠠ ᠰᠢᠭ᠋ ᠭᠢᠯᠠᠯᠵᠠᠨ ᠰᠠᠭᠤᠬᠤᠶᠢ ᠬᠡᠨ ᠮᠡᠳᠡᠬᠦ ᠪᠣᠢ᠃ ᠭᠡᠲᠡᠯᠡ ᠬᠡᠨ ᠤᠷᠢᠳᠠᠭᠰᠠᠨ ᠨᠢ ᠬᠣᠵᠢᠨᠠ ᠭᠡᠵᠦ ᠪᠣᠳᠣᠭᠰᠠᠨ ᠡᠨᠡ ᠬᠣᠶᠠᠷ ᠶᠠᠭᠠᠬᠢᠵᠤ ᠳᠡᠰᠬᠦ ᠪᠢᠯᠡ᠃ << ᠴᠣᠷ ᠴᠣᠷ ᠭᠡᠳ ᠪᠠᠢᠪᠠᠯ ᠬᠢᠩᠭᠠᠨ ᠬᠠᠮᠠᠷᠢ ᠴᠢᠨᠢ ᠴᠢᠨᠠᠭ᠍ᠰᠢ ᠨᠢ ᠬᠢᠵᠦ ᠣᠷᠬᠢᠨᠠ ᠰᠢᠦ >> ᠭᠡᠳ ᠵᠠᠮᠪᠠᠯ ᠥᠨᠳᠡᠯᠵᠡᠨ᠂ ᠪᠣᠰᠬᠤᠳᠤ ᠪᠡᠯᠡᠳᠬᠡᠪᠡ᠃
ᠭᠡᠲᠡᠯᠡ ᠲᠦᠭᠵᠢᠯ ᠠᠵᠢᠭ᠋ ᠦᠭᠡᠢ ᠳᠦᠷᠢ ᠦᠵᠡᠭᠦᠯᠦᠨ << ᠭᠡᠯᠤᠬᠠᠢ ᠨᠠᠷ ᠮᠢᠨᠤ ᠥᠴᠦᠬᠡᠨ ᠪᠠᠷᠢᠴᠠᠶᠢ ᠥᠭᠯᠢᠭᠡᠶᠢᠨ ᠡᠵᠡᠨᠦ ᠦᠨᠡᠨ ᠰᠠᠨᠠᠭᠠ᠂ ᠳ᠋ᠸᠪᠠᠵᠠᠨᠳᠤ ᠲᠥᠷᠦᠬᠥ ᠭᠡᠰᠡᠨ ᠬᠦᠰᠡᠯ ᠬᠡᠮᠡᠨ ᠪᠤᠯᠭᠤᠭᠠᠨᠠ ᠦᠦ >> ᠭᠡᠳ ᠭᠠᠷᠢᠶᠠᠨ ᠰᠤᠩᠭᠠᠬᠤᠳᠤ ᠴᠠᠮᠪᠠ ᠦᠪᠡᠷᠢᠶᠡᠨ ᠮᠡᠳᠡᠯ ᠦᠭᠡᠢ ᠭᠠᠷᠢᠶᠠᠨ ᠲᠤᠰᠪᠠ᠃ ᠵᠠᠮᠪᠠᠯ ᠭᠠᠷᠢ ᠨᠢ ᠴᠤᠬᠢᠭᠠᠳ ᠠᠪᠤᠯᠠ᠃
– ᠨᠢᠰᠤᠬᠠᠢ ᠬᠠᠷᠠ ᠬᠦᠦ ᠴᠢ ᠠᠶᠠᠳᠠ᠃ ᠨᠤᠲᠤᠭᠤᠨ ᠴᠢᠨᠢ ᠴᠤᠭ᠍ᠴᠢᠨ ᠲᠣᠭᠠᠩᠢ ᠮᠥᠷᠭᠦᠲᠡᠯᠡ ᠠᠯᠠᠭᠠᠳᠠᠵᠤ ᠤᠷᠬᠢᠨᠠ ᠰᠢᠦ᠂ ᠮᠡᠳᠡᠪᠡ ᠦᠦ？ ᠭᠡᠬᠦᠳᠦ ᠲᠦᠭᠵᠢᠯ ᠬᠣᠭᠤᠯᠠᠢᠳᠠᠭᠠᠨ ᠭᠦᠳ ᠭᠦᠳ ᠭᠢᠳᠡᠯᠡ ᠬᠦᠢᠲᠡᠨ ᠢᠨᠢᠶᠡᠪᠡ᠃
– ᠰᠠᠩ ᠲᠠᠯᠪᠢᠳᠠᠭ ᠭᠡᠯᠤᠬᠠᠢ ᠭᠡᠰᠡᠨ ᠴᠢᠨᠢ ᠬᠡᠢᠰᠲᠡᠯᠡ ᠠᠯᠠᠭᠠᠳᠠᠳᠠᠭ ᠭᠠᠢᠬᠠᠯᠤᠳ ᠪᠠᠢᠬᠤ ᠨᠢ ᠦᠦ ᠭᠡᠳ ᠣᠯᠠᠮ ᠴᠤ᠌ ᠬᠥᠭᠵᠢᠯ ᠲᠠᠢ ᠢᠨᠢᠶᠡᠭᠰᠡᠨᠢᠶᠡᠨ ᠭᠡᠨᠡᠳᠲᠡ ᠴᠢᠷᠠᠢ ᠨᠢ ᠬᠤᠪᠢᠷᠠᠵᠤ << ᠱᠠᠯᠳᠠᠩ ᠪᠠᠨᠳᠢ ᠨᠠᠷ ᠮᠢᠨᠢ ᠭᠠᠪᠵᠤᠶᠢᠨ ᠳᠤᠭᠤᠢᠶᠢᠨᠢᠶᠡᠨ ᠰᠠᠪᠠ ᠲᠠᠢ ᠶᠠᠪᠤᠶᠠ ᠭᠡᠵᠦ ᠪᠠᠢᠭᠠ ᠪᠤᠯ ᠤᠯᠠᠨ ᠲᠠᠪᠤᠨ ᠦᠭᠡ ᠦᠭᠡᠢ ᠲᠤᠨᠢᠯᠪᠠᠯ ᠳᠡᠭᠡᠷᠡ >> ᠭᠡᠵᠦ ᠰᠦᠷᠲᠠᠢ ᠰᠢᠷᠦᠭᠦᠨ ᠳᠠᠭᠤᠪᠠᠷ ᠬᠡᠯᠡᠪᠡ᠃
– ᠰᠦᠷᠡᠬᠡᠢ ᠡᠳ᠋ ᠪᠠᠢᠬᠤ ᠨᠢ ᠡ᠁ ᠭᠡᠳ ᠵᠠᠮᠪᠠᠯ ᠨᠢᠳᠤᠷᠭᠠᠪᠠᠨ ᠳᠤᠲᠤᠭ᠍ᠰᠢ ᠴᠢᠬᠢᠭᠡᠳ ᠪᠣᠰᠪᠠ᠃
ᠬᠡᠷᠡᠭᠦᠯ᠂ ᠵᠣᠳᠤᠭᠠᠨ ᠪᠤᠯᠬᠤᠳᠤ ᠵᠠᠮᠪᠠᠯ ᠬᠡᠭᠵᠢᠭᠦᠨ ᠬᠠᠷᠠ ᠬᠦᠦᠶᠢᠨ ᠵᠠᠭᠠᠳᠤᠨᠠᠭᠰᠠᠨ ᠬᠠᠮᠠᠷ ᠤᠷᠤᠭᠤ ᠨᠢᠳᠤᠷᠭᠠᠪᠠᠨ ᠴᠢᠭᠯᠡᠭᠦᠯᠦᠨ ᠳᠠᠭᠠᠷᠢᠪᠠ᠃ ᠭᠡᠲᠡᠯᠡ ᠲᠦᠭᠵᠢᠯ ᠵᠠᠢᠯᠠᠵᠤ ᠭᠠᠩᠰᠠᠶᠢᠨᠢᠶᠡᠨ ᠲᠤᠯᠤᠭᠠᠢᠪᠠᠷ ᠤᠯᠠᠭᠠᠨ ᠰᠤᠭᠤ ᠤᠷᠤᠭᠤ ᠨᠢ ᠬᠦᠴᠦᠲᠠᠢ ᠶᠣᠪᠤᠷᠤᠭᠰᠠᠨᠳᠤ ᠯᠠᠮᠠ ᠭᠡᠳᠡᠷᠭᠦᠪᠡᠨ ᠠᠯᠳᠠᠯᠠᠨ ᠤᠨᠠᠵᠠᠢ᠃
ᠴᠠᠮᠪᠠ ᠠᠯᠢ ᠬᠡᠳᠦᠢᠨᠡᠢ ᠬᠦᠶᠦᠨ ᠭᠠᠷᠴᠤ ᠬᠠᠰᠢᠶᠠ ᠳᠠᠪᠠᠨ ᠣᠮ ᠬᠣᠮ ᠦᠭᠡᠢ ᠠᠯᠠᠭᠠ ᠪᠤᠯᠪᠠ᠃ ᠬᠣᠶᠠᠷ ᠬᠡᠦᠬᠡᠨ << ᠲᠠ ᠮᠢᠨᠢ ᠪᠤᠯᠢᠭᠠᠴᠢ >> ᠭᠡᠬᠦᠡᠴᠡ ᠥᠭᠡᠷᠡ ᠭᠠᠪᠢᠲᠠᠢ ᠦᠭᠡ ᠬᠡᠯᠡᠵᠦ ᠠᠮᠵᠢᠭᠠ ᠦᠭᠡᠢ ᠪᠠᠢᠬᠤᠳᠤ ᠲᠦᠭᠵᠢᠯ ᠵᠠᠮᠪᠠᠯᠢ ᠬᠠᠰᠢᠶᠠᠨᠤ ᠬᠠᠭᠠᠯᠭᠠᠪᠠᠷ ᠭᠠᠷᠭᠠᠬᠤ ᠵᠠᠭᠤᠷᠠ << ᠠᠬᠠᠶᠢᠨ ᠴᠢᠨᠢ ᠶᠤᠪᠤᠷᠤᠯᠲᠠᠶᠢ ᠬᠠᠯᠬᠠᠶᠢᠨ ᠤᠪᠤᠭᠠ ᠡᠷᠡ ᠳᠡᠰᠴᠦ ᠪᠠᠢᠭᠠ ᠦᠭᠡᠢ ᠶᠤᠮ >> ᠭᠡᠳ ᠬᠠᠭᠠᠯᠭᠠ ᠬᠠᠭᠠᠵᠤ ᠶᠠᠭᠰᠢᠲᠠᠯᠠ ᠲᠦᠭᠵᠢᠪᠡ᠃
ᠶᠠᠭᠤ ᠪᠤᠯᠵᠤ ᠥᠩᠭᠡᠷᠡᠭᠰᠡᠨᠢ ᠬᠣᠶᠠᠷ ᠬᠡᠦᠬᠡᠨ ᠤᠢᠯᠠᠭᠠᠵᠤ ᠶᠠᠳᠠᠨ ᠪᠠᠢᠬᠤᠳᠤ ᠲᠦᠭᠵᠢᠯ ᠪᠠᠷᠳᠠᠮ ᠢᠨᠢᠶᠡᠭᠰᠡᠭᠡᠷ ᠤᠷᠤᠵᠤ ᠢᠷᠡᠯᠡ᠃
ᠲᠦᠭᠵᠢᠯᠦᠨ ᠶᠣᠪᠣᠷᠤᠯᠲᠠ ᠬᠡᠴᠡᠭᠦᠦ᠃ ᠵᠢᠵᠢᠭ᠌ ᠲᠠᠰᠢᠭᠤᠷ ᠪᠤᠶᠤ ᠭᠠᠩᠰᠠᠶᠢᠨ ᠲᠣᠯᠣᠭᠠᠢᠪᠠᠷ ᠬᠦᠮᠦᠨᠦ ᠤᠯᠠᠭᠠᠨ ᠰᠤᠭᠤ ᠤᠷᠤᠭᠤ ᠶᠣᠪᠤᠷᠴᠤ ᠤᠨᠠᠭᠠᠳᠠᠭ ᠰᠤᠷᠭᠠᠭᠤᠯᠢᠶᠢ ᠤᠯᠠᠨ ᠵᠢᠯᠦᠨ ᠡᠮᠦᠨᠡ ᠵᠠᠯᠠᠭᠤ ᠮᠣᠷᠢᠪᠠᠨ ᠥᠭᠴᠦ ᠪᠠᠢᠮᠠᠨᠵᠢᠨ ᠰᠤᠷᠴᠤ ᠪᠢᠯᠡ᠃ ᠲᠠᠷᠢᠶᠠᠲᠤᠶᠢᠨ ᠬᠦᠷᠢᠶᠡᠨᠦ ᠲᠦᠷᠪᠡᠨ ᠯᠠᠮᠠᠳᠤ ᠪᠤᠭᠤᠷᠯᠠᠭᠤᠯᠤᠭᠠᠳ ᠪᠠᠢᠬᠤᠳᠠᠭᠠᠨ ᠭᠤᠷᠪᠠᠶᠢ ᠨᠢ ᠨᠢᠭᠡ ᠨᠢᠭᠡ ᠶᠣᠪᠤᠷᠤᠯᠲᠠᠪᠠᠷ ᠤᠨᠠᠭᠠᠵᠤ ᠪᠠᠢᠭ᠍ᠰᠠᠨ ᠤᠳᠠᠭᠠ ᠪᠤᠢ᠃
ᠶᠡᠷᠦᠨᠢ ᠯᠡ ᠲᠠᠰᠢᠭᠤᠷ ᠪᠤᠶᠤ ᠭᠠᠩᠰᠠ ᠲᠠᠢ ᠴᠠᠭᠲᠤ ᠬᠡᠨ ᠴᠤ᠌ ᠢᠷᠡᠭᠰᠡᠨ ᠳᠠᠷᠤᠯᠠᠭᠤᠯᠬᠤ ᠦᠭᠡᠢ ᠭᠡᠵᠦ ᠪᠠᠷᠳᠠᠮ ᠪᠦᠭᠡᠳ ᠢᠳᠡᠭᠡᠯ ᠲᠠᠢ ᠪᠤᠳᠤᠵᠤ ᠶᠠᠪᠤᠳᠠᠭ ᠪᠠᠢᠵᠠᠢ᠃
ᠴᠢᠮᠡᠭ ᠬᠡᠦᠬᠡᠨ ᠲᠠᠢ ᠬᠦᠰᠡᠯ ᠬᠠᠩᠭᠠᠨ ᠨᠠᠷᠭᠢᠵᠤ ᠬᠣᠨᠤᠭᠰᠠᠨ ᠲᠦᠭᠵᠢᠯ ᠥᠷᠯᠦᠭᠡ ᠡᠷᠲᠡ ᠤᠷᠲᠤ ᠲᠠᠮᠢᠷᠤᠨ ᠭᠣᠣᠯᠢ ᠥᠭᠰᠥᠨ ᠬᠠᠲᠠᠷᠢᠭᠤᠯᠵᠤ ᠶᠠᠪᠤᠯᠠ᠃
