ᠲᠤᠩᠭᠠᠯᠠᠭ ᠲᠠᠮᠢᠷ
– ᠴ᠂ ᠯᠤᠳᠤᠢᠳᠠᠮᠪᠠ
ᠨᠢᠭᠡ — ᠲᠠᠪᠤ
ᠲᠡᠷᠭᠡᠨᠦ ᠭᠠᠭᠴᠠ ᠮᠣᠷᠢᠪᠠᠨ ᠠᠯᠳᠠᠵᠤ ᠬᠠᠷᠢ ᠨᠤᠲᠤᠭᠲᠤ ᠶᠠᠪᠠᠭᠠᠷᠠᠭᠰᠠᠨ ᠡᠷᠳᠡᠨᠢ ᠳᠣᠯᠭᠠᠷᠢ ᠬᠠᠷᠠᠬᠤᠳᠤ ᠲᠥᠷᠦᠭᠰᠡᠨ ᠡᠬᠡᠪᠡᠨ ᠭᠥᠳᠡᠭᠡᠯᠡᠭᠦᠯᠵᠤ ᠢᠷᠡᠭᠡᠳ ᠪᠡᠶᠡ ᠪᠡᠶᠡᠪᠡᠨ ᠤᠷᠤᠭᠤ ᠲᠠᠳᠠᠬᠤ ᠦᠭᠡᠢᠶᠢ ᠬᠢᠴᠢᠶᠡᠨ ᠰᠠᠭᠤᠵᠤ ᠪᠠᠢᠭᠠ ᠠᠬᠠ ᠳᠡᠭᠦᠦ ᠬᠤᠶᠠᠷ ᠰᠢᠭ᠋ ᠪᠠᠢᠪᠠ᠃
ᠪᠠᠲᠤ ᠮᠣᠷᠢᠪᠠᠨ ᠠᠯᠳᠠᠭᠰᠠᠨᠢ ᠰᠡᠷᠡᠢᠮᠡᠭᠴᠡ ᠮᠡᠳᠡᠵᠦ᠂ ᠡᠴᠢᠭᠡ ᠡᠬᠡᠶᠢᠨ ᠭᠤᠨᠢᠭ᠋ ᠰᠡᠳᠬᠢᠯ ᠳ᠋ᠤᠨᠢ ᠳᠠᠮᠵᠢᠨ᠂ ᠶᠠᠮᠠᠷ ᠨᠢᠭᠡᠨ ᠭᠡᠴᠡᠭᠦᠦ ᠬᠠᠷᠠ ᠶᠠᠭᠤᠮᠠ ᠣᠷᠣᠭᠰᠢᠵᠤ ᠪᠠᠢᠪᠠ᠃
– ᠠᠪᠤ ᠡ᠂ ᠪᠢᠳᠡ ᠮᠣᠷᠢ ᠦᠭᠡᠢ ᠶᠠᠭᠠᠬᠢᠨᠠ ᠳᠠ？
– ᠵᠦᠭᠡᠷ᠂ ᠮᠢᠨᠤ ᠬᠦᠦ᠂ ᠪᠤᠯᠤᠨᠠ ᠭᠡᠳ ᠡᠴᠢᠭᠡ ᠨᠢ ᠬᠦᠦᠪᠡᠨ ᠬᠠᠷᠠᠭᠰᠠᠨᠢᠶᠠᠨ ᠬᠥᠯᠥᠰᠦ ᠰᠢᠷᠤᠢ ᠠᠩᠬᠢᠯᠤᠭᠰᠠᠨ ᠲᠤᠯᠤᠭᠠᠢᠶᠢ ᠨᠢ ᠦᠨᠦᠰᠪᠡ᠃
– ᠡᠵᠢ ᠲᠠ ᠤᠬᠢᠯᠠᠵᠤ ᠪᠠᠢᠨᠠ ᠤᠤ ᠳᠠ？ ᠭᠡᠬᠦ ᠳ᠋ᠤᠨᠢ ᠳᠣᠯᠭᠠᠷ ᠬᠦᠦᠪᠡᠨ ᠲᠡᠪᠡᠷᠢᠵᠦ ᠡᠯᠢᠭᠡᠨᠳᠡᠭᠡᠨ ᠨᠠᠭᠠᠭᠠᠳ << ᠮᠢᠨᠤ ᠬᠦᠦ᠂ ᠪᠢᠳᠡ ᠭᠤᠷᠪᠠ ᠶᠠᠭᠠᠬᠢᠭ᠍ᠰᠠᠨ ᠠᠵᠠ ᠦᠭᠡᠢ ᠤᠯᠤᠰ ᠪᠣᠢ ᠳᠠ >> ᠭᠡᠳ ᠰᠢᠪᠡᠭᠡᠨᠡᠬᠦᠳᠦ ᠬᠠᠴᠠᠷᠢ ᠨᠢ ᠳᠠᠭᠠᠵᠤ ᠬᠠᠯᠭᠤᠨ ᠨᠢᠯᠪᠤᠰᠤ ᠤᠷᠤᠰᠪᠠ᠃
ᠲᠡᠷᠡ ᠭᠤᠷᠪᠠᠶᠢ ᠢᠩᠬᠢᠵᠦ ᠪᠠᠢᠬᠤᠳᠦ ᠮᠠᠢᠬᠠᠨ ᠤᠷᠤᠭᠤ ᠮᠣᠷᠢ ᠲᠠᠢ ᠬᠤᠶᠠᠷ ᠬᠦᠮᠦᠨ ᠬᠠᠳᠠᠷᠢᠭᠤᠯᠤᠨ ᠢᠷᠡᠯᠡ᠃ ᠡᠨᠡ ᠪᠤᠯ ᠪᠠᠳᠠᠷᠴᠢ ᠳᠠᠮᠳᠢᠨ ᠬᠤᠶᠠᠷ ᠠᠵᠢ᠃ ᠲᠡᠮᠦᠷᠢ ᠤᠯᠬᠤ ᠨᠢ ᠪᠢᠳᠡᠬᠡᠢ ᠭᠡᠯᠡ᠂ ᠮᠦᠷ ᠰᠤᠷᠠᠭ ᠭᠠᠷᠭᠠᠵᠤ ᠴᠢᠳᠠᠭᠠ ᠦᠭᠡᠢᠳᠡᠭᠡᠨ ᠪᠠᠳᠠᠷᠴᠢ ᠬᠤᠷᠤᠰᠤᠨ ᠪᠤᠬᠢᠨᠢᠳᠤᠵᠤ ᠲᠠᠭᠠᠷᠢᠯᠳᠤᠭᠰᠠᠨ ᠭᠡᠮ ᠦᠭᠡᠢ ᠬᠦᠮᠦᠨᠢ ᠬᠦᠷᠲᠡᠯᠡ ᠪᠦᠳᠦᠭᠦᠨ ᠲᠡᠩᠰᠡᠨ ᠲᠠᠰᠢᠭᠤᠷᠢᠶᠠᠷ ᠤᠬᠠᠭᠠᠨ ᠠᠯᠳᠠᠲᠠᠯᠠ ᠨᠢ ᠵᠠᠨᠴᠢᠵᠤ ᠶᠠᠪᠤᠯᠠ᠃
ᠴᠢᠬᠢᠭ᠌ ᠲᠠᠢ ᠵᠦᠭᠡᠯᠡᠨ ᠬᠥᠷᠦᠰᠦᠨ ᠳᠡᠭᠡᠷᠡ ᠬᠠᠲᠠᠷᠢᠵᠤ ᠶᠠᠪᠤᠭᠠ ᠮᠤᠷᠢᠨᠤ ᠲᠦᠪᠡᠷᠭᠡᠨ ᠫᠠᠳ ᠫᠠᠳ ᠳᠤᠤᠭᠠᠷᠤᠭᠰᠠᠭᠠᠷ ᠮᠣᠷᠢ ᠲᠠᠢ ᠬᠦᠮᠦᠨ ᠮᠠᠢᠬᠠᠨᠳᠤ ᠤᠢᠷᠠᠲᠤᠵᠤ ᠢᠷᠡᠭᠰᠡᠨᠢ ᠡᠷᠳᠡᠨᠢ ᠮᠡᠳᠡᠭᠰᠡᠨ ᠠᠪᠠᠴᠤ ᠭᠠᠷᠤᠭᠰᠠᠨ ᠦᠭᠡᠢ᠃
ᠶᠠᠭᠤᠨ ᠤᠯᠤᠰ ᠪᠤᠢ᠂ ᠪᠤᠰᠢᠭᠤ ᠭᠠᠷᠤᠭᠠᠳ ᠢᠷᠡ ᠭᠡᠵᠦ ᠪᠠᠳᠠᠷᠴᠢ ᠦᠨᠳᠦᠷ ᠳᠠᠭᠤᠪᠠᠷ ᠵᠠᠩᠳᠤᠷᠤᠨ ᠬᠠᠰᠬᠢᠷᠪᠠ᠃
ᠬᠠᠨᠳᠠᠭᠠᠵᠠᠪᠠᠷ ᠨᠢ ᠲᠠᠮᠠᠭᠠᠶᠢᠨ ᠲᠠᠬᠠᠷ ᠪᠠᠢᠨᠠ ᠭᠡᠵᠤ ᠲᠠᠨᠢᠭ᠍ᠰᠠᠨ ᠡᠷᠳᠡᠨᠢ ᠬᠦᠮᠦᠨᠦ ᠨᠤᠲᠤᠭᠲᠤ ᠶᠠᠮᠠᠷ ᠨᠢᠭᠡᠨ ᠪᠤᠳᠤᠯᠢᠶᠠᠨᠳᠤ ᠤᠷᠤᠬᠤᠡᠴᠡ ᠪᠣᠯᠭᠤᠮᠵᠢᠯᠠᠨ ᠪᠤᠰᠢᠭᠤᠬᠠᠨ ᠪᠤᠰᠤᠭᠠᠳ ᠭᠠᠷᠤᠯᠠ᠃
– ᠲᠠᠨᠤ ᠡᠭᠦᠪᠡᠷ ᠭᠠᠭᠴᠠ ᠰᠡᠵᠢᠭ ᠲᠠᠢ ᠬᠦᠮᠦᠨ ᠶᠠᠪᠤᠭᠠ ᠦᠭᠡᠢ ᠪᠢᠵᠠ？ ᠭᠡᠵᠦ ᠪᠠᠳᠠᠷᠴᠢ ᠪᠦᠳᠦᠭᠦᠨ ᠲᠡᠩᠰᠡᠨ ᠲᠠᠰᠢᠭᠤᠷᠢᠶᠠᠨ ᠮᠣᠷᠢᠨᠤᠪᠠᠨ ᠰᠢᠯᠢᠨ ᠳᠡᠭᠡᠭᠦᠷ ᠬᠦᠨᠳᠡᠯᠡᠨ ᠪᠠᠷᠢᠵᠤ ᠰᠦᠷ ᠪᠠᠳᠠᠷᠠᠭᠤᠯᠤᠨ ᠠᠰᠠᠭᠤᠪᠠ᠃
– ᠶᠠᠪᠤᠭᠰᠠᠨ ᠪᠠᠢᠬᠠ！ ᠤᠷᠢᠳᠤ ᠰᠦᠨᠢ ᠲᠡᠷᠭᠡᠨᠦ ᠭᠠᠭᠴᠠ ᠮᠣᠷᠢ ᠮᠢᠨᠢ ᠮᠣᠯᠲᠣᠯᠴᠢᠬᠠᠯᠠ ᠭᠡᠵᠦ ᠡᠷᠳᠡᠨᠢ ᠨᠠᠮᠤᠭᠤᠬᠠᠨ ᠳᠠᠭᠤᠪᠠᠷ ᠥᠴᠢᠪᠡ᠃
– ᠶᠠᠭᠤ ᠭᠡᠨᠡ ᠡ᠂ ᠮᠣᠷᠢᠪᠠᠨ ᠬᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠣᠷᠭᠣᠳᠣᠣᠯᠳᠤ ᠬᠦᠯ ᠵᠠᠯᠭᠠᠵᠤ ᠦᠭᠭᠦᠨᠡ ᠭᠡᠨᠡ ᠡ ᠭᠡᠵᠦ ᠬᠡᠯᠡᠬᠦᠳᠦ ᠪᠠᠳᠠᠷᠴᠢᠶᠢᠨ ᠨᠢᠭᠤᠷᠤᠨ ᠪᠦᠬᠦ ᠠᠷᠠᠰᠤ ᠬᠢᠩᠭᠠᠨ ᠬᠠᠮᠠᠷ ᠳᠡᠭᠡᠷᠡᠪᠡᠨ ᠪᠥᠭᠡᠮᠨᠡᠷᠡᠪᠡ᠃
<<ᠮᠣᠷᠢᠪᠠᠨ ᠠᠯᠳᠠᠭᠰᠠᠨ ᠬᠦᠮᠦᠨ ᠪᠤᠷᠤᠭᠤᠳᠠᠳᠠᠭ ᠪᠤᠯ ᠬᠤᠯᠠᠭᠠᠢᠴᠢᠪᠠᠨ ᠠᠯᠳᠠᠵᠤ ᠵᠠᠮᠤᠨ ᠶᠠᠳᠠᠷᠠᠭᠰᠠᠨ ᠨᠠᠳᠠ ᠰᠢᠭ᠋ ᠠᠮᠢᠲᠠᠨᠢ ᠶᠠᠪᠠᠭᠠᠯᠠᠭᠰᠠᠨ ᠲᠠ ᠳᠠᠪᠬᠤᠷ ᠪᠤᠷᠤᠭᠤ ᠲᠠᠢ ᠪᠠᠢᠬᠤ ᠳᠠ >> ᠭᠡᠵᠦ ᠬᠡᠯᠡᠮᠡᠷ ᠡᠷᠳᠡᠨᠢᠳᠦ ᠰᠠᠨᠠᠭᠳᠠᠭᠰᠠᠨ ᠪᠣᠯᠪᠠᠴᠤ ᠳᠠᠬᠢᠨ ᠶᠠᠮᠠᠷ ᠴᠤ᠌ ᠵᠤᠪᠠᠯᠠᠩᠳᠤ ᠤᠷᠤᠵᠤ ᠪᠤᠯᠤᠨᠠ ᠭᠡᠵᠦ ᠪᠣᠯᠭᠤᠮᠵᠢᠯᠠᠭᠠᠳ ᠲᠡᠭᠡᠵᠦ ᠭᠡᠯᠡᠭᠰᠡᠨ ᠦᠭᠡᠢ᠃
– ᠬᠠᠨᠠᠰᠠ ᠳᠠ᠃ ᠪᠢᠳᠡ ᠬᠤᠯᠠ ᠭᠠᠵᠠᠷᠡᠴᠡ ᠪᠤᠭᠳᠠᠳᠤ ᠮᠥᠷᠭᠦᠬᠦ ᠭᠡᠵᠦ ᠶᠠᠪᠤᠭᠠ ᠴᠠᠭᠠᠴᠢᠨ ᠪᠠᠢᠨᠠ ᠭᠡᠵᠦ ᠡᠷᠳᠡᠨᠢ ᠲᠠᠢᠪᠤᠩ ᠭᠡᠯᠡᠵᠠᠢ᠃
– ᠤᠷᠢᠳᠤ ᠰᠦᠨᠢ ᠬᠡᠳᠦᠢᠳᠦ ᠮᠣᠷᠢᠪᠠᠨ ᠠᠯᠳᠠᠪᠠ？ ᠭᠡᠵᠤ ᠪᠠᠳᠠᠷᠴᠢᠶᠢᠨ ᠠᠰᠠᠭᠤᠬᠤᠳᠤ ᠡᠷᠳᠡᠨᠢ ᠲᠡᠰᠴᠦ ᠴᠢᠳᠠᠭᠰᠠᠨ ᠦᠭᠡᠢ᠄
– ᠬᠡᠳᠦᠢᠳᠦ ᠢᠷᠡᠵᠤ ᠠᠪᠤᠭᠰᠠᠨᠢ ᠨᠢ ᠮᠡᠳᠡᠭᠰᠡᠨ ᠪᠣᠯ ᠪᠢ ᠬᠠᠨᠠᠰᠠ ᠠᠯᠳᠠᠬᠤ ᠪᠢᠯᠡ ᠳᠠ᠃ ᠳᠣᠣᠷᠠ ᠨᠢ ᠪᠠᠷᠢᠵᠤ ᠠᠪᠣᠭᠠᠳ ᠲᠠ ᠪᠦᠬᠦᠨᠳᠦ ᠲᠣᠰᠢᠶᠠᠴᠢᠬᠠᠬᠤ ᠦᠭᠡᠢ ᠤᠤ ᠭᠡᠵᠦ ᠬᠠᠷᠢᠭᠤᠯᠬᠤᠳᠤ᠂ ᠪᠠᠳᠠᠷᠴᠢ ᠪᠦᠳᠦᠭᠦᠨ ᠳᠠᠭᠤᠪᠠᠷ ᠫᠠᠷ ᠫᠠᠷ ᠢᠨᠢᠶᠡᠨ ᠳᠠᠮᠳᠢᠨ ᠤᠷᠤᠭᠤᠪᠠᠨ ᠬᠠᠷᠠᠵᠤ << ᠪᠠᠷᠢᠨᠠ ᠭᠡᠨᠡ ᠰᠢᠤ᠂ ᠡᠨᠡ ᠵᠡᠷᠭᠡᠶᠢᠨ ᠳᠤᠯᠢᠳᠠᠷᠠᠢ ᠬᠦᠦ ᠪᠠᠷᠢᠬᠤ ᠶᠤᠮ ᠭᠡᠨᠡ᠃ ᠮᠥᠨ ᠪᠤᠷᠤᠳᠠᠭ ᠡᠷᠡ ᠡ >> ᠭᠡᠰᠡᠨᠢᠶᠡᠨ ᠭᠡᠨᠡᠳᠲᠡ ᠢᠨᠢᠶᠡᠬᠦᠪᠡᠨ ᠪᠤᠯᠢᠵᠤ ᠬᠥᠮᠥᠰᠭᠡᠪᠡᠨ ᠵᠠᠩᠭᠢᠳᠤᠨ << ᠭᠤᠢᠯᠢᠨᠴᠢᠨ ᠮᠢᠨᠢ᠂ ᠴᠢᠮᠠ ᠰᠢᠭ᠋ ᠶᠠᠭᠤᠮᠠᠳᠤ ᠪᠠᠷᠢᠭ᠍ᠳᠠᠬᠤ ᠡᠷᠡ ᠪᠢᠰᠢ᠂ ᠪᠣᠳᠠᠭᠠᠨᠤᠪᠠᠨ ᠰᠠᠪᠠ ᠲᠠᠢ ᠬᠤᠴᠤᠷᠤᠭᠰᠠᠨᠢᠶᠠᠨ ᠶᠡᠬᠡ ᠠᠵᠠ ᠭᠡᠵᠤ ᠮᠡᠳᠡ᠃ ᠵᠠᠰᠠᠭᠲᠤ ᠬᠠᠨᠤ ᠴᠠᠬᠢᠭᠤᠷ ᠲᠡᠮᠦᠷᠲᠦ ᠮᠣᠷᠢᠪᠠᠨ ᠠᠯᠳᠠᠭᠰᠠᠨᠢᠶᠠᠨ ᠮᠡᠳᠡᠵᠦ ᠪᠠᠢᠨᠠᠦ？ ᠪᠠᠷᠢᠨᠠ ᠭᠡᠨᠡ ᠰᠢᠦ >> ᠭᠡᠳ ᠳᠠᠬᠢᠨ ᠢᠨᠢᠶᠡᠪᠡ᠃
ᠵᠢᠯ ᠭᠠᠷᠦᠢ ᠰᠤᠷᠠᠭᠢ ᠰᠣᠨᠤᠰᠤᠭᠠ ᠦᠭᠡᠢ ᠭᠠᠭᠴᠠ ᠳᠡᠬᠦᠦ ᠪᠡᠨ ᠠᠮᠢᠳᠤ ᠮᠡᠨᠳᠦ ᠶᠠᠪᠤᠭᠠᠶᠢ ᠭᠡᠨᠡᠳᠲᠡ ᠰᠣᠨᠤᠰᠤᠭᠠᠳ ᠡᠷᠳᠡᠨᠢᠶᠢᠨ ᠴᠢᠷᠠᠢ ᠬᠤᠪᠢᠷᠠᠨ ᠪᠠᠶᠠᠷᠤᠨ ᠲᠤᠶᠠᠭᠠ ᠲᠤᠳᠤᠷᠠᠪᠠ᠃ ᠡᠷᠳᠡᠨᠢᠶᠢᠨ ᠡᠨᠡ ᠪᠠᠢᠳᠠᠯᠢ ᠬᠠᠰᠢᠷ ᠪᠠᠳᠠᠷᠴᠢ ᠠᠵᠢᠵᠤ ᠠᠮᠵᠢᠪᠠ᠃
– ᠮᠠᠭᠤ ᠨᠤᠬᠠᠢ ᠴᠢ ᠲᠡᠮᠦᠷᠦᠨ ᠨᠠᠷᠡᠶᠢ ᠰᠤᠨᠤᠰᠤᠭᠠᠳ ᠦᠭᠡᠷᠡ ᠪᠤᠯᠳᠠᠭ ᠴᠢᠨᠢ ᠶᠠᠭᠤ ᠪᠢᠯᠡ？ ᠬᠠᠪᠰᠤᠭᠠ ᠨᠢ ᠦᠦ？ ᠭᠡᠵᠦ ᠠᠰᠠᠭᠤᠬᠤ ᠵᠠᠭᠤᠷᠠ ᠲᠡᠮᠦᠷᠢ ᠠᠯᠳᠠᠵᠤ ᠬᠤᠭᠤᠷᠠᠭᠰᠠᠨ ᠨᠡᠷᠡᠪᠡᠨ ᠪᠦᠳᠦᠨ ᠪᠤᠯᠭᠠᠬᠤ ᠨᠢᠭᠡ ᠠᠷᠭᠠ ᠪᠤᠳᠤᠪᠠ᠃
ᠰᠢᠷᠢ ᠲᠠᠢ ᠲᠠᠮᠦᠷᠢ ᠪᠠᠷᠢᠵᠦ ᠴᠢᠳᠠᠭᠠ ᠦᠭᠡᠢ ᠬᠤᠢᠨᠠ ᠮᠣᠷᠢ ᠲᠠᠢ ᠲᠡᠮᠦᠷᠢ ᠪᠠᠷᠢᠨᠠ ᠭᠡᠳᠡᠭ ᠨᠢ ᠠᠯᠠᠭᠠᠨᠤ ᠬᠤᠩᠬᠤᠷᠬᠠᠢᠶᠢ ᠬᠠᠵᠠᠬᠤ ᠲᠠᠢ ᠠᠳᠠᠯᠢ ᠬᠡᠷᠡᠭ ᠪᠠᠢᠯᠠ᠃ ᠡᠨᠡ ᠤᠴᠢᠷᠡᠴᠡ ᠶᠠᠮᠠᠷ ᠨᠢᠭᠡᠨ ᠬᠦᠮᠦᠨᠢ ᠤᠷᠭᠣᠭᠤᠯᠤᠭᠰᠠᠨ ᠬᠡᠷᠡᠭᠲᠦ ᠲᠤᠯᠭᠠᠵᠤ᠂ ᠪᠠᠩᠵᠠᠶᠢᠨ ᠬᠦᠴᠦᠪᠡᠷ ᠬᠦᠯᠢᠶᠡᠯᠭᠡᠪᠡᠯ ᠨᠡᠷᠡ ᠨᠢ ᠴᠡᠪᠡᠷᠰᠢᠵᠦ ᠪᠤᠯᠬᠤ ᠮᠡᠳᠦ ᠰᠠᠨᠠᠭᠳᠠᠪᠠ᠃
ᠭᠡᠲᠡᠯᠡ ᠭᠡᠷᠡᠭᠦᠨ ᠤᠴᠢᠷ ᠪᠤᠷᠤᠭᠤᠳᠠᠵᠤ ᠪᠠᠢᠭᠠᠶᠢ ᠣᠢᠯᠭᠠᠭᠰᠠᠨ ᠡᠷᠳᠡᠨᠢ << ᠪᠤᠳᠠᠭᠠᠨᠤᠪᠠᠨ ᠰᠠᠪᠠ ᠲᠠᠢ ᠦᠯᠡᠳᠡᠭᠰᠡᠨ ᠮᠢᠨᠢ ᠪᠤᠷᠬᠠᠨᠤ ᠠᠪᠤᠷᠠᠯ ᠭᠡᠵᠦ ᠪᠤᠳᠤᠭᠠᠳ ᠪᠠᠶᠠᠷᠯᠠᠵᠤ ᠪᠠᠢᠨᠠ >> ᠭᠡᠵᠦ ᠠᠵᠢᠭ᠋ ᠦᠭᠡᠢ ᠬᠠᠷᠢᠭᠤᠯᠪᠠ᠃
ᠪᠠᠳᠠᠷᠴᠢ ᠬᠦᠮᠦᠰᠭᠡᠪᠡᠨ ᠵᠠᠩᠭᠢᠳᠤᠨ᠂ ᠡᠷᠳᠡᠨᠢᠶᠢ ᠠᠵᠢᠭ᠍ᠯᠠᠪᠠ᠃ ᠡᠮᠦᠨᠡ ᠨᠢ ᠵᠤᠭᠰᠤᠵᠤ ᠪᠠᠢᠭᠠ ᠡᠨᠡ ᠬᠦᠮᠦᠨᠦ ᠬᠣᠪᠴᠠᠰᠦ ᠨᠢ ᠮᠠᠭᠤ ᠪᠣᠯᠪᠠᠴᠤ ᠭᠢᠯᠠᠯᠵᠠᠵᠤ ᠪᠠᠢᠭᠠ ᠨᠢᠳᠦ᠂ ᠥᠷᠭᠡᠨ ᠬᠠᠩᠬᠠᠭᠠᠷ ᠮᠥᠷᠦ᠂ ᠬᠡᠯᠡᠵᠦ ᠪᠠᠢᠭᠠ ᠦᠭᠡ ᠶᠠᠷᠢᠶᠠ ᠨᠢ ᠲᠡᠢᠮᠦ ᠴᠤ᠌ ᠠᠮᠠᠷ ᠡᠷᠡ ᠪᠢᠰᠢ ᠪᠠᠢᠯᠠ᠃ ᠢᠩᠬᠢᠭᠡᠳ ᠪᠠᠳᠠᠷᠴᠢᠶᠢᠨ ᠰᠠᠨᠠᠭᠠᠨᠳᠤ ᠤᠷᠤᠭᠰᠠᠨ ᠪᠤᠳᠤᠯ ᠭᠡᠨᠡᠳᠲᠡ ᠵᠠᠮᠬᠠᠷᠠᠨ ᠠᠯᠠᠭᠠ ᠪᠤᠯᠪᠠ᠃
– ᠮᠠᠭᠤ ᠣᠷᠭᠣᠳᠣᠣᠯ ᠭᠤᠢᠯᠢᠨᠴᠢᠨᠢ ᠬᠠᠮᠢᠭᠠ ᠪᠠᠢᠭᠠ ᠭᠡᠵᠦ ᠡᠷᠢᠳᠡᠭ ᠪᠢᠯᠡ ᠭᠡᠵᠦ ᠳᠠᠮᠳᠢᠨ ᠬᠡᠯᠡᠭᠰᠡᠨᠢᠶᠡᠨ᠄ << ᠵᠠ᠂ ᠶᠠᠭᠤ ᠴᠤ᠌ ᠭᠡᠰᠡᠨ ᠭᠣᠣᠯ ᠥᠭᠰᠦᠶᠡ >> ᠭᠡᠯᠡ᠃
– ᠡ ᠳᠠ᠂ ᠪᠡᠶᠡ ᠮᠢᠨᠢ ᠣᠯᠳᠠᠬᠤ ᠨᠢ ᠥᠩᠭᠡᠷᠡᠭᠰᠡᠨ ᠪᠠᠢᠬᠠ ᠭᠡᠵᠦ ᠳᠠᠮᠳᠢᠨ ᠬᠡᠯᠡᠪᠡ᠃
ᠢᠩᠬᠢᠭᠡᠳ ᠬᠣᠶᠠᠷ ᠲᠠᠬᠠᠷ ᠮᠣᠷᠢᠪᠠᠨ ᠲᠠᠰᠢᠭᠤᠷᠳᠠᠨ ᠶᠠᠪᠤᠬᠤᠳᠤ ᠡᠷᠳᠡᠨᠢ ᠰᠢᠷᠲᠡᠨ ᠬᠣᠴᠣᠷᠪᠠ᠃
– ᠠᠪᠤ ᠡ᠂ ᠶᠠᠭᠠᠬᠢᠭ᠍ᠰᠠᠨ ᠠᠶᠤᠮᠠᠷ ᠬᠦᠮᠦᠨ ᠪᠣᠢ？ ᠭᠡᠵᠦ ᠡᠴᠢᠭᠡᠶᠢᠨᠢᠶᠡᠨ ᠬᠠᠵᠠᠭᠤᠳᠤ ᠨᠠᠭᠠᠯᠳᠤᠨ ᠵᠣᠭᠰᠤᠵᠤ ᠪᠠᠢᠭ᠍ᠰᠠᠨ ᠪᠠᠲᠤᠶᠢᠨ ᠬᠡᠯᠡᠬᠦᠳᠦ᠂ ᠡᠷᠳᠡᠨᠢ ᠬᠦᠦᠶᠢᠨᠢᠶᠡᠨ ᠲᠣᠯᠣᠭᠠᠢᠶᠢ ᠡᠩᠭᠦᠷᠠᠢᠯᠠᠨ ᠢᠯᠢᠭᠡᠳ ᠳᠣᠯᠭᠠᠷᠲᠤ ᠬᠠᠨᠳᠤᠵᠤ << ᠶᠠᠪᠤᠭᠤᠯᠤᠨ ᠬᠦᠮᠦᠨᠦ ᠭᠠᠭᠴᠠᠶᠢ ᠠᠪᠤᠭᠰᠠᠨᠢ ᠪᠣᠳᠣᠬᠤᠳᠤ ᠳᠡᠭᠦᠦ ᠮᠢᠨᠢ ᠶᠠᠳᠠᠷᠠᠵᠤ ᠳᠠ᠃ ᠮᠣᠷᠢᠨᠤ ᠤᠴᠢᠷ ᠴᠤ᠌ ᠡᠢᠮᠦ ᠪᠠᠢᠵᠠᠢ᠃ ᠬᠠᠷᠢᠨ᠁ >> ᠭᠡᠳ ᠦᠭᠡᠪᠡᠨ ᠲᠠᠰᠤᠯᠵᠤ ᠪᠤᠳᠤᠯ ᠪᠤᠯᠪᠠ᠃
ᠮᠣᠷᠢ ᠬᠤᠳᠠᠯᠳᠤᠵᠤ ᠠᠪᠤᠶᠠ ᠭᠡᠬᠦᠳᠦ ᠪᠡᠯᠡᠬᠡᠨ ᠲᠤᠭᠠᠯᠠᠬᠤ ᠪᠡᠯᠡ ᠦᠭᠡᠢ ᠪᠤᠯᠬᠤᠷ ᠶᠠᠭᠤ ᠴᠤ᠌ ᠭᠡᠰᠡᠨ ᠡᠨᠳᠡ ᠬᠡᠳᠦ ᠬᠤᠨᠦᠵᠦ ᠬᠦᠮᠦᠨ ᠲᠠᠢ ᠠᠭᠤᠯᠵᠠᠨ ᠠᠷᠭᠠ ᠵᠠᠢ ᠬᠠᠢᠬᠤᠠᠴᠠ ᠥᠭᠡᠷᠡ ᠵᠠᠮ ᠪᠠᠢᠭ᠍ᠰᠠᠨ ᠦᠭᠡᠢ᠃
– ᠵᠠ ᠬᠥ᠂ ᠪᠢ ᠲᠡᠷᠡ ᠭᠤᠷᠪᠠᠨ ᠭᠡᠷᠲᠦ ᠤᠴᠢᠵᠤ ᠤᠨᠤᠭᠠ ᠭᠣᠶᠣᠶᠠ᠃ ᠠᠢᠯ ᠪᠠᠷᠠᠭᠠᠳᠠᠪᠠᠯ ᠳᠡᠭᠡᠷᠡ᠃ ᠶᠠᠳᠠᠵᠤ ᠠᠶᠠᠭᠠ ᠲᠠᠷᠠᠭ᠂ ᠰᠦ ᠣᠯᠳᠠᠬᠤ ᠪᠠᠢᠬᠤ ᠭᠡᠳ ᠡᠷᠳᠡᠨᠢ ᠳᠡᠷᠲᠡᠭᠡ ᠬᠠᠷᠠᠭᠳᠠᠵᠤ᠌ ᠪᠠᠢᠭᠠ ᠢᠳᠡᠭᠡᠯᠲᠥ᠍ᠶᠢᠨ ᠬᠤᠲᠠ ᠣᠷᠣᠭᠤ ᠠᠯᠬᠤᠪᠠ᠃
ᠲᠡᠭᠷᠢᠳᠦ ᠥᠴᠦᠬᠡᠨ ᠴᠤ᠌ ᠡᠭᠦᠯᠡ ᠦᠭᠡᠢ ᠪᠦᠭᠡᠳ ᠬᠤᠷᠴᠠ ᠨᠠᠷᠠ ᠬᠠᠢᠷᠠ ᠨᠠᠢᠷ ᠦᠭᠡᠢ ᠰᠢᠷᠠᠵᠤ᠂ ᠥᠩ ᠲᠠᠢ ᠵᠤᠨᠤ ᠤᠷᠲᠤ ᠨᠤᠭᠤᠭᠠ ᠬᠦᠯ ᠳ᠋ᠤᠨᠢ ᠣᠷᠢᠶᠠᠯᠳᠤᠵᠤ ᠪᠠᠢᠯᠠ᠃ ᠡᠷᠳᠡᠨᠢ ᠬᠡᠳᠦᠢᠪᠡᠷ ᠨᠢᠷᠤᠭᠤᠪᠠᠨ ᠡᠭᠦᠷᠦᠨ᠂ ᠨᠡᠯᠢᠶᠡᠳ ᠪᠦᠯᠬᠦᠢᠨ ᠬᠦᠴᠦᠯᠡᠨ ᠠᠯᠬᠤᠪᠠᠴᠤ ᠭᠠᠵᠠᠷ ᠨᠢ ᠲᠦᠭᠦᠬᠦ ᠦᠭᠡᠢ ᠠᠵᠢ᠃
ᠳᠡᠭᠡᠭᠦᠷ ᠨᠢ ᠬᠣᠶᠠᠷ ᠠᠩᠭᠢᠷ ᠳᠡᠪᠢᠨ ᠨᠢᠰᠦᠭᠰᠡᠭᠡᠷ ᠥᠩᠭᠡᠷᠡᠬᠦᠳᠦ ᠠᠳᠠᠭᠠᠷᠬᠠᠭᠰᠠᠨ ᠨᠢᠳᠦᠪᠡᠷ ᠰᠢᠷᠳᠡᠵᠤ ᠪᠠᠬᠠᠨ ᠵᠤᠭᠰᠤᠭᠠᠳ ᠳᠠᠯᠳᠠ ᠤᠷᠤᠬᠤ ᠳ᠋ᠤᠨᠢ ᠰᠠᠨᠠᠭᠠ ᠠᠯᠳᠠᠭᠰᠠᠨᠢᠶᠠᠨ ᠬᠠᠨᠴᠤᠢᠪᠠᠷ ᠬᠥᠯᠦᠰᠦᠪᠡᠨ ᠠᠷᠴᠢᠭᠠᠳ ᠠᠯᠬᠤᠪᠠ᠃
ᠶᠠᠪᠤᠭᠰᠠᠨ ᠬᠦᠮᠦᠨ ᠵᠤᠰᠤᠭᠰᠠᠨ ᠶᠠᠭᠤᠮᠠᠳᠤ ᠬᠦᠷᠳᠡᠭ ᠪᠤᠯᠬᠤᠷ ᠡᠷᠳᠡᠨᠢ ᠢᠳᠡᠭᠡᠯᠲᠥ᠍ᠶᠢᠨ ᠲᠤᠮᠣ᠌ ᠭᠡᠷᠲᠦ ᠤᠷᠤᠵᠤ ᠠᠮᠤᠷ ᠮᠡᠨᠳᠦᠶᠢ ᠠᠰᠠᠭᠤᠯᠴᠠᠨ ᠰᠠᠭᠤᠭᠠᠳ ᠬᠢᠵᠦ ᠦᠭᠭᠦᠭᠰᠡᠨ ᠲᠤᠮᠤ ᠬᠣᠯᠤ ᠠᠢᠷᠠᠭᠢ ᠤᠤᠭᠤᠬᠤ ᠵᠠᠭᠤᠷᠠ ᠪᠣᠭᠳᠠᠳᠦ ᠮᠥᠷᠭᠦᠬᠦᠪᠡᠷ ᠶᠠᠪᠤᠵᠤ ᠪᠠᠢᠭᠠᠳ ᠭᠠᠭᠴᠠ ᠮᠣᠷᠢᠪᠠᠨ ᠬᠤᠯᠠᠭᠠᠢᠳᠤ ᠠᠯᠳᠠᠭᠰᠠᠨ ᠲᠤᠬᠠᠢ ᠶᠠᠷᠢᠭᠠᠳ ᠠᠢᠯ ᠪᠠᠷᠠᠭᠠᠳᠠᠬᠤ ᠤᠨᠤᠭᠠ ᠭᠤᠶᠤᠪᠠ᠃
– ᠲᠠᠮᠠᠭᠠᠨ ᠳᠡᠭᠡᠷᠡᠠᠴᠠ ᠴᠠᠬᠢᠭᠤᠷ ᠲᠡᠮᠦᠷᠢ ᠠᠯᠳᠠᠭᠰᠠᠨ ᠭᠡᠨᠡ ᠪᠢᠯᠡ᠃ ᠮᠣᠷᠢᠶᠢ ᠴᠢᠨᠢ ᠲᠡᠷᠡ ᠯᠡ ᠠᠪᠴᠢᠬᠠᠭᠰᠠᠨ ᠪᠠᠢᠬᠠ ᠳᠠ᠃ ᠲᠠ ᠠᠯᠢ ᠬᠤᠰᠢᠭᠤᠨᠤ ᠬᠦᠮᠦᠨ ᠪᠤᠢ？ ᠭᠡᠵᠦ ᠢᠳᠡᠭᠡᠯᠲᠥ᠍ ᠠᠰᠠᠭᠤᠪᠠ᠃
ᠡᠷᠳᠡᠨᠢ ᠬᠡᠰᠡᠭ ᠲᠥᠭᠳᠡᠷᠡᠭᠡᠳ ᠬᠤᠳᠠᠯ ᠬᠡᠯᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠬᠤᠰᠢᠭᠤ ᠨᠤᠲᠤᠭᠢᠶᠠᠨ ᠦᠨᠡᠨ ᠵᠦᠪ ᠬᠡᠯᠡᠪᠡ᠃
ᠢᠳᠡᠭᠡᠯᠲᠥ᠍ ᠨᠢᠳᠦᠪᠡᠨ ᠲᠦᠷᠭᠡᠨ ᠲᠦᠷᠭᠡᠨ ᠴᠠᠪᠴᠢᠯᠠᠵᠤ ᠬᠣᠯᠠᠭᠠᠢ ᠨᠢᠳᠦᠪᠡᠷ ᠡᠷᠳᠡᠨᠢᠶᠢ ᠠᠵᠢᠭ᠍ᠯᠠᠨᠠ᠃
– ᠲᠠᠢᠰᠢᠷᠢ᠂ ᠲᠠᠷᠯᠠᠨ ᠪᠣᠬᠠ᠂ ᠲᠠᠪᠠᠭ ᠬᠠᠷᠠ᠂ ᠨᠣᠴᠤᠳᠠᠭ ᠳᠡᠭᠡᠭᠡ ᠭᠡᠵᠦ ᠵᠠᠰᠠᠭᠲᠤ ᠬᠠᠨᠤ ᠬᠥᠬᠡ ᠬᠠᠷᠠᠴᠤᠳ ᠬᠡᠴᠡᠭᠦᠦ ᠭᠡᠳᠡᠭ ᠳᠠ᠃ ᠲᠠ ᠨᠠᠮᠠᠶ᠋ᠢ ᠲᠠᠨᠢᠬᠤ ᠦᠭᠡᠢ᠂ ᠪᠢ ᠲᠠᠨᠢ ᠲᠠᠨᠢᠬᠤ ᠦᠭᠡᠢ᠃ ᠪᠡᠶᠡ ᠪᠡᠶᠡᠳᠡᠭᠡᠨ ᠪᠠᠯᠠᠭ ᠦᠭᠡᠢ ᠰᠠᠯᠪᠠᠯ ᠳᠡᠭᠡᠷᠡ ᠪᠠᠢᠬᠠ ᠭᠡᠳ ᠢᠳᠡᠭᠡᠯᠲᠥ᠍ ᠪᠣᠰᠪᠠ᠃
ᠡᠨᠡ ᠦᠶᠡᠳᠦ ᠭᠠᠳᠠᠨᠠᠡᠴᠡ ᠭᠠᠯᠰᠠᠩ ᠤᠷᠤᠵᠤ ᠢᠷᠡᠭᠡᠳ ᠡᠪᠦᠷᠡᠴᠡᠪᠡᠨ ᠪᠢᠴᠢᠭ᠌ ᠭᠠᠷᠭᠠᠵᠤ << ᠠᠬᠠ ᠡ᠂ ᠦᠷᠲᠡᠭᠡᠨᠦ ᠵᠠᠩᠭᠢ ᠡᠨᠡ ᠪᠢᠴᠢᠭ᠌ᠢ ᠲᠠᠨᠳᠤ ᠪᠠᠷᠢᠭᠠᠷᠠᠢ ᠭᠡᠰᠡᠨ ᠶᠤᠮ ᠭᠡᠨᠡ ᠪᠢᠯᠡ >> ᠭᠡᠳ ᠢᠳᠡᠭᠡᠯᠲᠥ᠍ᠳᠦ ᠥᠭᠭᠦᠯᠡ᠃
ᠢᠳᠡᠭᠡᠯᠲᠥ᠍ ᠳᠤᠭᠲᠤᠢ ᠲᠠᠢ ᠪᠢᠴᠢᠭ᠌ᠢ ᠠᠪᠴᠤ ᠪᠠᠬᠠᠨ ᠡᠷᠭᠢᠬᠦᠯᠵᠦ ᠬᠠᠷᠠᠭᠰᠠᠨᠢᠶᠠᠨ << ᠡᠨᠡ ᠵᠤᠯᠢᠭ᠋ᠢ ᠴᠢᠨᠢ ᠬᠡᠨᠢᠶᠡᠷ ᠳᠠᠭᠤᠳᠠᠭᠤᠯᠳᠠᠭ ᠪᠢᠯᠡ >> ᠭᠡᠯᠡ᠃
– ᠪᠢ ᠤᠩᠰᠢᠵᠤ ᠦᠭᠪᠡᠯ ᠪᠤᠯᠬᠤ ᠰᠠᠨ ᠪᠣᠯᠪᠠ ᠦᠦ ᠭᠡᠵᠦ ᠡᠷᠳᠡᠨᠢ ᠴᠢᠷᠠᠢᠴᠢᠯᠠᠨ ᠨᠠᠮ ᠳᠠᠭᠤᠪᠠᠷ ᠬᠡᠯᠡᠪᠡ᠃
ᠢᠳᠡᠭᠡᠯᠲᠥ᠍ ᠡᠷᠳᠡᠨᠢᠶᠢ ᠭᠠᠢᠬᠠᠨ ᠠᠵᠢᠭ᠍ᠯᠠᠭᠰᠠᠨᠢᠶᠠᠨ ᠲᠤᠭᠤᠮᠵᠢᠷ ᠦᠭᠡᠢ ᠶᠤᠵᠤᠲᠠᠢ ᠢᠨᠢᠶᠡᠮᠰᠦᠭ᠌ᠯᠠᠭᠡᠳ << ᠣᠩᠰᠢᠵᠤ ᠥᠭᠭᠦᠶᠡ ᠭᠡᠪᠡ ᠦᠦ᠂ ᠲᠠ ᠦᠦ ᠳᠠ！>> ᠭᠡᠬᠦᠳᠦ᠂
– ᠲᠡᠢᠮᠦ ᠡ᠂ ᠪᠢ ᠬᠠᠯᠲᠤ ᠮᠥᠯᠲᠥ᠍ ᠭᠠᠷᠭᠠᠳᠠᠭ ᠶᠤᠮ ᠭᠡᠵᠦ ᠡᠷᠳᠡᠨᠢ ᠲᠠᠢᠪᠤᠩ ᠬᠠᠷᠢᠭᠤᠯᠪᠠ᠃
– ᠲᠡᠭᠡᠪᠡᠯ ᠭᠢᠯᠠᠢᠯᠠ ᠭᠡᠰᠡᠨ ᠦᠭᠡ᠃
ᠡᠷᠳᠡᠨᠢ ᠪᠢᠴᠢᠭ᠌ᠢ ᠠᠪᠴᠤ ᠵᠠᠳᠠᠯᠤᠨ ᠥᠨᠳᠥᠷ ᠳᠠᠭᠤᠪᠠᠷ << ᠠᠬᠠᠢ ᠪᠠᠢᠰᠠᠶᠢᠨ ᠬᠤᠰᠢᠭᠣᠨᠤ ᠵᠠᠬᠢᠷᠤᠭ᠍ᠴᠢ ᠵᠠᠮᠰᠦ᠋ᠷᠦᠩᠤᠨ ᠪᠢᠴᠢᠭ᠌᠁ >> ᠭᠡᠳ ᠥᠷᠭᠦᠯᠵᠢᠯᠡᠭᠦᠯᠦᠨ ᠣᠩᠰᠢᠪᠠ᠃ ᠲᠡᠷᠡ ᠪᠢᠴᠢᠭ᠌ᠲᠦ ᠠᠬᠠᠢ ᠪᠡᠢᠰᠡᠶᠢᠨ ᠬᠣᠰᠢᠭᠤᠨᠠᠴᠠ ᠲᠠᠷᠢᠪᠣᠷᠤᠶᠢᠨ ᠥᠷᠲᠡᠭᠡᠨᠳᠦ ᠬᠢᠬᠦ ᠠᠯᠪᠠᠶᠢ ᠠᠴᠤᠭᠯᠠᠨ ᠵᠠᠯᠭᠠᠵᠤ ᠪᠠᠢᠭᠠ ᠢᠳᠡᠭᠡᠯᠲᠥ᠍ᠶᠢᠨ ᠠᠪᠤᠯᠭᠠᠶᠢ ᠬᠣᠰᠢᠭᠤᠨᠠᠴᠠ ᠭᠠᠷᠭᠠᠭᠤᠯᠵᠤ ᠲᠦᠯᠦᠬᠦ ᠪᠤᠯᠤᠭᠰᠠᠨ ᠲᠤᠬᠠᠢ ᠳᠣᠷᠠᠳᠴᠠᠢ᠃
ᠤᠯᠠᠭᠠᠨ ᠱᠤᠭᠤᠮ ᠲᠠᠢ ᠮᠤᠤᠳᠤᠤ ᠴᠠᠭᠠᠰᠤᠨ ᠳᠡᠭᠡᠷᠡ ᠪᠢᠴᠢᠭᠳᠡᠭᠰᠡᠨ ᠪᠢᠴᠢᠭ᠌ᠢ ᠨᠢᠭᠡ ᠴᠤ᠌ ᠤᠳᠠᠭᠠ ᠲᠦᠭᠳᠡᠷᠡᠯ ᠦᠭᠡᠢ ᠲᠤᠷᠴᠢᠬᠢᠨᠠᠭᠤᠯᠤᠨ ᠤᠩᠰᠢᠵᠤ ᠪᠠᠢᠭᠠ ᠡᠷᠳᠡᠨᠢᠶᠢ ᠬᠠᠷᠠᠭᠠᠳ ᠢᠳᠡᠭᠡᠯᠲᠥ᠍ ᠶᠡᠬᠡᠳᠡ ᠭᠠᠢᠬᠠᠪᠠ᠃
ᠲᠣᠷᠭᠠᠨ ᠳᠡᠪᠡᠯ ᠲᠠᠢ᠂ ᠨᠠᠷᠢᠨ ᠴᠠᠭᠠᠨ ᠬᠤᠷᠤᠭᠤ ᠲᠠᠢ ᠨᠤᠶᠠᠨ ᠲᠦᠰᠢᠮᠡᠯ ᠨᠠᠷᠤᠨ ᠣᠩᠰᠢᠳᠠᠭ ᠪᠢᠴᠢᠭ᠌ᠢ ᠤᠷᠠᠩᠬᠠᠢ ᠳᠡᠪᠡᠯ ᠲᠠᠢ᠂ ᠲᠤᠷᠠᠩᠬᠠᠢ ᠴᠢᠷᠠᠢ ᠲᠠᠢ ᠬᠠᠲᠠᠭᠤ ᠠᠵᠢᠯᠳᠤ ᠡᠪᠡᠷᠲᠦᠵᠦ ᠪᠤᠷᠤᠯᠠᠭᠰᠠᠨ ᠭᠠᠷ ᠲᠠᠢ ᠴᠠᠭᠠᠴᠢᠨ ᠤᠩᠰᠢᠵᠤ ᠪᠠᠢᠭᠠ ᠨᠢ ᠢᠳᠡᠭᠡᠯᠲᠥ᠍ᠳᠦ ᠦᠯᠡᠮᠵᠢ ᠰᠤᠨᠢᠨ ᠭᠡᠷᠡᠭ ᠪᠠᠢᠪᠠ᠃
ᠢᠳᠡᠭᠡᠯᠲᠥ᠍ ᠪᠠᠭᠠᠳᠠᠭᠠᠨ ᠪᠢᠴᠢᠭ᠌ ᠵᠢᠭᠠᠯᠭᠠᠬᠤ ᠭᠡᠵᠦ ᠤᠷᠤᠯᠳᠤᠭᠰᠠᠨ ᠪᠤᠯᠪᠠᠴᠤ ᠰᠤᠷᠤᠭᠠ ᠦᠭᠡᠢ᠃
ᠲᠡᠭᠡᠭᠡᠳ ᠣᠳᠣ᠌ ᠮᠠᠯᠤᠨᠢᠶᠠᠨ ᠳᠠᠩᠰᠠᠶᠢ᠂ ᠬᠡᠭᠡᠯ ᠲᠠᠢ ᠮᠠᠯᠢ ᠳᠣᠲᠣᠷᠠᠪᠠᠨ ᠳᠤᠭᠤᠢ ᠲᠠᠢ ᠳᠦᠷᠪᠡᠯᠵᠢᠨ ᠬᠦᠷᠢᠶᠡ᠂ ᠰᠣᠪᠠᠢ ᠮᠠᠯᠢ ᠳᠦᠷᠪᠡᠯᠵᠢᠨ ᠬᠦᠷᠢᠶᠡ ᠭᠡᠬᠦ ᠮᠡᠳᠦᠶᠢᠨ ᠲᠡᠮᠳᠡᠭᠢᠶᠡᠷ ᠵᠢᠷᠦᠵᠤ ᠲᠤᠭᠠᠯᠠᠳᠠᠭ ᠶᠤᠮ᠃ ᠡᠨᠡ ᠤᠴᠢᠷᠠᠴᠠ ᠪᠢᠴᠢᠭ᠌ ᠲᠠᠢ ᠵᠠᠷᠤᠴᠠ ᠦᠪᠡᠷᠢᠶᠡᠨ ᠬᠦᠷᠦᠭᠡᠳ ᠢᠷᠡᠨᠡ ᠭᠡᠳᠡᠭ ᠪᠤᠯ ᠵᠡᠭᠦᠳᠦᠯᠡᠭᠡ ᠦᠭᠡᠢ ᠪᠠᠶᠠᠷ ᠪᠠᠢᠯᠠ᠃
– ᠲᠠᠨᠤ ᠬᠤᠰᠢᠭᠤᠨᠤ ᠬᠢᠨᠢ ᠬᠡᠴᠡᠭᠦᠦ ᠬᠡᠯᠡᠴᠡᠳᠡᠭ᠃ ᠭᠡᠪᠡᠴᠦ ᠤᠯᠠᠨ ᠮᠣᠳᠣ᠌ ᠦᠨᠳᠦᠷ ᠲᠠᠢ ᠨᠠᠮ ᠲᠠᠢ᠂ ᠤᠯᠠᠨ ᠬᠦᠮᠦᠨ ᠰᠠᠢᠨ ᠲᠠᠢ ᠮᠠᠭᠤ ᠲᠠᠢ ᠪᠠᠢᠳᠠᠭ᠂ ᠪᠠᠰᠠ ᠲᠡᠭᠡᠭᠡᠳ ᠮᠣᠩᠭᠣᠯ ᠠᠬᠠ ᠳᠡᠬᠦᠦ ᠪᠠᠢᠨᠠ᠂ ᠶᠠᠳᠠᠷᠠᠭᠰᠠᠨ ᠬᠦᠮᠦᠨᠳᠦ ᠳᠤᠰᠠᠯᠠᠬᠤ ᠦᠭᠡᠢ ᠶᠠᠭᠠᠬᠢᠬᠤᠪ᠃ ᠶᠡᠷᠦᠨᠢ ᠰᠢᠭᠤᠳ ᠮᠠᠨᠤ ᠬᠠᠶᠠᠭᠠᠨᠳᠤ ᠢᠷᠡᠭᠡᠳ ᠪᠠᠭᠤᠵᠤ ᠣᠷᠬᠢ ᠭᠡᠵᠦ ᠦᠷᠦ ᠡᠪᠡᠳᠦᠭᠰᠡᠨ ᠡᠯᠢᠭᠡᠰᠡᠭ ᠳᠠᠭᠤᠪᠠᠷ ᠬᠡᠯᠡᠪᠡ᠃ ᠭᠠᠴᠢᠭ᠍ᠳᠠᠵᠤ ᠶᠠᠳᠠᠷᠠᠭᠰᠠᠨ ᠬᠦᠮᠦᠨ ᠢᠳᠡᠭᠡᠬᠦᠳᠡᠭᠡᠨ ᠠᠮᠠᠷᠬᠠᠨ ᠪᠠᠢᠳᠠᠭ ᠪᠤᠯᠬᠤᠷ ᠢᠳᠡᠭᠡᠯᠲᠥ᠍ᠶᠢᠨ ᠡᠨᠡ ᠦᠭᠡᠨᠳᠦ ᠡᠷᠳᠡᠨᠢᠶᠢᠨ ᠰᠡᠳᠬᠢᠯ ᠪᠠᠶᠠᠷ ᠨᠠᠢᠳᠠᠪᠤᠷᠢᠪᠠᠷ ᠳᠦᠭᠦᠷᠪᠡ᠃
ᠡᠷᠳᠡᠨᠢ ᠢᠳᠡᠭᠡᠯᠲᠥ᠍ᠶᠢᠨ ᠬᠢᠡᠴᠡ ᠵᠠᠭᠠᠨ ᠰᠢᠭ᠋ ᠬᠤᠶᠠᠷ ᠬᠠᠢᠨᠤᠭ ᠬᠦᠯᠦᠭᠰᠡᠨ ᠲᠡᠷᠭᠡ ᠠᠪᠤᠭᠠᠳ ᠶᠠᠪᠤᠬᠤᠳᠤ ᠭᠡᠷᠦᠨ ᠡᠵᠡᠨ ᠭᠠᠯᠰᠠᠩᠢ ᠳᠠᠭᠤᠳᠠᠵᠤ << ᠳᠡᠭᠦᠦ ᠮᠢᠨᠢ ᠡᠨᠡ ᠶᠠᠳᠠᠷᠠᠭᠰᠠᠨ ᠬᠦᠮᠦᠨᠳᠦ ᠳᠤᠰᠠᠯᠠᠵᠤ ᠦᠵᠡ᠃ ᠬᠡᠨ ᠮᠠᠨᠢ ᠢᠯᠭᠠᠭᠠ ᠶᠠᠭᠤ ᠪᠠᠢᠬᠤ ᠪᠤᠢ >> ᠭᠡᠵᠠᠢ᠃
ᠡᠷᠳᠡᠨᠢ ᠵᠠᠮᠳᠠᠭᠠᠨ ᠭᠠᠯᠰᠠᠩ ᠲᠠᠢ ᠲᠠᠨᠢᠯᠴᠠᠪᠠ᠃
– ᠠᠬᠠ ᠬᠡᠳᠦᠢ ᠰᠢᠷᠦᠭᠦᠨ ᠵᠠᠩ ᠲᠠᠢ ᠪᠤᠯᠪᠠᠴᠦ ᠨᠢᠷᠤᠭᠤ ᠰᠠᠢᠲᠠᠢ᠂ ᠳᠤᠰᠠᠷᠬᠠᠭ ᠬᠦᠮᠦᠨ ᠰᠢᠦ᠃ ᠬᠠᠷᠢᠨ ᠲᠡᠭᠡᠬᠦᠳᠡᠭᠡᠨ ᠬᠦᠮᠦᠨᠢ ᠥᠪᠡᠷ ᠰᠢᠭ᠌ᠢᠶᠡᠨ ᠯᠡ ᠠᠵᠢᠯ ᠲᠠᠢ ᠪᠠᠢᠯᠭᠠᠬᠤᠶᠢ ᠬᠢᠴᠢᠶᠡᠳᠡᠭ ᠶᠤᠮ ᠳᠠ ᠭᠡᠵᠦ ᠭᠠᠯᠰᠠᠩ ᠶᠠᠷᠢᠪᠠ᠃
ᠬᠣᠷᠢ ᠭᠠᠷᠤᠢ ᠨᠠᠰᠤᠲᠠᠢ ᠡᠨᠡ ᠡᠷᠡ ᠪᠣᠯ ᠢᠳᠡᠭᠡᠯᠲᠥ᠍ᠶᠢᠨ ᠲᠦᠯᠦᠭᠡ ᠡᠯᠵᠢᠭᠡ ᠮᠡᠳᠦ ᠵᠢᠳᠭᠦᠭᠴᠢ ᠨᠠᠢᠳᠠᠪᠦᠷᠢ ᠲᠠᠢ ᠵᠠᠷᠤᠴᠠ ᠨᠢ ᠪᠢᠯᠡ᠃
ᠲᠡᠷᠡ ᠣᠷᠤᠢ ᠡᠷᠳᠡᠨᠢᠶᠢᠨ ᠮᠠᠭᠤ ᠮᠠᠢᠬᠠᠨ ᠢᠳᠡᠭᠡᠯᠲᠥ᠍ᠶᠢᠨ ᠬᠣᠲᠠᠶᠢᠨ ᠪᠠᠷᠠᠭᠤᠨ ᠬᠤᠢᠨᠠ ᠪᠤᠰᠴᠦ᠂ ᠠᠮᠢᠳᠤᠷᠠᠯᠤᠨ ᠬᠠᠳᠠᠭᠤ ᠬᠠᠤᠯᠢ ᠡᠷᠳᠡᠨᠢᠶᠢ ᠡᠬᠡᠨᠡᠷ ᠬᠡᠤᠬᠡᠳᠤᠨ ᠬᠢᠨᠢ ᠬᠠᠮᠳᠤ ᠬᠦᠮᠦᠨᠦ ᠨᠤᠲᠤᠭᠲᠤ ᠠᠢᠯᠤᠨ ᠵᠠᠷᠤᠴᠠ ᠪᠤᠯᠭᠠᠵᠠᠢ᠃
– ᠵᠠ᠂ ᠡᠷᠳᠡᠨᠢ ᠮᠢᠨᠢ᠃ ᠲᠡᠩᠬᠡᠷᠡᠳᠡᠯᠡᠪᠡᠨ ᠮᠠᠨᠤ ᠬᠡᠳᠦᠨ ᠮᠠᠯᠠᠴᠠ ᠬᠠᠷᠠᠯᠴᠠᠵᠤ ᠥᠭᠭᠦᠭᠡᠳ ᠪᠠᠢᠵᠤ ᠦᠵᠡ᠃ ᠪᠢ ᠴᠢᠮᠠᠶ᠋ᠢ ᠭᠤᠮᠤᠳᠠᠭᠠᠬᠤ ᠦᠭᠡᠢ᠃ ᠬᠤᠶᠠᠷ ᠦᠨᠢᠶᠡ ᠰᠠᠭᠠᠵᠤ ᠴᠠᠢᠪᠠᠨ ᠰᠦᠯᠡ᠃ ᠬᠡᠨ ᠬᠡᠨᠳᠡᠭᠡᠨ ᠲᠤᠰᠠ ᠪᠤᠯᠤᠶᠠ ᠭᠡᠵᠦ ᠢᠳᠡᠭᠡᠯᠲᠥ᠍ᠶᠢᠨ ᠬᠡᠯᠡᠭᠰᠡᠨᠢ ᠡᠷᠳᠡᠨᠢ ᠳᠤᠷᠠ ᠲᠠᠢ ᠵᠦᠪᠰᠢᠶᠡᠷᠡᠵᠠᠢ᠃
ᠠᠮᠢᠳᠤᠷᠠᠯᠤᠨ ᠰᠢᠷᠦᠭᠦᠨ ᠤᠷᠤᠰᠬᠠᠯᠢ ᠰᠦᠷᠴᠦ᠂ ᠬᠠᠭᠠᠨ ᠲᠠᠢ ᠬᠦᠷᠳᠡᠯᠡ ᠵᠠᠷᠭᠤᠯᠳᠤᠭᠠᠳ ᠰᠡᠭᠦᠯ ᠳ᠋ᠤᠨᠢ ᠡᠪᠦᠭᠡ ᠳᠡᠭᠡᠳᠦᠰᠦᠨ ᠨᠤᠲᠤᠭᠠᠴᠠ ᠬᠠᠪᠴᠢᠭ᠍ᠳᠠᠨ ᠵᠠᠢᠯᠠᠵᠤ ᠨᠢᠭᠡ ᠵᠤᠪᠠᠯᠠᠩᠠᠴᠠ ᠨᠥᠭᠦᠭᠡ ᠵᠤᠪᠠᠯᠠᠩ ᠤᠷᠤᠭᠤ ᠳᠠᠮᠵᠢᠨ ᠤᠷᠤᠭᠰᠠᠨ ᠡᠷᠳᠡᠨᠢᠶᠢᠨ ᠰᠡᠳᠬᠢᠯ ᠵᠤᠷᠢᠭ᠋ ᠠᠶᠠᠨᠳᠠᠭᠠᠨ ᠮᠣᠬᠤᠵᠤ᠂ ᠶᠠᠭᠠᠬᠢᠵᠤ ᠡᠬᠡᠨᠡᠷ ᠬᠡᠦᠬᠡᠳᠢᠶᠡᠨ ᠲᠡᠵᠢᠭᠡᠬᠦ ᠪᠤᠢ？ ᠶᠠᠭᠠᠬᠢᠵᠤ ᠦᠯᠦᠰᠬᠦ ᠦᠭᠡᠢ ᠪᠠᠢᠬᠤ ᠪᠤᠢ？ ᠭᠡᠳᠡᠭ ᠲᠦᠮᠡᠨ ᠰᠢᠵᠢᠮᠢᠶᠡᠷ ᠤᠯᠠᠮ ᠪᠦᠷ ᠨᠢᠭ᠍ᠲᠠ ᠬᠦᠯᠢᠭᠳᠡᠵᠦ ᠪᠠᠢᠯᠠ᠃
ᠡᠳᠦᠷ ᠦᠩᠭᠡᠷᠡᠬᠦ ᠲᠤᠲᠤᠮ ᠡᠷᠳᠡᠨᠢ ᠳᠣᠯᠭᠠᠷ ᠬᠤᠶᠠᠷᠤᠨ ᠠᠵᠢᠯᠳᠤ ᠴᠢᠳᠠᠮᠠᠭᠠᠢᠶᠢ ᠬᠠᠷᠠᠵᠤ᠂ ᠬᠣᠶᠠᠷ ᠰᠠᠢᠨ ᠵᠠᠷᠤᠴᠠ ᠲᠠᠢ ᠪᠤᠯᠤᠭᠰᠠᠨᠳᠠᠭᠠᠨ ᠪᠠᠶᠠᠷᠯᠠᠭᠰᠠᠨ ᠢᠳᠡᠭᠡᠯᠲᠥ᠍ ᠬᠦᠦᠪᠡᠨ ᠪᠠᠲᠤ ᠲᠠᠢ ᠲᠤᠳᠤᠨᠤ ᠨᠦᠬᠦᠷᠯᠡᠬᠦᠯᠵᠦ᠂ ᠣᠯᠵᠤ ᠠᠪᠤᠭᠰᠠᠨ ᠠᠯᠲᠠᠪᠠᠨ ᠠᠯᠳᠠᠬᠤ ᠦᠭᠡᠢᠶᠢ ᠬᠢᠴᠢᠶᠡᠪᠡ᠃
ᠡᠷᠳᠡᠨᠢ ᠳᠣᠯᠭᠠᠷ ᠬᠣᠶᠠᠷ ᠴᠤ᠌ ᠬᠠᠷᠢ ᠨᠤᠲᠤᠭᠲᠤ ᠶᠠᠳᠠᠷᠠᠵᠤ ᠪᠠᠢᠬᠤ ᠳ᠋ᠤᠨᠢ ᠴᠢᠷᠠᠢ ᠦᠭᠴᠦ ᠭᠠᠷ ᠰᠤᠩᠭᠠᠨ ᠲᠤᠰᠠᠯᠠᠭᠰᠠᠨ ᠢᠳᠡᠭᠡᠯᠲᠥ᠍ᠳᠦ ᠪᠠᠶᠠᠷᠯᠠᠵᠤ ᠬᠢ ᠭᠡᠰᠡᠨᠢ ᠨᠢ ᠪᠢᠳᠡᠬᠡᠢ ᠬᠡᠯᠡ᠂ ᠬᠡᠯᠡᠭᠡ ᠦᠭᠡᠢ ᠠᠵᠢᠯᠢ ᠨᠢ ᠴᠤ᠌ ᠬᠢᠴᠢᠶᠡᠨ ᠪᠥᠲᠦᠭᠡᠵᠦ ᠪᠠᠢᠯᠠ᠃
– ᠡᠷᠳᠡᠨᠢ ᠮᠢᠨᠢ᠂ ᠬᠤᠰᠢᠭᠤ ᠨᠠᠭᠠᠳᠤᠮᠠᠴᠠ ᠬᠤᠢᠰᠢ ᠰᠠᠭᠤᠷᠢᠯᠠᠭᠰᠠᠨ ᠮᠠᠯᠢᠶᠠᠨ ᠲᠤᠭᠠᠯᠠᠨᠠ᠃ ᠴᠢ ᠯᠡ ᠨᠢᠭᠡ ᠲᠤᠰᠠ ᠪᠤᠯᠵᠤ᠂ ᠶᠠᠭᠰᠢᠳᠠᠯᠠ ᠳᠠᠩᠰᠠᠯᠠᠵᠤ ᠠᠯᠢ ᠭᠡᠳ ᠢᠳᠡᠭᠡᠯᠲᠥ᠍ ᠠᠪᠳᠠᠷᠠᠠᠴᠠᠪᠠᠨ ᠥᠩᠭᠡᠷᠡᠭᠰᠡᠨ ᠵᠢᠯ ᠦᠪᠡᠷᠤᠨ ᠬᠢᠭᠰᠡᠨ ᠳᠠᠩᠰᠠᠪᠠᠨ ᠭᠠᠷᠭᠠᠵᠤ << ᠡᠪᠦᠭᠡᠨ ᠮᠢᠨᠢ᠂ ᠴᠢᠮᠠ ᠰᠢᠭ᠋ ᠡᠷᠳᠡᠮ ᠲᠠᠢ ᠬᠦᠮᠦᠨ ᠬᠠᠷᠠᠪᠠᠯ ᠡᠯᠢᠭᠡ ᠬᠦᠰᠢᠬᠦ ᠡᠳ᠋ ᠳᠠ᠃ ᠪᠠᠰᠠ ᠲᠡᠭᠡᠭᠡᠳ ᠨᠠᠳᠠᠠᠴᠠ ᠥᠭᠡᠷᠡ ᠬᠡᠨ ᠴᠤ᠌ ᠣᠩᠰᠢᠵᠤ ᠴᠢᠳᠠᠬᠤ ᠦᠭᠡᠢ᠃ ᠬᠤᠶᠠᠭᠤᠯᠠ ᠬᠡᠳᠦ ᠬᠤᠨᠤᠭ ᠰᠠᠭᠤᠵᠤ ᠴᠢᠮᠠᠳᠤ ᠤᠴᠢᠷᠢ ᠨᠢ ᠤᠯᠵᠤ ᠦᠭᠭᠦᠶᠡ >> ᠭᠡᠵᠦ ᠨᠢᠭᠡ ᠡᠳᠦᠷ ᠬᠡᠯᠡᠵᠠᠢ᠃
ᠢᠳᠡᠭᠡᠯᠲᠥ᠍ ᠪᠤᠯ ᠦᠨᠡᠨᠳᠡᠭᠡᠨ ᠬᠡᠷᠰᠡᠦ ᠬᠦᠮᠦᠨ ᠪᠠᠢᠵᠤ ᠪᠢᠯᠡ᠃ ᠥᠪᠡᠷ ᠲᠤᠨᠢ ᠲᠤᠰᠠ ᠪᠤᠯᠵᠣ᠌᠂ ᠠᠵᠢᠯ ᠳ᠋ᠤᠨᠢ ᠬᠡᠷᠡᠭ ᠲᠠᠢ ᠬᠦᠮᠦᠨᠳᠦ ᠲᠡᠵᠢᠭᠡᠮᠡᠯ ᠪᠢᠷᠠᠭᠤ ᠰᠢᠭ᠋᠂ ᠬᠦᠰᠡᠯᠢᠶᠡᠨ ᠪᠡᠶᠡᠯᠡᠭᠦᠯᠬᠦ ᠳ᠋ᠤᠨᠢ ᠰᠠᠭᠠᠳ ᠪᠤᠯᠤᠭᠰᠠᠨ ᠬᠦᠮᠦᠨᠳᠦ ᠬᠤᠤᠷᠲᠤ ᠮᠤᠭᠠᠢ ᠰᠢᠭ᠋᠂ ᠠᠵᠢᠯ ᠬᠢᠪᠡᠯ ᠡᠨᠡ ᠭᠡᠷᠦᠨ ᠬᠠᠮᠤᠭᠤᠨ ᠦᠨᠡᠨᠴᠢ ᠵᠠᠷᠤᠴᠠ ᠶᠤᠮ᠃
ᠢᠳᠡᠭᠡᠯᠲᠥ᠍ᠳᠦ ᠬᠠᠮᠤᠭᠤᠨ ᠬᠠᠢᠷᠠ ᠲᠠᠢ᠂ ᠬᠠᠮᠤᠭᠤᠨ ᠲᠣᠳᠣᠨᠤ ᠶᠠᠭᠤᠮᠠ ᠭᠡᠪᠡᠯ ᠥᠪᠡᠷᠦᠨ ᠬᠢᠨᠢ ᠬᠦᠰᠡᠯ ᠡᠷᠡᠮᠡᠯᠵᠡᠯᠡᠯ ᠪᠦᠭᠡᠳ ᠡᠭᠦᠨᠢᠶᠡᠨ ᠬᠠᠩᠭᠠᠬᠤᠳᠤ ᠬᠡᠷᠡᠭ ᠲᠠᠢ ᠪᠦᠬᠦᠨᠢ ᠶᠠᠭᠤᠨᠠᠴᠠ ᠴᠤ᠌ ᠪᠤᠴᠠᠬᠤ ᠦᠭᠡᠢ ᠬᠢᠳᠡᠭ ᠪᠠᠢᠯᠠ᠃ ᠭᠡᠷᠡᠭ ᠲᠠᠢ ᠦᠶᠡᠳᠦ ᠶᠠᠭᠤᠪᠠᠨ ᠴᠤ᠌ ᠥᠭᠬᠦᠡᠴᠡ ᠪᠤᠴᠠᠬᠤ ᠦᠭᠡᠢ ᠦᠭᠯᠢᠭᠡᠴᠢ᠂ ᠬᠡᠷᠡᠭ ᠦᠭᠡᠢ ᠪᠤᠯ ᠰᠡᠲᠡᠷᠬᠡᠢ ᠵᠡᠭᠦᠦ ᠴᠤ᠌ ᠬᠦᠮᠦᠨᠳᠦ ᠦᠭᠬᠦ ᠦᠭᠡᠢ ᠴᠡᠪᠳᠡᠭ ᠰᠡᠳᠬᠢᠯ ᠲᠠᠢ ᠠᠵᠢ᠃
ᠡᠷᠳᠡᠨᠢ ᠦᠯᠡᠮᠵᠢ ᠬᠡᠷᠡᠭ ᠲᠠᠢ ᠬᠦᠮᠦᠨ ᠪᠣᠯᠬᠣᠷ ᠢᠳᠡᠭᠡᠯᠲᠥ᠍ ᠲᠡᠭᠦᠨᠳᠦ ᠲᠡᠵᠢᠭᠡᠪᠦᠷᠢ ᠪᠢᠷᠠᠭᠤ ᠰᠢᠭ᠋ ᠨᠤᠮᠤᠬᠠᠨ ᠪᠠᠢᠪᠠ᠃ ᠡᠷᠳᠡᠨᠢ ᠪᠤᠯ ᠤᠬᠠᠭᠠᠨ ᠲᠠᠢ ᠴᠢᠳᠠᠯ ᠲᠠᠢ᠃ ᠭᠡᠬᠦᠳᠡᠭᠡᠨ ᠠᠮᠠᠷᠬᠠᠨ ᠢᠳᠡᠭᠡᠮᠡᠳᠡᠭᠡᠢ ᠰᠢᠳᠤᠷᠭᠤ ᠬᠦᠮᠦᠨ ᠭᠡᠵᠦ ᠪᠤᠳᠤᠭᠰᠠᠨ ᠢᠳᠡᠭᠡᠯᠲᠥ᠍ ᠲᠡᠭᠦᠨᠢ ᠥᠪᠡᠷᠲᠡᠬᠡᠨ ᠦᠨᠡᠨᠴᠢ ᠪᠠᠢᠯᠭᠠᠬᠤᠶᠢᠨ ᠲᠤᠯᠠ ᠬᠥᠨᠳᠦᠳᠬᠡᠨ ᠨᠥᠬᠦᠷᠯᠡᠵᠤ᠂ ᠲᠡᠬᠦᠨᠦ ᠳᠡᠭᠡᠷᠡ ᠨᠢ ᠪᠢᠰᠢ᠂ ᠳᠡᠷᠭᠡᠲᠡ ᠨᠢ ᠪᠠᠢᠬᠤᠶᠢ ᠬᠢᠴᠢᠶᠡᠳᠡᠭ ᠪᠠᠢᠪᠠ᠃
ᠡᠨᠡ ᠤᠴᠢᠷᠠᠴᠠ ᠬᠡᠷᠪᠡ ᠭᠠᠯᠰᠠᠩᠢ ᠳᠤᠷᠤᠮᠵᠢᠯᠠᠨ ᠵᠠᠩᠨᠠᠵᠤ᠂ ᠨᠢᠮᠠᠶᠢ ᠱᠤᠤᠯᠠᠵᠤ ᠶᠦᠭᠡᠵᠤ ᠵᠠᠷᠤᠳᠠᠭ ᠪᠤᠯ ᠡᠷᠳᠡᠨᠢᠳᠦ ᠥᠷᠭᠦᠯᠵᠢ ᠭᠦᠳᠦᠳᠬᠡᠭᠰᠡᠨ ᠨᠥᠬᠦᠷᠰᠡᠭ ᠳᠦᠷᠢ ᠦᠵᠡᠭᠦᠯᠵᠦ ᠪᠠᠢᠳᠠᠭ ᠪᠠᠢᠯᠠ᠃
ᠡᠭᠦᠨᠡᠴᠡ ᠭᠠᠳᠠᠨᠠ ᠢᠳᠡᠭᠡᠯᠲᠥ᠍ᠳᠦ ᠦᠭᠡᠷᠡ ᠨᠢᠭᠡᠨ ᠪᠤᠳᠤᠯ ᠪᠠᠢᠪᠠ᠃ ᠬᠠᠳᠠᠭᠤ ᠠᠮᠢᠳᠤᠷᠠᠯ ᠴᠤ᠌ ᠳᠠᠷᠤᠵᠤ ᠴᠢᠳᠠᠭᠠ ᠦᠭᠡᠢ ᠦᠵᠡᠰᠭᠦᠯᠡᠩᠲᠦ ᠭᠤᠸᠠ ᠳᠣᠯᠭᠠᠷᠤᠨ ᠥᠩᠭᠡ ᠵᠢᠪᠬᠤᠯᠠᠩ ᠳᠡᠭᠦᠨᠦ ᠲᠠᠴᠢᠶᠠᠩᠭᠤᠢ ᠰᠡᠳᠬᠢᠯᠢ ᠨᠢ ᠮᠠᠭᠠᠵᠢᠵᠤ ᠳᠣᠯᠭᠠᠷᠢ ᠬᠠᠷᠠᠬᠤ ᠪᠦᠬᠦᠨᠳᠡᠭᠡᠨ ᠦᠪᠡᠷᠦᠨ ᠡᠷᠬᠡ ᠦᠭᠡᠢ ᠢᠨᠢᠶᠡᠮᠰᠦᠭᠯᠡᠵᠦ ᠶᠠᠪᠤᠳᠠᠭ ᠪᠠ ᠠᠵᠢᠯᠢᠶᠠᠷ ᠵᠠᠶᠠᠶᠢᠨ ᠬᠦᠷᠢᠶᠡ ᠤᠷᠤᠭᠠᠳ ᠢᠷᠡᠬᠦᠳᠡᠭᠡᠨ ᠳᠣᠯᠭᠠᠷ᠂ ᠳᠣᠯᠮᠠ᠂ ᠡᠬᠡᠨᠡᠷ ᠳᠣᠯᠵᠢᠨ ᠨᠠᠷᠲᠠᠭᠠᠨ ᠭᠠᠷᠤᠨ ᠪᠡᠯᠡᠭ ᠠᠪᠴᠢᠷᠠᠵᠤ ᠦᠭᠭᠦᠭᠰᠡᠨᠦ ᠬᠠᠮᠤᠭᠤᠨ ᠴᠢᠨᠰᠠᠭᠠ ᠲᠠᠢ ᠨᠢ ᠳᠣᠯᠭᠠᠷᠤᠨ ᠬᠢ ᠪᠠᠢᠪᠠ᠃
– ᠴᠢ ᠴᠤ᠌ ᠳᠣᠯᠭᠠᠷᠲᠤ ᠬᠦᠯ ᠠᠯᠳᠠᠵᠤ ᠪᠠᠢᠬᠤ ᠰᠢᠪ ᠳᠠ᠃ ᠪᠢ ᠴᠤ᠌ ᠶᠠᠭᠠᠬᠢᠬᠤᠪ᠂ ᠳᠠᠷᠤᠯᠠᠭᠳᠠᠵᠤ ᠰᠤᠷᠤᠭᠰᠠᠨ ᠬᠦᠮᠦᠨ᠃ ᠬᠠᠷᠢᠨ ᠳᠤᠯᠮᠠ ᠴᠢᠨᠢ ᠬᠠᠷᠠᠳᠠᠵᠤ ᠰᠦᠢᠳ ᠪᠤᠯᠬᠤ ᠪᠠᠢᠬᠠ ᠳᠠ ᠭᠡᠵᠤ ᠰᠠᠢᠬᠠᠨ ᠪᠡᠯᠡᠭ ᠠᠪᠤᠭᠰᠠᠨᠳᠠᠭᠠᠨ ᠮᠠᠩᠨᠠᠢ ᠳᠦᠭᠦᠷᠡᠩ ᠪᠠᠶᠠᠷᠯᠠᠭᠰᠠᠨ ᠳᠣᠯᠭᠠᠷᠢ ᠬᠦᠶᠦᠨ ᠭᠠᠷᠬᠤᠳᠤ ᠳᠤᠯᠵᠢᠨ ᠬᠡᠯᠡᠪᠡ᠃
– ᠴᠢᠮᠠᠳᠤ ᠫᠠᠳ ᠦᠭᠡᠢ ᠭᠡᠵᠦ ᠢᠳᠡᠭᠡᠯᠲᠥ᠍ ᠬᠦᠢᠳᠡᠨ ᠪᠦᠭᠡᠳ ᠲᠤᠭᠤᠮᠵᠢᠷ ᠦᠭᠡᠢ ᠬᠡᠯᠡᠪᠡ᠃
– ᠴᠢᠮᠠ ᠰᠢᠭ᠋ ᠵᠠᠷᠤᠴᠠ ᠨᠠᠷ ᠲᠠᠢᠪᠡᠨ ᠡᠬᠡᠨᠡᠷᠢ ᠨᠢ ᠬᠤᠪᠢᠶᠠᠳᠠᠭ ᠰᠢᠪᠰᠢᠭ᠍ᠲᠠᠢ ᠠᠮᠢᠲᠠᠨ ᠪᠠᠢᠬᠤ ᠦᠭᠡᠢ ᠳ᠋ᠠᠭ ᠰᠢᠦ᠃
– ᠡᠷᠳᠡᠨᠢ ᠪᠤᠯ ᠭᠠᠯᠰᠠᠩ ᠴᠢᠨᠢ ᠪᠢᠰᠢ ᠪᠤᠯᠬᠤᠷ᠁
– ᠬᠢᠴᠢᠢ ᠮᠢᠨᠢ ᠳᠠᠭᠤ ᠦᠭᠡᠢ ᠪᠠᠢ᠃ ᠳᠦᠷᠬᠦᠮᠳᠦ ᠴᠢᠨᠢ ᠵᠠᠯᠠᠵᠤ ᠤᠷᠬᠢᠨᠠ ᠰᠢᠤ ᠭᠡᠳ ᠢᠳᠡᠭᠡᠯᠲᠥ᠍ ᠭᠢᠯᠥᠢᠨ ᠰᠢᠷᠪᠢᠬᠦᠳᠦ ᠳᠣᠯᠵᠢᠨ ᠲᠠᠭᠤ ᠦᠭᠡᠢ ᠪᠤᠯᠵᠤ᠂ ᠮᠢᠬᠠ ᠠᠮᠲᠠᠷᠬᠠᠨ ᠢᠳᠡᠵᠦ ᠪᠠᠢᠭᠠ ᠲᠣᠮᠣ᠌ ᠨᠤᠬᠠᠢᠶᠢᠨ ᠳᠡᠷᠭᠡᠲᠡ ᠰᠢᠯᠤᠰᠤᠪᠠᠨ ᠵᠠᠯᠭᠢᠨ ᠵᠤᠭᠰᠤᠵᠤ ᠪᠠᠢᠭᠠ ᠭᠦᠯᠦᠭᠡ ᠨᠤᠬᠠᠢᠶᠢᠨ ᠠᠷᠴᠠᠭᠠ ᠦᠭᠡᠢ ᠪᠦᠭᠡᠳ ᠠᠳᠠᠭᠠᠷᠬᠠᠭᠰᠠᠨ ᠨᠢᠳᠦᠪᠡᠷ ᠰᠢᠷᠲᠡᠵᠤ ᠪᠠᠢᠭ᠍ᠰᠠᠨᠢᠶᠠᠨ ᠤᠷᠲᠤ ᠭᠡᠭᠴᠢ ᠨᠢ ᠰᠠᠨᠠᠭᠠ ᠠᠯᠳᠠᠪᠠ᠃
ᠲᠡᠮᠡᠭᠡᠴᠢᠨ ᠬᠦᠮᠦᠨ ᠪᠤᠤᠷᠠᠶᠢᠨᠢᠶᠡᠨ ᠵᠠᠩᠢ ᠠᠨᠳᠤᠬᠤ ᠦᠭᠡᠢ ᠭᠡᠭᠴᠢᠪᠡᠷ ᠳᠣᠯᠵᠢᠨ ᠨᠥᠬᠦᠷᠦᠨᠢᠶᠡᠨ ᠵᠠᠪᠠᠬᠠᠢᠶᠢ ᠰᠠᠢᠨ ᠮᠡᠳᠡᠳᠡᠭ ᠪᠤᠯᠪᠠᠴᠤ ᠶᠠᠭᠠᠬᠢᠵᠤ ᠴᠤ᠌ ᠴᠢᠳᠠᠳᠠᠭ ᠦᠭᠡᠢ᠃ ᠬᠠᠷᠠᠳᠠᠬᠤ ᠰᠡᠳᠬᠢᠯ ᠨᠢ ᠣᠪᠤᠯᠵᠠᠭᠰᠠᠨ ᠦᠶᠡᠳᠡᠭᠡᠨ ᠭᠠᠭᠴᠠ ᠨᠢᠭᠡ ᠰᠢᠷᠦᠭᠦᠨ ᠦᠭᠡ ᠬᠡᠯᠡᠴᠢᠭᠡᠳᠡᠭ ᠪᠤᠯᠪᠠᠴᠦ ᠢᠳᠡᠭᠡᠯᠲᠥ᠍ᠶᠢ ᠠᠭᠤᠷᠯᠠᠮᠠᠭᠴᠠ ᠲᠠᠭᠤ ᠦᠭᠡᠢ ᠪᠤᠯᠳᠠᠭ ᠪᠠ ᠢᠯᠠᠩᠭᠤᠶᠠ << ᠳᠦᠷᠬᠦᠮᠳᠦ ᠴᠢᠨᠢ ᠬᠦᠷᠭᠡᠵᠦ ᠥᠭᠭᠦᠨᠡ >> ᠭᠡᠬᠦᠳᠦ ᠬᠦᠮᠦᠰᠬᠡ ᠨᠢ ᠪᠠᠭᠤᠵᠤ ᠠᠷᠭᠠᠳᠠᠨ ᠡᠬᠢᠯᠡᠳᠡᠭ᠃
ᠢᠩᠬᠢᠭᠡᠳ ᠡᠳᠦᠷ ᠥᠩᠭᠡᠷᠡᠬᠦ ᠲᠤᠲᠤᠮ ᠨᠥᠬᠦᠷᠡᠴᠡᠪᠡᠨ ᠠᠶᠤᠬᠤ ᠨᠢ ᠶᠡᠬᠡ ᠪᠤᠯᠵᠤ᠂ ᠳᠠᠯᠠᠢᠭ᠍ᠰᠠᠨ ᠭᠠᠵᠠᠷ ᠨᠢ ᠳᠠᠯᠳᠠ ᠤᠷᠤᠵᠤ᠂ ᠳᠠᠯᠠᠯᠤᠭᠰᠠᠨ ᠭᠠᠵᠠᠷ ᠨᠢ ᠢᠯᠡ ᠭᠠᠷᠴᠦ ᠪᠠᠢᠳᠠᠭ ᠪᠠ ᠪᠠᠰᠠ ᠲᠠᠢᠯᠪᠦᠷᠢᠯᠠᠵᠤ ᠪᠤᠯᠤᠰᠢ ᠦᠭᠡᠢ ᠬᠠᠢᠷᠠ ᠰᠡᠳᠬᠢᠯᠢᠶᠡᠷ ᠢᠳᠡᠭᠡᠯᠲᠥ᠍ᠶᠢᠨ ᠬᠢᠭᠰᠡᠨᠢ ᠴᠠᠭᠠᠳᠬᠠᠵᠤ᠂ ᠠᠮᠢᠳᠤᠷᠠᠯ ᠲᠠᠪᠤᠨ ᠬᠤᠷᠤᠭᠤ ᠲᠡᠭᠰᠢ ᠪᠢᠰᠢ ᠭᠡᠵᠦ ᠰᠡᠳᠬᠢᠯᠢᠶᠡᠨ ᠵᠠᠰᠠᠵᠤ ᠶᠠᠪᠤᠳᠠᠭ ᠪᠤᠯᠵᠠᠢ᠃
ᠡᠳ᠋ᠯᠡᠨᠡ ᠭᠡᠬᠦᠳᠦ ᠬᠠᠭᠤᠴᠢᠨ᠂ ᠬᠠᠶᠠᠨᠠ ᠬᠡᠬᠦᠳᠦ ᠶᠠᠮᠠᠷ ᠨᠢᠭᠡᠨ ᠳᠤᠷᠠᠰᠬᠠᠯ ᠪᠤᠶᠤ ᠰᠦᠰᠦᠭ ᠪᠢᠰᠢᠷᠡᠯ ᠲᠠᠢ ᠬᠤᠯᠪᠤᠭᠠ ᠲᠠᠢ ᠶᠠᠭᠤᠮᠠ ᠵᠠᠷᠢᠮ ᠬᠦᠮᠦᠨᠳᠦ ᠪᠠᠢᠳᠠᠭ᠃ ᠲᠡᠷᠡ ᠬᠦᠮᠦᠨ ᠤᠤᠯ ᠵᠦᠢᠯᠳᠦ ᠣᠨᠴᠠᠶᠢᠨ ᠬᠠᠢᠷᠠ ᠲᠠᠢ ᠪᠢᠰᠢ ᠤᠴᠢᠷᠠᠴᠠ ᠠᠪᠳᠠᠷᠠᠶᠢᠨ ᠠᠯᠢ ᠨᠢᠭᠡᠨ ᠪᠤᠯᠤᠩᠳᠤ ᠬᠠᠶᠠᠭᠠᠳ ᠮᠠᠷᠲᠠᠵᠤ ᠤᠷᠬᠢᠳᠠᠭ ᠪᠦᠭᠡᠳ ᠵᠠᠷᠢᠮᠳᠠᠭᠠᠨ ᠨᠢᠳᠦᠨ ᠳ᠋ᠤᠨᠢ ᠲᠤᠰᠬᠤᠳᠤ ᠬᠠᠶᠠᠬᠤ ᠦᠭᠡᠢ ᠬᠠᠳᠠᠭᠠᠯᠠᠵᠤ ᠪᠠᠢᠭᠠ ᠤᠴᠢᠷ ᠶᠠᠪᠤᠳᠠᠯ ᠨᠢ ᠰᠠᠨᠠᠭᠳᠠᠳᠠᠭ᠃ ᠢᠳᠡᠭᠡᠯᠲᠦᠶᠢᠨ ᠬᠤᠪᠢᠳᠤ ᠳᠣᠯᠵᠢᠨ ᠴᠤᠬᠤᠮ ᠢᠩᠬᠢᠵᠦ ᠬᠡᠷᠡᠭᠯᠡᠵᠦ ᠪᠤᠯᠳᠠᠭ ᠦᠭᠡᠢ᠂ ᠬᠠᠶᠠᠵᠤ ᠪᠤᠯᠳᠠᠭ ᠦᠭᠡᠢ ᠬᠠᠭᠤᠴᠢᠨ ᠡᠳ᠋ ᠪᠠᠢᠯᠠ᠃
– ᠡᠪᠦᠭᠡᠨ ᠮᠢᠨᠢ ᠬᠤᠭᠤᠰᠯᠠᠪᠠᠨ ᠢᠳᠡᠬᠦ ᠤᠤ？ ᠭᠡᠵᠤ ᠳᠣᠯᠵᠢᠨ ᠨᠠᠮ ᠪᠦᠭᠡᠳ ᠴᠢᠷᠠᠢᠴᠢᠯᠠᠭᠰᠠᠨ ᠳᠠᠭᠣ᠌ᠪᠠᠷ ᠠᠰᠠᠭᠤᠬᠤᠳᠦ ᠨᠥᠬᠦᠷ ᠨᠢ ᠶᠡᠬᠡᠮᠰᠦᠭ ᠰᠢᠷᠦᠭᠦᠨ ᠳᠠᠭᠤᠪᠠᠷ << ᠠᠪᠤᠭᠠᠳ ᠢᠷᠡ！>> ᠭᠡᠵᠦ ᠬᠦᠮᠦᠰᠭᠡ ᠵᠠᠩᠬᠢᠳᠦᠨ ᠬᠡᠯᠡᠭᠡᠳ ᠬᠢᠳᠤᠭᠠᠪᠠᠨ ᠠᠪᠴᠤ ᠵᠠᠪᠢᠯᠠᠨ ᠰᠠᠭᠤᠪᠠ᠃
