ᠲᠤᠩᠭᠠᠯᠠᠭ ᠲᠠᠮᠢᠷ
– ᠴ᠂ ᠯᠤᠳᠤᠢᠳᠠᠮᠪᠠ
ᠨᠢᠭᠡ — ᠭᠤᠷᠪᠠ
ᠵᠤᠨᠤ ᠪᠦᠭᠴᠢᠮ ᠬᠠᠯᠠᠭᠤᠨ ᠡᠳᠦᠷ ᠪᠣᠭᠳᠠᠶᠢᠨ ᠬᠦᠷᠢᠶᠡᠨᠦ ᠮᠢᠬᠠᠨᠤ ᠵᠠᠬᠠ ᠳᠡᠭᠡᠷᠡ ᠬᠥᠮᠥᠨ ᠳᠡᠰᠴᠦ ᠴᠤ᠌ ᠪᠠᠢᠬᠤᠶᠢᠨ ᠠᠷᠭᠠ ᠦᠭᠡᠢ ᠪᠠᠢᠳᠠᠭ᠃
ᠬᠠᠷᠠ ᠪᠠᠲᠠᠭᠠᠨᠠ ᠠᠮᠢᠰᠬᠤᠭᠠ ᠳᠠᠪᠬᠤᠴᠠᠭᠤᠯᠵᠤ᠂ ᠵᠣᠯᠪᠢᠩ ᠨᠤᠬᠠᠢ ᠬᠥᠯᠳᠦ ᠲᠡᠭᠡᠭᠯᠡᠨ ᠭᠠᠰᠠᠯᠤᠨᠠ᠃ ᠴᠢᠰᠤ ᠲᠤᠰᠣ᠌ ᠬᠤᠶᠠᠷ ᠨᠡᠪᠲᠡᠷᠡᠭᠰᠡᠨ ᠳᠡᠪᠡᠯ ᠲᠠᠢ ᠶᠠᠷᠭᠠᠴᠢᠨ ᠬᠠᠪ ᠬᠠᠷᠠ ᠸᠠᠳᠠᠩᠢᠶᠠᠷ ᠪᠠᠢᠨ ᠪᠠᠢᠨ ᠬᠥᠯᠥᠰᠥ᠍ᠪᠡᠨ ᠠᠷᠴᠢᠨ 《 ᠥᠭᠡᠬᠦ ᠢᠳᠡᠶᠡ ᠭᠡᠪᠡᠯ ᠡᠨᠳᠡ ᠪᠠᠢᠨᠠ！》 ᠂ 《 ᠲᠠᠪᠤᠨ ᠴᠤᠯᠤᠶᠢᠨ ᠱᠥᠯᠦ ᠤᠤᠭᠤᠬᠤ ᠳᠤᠷᠠ ᠲᠠᠢ ᠬᠥᠮᠥᠨᠳᠦ ᠰᠢᠨᠡᠬᠡᠨ ᠴᠤᠪᠤᠲᠠᠢ ᠬᠢᠮᠳᠠᠬᠠᠨ ᠥᠭᠭᠦᠨᠡ 》 ᠂ 《 ᠪᠦᠭᠴᠢᠮ ᠪᠠᠢᠨᠠ ᠪᠣᠷᠣᠭᠠᠨ ᠣᠷᠣᠵᠣ᠌ ᠮᠠᠭᠠᠳ᠂ ᠡᠷᠳᠡᠬᠡᠨ᠂ ᠬᠤᠰᠬᠢᠨᠠᠭ ᠠᠪᠤᠪᠠᠯ ᠳᠡᠭᠡᠷᠡ ᠪᠢᠰᠢᠦ！》 ᠭᠡᠬᠦ ᠵᠡᠷᠭᠡ ᠪᠦᠳᠦᠭᠦᠨ ᠨᠠᠷᠢᠨ ᠬᠣᠭᠣᠯᠠᠢᠪᠠᠷ ᠬᠠᠰᠬᠢᠷᠬᠤ ᠨᠢ ᠳᠣᠯᠳᠤᠢᠴᠢᠨᠤ ᠨᠢᠭᠡ ᠬᠥᠭ ᠲᠠᠢ ᠤᠨᠵᠢᠷᠠᠭᠰᠠᠨ ᠣᠩᠰᠢᠯᠭᠠ᠂ ᠭᠤᠶᠤᠯᠭᠠᠴᠢᠨᠤ ᠤᠶᠠᠩᠭᠠᠯᠠᠭᠰᠠᠨ ᠳᠠᠭᠤ᠂ ᠣᠮᠣᠭ ᠲᠠᠢ ᠬᠥᠮᠥᠨᠳᠦ ᠢᠰᠭᠦᠯᠦᠭᠦᠯᠦᠭᠰᠡᠨ ᠨᠣᠬᠠᠳᠤᠨ ᠶᠠᠩᠬᠢᠨᠠᠨ ᠭᠠᠰᠠᠯᠠᠬᠤ ᠲᠠᠢ ᠬᠤᠯᠢᠯᠳᠤᠨ ᠳᠠᠰᠤᠭᠠ ᠦᠭᠡᠢ ᠬᠥᠮᠥᠨᠳᠦ ᠡᠨᠳᠡ ᠴᠣᠬᠤᠮ ᠶᠠᠭᠤ ᠪᠣᠯᠵᠤ ᠪᠠᠢᠭᠠ ᠨᠢ ᠣᠢᠯᠠᠭᠠᠭᠳᠠᠬᠤ ᠦᠭᠡᠢ ᠠᠵᠠᠢ᠃
ᠤᠷᠲᠤ ᠰᠤᠷ ᠪᠠᠷᠢᠭ᠍ᠰᠠᠨ ᠮᠢᠬᠠ ᠬᠦᠷᠭᠡᠭᠴᠢᠳᠦᠨ ᠵᠠᠷᠢᠮ ᠨᠢ ᠮᠢᠬᠠᠨᠤ ᠪᠠᠨᠳᠠᠩ ᠲᠦᠰᠢᠨ᠂ ᠰᠤᠷᠢᠶᠠᠨ ᠰᠢᠪᠲᠤᠷᠤᠨ ᠬᠠᠶᠠ ᠨᠢᠭᠡ ᠡᠭᠰᠢᠶᠡᠨᠡ᠃ ᠵᠠᠷᠢᠮ ᠨᠢ ᠮᠢᠬᠠᠨᠤ ᠦᠨᠡ ᠠᠰᠠᠭᠤᠭᠰᠠᠨ ᠬᠦᠮᠦᠨᠦ ᠬᠤᠢᠨᠠ ᠪᠡᠶᠡ ᠪᠡᠶᠡᠪᠡᠨ ᠲᠦᠯᠬᠢᠯᠴᠡᠨ ᠬᠤᠰᠢᠭᠤᠷᠠᠨᠠ᠃
ᠡᠨᠡ ᠶᠡᠷᠦ ᠪᠤᠰᠦ ᠱᠤᠤᠬᠢᠶᠠᠨ ᠲᠠᠢ ᠵᠠᠬᠠᠶᠢᠨ ᠵᠡᠭᠦᠨ ᠲᠠᠯᠠᠳᠤ ᠥᠷᠥᠭᠡᠰᠦᠨ ᠰᠤᠭᠤ ᠲᠠᠶᠠᠭ ᠲᠠᠢ᠂ ᠬᠠᠳᠠᠩᠬᠢ ᠴᠤᠩᠬᠢᠭᠠᠷ ᠴᠢᠷᠠᠢ ᠲᠠᠢ᠂ ᠤᠷᠠᠩᠬᠠᠢ ᠬᠥᠬᠡ ᠳᠡᠪᠡᠯ ᠲᠠᠢ ᠶᠡᠷᠦᠶᠢᠨ ᠭᠤᠶᠤᠯᠭᠠᠴᠢᠨ ᠵᠠᠯᠠᠭᠤ ᠡᠷᠡ ᠄ 《 ᠤᠯᠠᠨ ᠲᠥᠮᠡᠨ ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠨᠢᠬᠦᠯᠡᠰᠦᠨ ᠦᠵᠡᠵᠦ ᠶᠠᠭᠤᠮᠠ ᠬᠠᠢᠷᠠᠯᠠᠨᠠ ᠦᠦ？》 ᠭᠡᠵᠦ ᠤᠶᠠᠩᠭᠠᠯᠠᠭᠰᠠᠨ ᠨᠠᠮᠤᠭᠤᠬᠠᠨ ᠲᠠᠭᠤᠪᠠᠷ ᠬᠠᠰᠬᠢᠷᠴᠦ ᠪᠠᠢᠪᠠ᠃
ᠵᠠᠷᠢᠮ ᠬᠦᠮᠦᠨ ᠲᠡᠭᠦᠨᠠᠴᠠ ᠰᠡᠵᠢᠭᠯᠡᠨ ᠵᠠᠢᠯᠠᠵᠤ ᠭᠠᠷᠤᠨᠠ᠃ ᠵᠠᠷᠢᠮ ᠨᠢ ᠨᠢᠭᠡ ᠬᠣᠶᠠᠷ ᠤᠯᠠᠨ ᠮᠥᠩᠭᠥ ᠭᠠᠷ ᠳᠡᠭᠡᠷᠡ ᠨᠢ ᠰᠢᠳᠡᠵᠦ ᠥᠭᠭᠦᠨᠡ᠂ ᠵᠠᠷᠢᠮ ᠨᠢ ᠥᠭᠡᠬᠦ ᠲᠤᠰᠣ᠌ ᠪᠤᠤᠪᠤᠶᠢᠨ ᠭᠡᠯᠳᠡᠷᠬᠡᠢ ᠥᠭᠬᠦᠳᠦ ᠬᠠᠷᠠ ᠬᠡᠦᠳᠠᠢᠶᠢᠨᠢᠶᠡᠨ ᠠᠮᠠᠶᠢ ᠲᠤᠰᠴᠤ ᠬᠢᠯᠭᠡᠨᠡ᠃ ᠵᠠᠷᠢᠮ ᠨᠢ ᠶᠠᠭᠤ ᠴᠤ᠌ ᠥᠭᠬᠦ ᠦᠭᠡᠢ ᠮᠥᠷᠲᠡᠭᠡᠨ ᠰᠤᠨᠢᠷᠬᠠᠨ ᠬᠠᠷᠠᠵᠤ ᠵᠤᠭ᠍ᠰᠦᠨᠠ᠃
ᠪᠣᠭᠳᠠᠳᠤ ᠶᠢᠰᠤᠨ ᠴᠠᠭᠠᠨ ᠲᠡᠮᠡᠭᠡ ᠡᠷᠭᠦᠵᠤ ᠪᠠᠢᠰᠠᠶᠢᠨ ᠵᠡᠷᠭᠡ ᠱᠠᠩᠨᠠᠭᠤᠯᠤᠭᠰᠠᠨ ᠲᠣᠲᠣᠭᠠᠳᠤ ᠶᠠᠮᠦᠨᠤ ᠲᠦᠰᠢᠮᠡᠯ ᠲᠤᠪᠴᠢᠨ ᠰᠠᠶᠢᠬᠠᠨ ᠠᠪᠤᠭᠰᠠᠨ ᠵᠠᠯᠠᠭᠤ ᠡᠬᠡᠨᠡᠷᠢᠶᠡᠨ ᠨᠢᠳᠦᠶᠢ ᠨᠢ ᠪᠦᠯᠳᠡᠷᠡᠲᠡᠯᠡ ᠭᠤᠶᠤᠭᠠᠳ ᠡᠵᠡᠨ ᠨᠢ ᠴᠤ᠌ ᠠᠨᠳᠠᠭᠤᠷᠠᠮᠠᠷ ᠢᠵᠢᠯᠬᠡᠨ ᠬᠤᠶᠠᠷ ᠭᠠᠯ ᠵᠡᠭᠡᠷᠳᠡ ᠮᠣᠷᠢ ᠤᠨᠤᠨ ᠮᠢᠬᠠᠨ ᠵᠠᠬᠠᠶᠢᠨ ᠬᠠᠵᠠᠭᠤᠪᠠᠷ ᠥᠩᠭᠡᠷᠡᠪᠡ᠃
– ᠬᠥᠭᠡᠷᠦᠬᠦᠢ ᠡᠨᠡ ᠶᠠᠳᠠᠷᠠᠭᠰᠠᠨ ᠠᠮᠢᠲᠠᠨᠳᠤ ᠶᠠᠭᠤᠮᠠ ᠥᠭᠬᠦ ᠶᠤᠮᠰᠠᠨ᠃ ᠥᠭᠴᠢᠬᠡᠮᠡᠷ ᠶᠠᠭᠤᠮᠠ ᠪᠠᠢᠨᠠ ᠦᠦ？ ᠭᠡᠵᠦ ᠵᠠᠯᠠᠭᠤ ᠡᠬᠡᠨᠡᠷ ᠬᠡᠯᠡᠪᠡ᠃
– ᠬᠤᠩᠭᠤᠷ ᠮᠢᠨᠢ ᠶᠠᠯᠢᠬᠤ ᠦᠭᠡᠢ ᠵᠢᠰᠥᠷ ᠪᠠᠶᠠᠵᠢᠬᠤᠳᠤ ᠰᠠᠭᠠᠳ᠃ ᠬᠦᠷᠢᠶᠡᠨᠦ ᠭᠤᠶᠤᠯᠭᠠᠴᠢᠨᠢ ᠪᠢᠳᠡ ᠲᠡᠵᠢᠭᠡᠵᠤ ᠪᠠᠷᠠᠬᠤ ᠪᠢᠰᠢ ᠭᠡᠵᠦ ᠲᠣᠪᠴᠢᠨ ᠬᠡᠯᠡᠭᠡᠳ ᠡᠷᠬᠢᠨ ᠲᠣᠭᠤᠷᠢᠨᠢ ᠶᠡᠬᠡᠮᠰᠦᠭᠢᠶᠡᠷ ᠰᠢᠷᠳᠡᠪᠡ᠃
ᠭᠡᠷᠡᠯ ᠡᠪᠦᠷᠢᠶᠡᠨ ᠠᠭᠤᠳᠠᠯᠵᠤ ᠤᠷᠲᠤ ᠠᠶᠤᠰᠢ ᠬᠠᠳᠠᠭ ᠭᠠᠷᠭᠠᠭᠠᠳ ᠭᠤᠢᠯᠢᠨᠴᠢᠨ ᠥᠭᠡᠳᠡ ᠬᠠᠶᠠᠬᠤᠳᠤ ᠮᠣᠷᠢ ᠨᠢ ᠦᠷᠭᠦᠵᠦ ᠣᠬᠤᠰᠬᠢᠬᠤᠳᠤ ᠳᠤᠪᠴᠢᠨ ᠰᠠᠨᠳᠤᠷᠴᠤ ᠴᠤᠯᠪᠤᠭᠤᠷᠳᠠᠨ ᠲᠤᠭᠲᠠᠭᠠᠪᠠ᠃
– ᠪᠤᠶᠠᠨ ᠬᠡᠰᠢᠭ ᠦᠭᠡᠢ ᠶᠠᠭᠤᠮᠠᠳᠤ ᠭᠠᠷ ᠰᠤᠩᠭᠠᠵᠤ ᠪᠠᠢᠵᠤ ᠦᠬᠦᠬᠦ ᠨᠢ᠃ ᠪᠠᠰᠠ ᠪᠠᠭ᠍ᠰᠢᠳᠤ ᠪᠠᠷᠢᠬᠤ ᠭᠡᠰᠡᠨ ᠬᠠᠢᠷᠠᠨ ᠬᠠᠳᠠᠭᠢ ᠥᠭᠴᠦ ᠤᠷᠬᠢᠬᠤ ᠶᠤᠮ ᠭᠡᠵᠦ ᠵᠢᠮᠡᠯᠡᠪᠡ᠃
– ᠪᠢᠳᠡᠬᠡᠢ ᠳᠡᠮᠡᠢ ᠶᠠᠷᠢ᠂ ᠥᠭᠬᠦᠳᠦ ᠶᠠᠭᠠᠬᠢᠳᠠᠭ ᠶᠤᠮ ᠪᠤᠢ？ ᠭᠡᠳ ᠭᠡᠷᠡᠯ ᠰᠢᠷᠪᠢᠪᠡ᠃
– ᠲᠡᠢᠮᠦ᠂ ᠲᠡᠢᠮᠦ ᠭᠡᠵᠦ ᠲᠤᠪᠴᠢᠨ ᠬᠤᠰᠢᠭᠤᠪᠠᠨ ᠴᠤᠷᠪᠤᠢᠯᠭᠠᠨ ᠰᠠᠨᠳᠤᠷᠤᠨ ᠬᠡᠯᠡᠪᠡ᠃
ᠲᠤᠪᠴᠢᠨ ᠬᠥᠷᠦᠩᠭᠡ ᠳᠦᠷᠢᠵᠦ ᠪᠠᠢᠵᠤ ᠯᠡ ᠪᠣᠭᠳᠠᠶᠢᠨ ᠵᠠᠰᠠᠭᠤᠨ ᠶᠡᠬᠡᠰᠦᠨ ᠡᠩᠨᠡᠭᠡᠨᠳᠦ ᠤᠷᠤᠭᠰᠠᠨ ᠪᠥᠭᠡᠳ ᠵᠢᠯᠦᠨ ᠡᠮᠦᠨᠡ ᠵᠠᠯᠠᠭᠤ ᠡᠬᠡᠨᠠᠷ ᠭᠡᠷᠡᠯᠢᠶᠡᠨ ᠠᠪᠴᠠᠢ᠃ ᠭᠡᠷᠡᠯᠢ ᠬᠦᠴᠦᠪᠡᠷ ᠤᠬᠢᠯᠠᠭᠤᠯᠵᠤ ᠪᠠᠢᠭᠠᠳ ᠪᠤᠭᠲᠤᠯᠠᠨ ᠠᠪᠤᠭᠰᠠᠨ ᠪᠤᠯᠪᠠᠴᠤ ᠤᠳᠠᠯ ᠦᠭᠡᠢ ᠭᠡᠷᠡᠯ ᠬᠡᠦᠬᠡᠨ ᠪᠠᠢᠳᠠᠯᠳᠠᠭᠠᠨ ᠳᠠᠰᠴᠤ᠂ ᠴᠠᠭ ᠥᠩᠭᠡᠷᠡᠬᠦ ᠲᠣᠲᠣᠮ ᠲᠣᠪᠴᠢᠨ ᠡᠬᠡᠨᠡᠷᠦᠨ ᠭᠠᠷᠲᠤ ᠠᠳᠬᠤᠭᠳᠠᠪᠠ᠃ ᠢᠩᠬᠢᠭᠡᠳ ᠨᠢᠭᠡ ᠮᠡᠳᠡᠬᠦᠳᠦ ᠭᠡᠷᠡᠯᠦᠨ ᠦᠭᠡ ᠲᠣᠪᠴᠢᠨᠳᠤ ᠪᠣᠭᠳᠠᠶᠢᠨ ᠵᠠᠷᠯᠢᠭ᠋ ᠲᠠᠢ ᠠᠳᠠᠯᠢ ᠪᠤᠯᠪᠠ᠃
ᠭᠡᠷᠡᠯ ᠮᠣᠷᠢᠪᠠᠨ ᠲᠠᠯᠪᠢᠷᠠᠨ ᠬᠥᠳᠡᠯᠬᠦᠳᠦ ᠲᠤᠪᠴᠢᠨ ᠳᠠᠭᠠᠵᠤ ᠬᠥᠳᠡᠯᠪᠡ᠃
– ᠠᠷᠪᠠᠨ ᠴᠠᠭᠠᠨ ᠪᠤᠶᠠᠨ ᠴᠢᠨᠢ ᠳᠡᠯᠭᠡᠷᠡᠵᠦ ᠶᠠᠪᠤ ᠭᠡᠳ ᠭᠤᠢᠯᠢᠨᠴᠢᠨ ᠬᠠᠳᠠᠭᠢ ᠠᠪᠴᠤ ᠨᠠᠨᠳᠢᠩᠨᠠᠨ ᠡᠪᠦᠷᠲᠦᠯᠡᠪᠡ᠃
ᠦᠨᠳᠦᠷ ᠬᠡᠭᠡᠷ ᠮᠣᠷᠢ ᠲᠠᠢ᠂ ᠣᠷᠣᠰ ᠯᠢᠶᠠᠵᠤᠤ ᠫᠤᠤ ᠡᠭᠦᠷᠦᠭᠰᠡᠨ ᠬᠥᠬᠡ ᠳᠡᠪᠡᠯ ᠲᠠᠢ ᠵᠠᠯᠠᠭᠤ ᠡᠷᠡ ᠵᠠᠬᠠᠶᠢᠨ ᠡᠮᠦᠨᠡᠭᠦᠷ ᠭᠠᠷᠤᠭᠠᠳ ᠵᠡᠭᠦᠨ ᠲᠡᠰᠢ ᠶᠠᠪᠤᠵᠤ ᠪᠠᠢᠭ᠍ᠰᠠᠨᠢᠶᠠᠨ ᠭᠤᠢᠯᠢᠨᠴᠢᠨᠢ ᠬᠠᠷᠠᠭᠠᠳ ᠵᠣᠭᠰᠤᠵᠤ << ᠬᠤᠶᠠᠭ ᠦᠦ ᠳᠠ >> ᠭᠡᠵᠦ ᠰᠢᠪᠡᠭᠡᠨᠡᠪᠡ᠃
ᠭᠠᠢᠬᠠᠨ ᠪᠣᠳᠣᠵᠤ ᠨᠡᠯᠢᠶᠡᠳ ᠰᠢᠷᠲᠡᠭᠰᠡᠨᠢᠶᠡᠨ ᠣᠢᠷᠠᠲᠤᠨ ᠣᠴᠢᠭᠠᠳ << ᠬᠤᠶᠠᠭ ᠮᠢᠨᠢ ᠴᠢ ᠠᠮᠢᠳᠤ ᠦᠦ？>> ᠭᠡᠵᠦ ᠲᠠᠭᠤ ᠠᠯᠳᠠᠪᠠ᠃
ᠭᠤᠢᠯᠢᠨᠴᠢᠨ ᠲᠡᠷᠡ ᠲᠠᠭᠤᠨᠳᠤ ᠰᠤᠴᠢᠵᠤ ᠬᠠᠷᠠᠭᠠᠳ ᠲᠠᠨᠢᠵᠤ << ᠠᠮᠢᠳᠤᠪᠠᠷ ᠪᠠᠷᠠᠬᠤ ᠦᠦ ᠳᠠ᠁ ᠠᠮᠢᠳᠤᠷᠠᠬᠤ ᠭᠡᠵᠦ ᠶᠠᠭᠤᠮᠠ ᠭᠤᠶᠤᠭᠠᠳ ᠵᠣᠭᠰᠤᠵᠤ ᠪᠠᠢᠨᠠ >> ᠭᠡᠬᠦ ᠳ᠋ᠤᠨᠢ ᠨᠢᠳᠦᠨᠠᠴᠠ ᠨᠢ ᠨᠢᠯᠪᠤᠰᠤ ᠲᠤᠰᠤᠯᠠᠬᠤᠳᠤ ᠬᠠᠨᠴᠤᠢᠪᠡᠷᠢᠶᠡᠨ ᠠᠷᠴᠢᠭᠠᠳ ᠴᠡᠴᠡᠷᠡᠭᠰᠡᠨ ᠬᠣᠭᠣᠯᠠᠢᠪᠠᠷ << ᠴᠢ ᠰᠠᠢᠨ ᠶᠠᠪᠤᠵᠤ ᠪᠠᠢᠨᠠ ᠦᠦ？>> ᠭᠡᠯᠡ᠃
ᠬᠣᠶᠠᠷ ᠨᠥᠬᠥᠳ ᠡᠯᠢᠭᠡᠰᠡᠭ ᠲᠣᠳᠣᠨᠤᠪᠠᠷ ᠵᠣᠯᠭᠠᠪᠠ᠃ ᠶᠠᠳᠠᠷᠠᠵᠤ ᠶᠠᠪᠤᠭᠠ ᠬᠦᠮᠦᠨ᠂ ᠲᠠᠨᠢᠳᠠᠭ ᠬᠦᠮᠦᠨ ᠲᠠᠢᠪᠠᠨ ᠠᠭᠤᠯᠵᠠᠬᠤᠳᠠᠭᠠᠨ ᠳᠠᠪᠬᠤᠷ ᠪᠠᠶᠠᠷ ᠪᠣᠯᠳᠠᠭ᠃ ᠬᠡᠴᠡᠭᠦᠦ ᠠᠮᠢᠳᠤᠷᠠᠯᠳᠤ ᠬᠠᠮᠲᠤ ᠵᠣᠪᠠᠵᠤ ᠲᠠᠨᠢᠯᠴᠠᠭᠰᠠᠨ ᠨᠥᠬᠥᠷ ᠲᠠᠢᠪᠠᠨ ᠠᠭᠤᠯᠵᠠᠭᠠᠳ ᠰᠡᠳᠬᠢᠯ ᠳ᠋ᠤᠨᠢ ᠬᠤᠷᠠ ᠪᠠᠭᠤᠵᠤ᠂ ᠴᠡᠴᠡᠭ ᠤᠷᠭᠤᠭᠰᠠᠨ ᠬᠤᠶᠠᠭ ᠶᠠᠭᠤ ᠶᠠᠷᠢᠵᠤ᠂ ᠶᠠᠭᠤ ᠠᠰᠠᠭᠤᠬᠤᠪᠠᠨ ᠮᠡᠳᠡᠬᠦ ᠦᠭᠡᠢ ᠪᠠᠯᠠᠮᠠᠭᠳᠠᠨ ᠳᠡᠮᠡᠢ ᠯᠡ << ᠵᠠ ᠬᠦ᠂ ᠲᠡᠭᠡᠭᠡᠳ>> ᠭᠡᠵᠦ ᠲᠠᠪᠲᠠᠨᠠ᠃
– ᠴᠢᠮᠠᠶ᠋ᠢ ᠴᠢᠨᠢ ᠦᠬᠦᠭᠰᠡᠨ ᠭᠡᠳ ᠴᠡᠷᠢᠭᠦᠨ ᠯᠠᠮᠠ ᠪᠣᠳᠢᠶᠢ ᠴᠢᠨᠢ ᠬᠥᠳᠥᠯᠥᠭᠰᠡᠨ ᠭᠡᠵᠦ ᠢᠷᠡᠭᠰᠡᠨ ᠬᠦᠮᠦᠨ ᠬᠡᠯᠡᠪᠡ᠃
– ᠪᠦᠷ ᠲᠡᠢᠮᠦ ᠦᠦ᠁ ᠢᠩᠬᠢᠬᠦᠳᠦ ᠨᠥᠭᠦᠭᠡ ᠲᠠᠢᠨ ᠶᠠᠭᠤ ᠪᠣᠯᠣᠭᠰᠠᠨ ᠪᠢᠯᠡ？
– ᠲᠡᠷᠡ ᠲᠤᠬᠠᠢ ᠶᠠᠷᠢᠪᠠᠯ ᠪᠦᠭᠡᠮ ᠲᠡᠦᠬᠡ᠁ ᠡᠪᠦᠭᠡᠨ ᠮᠢᠨᠢ ᠢᠩᠬᠢᠵᠦ ᠵᠣᠭᠢᠰᠤᠭᠠᠳ ᠶᠠᠭᠠᠬᠢᠬᠤᠪ ᠳᠠ᠃ ᠡᠨᠡ ᠱᠤᠤᠬᠢᠶᠠᠨ ᠦᠨᠦᠷ ᠬᠣᠶᠠᠷᠡᠴᠡ ᠵᠠᠢᠯᠠᠶᠠ᠃
ᠮᠣᠷᠢᠪᠠᠨ ᠬᠦᠲᠦᠯᠦᠨ ᠵᠡᠷᠭᠡᠴᠡᠨ ᠶᠠᠪᠤᠵᠤ ᠵᠢᠵᠢᠭᠬᠡᠨ ᠬᠢᠲᠠᠳ ᠳᠡᠯᠭᠡᠭᠦᠷᠦᠨ ᠡᠭᠦᠳᠡᠨᠤ ᠲᠣᠪᠴᠢᠶᠠᠨ ᠳᠡᠭᠡᠷᠡ ᠰᠡᠭᠦᠳᠡᠷᠲᠦ ᠲᠠᠪᠠᠲᠠᠢ ᠰᠠᠭᠤᠪᠠ᠃
ᠬᠤᠶᠠᠭ ᠪᠣᠯ ᠰᠠᠢᠳ ᠸᠠᠩᠤᠨ ᠬᠤᠰᠢᠭᠤᠨᠤ ᠬᠦᠮᠦᠨ᠃ ᠣᠯᠠᠨᠠ ᠡᠷᠭᠦᠭᠳᠡᠭᠰᠡᠨᠦ ᠬᠣᠶᠠᠳᠤᠭᠠᠷ ᠤ᠌ᠨᠳᠤ ᠪᠣᠭᠳᠠ ᠵᠢᠪᠵᠤᠨᠳᠠᠮᠪᠠ ᠬᠠᠭᠠᠨᠤ ᠴᠡᠷᠢᠭᠲᠦ ᠳᠠᠢᠴᠢᠯᠠᠭᠳᠠᠵᠤ ᠬᠠᠷᠠ ᠴᠡᠷᠢᠭᠤᠨ ᠳᠦᠷᠢᠮᠡᠬᠡᠢᠯᠡᠯᠢ ᠡᠰᠡᠷᠭᠦᠴᠡᠭᠰᠡᠨ ᠡᠮᠦᠨᠡ ᠵᠦᠭᠦᠨ ᠲᠤᠯᠤᠯᠳᠤᠭᠠᠨᠳᠤ ᠬᠠᠳᠠᠨ ᠪᠠᠭᠠᠲᠤᠷ ᠸᠠᠩ ᠮᠠᠭᠰᠤᠷᠵᠠᠪᠤᠨ ᠳᠠᠷᠤᠭᠠᠯᠠᠵᠤ ᠶᠠᠪᠤᠭᠰᠠᠨ ᠴᠡᠷᠢᠭᠲᠦ ᠶᠠᠪᠤᠵᠠᠢ᠃
ᠠᠷᠭᠠ ᠰᠠᠮᠪᠠᠭᠠ᠂ ᠵᠣᠷᠢᠭ᠋ ᠲᠡᠭᠦᠯᠳᠡᠷ ᠡᠨᠡ ᠡᠷᠡ ᠲᠠᠢᠨᠳᠤ ᠰᠠᠢᠨ ᠣᠷᠣᠯᠴᠠᠵᠤ ᠰᠢᠯᠢᠳᠡᠭ ᠴᠡᠷᠢᠭᠦᠨ ᠨᠢᠭᠡ ᠪᠣᠯᠪᠠ᠃ ᠬᠤᠶᠠᠭ ᠠᠩᠬᠠ ᠪᠣᠭᠳᠠ ᠬᠠᠭᠠᠨᠤ ᠴᠡᠷᠢᠭᠲᠦ ᠳᠠᠢᠴᠢᠯᠠᠭᠳᠠᠨ ᠢᠷᠡᠬᠦᠳᠡᠭᠡᠨ ᠴᠣᠬᠣᠮ ᠶᠠᠭᠠᠬᠢᠬᠤ ᠭᠡᠵᠦ ᠶᠠᠪᠤᠭᠠᠪᠡᠨ ᠮᠡᠳᠡᠬᠦ ᠦᠭᠡᠢ᠂ ᠥᠶᠢ ᠨᠢ ᠳᠠᠭᠠᠷᠠᠭᠤᠯᠵᠤ ᠪᠠᠢᠭᠠᠳ ᠤᠷᠭᠤᠵᠤ ᠬᠠᠷᠢᠬᠤ ᠪᠤᠳᠤᠯ ᠲᠠᠢ ᠪᠠᠢᠭ᠍ᠰᠠᠨ᠃ ᠭᠡᠲᠡᠯᠡ ᠰᠡᠭᠦᠯᠳᠡᠭᠡᠨ ᠶᠡᠬᠡ ᠮᠣᠩᠭᠣᠯᠤᠨ ᠲᠤᠯᠭᠤᠷ ᠲᠥᠷᠥ᠍ᠶᠢ ᠪᠠᠢᠭᠤᠯᠵᠤ᠂ ᠥᠪᠡᠷᠦᠨ ᠡᠵᠡᠨ ᠬᠠᠭᠠᠨ ᠲᠠᠢ ᠲᠤᠰᠠᠭᠠᠷ ᠤᠯᠤᠰ ᠲᠣᠭᠳᠠᠭᠠᠬᠤ᠂ ᠬᠠᠷᠢᠶᠢᠨ ᠬᠦᠮᠦᠨ ᠮᠣᠩᠭᠣᠯ ᠬᠦᠮᠦᠨᠢ ᠵᠠᠬᠢᠷᠬᠤ ᠶᠤᠰᠤᠶᠢ ᠦᠭᠡᠢ ᠪᠣᠯᠭᠠᠬᠤ ᠶᠡᠬᠡ ᠦᠢᠯᠡᠳᠦ ᠣᠷᠣᠯᠴᠠᠵᠤ ᠪᠠᠢᠨᠠ ᠭᠡᠵᠦ ᠣᠢᠯᠭᠠᠭᠠᠳ ᠰᠡᠳᠬᠢᠯ ᠰᠠᠨᠠᠭᠠ ᠨᠢ ᠰᠡᠷᠭᠦᠵᠦ ᠳᠠᠭᠠᠷᠢᠬᠤ ᠴᠡᠷᠢᠭᠦᠨ ᠡᠮᠦᠨᠡ ᠳᠠᠪᠬᠢᠵᠤ᠂ ᠴᠤᠭ ᠵᠢᠪᠬᠤᠯᠠᠩ ᠨᠢ ᠪᠠᠳᠠᠷᠠᠭᠰᠠᠨ ᠪᠢᠯᠡ᠃
ᠢᠯᠠᠩᠭᠤᠶᠠ ᠬᠡᠳᠦᠨ ᠤᠳᠠᠭᠠ ᠢᠯᠠᠭᠰᠠᠨᠤ ᠳᠠᠷᠠᠭᠠ ᠳᠠᠢᠰᠤᠨ ᠣᠯᠠᠨ ᠪᠣᠯᠪᠠᠴᠤ ᠪᠣᠭᠳᠠ ᠵᠢᠪᠵᠤᠨᠳᠠᠮᠪᠠᠶᠢᠨ ᠠᠪᠣᠷᠠᠯ᠂ ᠮᠣᠩᠭᠣᠯ ᠳ᠋ᠠᠬᠢᠨᠤ ᠬᠤᠪᠢ ᠵᠠᠶᠠᠭᠠᠪᠠᠷ ᠰᠦᠷ ᠬᠦᠴᠦ ᠨᠢ ᠪᠠᠳᠠᠷᠠᠨ ᠢᠯᠠᠨᠠ ᠭᠡᠵᠦ ᠢᠲᠡᠭᠡᠵᠦ ᠪᠠᠢᠯᠠ᠃ ᠴᠠᠬᠠᠷᠤᠨ ᠨᠢᠭᠡᠨ ᠭᠠᠴᠠᠭᠠᠨᠳᠤ ᠪᠠᠢᠭ᠍ᠰᠠᠨ ᠬᠠᠷᠠ ᠴᠡᠷᠢᠭ ᠤᠷᠤᠭᠤ ᠤ᠌ᠤ᠌ ᠬᠠᠢ ᠬᠠᠰᠬᠢᠷᠤᠨ ᠳᠠᠭᠠᠷᠢᠵᠤ ᠰᠠᠨᠳᠤᠷᠤᠨ ᠵᠢᠭᠤᠳᠠᠭᠰᠠᠨ ᠴᠡᠷᠢᠭᠦᠳᠢ ᠮᠥᠷᠳᠡᠨ ᠬᠥᠭᠡᠭᠡᠬᠦ ᠦᠶᠡᠳᠦ ᠭᠠᠢ ᠪᠣᠯᠵᠤ ᠵᠡᠷᠯᠢᠭ ᠰᠣᠮᠣᠨᠳᠤ ᠵᠤᠵᠠᠭᠠᠨ ᠭᠤᠶᠠᠪᠠᠷᠢᠶᠠᠨ ᠰᠢᠷᠠᠭᠳᠤᠭᠠᠳ ᠮᠣᠷᠢᠡᠴᠡᠪᠡᠨ ᠤᠨᠠᠵᠤ ᠤᠬᠠᠭᠠᠨ ᠠᠯᠳᠠᠭᠠᠳ ᠬᠣᠵᠢᠮ ᠰᠡᠷᠭᠦᠪᠡᠯ ᠬᠠᠷᠠᠴᠢᠨ ᠠᠢᠯᠳᠤ ᠪᠠᠢᠵᠠᠢ᠃ ᠲᠡᠨᠳᠡ ᠰᠠᠷᠠ ᠭᠠᠷᠤᠢ ᠬᠡᠪᠳᠠᠵᠦ᠂ ᠡᠳᠡᠭᠡᠷᠡᠭᠡᠳ ᠵᠡᠪᠰᠡᠭ ᠬᠦᠷᠭᠡᠭᠡᠳ ᠪᠣᠴᠠᠵᠤ ᠶᠠᠪᠤᠭᠰᠠᠨ ᠵᠢᠩᠴᠢᠨ ᠲᠠᠢ ᠲᠠᠭᠠᠷᠠᠯᠳᠤᠨ ᠳᠠᠢᠭ᠍ᠳᠠᠵᠤ ᠪᠣᠭᠳᠠᠶᠢᠨ ᠬᠦᠷᠢᠶᠡᠨᠳᠦ ᠢᠷᠡᠭᠡᠳ ᠴᠡᠷᠢᠭᠠᠴᠠ ᠣᠷᠭᠣᠭᠰᠠᠨ ᠶᠠᠯᠠᠳᠠᠨ ᠭᠡᠳ ᠵᠤᠯ ᠲᠠᠢ ᠯᠡ ᠱᠣᠷᠣᠩᠳᠤ ᠬᠤᠷᠢᠴᠢᠬᠠᠭᠰᠠᠨ ᠦᠭᠡᠢ᠃ ᠢᠩᠬᠢᠭᠡᠳ ᠪᠤᠭᠳᠠᠶᠢᠨ ᠬᠦᠷᠢᠶᠡᠨᠦ ᠭᠤᠶᠤᠯᠭᠠᠴᠢᠨᠤ ᠲᠣᠭᠠ ᠨᠢᠭᠡᠪᠡᠷ ᠥᠰᠴᠦ᠂ ᠪᠠᠭᠠᠲᠤᠷ ᠵᠣᠷᠢᠭ᠍ᠲᠤ ᠡᠷᠡ ᠭᠡᠭᠳᠡᠵᠦ ᠪᠠᠢᠭ᠍ᠰᠠᠨ ᠬᠤᠶᠠᠭ ᠲᠠᠶᠢᠭ᠋ ᠲᠤᠯᠤᠭᠰᠠᠨ ᠭᠤᠢᠯᠢᠨᠴᠢᠨ ᠪᠤᠯᠪᠠ᠃
ᠢᠷᠡᠭᠰᠡᠨ ᠬᠦᠮᠦᠨᠢ ᠲᠣᠷᠵᠢ ᠭᠡᠳᠡᠭ᠃ ᠯᠤᠤ ᠭᠦᠩᠦᠨ ᠬᠢᠠᠴᠠ ᠴᠡᠷᠢᠭᠲᠦ ᠳᠠᠢᠴᠢᠯᠠᠭᠳᠠᠨ ᠢᠷᠡᠭᠡᠳ ᠣᠢᠷᠠ ᠵᠡᠷᠭᠡᠯᠡᠳᠡᠭᠡ ᠬᠣᠰᠢᠭᠤᠨᠤ ᠤᠯᠤᠰ ᠭᠡᠵᠦ ᠬᠣᠶᠠᠭ ᠲᠠᠢ ᠲᠣᠳᠣᠨᠤ ᠲᠠᠨᠢᠯᠴᠠᠭᠰᠠᠨ ᠪᠥᠭᠡᠳ ᠬᠤᠶᠠᠭᠤᠨ ᠤᠯᠵᠠᠯᠠᠭᠰᠠᠨ ᠰᠣᠮᠣ᠌ᠡᠴᠡ ᠨᠡᠯᠢᠶᠡᠳᠢ ᠬᠦᠷᠲᠡᠭᠰᠡᠨ ᠪᠢᠯᠡ᠃
– ᠵᠠ ᠢᠩᠬᠢᠭᠡᠳ ᠴᠢᠮᠠᠡᠴᠡ ᠬᠣᠢᠰᠢ ᠪᠢᠳᠡ ᠭᠡᠭᠡᠨᠦ ᠠᠪᠤᠷᠠᠯᠢᠶᠠᠷ ᠬᠠᠷᠠ ᠴᠡᠷᠢᠭᠢ ᠬᠢᠶᠠᠷᠠᠲᠠᠯᠠ ᠴᠤᠬᠢᠭᠠᠳ ᠵᠠᠷᠢᠮ ᠭᠠᠵᠠᠷᠢᠶᠠᠷ ᠬᠡᠷᠡᠮᠳᠦ ᠣᠢᠷᠠᠬᠠᠨ ᠣᠴᠢᠭ᠍ᠰᠠᠨ᠃ ᠶᠡᠷᠦᠨᠢ ᠪᠡᠭᠡᠵᠢᠩᠦᠨ ᠨᠤᠬᠠᠢᠶᠢᠨ ᠳᠠᠭᠤ ᠪᠠᠷᠤᠭ ᠰᠣᠨᠣᠰᠳᠠᠵᠤ ᠪᠠᠢᠭ᠍ᠰᠠᠨ ᠰᠢᠦ᠃ ᠪᠢᠳᠡ ᠨᠣᠮᠣᠬᠠᠨ ᠬᠣᠨᠢ ᠪᠢᠰᠢ᠂ ᠡᠵᠡᠨ ᠴᠢᠩᠭᠢᠰᠦᠨ ᠤᠭᠰᠠᠭᠠ ᠡᠷᠡᠯᠬᠡᠭ ᠵᠤᠷᠢᠭ᠍ᠲᠤ ᠮᠣᠩᠭᠣᠯ ᠭᠡᠳᠡᠭᠢᠶᠡᠨ ᠦᠵᠡᠭᠦᠯᠦᠭᠰᠡᠨ ᠳᠠ᠃
– ᠣᠳᠣ᠌ ᠮᠠᠨᠤ ᠴᠡᠷᠢᠭ ᠬᠠᠮᠢᠭᠠ ᠬᠦᠷᠦᠭᠡᠳ ᠪᠠᠢᠨᠠ？
– ᠨᠤᠲᠤᠭᠲᠠᠭᠠᠨ ᠪᠣᠴᠠᠭᠠᠳ ᠢᠷᠡᠭᠰᠡᠨ ᠭᠡᠵᠦ ᠳᠣᠷᠵᠢ ᠣᠷᠮᠠ ᠦᠭᠡᠢ ᠬᠡᠯᠡᠪᠡ᠃
– ᠶᠠᠭᠠᠬᠢᠭᠠᠳ ᠲᠡᠷᠡ ᠪᠢᠯᠡ？
– ᠬᠡᠨ ᠮᠡᠳᠡᠬᠦ ᠪᠣᠢ᠃ ᠡᠨᠡ ᠬᠠᠪᠤᠷ ᠯᠡ ᠲᠠᠲᠠᠵᠤ ᠣᠷᠬᠢᠭ᠍ᠰᠠᠨ᠃
1914 ᠣᠨᠳᠤ ᠮᠣᠩᠭᠣᠯ ᠤᠯᠤᠰ ᠦᠪᠡᠷᠦᠨ ᠴᠡᠷᠢᠭᠢ ᠣᠷᠣᠰ ᠤᠯᠤᠰᠤᠨ ᠰᠢᠬᠠᠯᠲᠠᠪᠠᠷ ᠲᠤᠲᠤᠭᠠᠳᠤ ᠮᠣᠩᠭᠣᠯᠤᠨ ᠨᠤᠲᠤᠭᠡᠴᠡ ᠲᠠᠲᠠᠭᠰᠠᠨ ᠶᠤᠮ᠃ ᠳᠣᠷᠵᠢᠶᠢᠨ ᠪᠠᠢᠭ᠍ᠰᠠᠨ ᠠᠩᠭᠢ ᠬᠠᠷᠠ ᠴᠡᠷᠢᠭ ᠲᠠᠢ ᠭᠤᠷᠪᠠᠨ ᠡᠳᠦᠷ ᠥᠷᠭᠦᠯᠵᠢᠯᠡᠨ ᠲᠤᠯᠤᠯᠳᠤᠵᠤ ᠪᠣᠳᠠ ᠴᠣᠬᠢᠭᠠᠳ ᠴᠠᠬᠠᠷᠤᠨ ᠨᠢᠭᠡᠨ ᠭᠠᠴᠠᠭᠠᠨᠤ ᠳᠡᠷᠭᠡᠲᠡ ᠪᠠᠭᠤᠳᠠᠯᠯᠠᠭᠠᠳ ᠪᠠᠢᠵᠤ ᠪᠢᠯᠡ᠃
ᠤᠲᠤᠭᠠ ᠪᠤᠯᠤᠭᠰᠠᠨ ᠤᠷᠠᠩᠬᠠᠢ ᠮᠠᠢᠬᠠᠨᠨᠤᠭᠤᠳᠢᠶᠠᠨ ᠵᠡᠷᠴᠡᠭᠦᠯᠦᠨ ᠰᠢᠭᠠᠵᠤ᠂ ᠲᠤᠭ ᠬᠢᠬᠢᠷᠢᠪᠡᠨ ᠪᠣᠰᠬᠠᠨ᠂ ᠠᠭᠲᠠ ᠮᠣᠷᠢᠳᠢᠶᠠᠨ ᠲᠠᠯᠪᠢᠵᠤ᠂ ᠮᠠᠨᠠᠭᠠ ᠬᠠᠷᠠᠭᠤᠯᠢᠶᠠᠨ ᠭᠠᠷᠭᠠᠭᠰᠠᠨ ᠨᠢ ᠢᠯᠠᠭᠰᠠᠨ ᠴᠡᠷᠢᠭᠦᠨ ᠰᠦᠷ ᠵᠢᠪᠬᠤᠭᠠ ᠲᠠᠢ ᠨᠡᠢᠯᠡᠵᠤ ᠴᠣᠭ ᠬᠡᠢ ᠮᠣᠷᠢ ᠲᠠᠢ ᠬᠠᠷᠠᠭᠳᠠᠵᠤ ᠪᠠᠢᠪᠠ᠃
ᠮᠠᠢᠬᠠᠨᠨᠤᠭᠤᠳᠤᠨ ᠭᠠᠳᠠᠨᠠ ᠢᠯᠡ ᠭᠠᠯ ᠲᠦᠯᠡᠵᠦ᠂ ᠵᠠᠷᠢᠮ ᠨᠢ ᠬᠤᠭᠤᠯᠠ ᠣᠮᠳᠠᠭᠠᠪᠠᠨ ᠬᠢᠵᠦ᠂ ᠵᠠᠷᠢᠮ ᠨᠢ ᠬᠤᠪᠴᠠᠰᠦ ᠬᠤᠨᠠᠷ ᠤᠶᠤᠵᠦ᠂ ᠵᠠᠷᠢᠮ ᠨᠢ ᠪᠦᠭᠡᠰᠦ ᠬᠢᠭᠤᠷᠰᠤᠪᠠᠨ ᠠᠷᠢᠯᠭᠠᠵᠤ ᠡᠬᠢᠯᠡᠪᠡ᠃ ᠢᠯᠡ ᠭᠠᠯᠤᠨ ᠤᠲᠤᠭᠠ ᠬᠠᠮᠠᠷ ᠣᠷᠣᠭᠤ ᠴᠤᠷᠭᠢᠨ᠂ ᠨᠢᠯᠬᠠ ᠨᠣᠭᠤᠭᠠ ᠠᠮᠠᠰᠴᠤ ᠡᠬᠢᠯᠡᠭᠰᠡᠨ ᠮᠣᠷᠢᠳ ᠨᠢ ᠲᠤᠷᠭᠢᠯᠳᠤᠨ ᠤᠷᠤᠭᠰᠢᠲᠠᠢ ᠶᠠᠪᠤᠭᠠ ᠴᠡᠷᠢᠭᠦᠨ ᠰᠡᠳᠬᠢᠯ ᠬᠠᠨᠠᠭᠠᠷ ᠰᠠᠢᠬᠠᠨ ᠪᠠᠢᠪᠠ᠃
ᠳᠣᠷᠵᠢ ᠮᠠᠢᠬᠠᠨᠤ ᠬᠠᠵᠠᠭᠤᠳᠤ ᠰᠠᠭᠤᠵᠤ ᠳᠠᠭᠤᠤ ᠠᠶᠠᠯᠤᠨ ᠳᠠᠪᠡᠯᠤᠨ ᠤᠷᠠᠩᠬᠠᠢᠶᠢ ᠣᠶᠣᠵᠤ ᠪᠠᠢᠳᠠᠯᠠ ᠲᠠᠷᠬᠠᠨ ᠪᠡᠢᠰᠡᠶᠢᠨ ᠬᠣᠰᠢᠭᠤᠨᠤ ᠨᠢᠭᠡ ᠠᠬᠢᠮᠠᠭ ᠨᠠᠰᠤᠨᠤ ᠴᠡᠷᠢᠭ ᠢᠷᠡᠵᠤ ᠳᠡᠷᠭᠡᠲᠡ ᠨᠢ ᠰᠠᠭᠤᠭᠠᠳ ᠰᠢᠭᠤᠳ ᠴᠠᠮᠴᠠᠪᠠᠨ ᠲᠠᠢᠯᠵᠤ ᠪᠦᠭᠡᠰᠦᠶᠢ ᠨᠢ ᠲᠡᠭᠦᠨ ᠭᠠᠵᠠᠷ ᠠᠮᠢᠳᠤᠪᠠᠷ ᠨᠢ ᠬᠠᠶᠠᠯᠠᠪᠠ᠃
– ᠠᠯᠠᠵᠤ ᠢᠳᠡᠬᠦᠪᠡᠷ ᠲᠠᠷᠭᠤᠯᠠᠭᠤᠯᠬᠤ ᠭᠡᠵᠦ ᠪᠠᠢᠭᠠ ᠪᠢᠰᠢ ᠳᠠ᠃ ᠢᠯᠡ ᠭᠠᠯ ᠳᠡᠭᠡᠷᠡ ᠪᠠᠢᠭᠠᠳ ᠰᠢᠲᠠᠭᠠᠵᠤ ᠣᠷᠬᠢᠬᠤ ᠦᠭᠡᠢ ᠶᠠᠭᠤ ᠲᠤᠩ ᠠᠮᠠᠷᠬᠠᠨ ᠰᠠᠯᠳᠠᠭ ᠶᠤᠮ ᠭᠡᠵᠦ ᠳᠣᠷᠵᠢᠶᠢᠨ ᠬᠡᠯᠡᠬᠦᠳᠦ ᠠᠬᠢᠮᠠᠭ ᠨᠠᠰᠤᠨᠤ ᠴᠡᠷᠢᠭ ᠶᠤᠵᠤᠲᠠᠢ ᠢᠨᠢᠶᠡᠮᠰᠦᠭᠯᠡᠭᠰᠡᠨᠢᠶᠡᠨ᠄
– ᠮᠣᠩᠭᠣᠯ ᠨᠤᠲᠤᠭᠤᠨ ᠮᠢᠨᠢ ᠪᠥᠭᠡᠰᠦ ᠭᠡᠳ ᠲᠡᠭᠦᠬᠦ ᠠᠵᠢᠯᠢᠶᠠᠨ ᠠᠵᠢᠭ᠋ ᠦᠭᠡᠢ ᠥᠷᠭᠦᠯᠵᠢᠯᠡᠭᠦᠯᠪᠡ᠃
ᠡᠩᠨᠡᠭᠰᠡᠨ ᠮᠠᠢᠬᠠᠨᠤ ᠠᠯᠢ ᠨᠢᠭᠡᠨ ᠳ᠋ᠤᠨᠢ ᠳᠠᠰᠬᠢᠭ᠌ᠰᠡᠨ ᠰᠢᠩᠭᠡᠨ ᠬᠣᠭᠣᠯᠠᠢᠪᠠᠷ << ᠵᠠᠭᠤᠨ ᠯᠠᠩᠤᠨ ᠵᠢᠷᠤᠭᠠ ᠯᠠᠭᠤᠰᠠᠶᠢ>> ᠭᠡᠳᠡᠯᠡ ᠫᠠᠷᠭᠢᠭ᠍ᠰᠠᠨ ᠪᠦᠳᠦᠭᠦᠨ ᠬᠣᠭᠣᠯᠠᠢ << ᠵᠤᠤᠰᠠᠨ ᠳᠣᠮᠳᠠᠪᠠᠨ ᠬᠥᠯᠦᠭᠯᠡᠶᠡ >> ᠭᠡᠵᠦ ᠳᠠᠭᠤᠯᠠᠭᠳᠠᠯᠠ ᠶᠠᠩᠵᠤ ᠪᠦᠷᠢᠶᠢᠨ ᠬᠣᠭᠣᠯᠠᠢᠪᠠᠷ << ᠵᠢᠷᠤᠭ ᠪᠤᠯᠤᠭᠰᠠᠨ ᠪᠣᠭᠳᠠ ᠯᠠᠮᠠᠶᠢ᠂ ᠵᠤᠩᠬᠠᠪᠠᠶᠢᠨ ᠰᠢᠷᠡᠭᠡᠨᠳᠦ ᠵᠠᠯᠠᠶᠠ ᠳᠠ ᠬᠦᠢ >> ᠭᠡᠳ ᠥᠷᠭᠦᠯᠵᠢᠯᠡᠭᠦᠯᠦᠨ ᠳᠠᠭᠤᠯᠠᠪᠠ᠃ ᠳᠣᠷᠵᠢ᠂ ᠠᠬᠢᠮᠠᠭ ᠨᠠᠰᠤᠨᠤ ᠴᠡᠷᠢᠭ ᠬᠣᠶᠠᠷ ᠴᠤ᠌ ᠨᠠᠮᠤᠭᠤᠬᠠᠨᠢᠶᠠᠷ ᠣᠯᠠᠨᠢ ᠠᠶᠠᠯᠲᠠᠨ ᠳᠠᠭᠤᠯᠠᠵᠠᠢ᠃
– ᠡᠨᠡ ᠳᠠᠢᠨ ᠬᠡᠵᠢᠶᠡ ᠳᠠᠭᠤᠰᠬᠤ ᠪᠤᠯ？ ᠭᠡᠵᠦ ᠠᠬᠢᠮᠠᠭ ᠨᠠᠰᠤᠨᠤ ᠴᠡᠷᠢᠭ ᠳᠠᠭᠤᠤᠶᠢᠨ ᠬᠤᠶᠠᠷ ᠪᠠᠳᠠᠭᠤᠨ ᠳᠣᠮᠳᠠᠭᠤᠷ ᠠᠰᠠᠭᠤᠪᠠ᠃
– ᠳᠠᠯᠳᠠᠶᠢ ᠮᠡᠳᠡᠳᠡᠭ ᠳᠠᠯᠠᠢ ᠯᠠᠮᠠ ᠳᠠᠯᠠᠨ ᠬᠣᠶᠠᠷ ᠵᠢᠯᠠᠭᠠᠶᠢ ᠨᠡᠪᠲᠡ ᠬᠠᠷᠠᠳᠠᠭ ᠬᠠᠷᠠ ᠬᠡᠷᠢᠶᠡ ᠪᠢᠰᠢ᠂ ᠪᠢ ᠶᠠᠭᠠᠬᠢᠵᠤ ᠮᠡᠳᠡᠳᠡᠭ ᠶᠤᠮ ᠪᠤᠢ？ ᠭᠡᠵᠦ ᠳᠣᠷᠵᠢ ᠬᠠᠷᠢᠭᠤᠯᠪᠠ᠃
ᠠᠬᠢᠮᠠᠭ ᠨᠠᠰᠤᠨᠤ ᠴᠡᠷᠢᠭ ᠭᠡᠰᠡᠭ ᠳᠠᠭᠤ ᠦᠭᠡᠢ ᠪᠣᠳᠣᠯ ᠪᠣᠯᠤᠨ ᠰᠠᠭᠤᠭᠰᠠᠨᠢᠶᠠᠨ ᠰᠠᠨᠠᠭᠠ ᠠᠯᠳᠠᠭᠠᠳ << ᠡᠨᠡ ᠬᠠᠷᠠ ᠰᠢᠷᠭᠤᠯᠵᠢ ᠰᠢᠭ᠋ ᠬᠠᠷᠠ ᠴᠡᠷᠢᠭᠢ ᠨᠡᠪᠲᠡᠯᠦᠨᠡ ᠭᠡᠳᠡᠭ ᠴᠤ᠌ ᠳᠠ >> ᠭᠡᠯᠡ᠃
– ᠲᠡᠦᠬᠡ ᠶᠠᠷᠢᠪᠠᠯ ᠡᠵᠡᠨ ᠴᠢᠩᠭᠢᠰ ᠪᠠᠢᠨᠠ᠃ ᠳᠠᠭᠠᠭᠠᠵᠤ ᠪᠠᠢᠭᠠ ᠰᠠᠬᠢᠭᠤᠰᠤᠶᠢ ᠬᠡᠯᠡᠯᠴᠡᠪᠡᠯ ᠠᠮᠢᠲᠠᠨᠢ ᠵᠢᠷᠭᠠᠭᠤᠯᠤᠭ᠍ᠴᠢ ᠸᠴᠢᠷ ᠳ᠋ᠠᠷᠠᠶᠢᠨ ᠬᠤᠪᠢᠯᠭᠠᠨ ᠪᠣᠭᠳᠠ ᠭᠡᠭᠡᠨ᠂ ᠤᠷᠤᠢᠯᠠᠵᠤ ᠶᠠᠪᠤᠭᠠ ᠵᠠᠩᠵᠦᠨᠢ ᠶᠠᠷᠢᠪᠠᠯ ᠬᠠᠳᠠᠨ ᠪᠠᠭᠠᠳᠤᠷ ᠬᠤᠢᠨᠠ ᠪᠤᠯᠬᠣ᠌ ᠯᠡ ᠪᠠᠢᠬᠠ ᠳᠠ᠃
– ᠰᠠᠶᠢᠶᠢᠨ ᠳᠠᠢᠨᠢ ᠤᠳᠤᠷᠢᠳᠴᠦ ᠪᠠᠢᠬᠤ ᠳ᠋ᠤᠨᠢ ᠵᠠᠩᠵᠤᠨᠤ ᠨᠢᠭᠤᠷ ᠨᠢ ᠮᠠᠯᠠᠭᠠᠢᠶᠢᠨᠢᠶᠡᠨ ᠰᠠᠭᠠᠯᠲᠤᠷᠭᠠᠨᠳᠤ ᠪᠠᠭᠲᠠᠬᠤ ᠦᠭᠡᠢ ᠪᠤᠯᠤᠭᠠᠳ ᠠᠮᠠᠡᠴᠡ ᠨᠢ ᠤᠯᠠᠭᠠᠨ ᠬᠦᠭᠡᠰᠦ ᠴᠢᠬᠠᠷᠡᠵᠤ ᠪᠠᠢᠭ᠍ᠰᠠᠨ ᠭᠡᠳᠡᠭ ᠰᠢᠦ᠃
– ᠠᠷᠭᠠ ᠦᠭᠡᠢ ᠰᠢᠦ ᠳᠠ᠃ ᠪᠡᠶᠡᠪᠡᠷᠢᠶᠡᠨ ᠤᠯᠠᠭᠠᠨ ᠰᠠᠬᠢᠭᠤᠯᠰᠤᠨ ᠶᠤᠮ ᠴᠢᠨᠢ ᠭᠡᠵᠦ ᠳᠣᠷᠵᠢ ᠮᠡᠳᠡᠮᠡᠭᠡᠢ ᠬᠠᠷᠢᠭᠤᠯᠪᠠ᠃
ᠮᠠᠨᠠᠢ ᠬᠣᠶᠠᠷᠤᠨ ᠶᠠᠷᠢᠶᠠ ᠲᠦᠷ ᠵᠤᠭᠰᠤᠪᠠ᠃ ᠳᠠᠭᠤ ᠰᠤᠯᠢᠭ᠍ᠳᠠᠵᠤ ᠴᠡᠭᠡᠯᠭᠡᠨ ᠰᠠᠢᠬᠠᠨ ᠬᠤᠭᠤᠯᠠᠢ ᠲᠠᠢ ᠬᠦᠮᠦᠨ << ᠡᠷᠡ ᠪᠤᠷᠤ ᠬᠠᠷᠴᠠᠭᠠᠢ>>ᠶᠢ ᠰᠡᠳᠬᠢᠯ ᠳᠣᠭᠳᠣᠯᠤᠮᠠ ᠳᠠᠭᠤᠯᠠᠪᠠ᠃
– ᠭᠡᠷᠲᠡᠬᠡᠨ ᠬᠠᠷᠢᠭᠠᠳ ᠬᠠᠯᠠᠭᠠᠭᠰᠠᠨ ᠠᠷᠠᠵᠠ ᠲᠠᠭᠱᠠᠶᠢ ᠤᠤᠴᠢᠬᠠᠭᠠᠳ᠂ ᠡᠬᠡᠨᠡᠷᠦᠨᠢᠶᠡᠨ ᠲᠡᠪᠡᠯᠢ ᠨᠥᠮᠦᠷᠴᠢᠬᠡᠭᠡᠳ ᠬᠤᠲᠠᠨᠤᠪᠠᠨ ᠵᠠᠬᠠᠳᠤ ᠵᠣᠭᠰᠤᠵᠤ ᠪᠠᠢᠬᠤ ᠶᠤᠮᠰᠠᠨ ᠭᠡᠵᠦ ᠨᠥᠭᠦᠭᠡ ᠴᠡᠷᠢᠭ ᠨᠢᠳᠦᠪᠠᠨ ᠭᠢᠯᠠᠯᠵᠠᠭᠤᠯᠤᠨ ᠨᠢᠭᠤᠷ ᠳᠦᠭᠦᠷᠡᠩ ᠪᠠᠶᠠᠷ ᠲᠣᠳᠣᠷᠠᠭᠤᠯᠵᠤ ᠪᠠᠢᠭᠠᠳ ᠶᠠᠷᠢᠯᠠ᠃
– ᠮᠠᠨᠠᠢ ᠡᠷᠡ ᠡᠬᠡᠨᠡᠷᠢᠶᠡᠨ ᠰᠠᠨᠠᠵᠤ ᠳᠠ ᠭᠡᠳ ᠳᠣᠷᠵᠢ ᠬᠦᠭᠵᠢᠯᠲᠡᠢ ᠢᠨᠢᠶᠡᠪᠡ᠃ ᠠᠶᠤᠬᠤ ᠦᠭᠡᠢ ᠴᠤ᠌ ᠭᠡᠰᠡᠨ ᠠᠶᠠ ᠦᠭᠡᠢ ᠭᠡᠭᠴᠢᠪᠡᠷ ᠮᠠᠭᠤ ᠵᠤᠯᠢᠭ᠋ ᠴᠢᠨᠢ ᠰᠡᠳᠬᠢᠯᠳᠦ ᠣᠷᠣᠭᠠᠳ ᠯᠡ ᠪᠠᠢᠬᠤ ᠶᠤᠮ ᠭᠡᠵᠦ ᠴᠡᠷᠢᠭ ᠭᠡᠨᠡᠨ ᠴᠠᠭᠠᠨ ᠰᠡᠳᠬᠢᠯᠢᠶᠡᠷ ᠬᠡᠯᠡᠪᠡ᠃
– ᠪᠢ ᠴᠤ᠌ ᠭᠡᠰᠡᠨ ᠭᠠᠭᠴᠠ ᠮᠠᠭᠤ ᠡᠬᠡᠪᠠᠨ ᠣᠷᠬᠢᠭᠠᠳ ᠢᠷᠡᠭᠰᠡᠨ ᠶᠤᠮᠰᠠᠨ᠃ ᠶᠠᠭᠠᠬᠢᠵᠤ ᠶᠠᠪᠤᠳᠠᠭ ᠪᠤᠯ ᠳᠠ ᠭᠡᠳ ᠳᠤᠷᠵᠢ ᠣᠲᠡᠰᠤᠪᠠᠨ ᠰᠢᠳᠦᠪᠠᠷᠢᠶᠠᠨ ᠲᠠᠰᠬᠢᠳᠠᠯᠠ ᠲᠠᠰᠤᠯᠤᠭᠠᠳ ᠭᠠᠵᠠᠷ ᠤᠷᠤᠭᠤ ᠴᠢᠭᠯᠡᠭᠰᠡᠨ ᠶᠠᠭᠤᠮᠠ ᠦᠭᠡᠢ ᠰᠢᠷᠳᠡᠪᠡ᠃
– ᠵᠠ ᠲᠡᠷᠡ ᠴᠤ᠌ ᠶᠠᠭᠠᠬᠢᠪ᠃ ᠡᠬᠢᠯᠡᠭᠰᠡᠨ ᠬᠤᠢᠨᠠᠪᠠᠨ ᠳᠠᠭᠤᠰᠬᠤ ᠯᠡ ᠪᠠᠢᠬᠠ ᠭᠡᠳ ᠴᠡᠷᠢᠭ ᠰᠠᠨᠠᠭᠠ ᠠᠯᠳᠠᠭᠰᠠᠨᠢᠶᠠᠨ᠂ << ᠴᠢᠮᠠᠳᠤ ᠱᠦᠭᠦᠷ ᠪᠠᠢᠨᠠ ᠦᠦ？ ᠡᠨᠡ ᠬᠡᠳᠦᠨ ᠬᠢᠭᠤᠷᠰᠤᠨᠤ ᠰᠦᠷᠦᠭ ᠭᠠᠵᠠᠷ ᠰᠠᠢ ᠦᠭᠡᠢ ᠡᠭᠦᠷᠯᠡᠴᠢᠬᠡᠭᠡᠳ ᠪᠡᠯᠴᠢᠵᠦ ᠶᠠᠪᠤᠳᠠᠭ ᠪᠤᠯᠤᠯᠠ >> ᠭᠡᠯᠡ᠃
ᠳᠣᠷᠵᠢ ᠨᠠᠷᠢᠨ ᠬᠤᠯᠤᠰᠤᠨ ᠱᠦᠭᠦᠷᠢᠶᠡᠨ ᠭᠠᠷᠭᠠᠵᠤ ᠦᠭᠭᠦᠯᠡ᠃ ᠴᠡᠷᠢᠭ ᠠᠪᠴᠤ ᠦᠰᠦᠪᠡᠨ ᠰᠠᠮᠨᠠᠬᠤ ᠵᠠᠭᠤᠷᠠ ᠳᠣᠷᠵᠢᠶᠢᠨ ᠵᠥᠪ ᠲᠠᠯᠠᠶᠢᠨ ᠤᠷᠢᠳᠤᠬᠢ ᠭᠠᠨᠵᠤᠭᠠᠨᠡᠴᠡ ᠶᠠᠭᠰᠢᠳᠠᠯᠠ ᠤᠶᠠᠭᠰᠠᠨ ᠪᠤᠷᠤ ᠬᠡᠦᠳᠠᠢ ᠲᠠᠢ ᠶᠠᠭᠤᠮᠠᠶᠢ ᠬᠠᠷᠠᠯᠠ᠃
– ᠲᠡᠷᠡ ᠶᠠᠭᠤ ᠪᠤᠢ？
– ᠠᠯᠢ？
– ᠴᠢᠨᠦ ᠭᠠᠨᠵᠤᠭᠠᠨᠳᠤ ᠪᠠᠢᠭᠠ ᠪᠤᠷᠤ ᠬᠡᠦᠳᠠᠢ ᠲᠠᠢ᠃
– ᠠ ᠲᠡᠷᠡ ᠦᠦ᠂ ᠴᠠᠭᠠᠨ ᠮᠥᠭᠥ᠃
– ᠲᠡᠭᠦᠨᠢᠶᠠᠷ ᠶᠠᠭᠠᠬᠢᠵᠤ ᠨᠢ ᠪᠤᠢ？
– ᠴᠢᠮᠠᠳᠤ ᠪᠠᠢᠬᠤ ᠦᠭᠡᠢ ᠭᠡᠵᠢ ᠦᠦ？ ᠭᠡᠳ ᠳᠣᠷᠵᠢ ᠨᠦᠬᠦᠷᠢᠪᠡᠨ ᠤᠷᠢᠳᠤ ᠡᠮᠦᠨᠡ ᠦᠵᠡᠭᠡ ᠦᠭᠡᠢ ᠰᠤᠨᠠᠢᠨ ᠶᠠᠭᠤᠮᠠ ᠬᠠᠷᠠᠵᠤ ᠪᠠᠢᠭᠠ ᠨᠢᠳᠦᠪᠡᠷ ᠭᠠᠢᠬᠠᠨ ᠬᠠᠷᠠᠭᠰᠠᠨᠢᠶᠠᠨ << ᠬᠠᠯᠠᠭᠤᠨᠤ ᠭᠠᠵᠠᠷ ᠭᠠᠭᠴᠠ ᠭᠡᠷᠡᠭ ᠪᠤᠯᠳᠠᠭ ᠶᠠᠭᠤᠮᠠ ᠴᠢᠨᠢ ᠡᠨᠡ ᠪᠠᠢᠬᠤ ᠦᠭᠡᠢ ᠦᠦ᠃ ᠬᠤᠳᠠᠯᠳᠤᠪᠠᠯ ᠮᠥᠩᠬᠦ᠂ ᠤᠤᠭᠤᠪᠠᠯ ᠡᠮ ᠰᠢᠦ ᠳᠠ >> ᠭᠡᠵᠦ ᠶᠡᠬᠡ ᠯᠡ ᠮᠡᠳᠡᠮᠡᠬᠡᠢ ᠬᠡᠯᠡᠵᠠᠢ᠃
– ᠲᠡᠢᠮᠦ ᠬᠡᠷᠡᠭ ᠲᠠᠢ ᠶᠤᠮ ᠪᠤᠯ ᠨᠠᠳᠠ ᠵᠢᠭᠠᠬᠠᠨ ᠦᠭᠭᠦᠭᠡᠴᠢ᠃
– ᠪᠠᠭᠠ ᠪᠤᠯ ᠪᠤᠯᠤᠨᠠ᠃ ᠭᠡᠬᠦᠳᠡᠭᠡᠨ ᠰᠤᠮᠤᠪᠠᠷ ᠰᠤᠯᠢᠨᠠ᠃
ᠠᠬᠢᠮᠠᠭ ᠨᠠᠰᠤᠨᠤ ᠴᠡᠷᠢᠭ ᠪᠤᠳᠤᠯ ᠪᠤᠯᠤᠨ ᠳᠠᠭᠤ ᠦᠭᠡᠢ ᠪᠤᠯᠪᠠ᠃ ᠭᠡᠳᠡᠯᠡ ᠢᠮᠠᠭᠠᠨ ᠪᠦᠷᠢᠶᠡ ᠵᠢᠩᠬᠢᠨᠡᠨ ᠳᠤᠤᠭᠠᠷᠪᠠ᠃ ᠮᠠᠨᠠᠢ ᠬᠣᠶᠠᠷ ᠤᠭᠯᠤ ᠦᠰᠦᠷᠦᠨ ᠪᠤᠰᠴᠦ᠂ ᠲᠤᠰ ᠲᠤᠰᠤᠨᠢᠶᠠᠨ ᠮᠠᠢᠬᠠᠨ ᠤᠷᠤᠭᠤ ᠭᠦᠶᠦᠨ ᠤᠷᠤᠵᠤ ᠫᠤᠤ ᠵᠡᠪᠰᠡᠭᠢᠶᠡᠨ ᠵᠠᠭᠦᠨ ᠠᠷᠪᠠᠲᠦᠶᠢᠨᠢᠶᠡᠨ ᠵᠢᠭ᠍ᠰᠠᠭᠠᠯᠳᠤ ᠣᠷᠣᠪᠠ᠃ ᠪᠦᠬᠦ ᠴᠡᠷᠢᠭ ᠬᠡᠳᠦᠨ ᠡᠩᠨᠡᠭᠡ ᠪᠤᠯᠤᠨ ᠵᠢᠭ᠍ᠰᠠᠵᠤ᠂ ᠵᠠᠩᠭᠢ᠂ ᠵᠠᠬᠢᠷᠤᠭ᠍ᠴᠢ ᠨᠠᠷ ᠡᠮᠦᠨᠡ ᠨᠢ ᠵᠣᠭᠰᠤᠭᠰᠠᠨᠢ ᠬᠠᠷᠠᠪᠠᠯ ᠶᠠᠮᠠᠷ ᠨᠢᠭᠡᠨ ᠶᠡᠬᠡ ᠬᠦᠮᠦᠨ ᠢᠷᠡᠬᠦᠶᠢ ᠬᠦᠯᠢᠶᠡᠵᠡᠢ᠃
ᠵᠢᠭ᠍ᠰᠠᠭᠠᠭᠰᠠᠨ ᠴᠡᠷᠢᠭᠦᠨ ᠪᠠᠷᠠᠭᠤᠨ ᠭᠠᠷᠡᠴᠡ ᠲᠠᠪᠤᠨ ᠮᠣᠷᠢ ᠲᠠᠢ ᠬᠦᠮᠦᠨ ᠬᠠᠲᠠᠷᠢᠭᠤᠯᠤᠨ ᠲᠠᠪᠬᠢᠵᠤ ᠢᠷᠡᠯᠡ᠃ ᠲᠡᠳᠡᠨᠤ ᠲᠦᠷᠦᠭᠦᠨᠳᠦ ᠤᠯᠠᠭᠠᠨ ᠬᠡᠯᠡ ᠲᠠᠢ ᠬᠤᠳᠠᠷᠭᠠ ᠬᠦᠮᠦᠯᠳᠦᠷᠭᠡ ᠲᠠᠢ ᠦᠨᠳᠦᠷ ᠪᠤᠷᠤ ᠮᠣᠷᠢ ᠤᠨᠤᠭᠰᠠᠨ ᠬᠠᠳᠠᠨ ᠪᠠᠭᠠᠲᠤᠷ ᠮᠠᠭᠰᠤᠷᠵᠠᠪ ᠶᠠᠪᠤᠬᠤ ᠪᠦᠭᠡᠳ ᠮᠣᠷᠢᠨ ᠳᠡᠭᠡᠷᠡ ᠶᠠᠪᠤᠬᠤ ᠳ᠋ᠤᠨᠢ ᠪᠦᠳᠦᠭᠦᠨ ᠬᠠᠷᠠ ᠭᠡᠵᠢᠭᠡ ᠨᠢ ᠬᠤᠶᠠᠷ ᠲᠡᠰᠢᠪᠠᠨ ᠰᠠᠴᠤᠯᠠᠨ ᠬᠠᠶᠠᠵᠤ᠂ ᠤᠳᠤᠭᠠ ᠨᠢ ᠰᠠᠭᠰᠠᠯᠵᠠᠨ ᠰᠦᠷᠲᠡᠶᠠ ᠬᠠᠷᠠᠭᠳᠠᠨᠠ᠃
ᠲᠡᠤᠬᠡᠶᠢᠨ ᠴᠠᠭ ᠦᠶᠡ ᠬᠡᠷᠡᠭ ᠲᠠᠢ ᠬᠥᠮᠥᠨᠢᠶᠡᠨ ᠪᠣᠢᠵᠢᠭᠤᠯᠳᠠᠭ᠃ ᠮᠣᠩᠭᠣᠯᠤᠨ ᠠᠷᠠᠳ ᠲᠦᠮᠡᠨ ᠮᠠᠨᠵᠦᠶᠢᠨ ᠨᠤᠶᠠᠷᠬᠠᠯᠢ ᠡᠰᠡᠷᠬᠦᠴᠡᠭᠰᠡᠨ ᠤᠯᠠᠨ ᠵᠠᠭᠤᠨ ᠵᠢᠯᠦᠨ ᠲᠡᠮᠡᠴᠡᠯᠦᠨ ᠰᠡᠭᠦᠯᠴᠢᠶᠢᠨ ᠰᠢᠢᠳᠪᠦᠷᠢᠯᠡᠬᠦ ᠦᠶᠡᠳᠦ ᠲᠥᠷᠦᠵᠦ ᠭᠠᠷᠤᠭᠰᠠᠨ ᠶᠡᠬᠡ ᠬᠥᠮᠥᠰᠦᠨ ᠨᠢᠭᠡ ᠪᠤᠯ ᠬᠠᠳᠠᠨ ᠪᠠᠭᠠᠲᠤᠷ ᠮᠠᠭᠰᠤᠷᠵᠠᠪ ᠪᠠᠢᠵᠤ ᠪᠢᠯᠡ᠃
ᠴᠢᠳᠬᠤᠮᠠᠯ ᠬᠦᠷᠡᠯ ᠰᠢᠭ᠌ ᠭᠢᠯᠠᠯᠵᠠᠭᠰᠠᠨ ᠬᠦᠷᠡᠩ ᠴᠢᠷᠠᠢ ᠲᠠᠢ᠂ ᠥᠷᠭᠡᠨ ᠴᠡᠭᠡᠵᠢ᠂ ᠳᠣᠳᠤ ᠮᠠᠩᠨᠠᠢ ᠲᠠᠢ ᠡᠨᠡ ᠬᠦᠮᠦᠨ ᠮᠠᠨᠵᠤᠡᠴᠡ ᠲᠤᠰᠠᠭᠠᠷᠯᠠᠬᠤ ᠲᠡᠮᠡᠴᠡᠯᠦᠨ ᠲᠡᠷᠢᠭᠦᠨᠳᠦ ᠶᠠᠪᠦᠵᠤ᠂ ᠶᠠᠪᠤᠭᠰᠠᠨ ᠭᠠᠵᠠᠷ ᠪᠦᠭᠦᠨ ᠨᠢ ᠢᠯᠠᠯᠲᠠᠪᠠᠷ ᠲᠤᠶᠠᠭᠠᠷᠠᠵᠤ ᠪᠠᠢᠵᠠᠢ᠃
ᠸᠠᠩᠤᠨ ᠵᠡᠷᠭᠡ ᠵᠠᠯᠭᠠᠵᠤ᠂ ᠬᠣᠰᠢᠭᠤ ᠨᠣᠶᠠᠨ ᠪᠤᠯᠤᠭᠰᠠᠨ ᠪᠦᠭᠡᠳ ᠮᠣᠩᠭᠣᠯᠤᠨ ᠠᠷᠠᠳ ᠲᠦᠮᠡᠨᠢ ᠪᠣᠭᠣᠯᠴᠢᠯᠠᠨ ᠰᠠᠭᠤᠬᠤ ᠦᠶᠡᠪᠡᠨ ᠳᠠᠭᠤᠰᠤᠭᠰᠠᠨᠢ ᠤᠢᠯᠭᠠᠵᠤ᠂ ᠡᠪᠢᠶᠡᠷ ᠨᠤᠲᠤᠭᠲᠠᠭᠠᠨ ᠪᠤᠴᠠᠬᠤ ᠱᠠᠭᠠᠷᠳᠠᠯᠭᠠᠶᠢ ᠬᠦᠯᠢᠶᠡᠵᠦ ᠠᠪᠤᠯ ᠦᠭᠡᠢ ᠡᠰᠡᠷᠭᠦᠴᠡᠭᠰᠡᠨ ᠬᠤᠪᠲᠣ᠌ᠶᠢᠨ ᠠᠮᠪᠠᠨᠢ ᠵᠡᠪᠰᠡᠭᠦᠨ ᠬᠦᠴᠦᠪᠡᠷ ᠲᠣᠨᠢᠯᠭᠠᠬᠤ ᠲᠡᠮᠡᠴᠡᠯᠢ ᠬᠠᠳᠠᠨ ᠪᠠᠭᠠᠲᠤᠷ ᠸᠠᠩ ᠮᠠᠭᠰᠤᠷᠵᠠᠪ ᠤᠳᠤᠷᠢᠳᠤᠭᠰᠠᠨ ᠪᠢᠯᠡ᠃
ᠳᠠᠢᠰᠤᠨᠢ ᠴᠤᠬᠢᠵᠤ ᠲᠤᠯᠤᠯᠳᠤᠭᠠᠨᠢ ᠬᠤᠨᠵᠢᠬᠤᠳᠦ ᠵᠡᠪᠰᠡᠭ ᠪᠠᠷᠢᠭ᠍ᠰᠠᠨ ᠴᠡᠷᠢᠭ ᠭᠣᠣᠯ ᠬᠦᠴᠦ ᠭᠡᠵᠦ ᠪᠠᠲᠤ ᠢᠳᠡᠭᠡᠭᠰᠡᠨ ᠡᠨᠡ ᠬᠦᠮᠦᠨ ᠴᠡᠷᠢᠭᠦᠨ ᠰᠡᠳᠬᠢᠯᠢ ᠢᠮᠠᠭᠲᠠ ᠵᠠᠰᠠᠵᠤ᠂ ᠴᠡᠷᠢᠭᠢ ᠦᠪᠡᠷᠲᠡᠬᠡᠨ ᠲᠠᠲᠠᠬᠤᠶᠢᠨ ᠲᠤᠯᠠ ᠪᠦᠬᠦᠨᠢ ᠬᠢᠳᠡᠭ᠃ ᠴᠡᠷᠢᠭᠦᠳᠢᠶᠡᠨ ᠦᠷᠬᠦᠯᠵᠢ ᠠᠩᠬᠠᠷᠴᠤ᠂ ᠲᠡᠳᠡᠨᠳᠦ ᠣᠨᠠᠭᠰᠠᠨ ᠭᠠᠵᠠᠷ ᠤᠭᠢᠶᠠᠭᠰᠠᠨ ᠤᠰᠤ ᠨᠢ ᠶᠠᠭᠤ ᠶᠤᠮ ᠪᠤᠢ᠂ ᠶᠠᠭᠠᠬᠢᠬᠤ ᠭᠡᠵᠦ ᠪᠠᠢᠭᠠᠶᠢ ᠶᠠᠷᠢᠵᠤ᠂ ᠲᠡᠳᠡᠨᠦ ᠰᠦᠰᠦᠭ ᠪᠢᠰᠢᠷᠡᠯᠢ ᠠᠰᠢᠭ᠍ᠯᠠᠨ᠂ ᠦᠪᠡᠷᠢᠶᠡᠨ ᠴᠣᠢᠵᠤᠩ ᠪᠤᠯᠬᠤ ᠵᠡᠷᠭᠡ ᠣᠯᠠᠨ ᠠᠷᠭᠠᠶᠢ ᠬᠡᠷᠡᠭᠯᠡᠨ ᠴᠡᠷᠢᠭᠦᠨ ᠳᠣᠲᠣᠷᠠ ᠦᠯᠡᠮᠵᠢ ᠠᠯᠳᠠᠷ ᠬᠦᠨᠳᠦᠶᠢ ᠤᠯᠤᠭᠠᠳ ᠲᠡᠳᠡᠨᠦ ᠭᠦᠨ ᠬᠠᠢᠷᠠ᠂ ᠪᠠᠲᠦ ᠢᠲᠡᠭᠡᠯᠢ ᠲᠠᠲᠠᠵᠠᠢ᠃ ᠮᠠᠭᠰᠠᠷᠵᠠᠪᠢ ᠴᠡᠷᠢᠭᠦᠳ ᠨᠢ ᠪᠠᠭ᠍ᠰᠢ ᠭᠡᠵᠤ ᠨᠡᠷᠡᠯᠡᠬᠦ ᠪᠦᠭᠡᠳ ᠲᠡᠭᠦᠨᠦ ᠶᠡᠷᠦ ᠪᠤᠰᠤᠶᠢᠨ ᠬᠦᠴᠦᠨᠳᠦ ᠡᠷᠡᠭᠡᠯᠵᠡᠭᠡ ᠦᠭᠡᠢ ᠢᠳᠡᠭᠡᠭᠰᠡᠨᠢᠶᠡᠨ᠂ << ᠪᠠᠭᠠᠳᠤᠷ ᠪᠠᠭ᠍ᠰᠢ ᠲᠠᠢ ᠶᠠᠪᠤᠭᠰᠠᠨ ᠴᠠᠭᠲᠤ ᠵᠠᠶᠠᠭᠠ ᠤᠷᠬᠢᠵᠦ᠂ ᠤᠳᠣ᠌ ᠬᠠᠷᠪᠤᠨ᠂ ᠱᠤᠤ ᠴᠠᠢᠭᠠ ᠦᠭᠡᠢ ᠶᠤᠮ ᠪᠤᠯ ᠠᠯᠵᠠᠬᠤ ᠦᠭᠡᠢ᠃ ᠢᠷᠡᠭᠰᠡᠨ ᠰᠤᠮᠤ᠂ ᠳᠠᠯᠠᠢᠭ᠍ᠰᠠᠨ ᠰᠡᠯᠡᠮᠡᠠᠴᠠ ᠵᠠᠯᠠᠭᠤᠯᠵᠤ ᠴᠢᠳᠠᠬᠤ ᠤᠯᠠᠭᠠᠨ ᠰᠠᠬᠢᠭᠤᠯᠰᠤᠨᠤ ᠬᠤᠪᠢᠯᠭᠠᠨ ᠬᠦᠮᠦᠨ >> ᠭᠡᠵᠦ ᠴᠡᠷᠢᠭᠦᠳ ᠶᠠᠷᠢᠯᠴᠠᠳᠠᠭ ᠪᠠᠢᠪᠠ᠃
ᠬᠤᠪᠲᠣ᠌ᠶᠢᠨ ᠰᠠᠩᠤᠨ ᠬᠤᠲᠠᠶᠢ ᠪᠠᠢᠯᠳᠤᠭᠰᠠᠨ ᠲᠤᠯᠤᠯᠳᠤᠭᠠᠨᠳᠤ ᠵᠢᠭᠤᠳᠠᠭᠰᠠᠨ ᠨᠢᠭᠡ ᠴᠡᠷᠢᠭᠢ ᠪᠠᠷᠢᠨ ᠠᠪᠴᠢᠷᠠᠵᠤ ᠥᠭᠬᠦᠳᠦ << ᠬᠦᠦ ᠮᠢᠨᠢ ᠳᠠᠩᠴᠢ ᠳᠠ᠃ ᠪᠢ ᠴᠢᠮᠠᠶ᠋ᠢ ᠰᠢᠢᠳᠬᠡᠬᠦ ᠦᠭᠡᠢ᠂ ᠲᠦᠷᠦᠭᠰᠡᠨ ᠨᠤᠲᠤᠭᠲᠠᠭᠠᠨ ᠬᠠᠷᠠ ᠪᠤᠷᠤᠭᠤ ᠰᠠᠨᠠᠭᠰᠠᠨ ᠪᠤᠯᠬᠤᠷ ᠵᠠᠶᠠᠭᠠ ᠴᠢᠨᠢ ᠤᠷᠬᠢᠵᠤ ᠭᠦᠢᠴᠡᠭᠰᠡᠨ >> ᠭᠡᠳ ᠶᠠᠪᠤᠭᠤᠯᠤᠭᠰᠠᠨ ᠪᠦᠭᠡᠳ ᠳᠡᠷᠭᠡᠲᠡᠪᠡᠨ ᠪᠠᠢᠭ᠍ᠰᠠᠨ ᠬᠥᠮᠥᠰᠲᠦ << ᠡᠨᠡ ᠴᠡᠷᠢᠭ ᠳᠠᠷᠠᠭᠠᠶᠢᠨ ᠲᠤᠯᠤᠯᠳᠤᠭᠠᠨᠳᠤ ᠦᠬᠦᠨᠡ ᠰᠢᠦ᠂ ᠬᠦᠭᠡᠷᠦᠬᠦᠢ >> ᠭᠡᠵᠦ ᠬᠡᠯᠡᠭᠰᠡᠨ ᠠᠵᠢ᠃
ᠬᠣᠶᠠᠷ ᠡᠳᠦᠷᠦᠨ ᠳᠠᠷᠠᠭᠠ ᠪᠣᠯᠣᠭᠰᠠᠨ ᠲᠤᠯᠤᠯᠳᠤᠭᠠᠨᠳᠤ ᠲᠡᠷᠡ ᠬᠦᠮᠦᠨ ᠦᠨᠡᠬᠡᠷ ᠠᠯᠠᠭᠳᠠᠭᠰᠠᠨ ᠪᠦᠭᠡᠳ ᠬᠡᠭᠦᠷᠢ ᠨᠢ ᠦᠵᠡᠭᠡᠳ << ᠲᠠ ᠨᠠᠷ ᠬᠠᠷᠠᠵᠤ ᠪᠠᠢᠨᠠ ᠦᠦ᠂ ᠰᠢᠯᠢᠪᠡᠷᠢᠶᠡᠨ ᠰᠢᠷᠬᠠ ᠠᠪᠤᠭᠠᠳ ᠭᠠᠵᠠᠷ ᠮᠥᠷᠭᠦᠵᠦ ᠦᠬᠦᠭᠰᠡᠨ ᠪᠠᠢᠨᠠ ᠰᠢᠦ᠃ ᠳᠠᠢᠰᠤᠨᠤ ᠰᠤᠮᠤᠨ ᠪᠢᠰᠢ᠂ ᠤᠷᠤᠨ ᠨᠤᠲᠤᠭᠤᠨ ᠰᠠᠬᠢᠭᠤᠰᠤᠶᠢᠨ ᠰᠤᠮᠤ ᠪᠤᠯᠤᠯᠲᠠᠢ >> ᠭᠡᠵᠠᠢ᠃
ᠴᠡᠷᠢᠭᠦᠳ ᠡᠨᠡ ᠶᠠᠪᠤᠳᠠᠯᠤᠨ ᠲᠤᠬᠠᠢ ᠰᠣᠨᠤᠰᠤᠭᠠᠳ ᠬᠠᠳᠠᠨ ᠪᠠᠭᠠᠳᠤᠷᠤᠨ ᠮᠡᠷᠭᠡᠨ ᠴᠢᠳᠠᠯᠢ ᠬᠡᠳᠦ ᠥᠰᠭᠡᠨ ᠶᠠᠷᠢᠵᠤ ᠪᠠᠢᠭ᠍ᠰᠠᠨᠡᠴᠡ ᠪᠢᠰᠢ ᠲᠡᠷᠡ ᠴᠡᠷᠢᠭᠦᠨ ᠠᠷᠤᠡᠴᠡ ᠨᠢ ᠴᠣᠬᠣᠮ ᠬᠡᠨ ᠫᠤᠤᠳᠠᠭᠰᠠᠨ ᠲᠤᠬᠠᠢ ᠶᠠᠷᠢᠬᠤᠶᠢ ᠪᠢᠳᠡᠬᠡᠢ ᠬᠡᠯᠡ ᠰᠠᠨᠠᠭᠰᠠᠨ ᠬᠦᠮᠦᠨ ᠦᠭᠡᠢ ᠪᠢᠯᠡ᠃
ᠬᠠᠳᠠᠨ ᠪᠠᠭᠠᠲᠤᠷ ᠮᠠᠭᠰᠤᠷᠵᠠᠪ ᠬᠠᠷᠠ ᠴᠡᠷᠢᠭᠦᠨ ᠲᠤᠪᠲᠤᠯᠭᠠᠨᠢ ᠡᠰᠡᠷᠬᠦᠴᠡᠭᠰᠡᠨ ᠮᠣᠩᠭᠣᠯᠤᠨ ᠭᠣᠣᠯ ᠵᠠᠮᠤᠨ ᠴᠡᠷᠢᠭᠢ ᠵᠠᠬᠢᠷᠴᠦ ᠪᠠᠢᠯᠳᠤᠭᠠᠳ᠂ ᠲᠥᠷᠭᠡᠨ ᠵᠠᠭᠤᠷᠠ ᠳᠠᠢᠰᠤᠨᠤ ᠳᠠᠪᠰᠢᠯᠲᠠᠶᠢ ᠵᠤᠭᠰᠤᠭᠠᠨ ᠡᠰᠡᠷᠭᠦ ᠲᠤᠪᠲᠤᠯᠵᠤ ᠦᠯᠡᠮᠵᠢ ᠭᠠᠵᠠᠷᠢ ᠡᠵᠡᠯᠡᠵᠠᠢ᠃
ᠪᠢᠳᠡᠨᠳᠦ ᠬᠦᠮᠦᠨᠦ ᠨᠤᠲᠤᠭ ᠭᠡᠷᠡᠭ ᠦᠭᠡᠢ᠃ ᠬᠠᠷᠢᠨ ᠮᠠᠨᠵᠤᠶᠢᠨ ᠬᠠᠷᠠ ᠲᠠᠮᠠᠬᠢᠨᠳᠤ ᠤᠨᠲᠠᠭᠰᠠᠨ ᠮᠣᠩᠭᠣᠯ ᠰᠡᠷᠭᠦᠵᠦ ᠪᠤᠰᠤᠭᠰᠠᠨ ᠴᠠᠭᠲᠤ ᠵᠠᠩᠭᠠᠭᠰᠠᠨ ᠭᠠᠷᠢᠶᠠᠨ ᠳᠠᠯᠳᠢᠷᠠᠬᠤᠶᠢᠨ ᠤᠷᠤᠨᠳᠦ ᠬᠠᠴᠠᠷ ᠳᠤᠮᠳᠠ ᠨᠢ ᠲᠠᠪᠤᠨ ᠰᠠᠯᠠᠭᠠ ᠪᠤᠤᠪᠤ ᠭᠦᠷᠲᠡᠭᠡᠵᠦ ᠴᠢᠳᠠᠨᠠ ᠭᠡᠳᠡᠭᠢ ᠦᠵᠡᠬᠦᠯᠬᠦ ᠶᠣᠰᠤᠲᠠᠢ ᠰᠢᠦ ᠭᠡᠵᠦ ᠬᠡᠯᠡᠳᠡᠭ ᠪᠠᠢᠪᠠ᠃
ᠬᠠᠳᠠᠨ ᠪᠠᠭᠠᠲᠤᠷ ᠭᠤᠷᠪᠠᠨ ᠤᠯᠤᠰᠤᠨ ᠭᠡᠷᠡᠶᠢ ᠵᠦᠪᠰᠢᠶᠡᠷᠡᠭᠡ ᠦᠭᠡᠢ᠃ ᠭᠡᠬᠦᠳᠡᠭᠡᠨ ᠨᠢᠭᠡᠨᠳᠡ ᠣᠷᠣᠰ ᠬᠢᠲᠠᠳ ᠬᠣᠶᠠᠷᠢ ᠰᠠᠯᠭᠠᠵᠤ ᠴᠢᠳᠠᠭᠠ ᠦᠭᠡᠢ ᠪᠤᠯᠬᠤᠷ ᠦᠭᠡᠷᠡ ᠵᠠᠮ ᠬᠠᠷᠠᠭᠳᠠᠭᠠ ᠦᠭᠡᠢ ᠪᠢᠯᠡ᠃ ᠡᠨᠡ ᠤᠴᠢᠷᠡᠴᠡ ᠠᠷᠭᠠ ᠦᠭᠡᠢ ᠴᠠᠭᠢ ᠬᠦᠯᠢᠶᠡᠵᠤ ᠶᠡᠬᠡ ᠬᠡᠷᠡᠭᠢ ᠪᠦᠲᠥᠭᠡᠬᠦ ᠨᠢ ᠴᠢᠬᠤᠯᠠ ᠭᠡᠵᠦ ᠪᠤᠳᠤᠵᠤ ᠪᠠᠢᠯᠠ᠃
– ᠮᠣᠩᠭᠣᠯ ᠤᠯᠤᠰ ᠲᠤᠰᠠᠭᠠᠷ ᠤᠯᠤᠰ ᠪᠣᠯᠲᠠᠯᠠ ᠪᠢᠳᠡ ᠮᠣᠷᠢ ᠫᠤᠤ ᠬᠤᠶᠠᠷᠡᠴᠡ ᠰᠠᠯᠬᠤ ᠦᠭᠡᠢ᠃ ᠪᠢᠳᠡ ᠬᠦᠴᠦ ᠨᠢᠮᠭᠡᠨ᠂ ᠬᠦᠮᠦᠨ ᠴᠦᠭᠡᠨ᠂ ᠭᠡᠪᠡᠴᠦ ᠪᠢᠳᠠᠨᠢ ᠡᠵᠡᠯᠡᠬᠦ ᠭᠡᠪᠡᠯ ᠴᠢᠳᠠᠯᠢᠶᠠᠷᠢᠶᠠᠨ ᠲᠡᠮᠡᠴᠡᠨᠡ᠃ ᠢᠩᠬᠢᠭᠡᠳ ᠮᠣᠩᠭᠣᠯ ᠨᠤᠲᠤᠭ ᠳᠡᠭᠡᠷᠡ ᠨᠢᠭᠡ ᠴᠤ᠌ ᠡᠷᠡ ᠬᠦᠮᠦᠨ ᠤᠨᠤᠬᠤ ᠭᠠᠭᠴᠠ ᠮᠣᠷᠢ ᠦᠭᠡᠢ ᠪᠣᠯᠣᠭᠰᠠᠨ ᠴᠠᠭᠲᠤ ᠲᠡᠮᠡᠴᠡᠯ ᠳᠠᠭᠤᠰᠴᠤ᠌ ᠮᠠᠭᠠᠳ ᠭᠡᠵᠦ ᠲᠠᠬᠢᠨ ᠳᠠᠪᠲᠠᠨ ᠬᠡᠯᠡᠳᠡᠭ ᠪᠠᠢᠯᠠ᠃
ᠬᠠᠷᠠ ᠴᠡᠷᠢᠭᠦᠨ ᠲᠥᠯᠥᠭᠡᠯᠡᠭᠴᠢ ᠪᠠᠭᠤᠵᠤ ᠥᠭᠪᠡᠯ ᠶᠡᠬᠡ ᠮᠥᠩᠬᠦ᠂ ᠥᠨᠳᠦᠷ ᠬᠡᠷᠬᠢᠮ ᠥᠭᠭᠦᠨᠡ ᠭᠡᠵᠦ ᠬᠡᠯᠡᠬᠦᠳᠤ << ᠮᠠᠨᠵᠤᠶᠢᠨ ᠥᠭᠭᠦᠭᠰᠡᠨ ᠮᠥᠩᠬᠦ ᠬᠣᠭᠣᠯᠠᠢ ᠳᠡᠭᠡᠷᠡ ᠲᠡᠭᠡᠭ᠌ᠯᠠᠴᠢᠬᠡᠭᠡᠳ ᠲᠠᠬᠢᠨ ᠮᠥᠩᠬᠦ ᠤᠷᠤᠬᠤ ᠵᠠᠢ ᠠᠯᠠᠭᠠ᠃ ᠬᠠᠷᠢᠨ ᠮᠣᠩᠭᠣᠯ ᠬᠢᠷᠤᠮᠴᠠᠭ ᠢᠳᠡᠪᠡᠯ ᠪᠡᠶᠡ ᠰᠠᠢᠵᠢᠷᠠᠨᠠ ᠭᠡᠵᠦ ᠣᠳᠣᠴᠢ ᠭᠡᠯᠡᠭᠰᠡᠨ >> ᠭᠡᠵᠦ ᠬᠠᠷᠢᠭᠤᠯᠵᠠᠢ᠃ ᠬᠠᠳᠠᠨ ᠪᠠᠭᠠᠲᠤᠷᠢ ᠵᠢᠭ᠍ᠰᠠᠭᠠᠯᠤᠨ ᠡᠮᠦᠨᠡ ᠢᠷᠡᠭᠡᠳ ᠵᠣᠭᠰᠣᠬᠤᠳᠤ ᠤᠯᠠᠨ ᠴᠡᠷᠢᠭᠦᠳ << ᠬᠣᠷᠠᠢ >> ᠭᠡᠵᠦ ᠨᠢᠵᠢᠭᠢᠨᠡᠭᠦᠯᠦᠨ ᠬᠠᠰᠬᠢᠷᠪᠠ᠃
ᠵᠠᠩᠭᠢ᠂ ᠬᠦᠨᠳᠦ ᠨᠠᠷ ᠶᠠᠭᠠᠬᠢᠪᠠᠯ ᠬᠠᠳᠠᠨ ᠪᠠᠭᠠᠲᠤᠷᠤᠨ ᠨᠢᠳᠦᠨᠳᠦ ᠲᠤᠰᠬᠤ ᠪᠤᠯ ᠭᠡᠰᠡᠨ ᠪᠤᠯᠤᠯᠲᠠᠢ ᠵᠠᠷᠢᠮ ᠨᠢ ᠲᠣᠯᠣᠭᠠᠢᠪᠠᠨ ᠰᠢᠯᠢᠨ ᠳᠡᠭᠡᠷᠡᠪᠡᠨ ᠲᠠᠯᠪᠢᠨ᠂ ᠴᠡᠭᠡᠵᠢᠪᠡᠨ ᠳᠦᠷᠢᠨ ᠵᠣᠭᠰᠣᠨᠠ᠃ ᠵᠠᠷᠢᠮ ᠨᠢ ᠠᠮᠠᠪᠠᠨ ᠵᠢᠮᠢᠢᠯᠭᠡᠨ᠂ ᠬᠠᠮᠠᠷᠢᠶᠠᠨ ᠰᠡᠷᠲᠡᠢᠯᠭᠠᠨ ᠬᠡᠪ ᠳᠦᠷᠰᠦᠪᠡᠨ ᠠᠯᠳᠠᠨ ᠪᠠᠢᠨᠠ᠃
ᠬᠠᠳᠠᠨ ᠪᠠᠭᠠᠳᠤᠷᠤᠨ ᠮᠣᠷᠢ ᠨᠢ ᠲᠣᠭᠲᠠᠵᠤ ᠶᠠᠳᠠᠨ᠂ ᠭᠠᠵᠠᠷ ᠴᠠᠪᠴᠢᠯᠠᠵᠤ ᠬᠠᠵᠠᠭᠠᠷ ᠳᠠᠷᠤᠨᠠ᠃
– ᠤᠯᠠᠨ ᠴᠡᠷᠢᠭᠦᠳ ᠡ᠂ ᠮᠣᠩᠭᠣᠯ᠂ ᠣᠷᠣᠰ᠂ ᠬᠢᠲᠠᠳ ᠭᠤᠷᠪᠠᠨ ᠤᠯᠤᠰᠤᠨ ᠬᠣᠭᠣᠷᠣᠨᠳᠤ ᠭᠡᠷᠡ ᠪᠠᠢᠭᠤᠯᠤᠭᠳᠠᠵᠤ᠂ ᠮᠠᠨᠤ ᠤᠯᠤᠰ ᠥᠪᠡᠷᠦᠨ ᠴᠡᠷᠢᠭᠢ ᠭᠡᠳᠡᠷᠭᠦ ᠨᠢ ᠲᠠᠲᠠᠬᠤ ᠪᠣᠯᠵᠠᠢ᠃ ᠪᠢ ᠨᠡᠢᠰᠯᠡᠯ ᠬᠦᠷᠢᠶᠡ ᠤᠷᠤᠭᠤ ᠥᠨᠥᠳᠥᠷ ᠶᠠᠪᠤᠨᠠ᠃ ᠲᠠ ᠪᠥᠬᠥᠨ ᠣᠢᠷᠠᠶᠢᠨ ᠡᠳᠦᠷᠦᠳᠲᠤ ᠪᠤᠴᠠᠬᠤ ᠪᠢᠯᠡ᠃ ᠪᠢᠳᠡ ᠬᠢᠬᠦ ᠪᠦᠬᠦᠨᠢᠶᠡᠨ ᠬᠢᠭᠰᠡᠨ ᠪᠣᠯᠬᠣᠷ ᠬᠤᠢᠴᠢ ᠦᠶᠡ ᠲᠠᠯᠠᠷᠬᠠᠨ ᠳᠤᠷᠠᠰᠴᠤ ᠲᠡᠦᠬᠡ ᠳᠡᠪᠲᠡᠷᠲᠡᠬᠡᠨ ᠪᠢᠴᠢᠨᠡ᠃ ᠲᠤᠰᠠᠭᠠᠷ ᠲᠣᠭᠲᠠᠨᠢᠭ᠍ᠰᠠᠨ ᠮᠣᠩᠭᠣᠯ ᠤᠯᠤᠰ ᠪᠠᠲᠤ ᠤᠷᠤᠰᠢᠭ᠋ ᠭᠡᠬᠦᠳᠦ ᠤᠯᠠᠨ ᠴᠡᠷᠢᠭ ᠨᠢᠭᠡᠨ ᠵᠡᠷᠭᠡ << ᠬᠤᠷᠠᠢ >> ᠭᠡᠵᠦ ᠬᠠᠰᠬᠢᠷᠪᠠ᠃
ᠬᠠᠳᠠᠨ ᠪᠠᠭᠠᠳᠤᠷ ᠮᠠᠭᠰᠠᠷᠵᠠᠪ ᠵᠢᠭ᠍ᠰᠠᠭᠰᠠᠨ ᠴᠡᠷᠢᠭᠦᠳᠢ ᠵᠠᠬᠠᠡᠴᠡ ᠨᠢ ᠬᠦᠷᠲᠡᠯᠡ ᠬᠣᠶᠠᠷ ᠲᠠᠬᠢᠨ ᠬᠠᠷᠠᠭᠰᠠᠨᠢᠶᠠᠨ ᠮᠤᠷᠢᠨᠤ ᠠᠮᠠᠶᠢ ᠡᠷᠭᠢᠭᠦᠯᠵᠦ ᠶᠠᠪᠤᠬᠤᠳᠤ ᠳᠠᠭᠠᠯᠳᠠᠭᠰᠠᠳ ᠨᠢ ᠪᠠᠰᠠ ᠶᠠᠪᠤᠨᠠ᠃
<< ᠬᠠᠳᠠᠨ ᠪᠠᠭᠠᠳᠤᠷᠤᠨ ᠥᠯᠮᠡᠢ ᠪᠠᠲᠤ ᠣᠷᠤᠰᠢᠭ᠋ >> ᠭᠡᠵᠦ ᠨᠢᠭᠡ ᠴᠡᠷᠢᠭ ᠬᠠᠰᠬᠢᠷᠬᠤᠳᠤ ᠪᠦᠬᠦ ᠴᠡᠷᠢᠭ << ᠬᠣᠷᠠᠢ>> ᠭᠡᠵᠦ ᠨᠢᠵᠢᠭᠢᠨᠡᠭᠦᠯᠦᠨ ᠬᠠᠰᠬᠢᠷᠪᠠ᠃
ᠴᠡᠷᠢᠭᠦᠳ ᠲᠠᠷᠠᠵᠤ ᠮᠠᠢᠬᠠᠨ ᠮᠠᠢᠬᠠᠨᠤ ᠵᠦᠭ ᠶᠠᠪᠤᠯᠠ᠃ ᠳᠣᠷᠵᠢ ᠮᠠᠢᠬᠠᠨᠤ ᠬᠠᠶᠠᠭᠠᠨᠳᠤ ᠤᠴᠢᠭᠠᠳ ᠵᠤᠭᠰᠤᠲᠠᠯᠠ ᠨᠢᠭᠡᠨ ᠴᠡᠷᠢᠭ ᠳᠡᠷᠭᠡᠲᠡ ᠨᠢ ᠢᠷᠡᠵᠦ << ᠡᠪᠦᠭᠡᠨ ᠡ᠂ ᠢᠩᠬᠢᠭᠡᠳ ᠡᠨᠳᠡᠠᠴᠠ ᠶᠠᠪᠤᠬᠤ ᠬᠡᠷᠡᠭ ᠦᠦ？>> ᠭᠡᠵᠦ ᠠᠰᠠᠭᠤᠪᠠ᠃
– ᠲᠡᠢᠮᠦ ᠯᠡ ᠪᠣᠯᠵᠤ ᠳᠠ᠃ ᠪᠣᠭᠳᠠ ᠵᠢᠪᠵᠤᠨᠳᠠᠮᠪᠠ ᠬᠣᠳᠣᠭᠲᠣ᠌ ᠨᠢᠭᠡᠶᠢ ᠮᠡᠳᠡᠵᠦ ᠪᠠᠢᠭᠠ ᠪᠠᠢᠬᠠ ᠳᠠ ᠭᠡᠵᠦ ᠭᠤᠮᠤᠳᠠᠯ ᠲᠠᠢ ᠬᠡᠯᠡᠪᠡ᠃
– ᠮᠣᠩᠭᠣᠯ ᠬᠥᠮᠥᠨ ᠠᠮᠠᠨᠤ ᠪᠡᠯᠡᠭᠢᠶᠡᠷ ᠭᠡᠵᠦ ᠡᠨᠡ ᠳᠠ᠃ ᠰᠠᠶᠢᠬᠠᠨ ᠯᠡ ᠶᠠᠷᠢᠵᠤ ᠪᠠᠢᠭ᠍ᠰᠠᠨ᠃ ᠣᠳᠣ᠌ ᠴᠤ᠌ ᠨᠤᠲᠤᠭᠲᠠᠭᠠᠨ ᠬᠠᠷᠢᠨᠠ ᠳᠠ ᠭᠡᠵᠦ ᠨᠥᠭᠥᠭᠡ ᠠᠬᠢᠮᠠᠭ ᠨᠠᠰᠤᠨᠤ ᠴᠡᠷᠢᠭ ᠬᠡᠯᠡᠪᠡ᠃
ᠳᠣᠷᠵᠢ ᠬᠠᠷᠢᠭᠤ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠃ ᠢᠯᠠᠵᠤ ᠪᠠᠢᠭ᠍ᠰᠠᠨ ᠳᠠᠢᠨᠢᠶᠡᠨ ᠵᠣᠭᠰᠣᠭᠠᠳ᠂ ᠡᠵᠡᠯᠡᠵᠦ ᠠᠪᠤᠭᠰᠠᠨ ᠭᠠᠵᠠᠷᠢᠶᠠᠨ ᠬᠠᠶᠠᠭᠠᠠᠳ ᠪᠤᠴᠠᠬᠤ ᠨᠢ ᠰᠢᠪᠰᠢᠭ᠌ ᠲᠠᠢ ᠬᠡᠷᠡᠭ ᠰᠢᠭ᠌ ᠪᠣᠳᠣᠭᠳᠠᠵᠤ ᠪᠠᠢᠭ᠍ᠰᠠᠨ ᠪᠣᠯᠪᠠᠴᠤ ᠨᠢᠭᠡᠨᠳᠡ ᠡᠨᠡ ᠪᠤᠯ ᠪᠤᠭᠳᠠᠶᠢᠨ ᠵᠠᠷᠯᠢᠭ᠋ ᠪᠣᠯᠬᠣᠷ ᠪᠤᠷᠤᠭᠤ ᠶᠤᠮ ᠭᠡᠵᠦ ᠬᠡᠯᠡᠬᠦ ᠬᠦᠰᠡᠯ ᠪᠠᠢᠭ᠍ᠰᠠᠨ ᠦᠭᠡᠢ᠃ ᠪᠣᠭᠳᠠ ᠵᠢᠪᠵᠤᠨᠳᠠᠮᠪᠠ ᠨᠠᠳᠠᠡᠴᠡ ᠢᠯᠡᠭᠦᠦ ᠮᠡᠳᠡᠵᠦ ᠪᠠᠢᠭᠠ ᠪᠣᠯᠬᠣᠷ ᠢᠩᠬᠢᠬᠦ ᠯᠡ ᠶᠣᠰᠣᠲᠠᠢ ᠪᠠᠢᠭ᠍ᠰᠠᠨ ᠶᠤᠮ ᠪᠠᠢᠬᠠ ᠭᠡᠵᠦ ᠬᠦᠴᠦᠯᠡᠨ ᠬᠠᠷᠠᠮᠰᠠᠬᠤ᠂ ᠬᠠᠢᠷᠠᠯᠠᠬᠤ ᠰᠡᠳᠬᠢᠯ ᠨᠢ ᠣᠣᠯ ᠶᠠᠪᠤᠳᠠᠯᠢ ᠲᠠᠬᠢᠨ ᠲᠠᠬᠢᠨ ᠪᠣᠳᠤᠭᠳᠠᠭᠤᠯᠤᠨᠠ᠃
ᠬᠡᠳᠦᠨ ᠡᠳᠦᠷᠦᠨ ᠳᠠᠷᠠᠭᠠ ᠮᠣᠩᠭᠣᠯᠤᠨ ᠴᠡᠷᠢᠭ ᠨᠤᠲᠤᠭᠤᠨ ᠵᠦᠭ ᠬᠦᠳᠡᠯᠬᠦᠳᠦ ᠪᠠᠢᠷᠢᠨ ᠳᠡᠭᠡᠷᠡ ᠨᠢ ᠵᠢᠵᠢᠭ᠌ ᠵᠢᠵᠢᠭ᠌ ᠪᠣᠭᠣᠳᠠᠯᠲᠠᠢ ᠬᠠᠳᠠᠭᠰᠠᠨ ᠴᠠᠭᠠᠨ ᠮᠥᠭᠥ ᠡᠨᠳᠡ ᠲᠡᠨᠳᠡ ᠦᠭᠡᠢ ᠬᠠᠷᠠᠵᠤ ᠵᠤᠭᠰᠤᠨᠠ᠃ ᠡᠨᠡ ᠪᠦᠬᠦᠨᠢ ᠬᠠᠷᠠᠭᠠᠳ << ᠠᠬᠠ ᠳᠡᠭᠦᠦ ᠨᠠᠷ ᠮᠢᠨᠢ ᠪᠣᠭᠳᠠ ᠵᠢᠪᠵᠤᠨᠳᠠᠮᠪᠠ ᠬᠤᠳᠤᠭᠲᠤ ᠨᠢᠭᠡ ᠶᠠᠭᠤᠮᠠ ᠪᠤᠯᠭᠠᠵᠤ ᠪᠠᠢᠭᠠ >> ᠭᠡᠵᠦ ᠬᠠᠰᠬᠢᠷᠤᠮᠠᠷ ᠰᠠᠨᠠᠭᠳᠠᠵᠤ ᠪᠠᠢᠪᠠ᠃
ᠠᠷᠤᠶᠢᠨ ᠡᠩᠨᠡᠭᠡ ᠳ᠋ᠤᠨᠢ ᠭᠡᠷᠲᠡᠬᠡᠨ ᠬᠠᠷᠢᠵᠤ᠂ ᠡᠬᠡᠨᠠᠷ ᠬᠡᠦᠬᠡᠳ ᠲᠠᠢᠪᠠᠨ ᠠᠮᠢᠳᠤ ᠮᠡᠨᠳᠦ ᠠᠭᠤᠯᠵᠠᠭᠰᠠᠨᠤ ᠪᠠᠶᠠᠷ ᠬᠢᠬᠦ ᠲᠤᠬᠠᠢ ᠶᠠᠷᠢᠵᠤ ᠶᠠᠪᠤᠭᠰᠠᠨ ᠨᠢᠭᠡᠨ ᠴᠡᠷᠢᠭᠦᠨ ᠳᠠᠭᠤ ᠤᠯᠠᠨ ᠵᠢᠯ ᠰᠠᠭᠤᠭᠰᠠᠨ ᠥᠭᠡᠯᠡᠭᠡ ᠡᠬᠡᠨᠠᠷᠤᠨᠢᠶᠠᠨ ᠳᠠᠭᠤᠶᠢ ᠥᠯᠦᠰᠴᠦ ᠢᠷᠡᠭᠡᠳ ᠬᠤᠭᠤᠯᠠ ᠢᠳᠡᠵᠦ ᠪᠠᠢᠬᠤᠳᠠᠭᠠᠨ ᠰᠤᠨᠤᠰᠴᠤ ᠪᠠᠢᠭᠠ ᠬᠦᠮᠦᠨᠦ ᠰᠡᠳᠬᠢᠯᠢ ᠳᠣᠷᠵᠢᠳᠤ ᠲᠥᠷᠦᠭᠦᠯᠵᠦ ᠪᠠᠢᠪᠠ᠃
ᠳᠣᠷᠵᠢ ᠤᠷᠢᠳᠤ ᠭᠠᠨᠵᠤᠭᠠᠪᠠᠨ ᠥᠪᠡᠷᠢᠶᠡᠨ ᠮᠡᠳᠡᠯ ᠦᠭᠡᠢ ᠣᠷᠣᠯᠳᠣᠵᠣ᠌ ᠶᠠᠪᠤᠭᠠᠳ ᠳᠠᠢᠯᠤᠭᠰᠠᠨᠳᠤ ᠬᠡᠦᠳᠡᠢ ᠲᠠᠢ ᠮᠥᠭᠦ ᠨᠢ ᠫᠠᠳᠬᠢᠨ ᠤᠨᠠᠬᠤᠳᠦ ᠮᠣᠷᠢ ᠨᠢ ᠦᠷᠭᠦᠨ ᠤᠬᠤᠰᠬᠢᠭ᠍ᠰᠠᠨ ᠪᠤᠯᠪᠠᠴᠦ ᠲᠡᠳᠦᠢᠯᠡ ᠶᠠᠭᠤᠮᠠ ᠪᠤᠯᠤᠭᠰᠠᠨ ᠦᠭᠡᠢ᠃
ᠤᠯᠠᠨ ᠮᠤᠷᠢᠨᠤ ᠰᠡᠬᠦᠯ ᠬᠦᠯᠳᠦ ᠪᠣᠰᠣᠭᠰᠠᠨ ᠬᠠᠭᠤᠷᠠᠢ ᠲᠣᠭᠣᠰᠤ ᠬᠠᠮᠠᠷ ᠠᠮᠠ ᠤᠷᠤᠭᠤ ᠨᠢ ᠣᠷᠤᠵᠤ᠂ ᠬᠥᠯᠦᠰᠦ ᠲᠠᠢ ᠵᠢᠭᠤᠷᠠᠯᠳᠤᠨ᠂ ᠦᠳᠡᠶᠢᠨ ᠨᠠᠷᠠ ᠳᠡᠭᠡᠷᠡᠡᠴᠡ ᠰᠢᠷᠡᠪᠵᠤᠩᠨᠠᠢ ᠵᠤᠨᠤ ᠴᠠᠭᠲᠦ ᠲᠣᠮᠤ ᠲᠣᠭᠣᠭᠠᠨᠳᠤ ᠪᠣᠣᠪᠤ ᠴᠢᠨᠠᠵᠤ ᠪᠠᠢᠭᠠ ᠵᠢᠵᠢᠭᠭᠡᠨ ᠭᠡᠷ ᠮᠡᠳᠦ ᠪᠦᠭᠴᠢᠮ ᠪᠠᠢᠯᠠ᠃
ᠳᠣᠷᠵᠢ ᠡᠨᠡ ᠪᠦᠬᠦᠨᠢᠶᠡᠨ ᠬᠤᠶᠠᠭᠲᠦ ᠶᠠᠷᠢᠵᠤ᠂ ᠭᠣᠨᠢᠭ᠋ ᠲᠠᠢᠪᠠᠷ ᠤᠷᠲᠤ ᠰᠠᠨᠠᠭᠠ ᠠᠯᠳᠠᠭᠠᠳ << ᠪᠠᠭᠠᠳᠤᠷ ᠴᠠᠭᠠᠨ ᠬᠠᠭᠠᠨᠤ ᠪᠠᠷᠠᠭᠤᠨ ᠭᠠᠷᠤᠨ ᠲᠦᠰᠢᠮᠡᠯ ᠺᠥᠷᠦᠰᠲ᠋ᠤᠢ ᠨᠤᠶᠠᠨ ᠭᠡᠭᠴᠢ ᠳᠠ ᠯᠠᠮᠠ᠂ ᠴᠢᠩ ᠰᠦᠰᠦᠭᠲᠦ ᠴᠢᠨ ᠸᠠᠩ ᠴᠡᠷᠢᠨᠴᠢᠮᠡᠳᠢ ᠶᠤᠰᠤ ᠵᠢᠷᠤᠮ ᠦᠭᠡᠢ᠂ ᠮᠠᠭᠤᠬᠠᠢ ᠬᠠᠷᠢᠶᠠᠵᠤ᠂ ᠥᠭᠭᠦᠭᠰᠡᠨ ᠪᠢᠴᠢᠭ᠌ᠢ ᠨᠢ ᠪᠠᠵᠠᠭᠠᠳ ᠨᠢᠭᠤᠷ ᠤᠷᠤᠭᠤ ᠨᠢ ᠰᠢᠳᠡᠭᠰᠡᠨ ᠭᠡᠨᠡ᠃ ᠶᠡᠷᠦᠨᠢ ᠪᠢᠳᠡᠨᠢ ᠬᠢᠲᠠᠳ᠂ ᠣᠷᠣᠰ ᠬᠤᠶᠠᠷ ᠬᠠᠪᠰᠠᠢᠳᠠᠬᠤ ᠰᠠᠨᠠᠭᠠ ᠲᠠᠢ ᠳ᠋ᠠᠭ ᠰᠢᠦ >> ᠭᠡᠪᠡ᠃
– ᠬᠣᠶᠠᠭᠤᠯᠠᠶᠢ ᠨᠢ ᠪᠠᠷᠢᠯᠳᠤᠭᠤᠯᠴᠢᠬᠠᠬᠤ ᠠᠷᠭᠠ ᠪᠠᠢᠳᠠᠭ ᠦᠭᠡᠢ ᠶᠤᠮ ᠪᠠᠢᠬᠠ ᠳᠠ ᠭᠡᠵᠦ ᠬᠤᠶᠠᠭ ᠬᠡᠯᠡᠵᠠᠢ᠃
– ᠪᠠᠢᠬᠤ ᠦᠭᠡᠢ ᠪᠤᠯᠤᠯᠲᠠᠢ᠃ ᠠᠷᠤ ᠬᠢᠶᠠᠭᠲᠣ᠌ᠳᠤ ᠮᠠᠨᠤ ᠤᠯᠤᠰᠢ ᠬᠢᠲᠠᠳᠤᠨ ᠨᠢᠭᠡ ᠬᠡᠰᠡᠭ ᠭᠠᠵᠠᠷ ᠭᠡᠵᠤ ᠪᠢᠴᠢᠭ᠌ ᠬᠢᠭᠡᠳ ᠭᠠᠷᠤᠨ ᠦᠰᠦᠭ ᠵᠢᠷᠤ ᠭᠡᠬᠦ ᠳ᠋ᠤᠨᠢ ᠮᠠᠩᠯᠠᠢ ᠸᠠᠩ ᠳᠠᠮᠳᠢᠨᠰᠦ᠋ᠷᠦᠩ ᠡᠪᠦᠭᠡᠳ ᠳᠡᠭᠡᠳᠦᠰᠦᠨ ᠲᠥᠷᠦᠵᠦ ᠥᠰᠦᠭᠰᠡᠨ ᠨᠤᠲᠤᠭᠢᠶᠠᠨ ᠬᠠᠷᠢ ᠤᠯᠤᠰᠲᠤ ᠦᠭᠭᠦᠭᠰᠡᠨ ᠪᠤᠵᠠᠷ ᠪᠢᠴᠢᠭ᠌ᠲᠦ ᠭᠠᠷᠤᠨ ᠬᠤᠸᠠᠶᠤᠤᠷ ᠵᠢᠷᠤᠵᠤ᠂ ᠲᠦᠮᠡᠨ ᠦᠶᠡ ᠵᠢᠭᠰᠢᠭᠳᠡᠬᠦ ᠨᠡᠷᠡ ᠲᠠᠢ ᠪᠣᠯᠬᠤ ᠦᠭᠡᠢ ᠭᠡᠳ ᠰᠡᠯᠡᠮᠡᠪᠡᠨ ᠠᠭᠰᠢᠭ᠍ᠰᠠᠨ ᠴᠢᠨᠢ ᠪᠣᠴᠠᠭᠠᠭᠠᠳ ᠶᠠᠪᠤᠭᠤᠯᠤᠭᠰᠠᠨ ᠭᠡᠨᠡ᠃ ᠮᠠᠩᠯᠠᠢ ᠸᠠᠩ ᠴᠤ᠌ ᠠᠷᠭᠠ ᠦᠭᠡᠢ ᠯᠡ ᠡᠷᠡ ᠬᠦᠮᠦᠨ ᠶᠤᠮ ᠳᠠ ᠬᠥᠭᠡᠷᠦᠬᠦᠢ ᠭᠡᠵᠦ ᠲᠥᠷᠦᠶᠢᠨ ᠶᠠᠪᠤᠳᠠᠯᠤᠨ ᠲᠤᠬᠠᠢ ᠰᠤᠨᠤᠰᠦᠭ᠍ᠰᠠᠨ ᠶᠠᠷᠢᠶᠠᠪᠠᠨ ᠳᠣᠷᠵᠢ ᠳᠠᠭᠤᠰᠬᠠᠪᠠ᠃
ᠬᠤᠶᠠᠭ ᠬᠦᠷᠢᠶᠡᠨᠳᠦ ᠲᠠᠨᠢᠬᠤ ᠠᠢᠯ ᠦᠭᠡᠢ ᠲᠡᠨᠦᠭᠦᠴᠢᠯᠡᠨ ᠭᠤᠢᠯᠢᠨᠴᠢᠯᠠᠵᠤ ᠶᠠᠪᠤᠭᠠ ᠠᠮᠢᠳᠤᠷᠠᠯᠢᠶᠠᠨ ᠨᠥᠬᠥᠷᠲᠡᠬᠡᠨ ᠶᠠᠷᠢᠬᠤᠳᠤ << ᠴᠢᠮᠠᠶᠢ ᠪᠢ ᠲᠠᠨᠢᠳᠠᠭ ᠠᠢᠯᠳᠠᠭᠠᠨ ᠬᠦᠷᠭᠡᠵᠦ ᠥᠭᠭᠦᠶᠡ᠃ ᠪᠠᠰᠠ ᠡᠭᠦᠨᠢ ᠠᠪ >> ᠭᠡᠳ ᠲᠤᠰᠤ ᠪᠤᠯᠤᠭᠰᠠᠨ ᠠᠯᠴᠢᠭᠤᠷᠲᠦ ᠪᠤᠭᠤᠭᠰᠠᠨ ᠠᠷᠪᠠᠨ ᠮᠥᠩᠭᠦᠨ ᠶᠠᠩᠴᠢᠶᠠᠨᠢᠶᠠᠨ ᠥᠭᠪᠡ᠃
– ᠶᠡᠷᠦᠨᠢ ᠴᠢ ᠪᠣᠭᠳᠠ ᠡᠵᠡᠨᠳᠦ ᠭᠠᠪᠢᠶᠠ ᠠᠢᠯᠠᠳᠬᠠᠪᠠᠯ ᠯᠠᠪ ᠵᠦᠭᠡᠷ ᠥᠩᠭᠡᠷᠡᠬᠦ ᠦᠭᠡᠢ᠃ ᠨᠥᠭᠦᠭᠡ ᠮᠠᠨᠤ ᠵᠠᠭᠤᠲᠤᠶᠢᠨ ᠶᠠᠷᠢᠮᠫᠠᠯ ᠪᠠᠭᠠᠲᠤᠷ ᠪᠣᠯᠣᠭᠰᠠᠨ᠂ ᠪᠢ ᠴᠤ᠌ ᠪᠠᠰᠠ ᠯᠡ ᠭᠤᠷᠢᠳᠠᠵᠤ ᠪᠠᠢᠭᠠ ᠭᠡᠵᠤ ᠳᠣᠷᠵᠢ ᠴᠡᠭᠡᠵᠢᠪᠡᠨ ᠬᠦᠳᠡᠯᠭᠡᠨ ᠬᠡᠯᠡᠪᠡ᠃
ᠬᠤᠶᠠᠭ ᠬᠠᠷᠢᠭᠤ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ ᠪᠣᠰᠪᠠ᠃ ᠢᠩᠬᠢᠭᠡᠳ ᠲᠡᠷᠡ ᠬᠤᠶᠠᠷ ᠳᠤᠷᠵᠢᠶᠢᠨ ᠲᠠᠨᠢᠳᠠᠭ ᠠᠢᠯᠳᠤ ᠤᠴᠢᠬᠤᠪᠠᠷ ᠶᠠᠪᠤᠯᠠ᠃
ᠬᠦᠷᠢᠶᠡᠨᠦ ᠬᠠᠯᠠᠭᠤᠨ ᠤᠯᠠᠮ ᠶᠡᠬᠡ ᠪᠤᠯᠵᠤ ᠥᠮᠡᠬᠡᠢ ᠰᠢᠪᠠᠷ ᠬᠠᠮᠠᠷ ᠬᠣᠷᠣᠰᠬᠠᠨ᠂ ᠪᠡᠶᠡ ᠬᠤᠪᠴᠠᠰᠦ ᠬᠤᠶᠠᠷ ᠴᠠᠪᠠᠦᠪᠠᠷ ᠨᠠᠭᠠᠯᠳᠤᠭᠤᠯᠤᠭᠰᠠᠨ ᠮᠡᠲᠦ ᠵᠢᠭᠤᠷᠠᠯᠳᠤᠨᠠ᠃
