ᠲᠤᠩᠭᠠᠯᠠᠭ ᠲᠠᠮᠢᠷ
– ᠴ᠂ ᠯᠤᠳᠤᠢᠳᠠᠮᠪᠠ
ᠨᠢᠭᠡᠳᠦᠭᠡᠷ ᠪᠦᠯᠦᠭ
ᠬᠤᠶᠠᠷ ᠬᠠᠩᠭᠠᠢᠶᠢᠨ ᠨᠤᠲᠤᠭ
ᠬᠦᠷᠡᠩᠳᠦᠵᠦ ᠨᠠᠢᠭᠤᠭᠠᠳ ᠪᠠᠢᠨᠠ
ᠬᠤᠰᠢᠭᠤᠨᠤ ᠤᠯᠠᠨ ᠲᠠᠮᠢᠷ
ᠰᠠᠨᠠᠭᠳᠠᠬᠤᠶᠠ ᠶᠠᠩᠵᠤ ᠲᠠᠢ᠃
(ᠠᠷᠠᠳᠤᠨ ᠳᠠᠭᠤᠤ)
ᠲᠤᠩᠭᠠᠯᠠᠭ ᠲᠠᠮᠢᠷᠤᠨ ᠵᠦᠯᠭᠡᠨ ᠳ᠋ᠤᠨᠢ
ᠵᠦᠢᠯᠤᠨ ᠦᠩᠭᠡᠶᠢᠨ ᠮᠠᠨᠢ ᠴᠡᠴᠡᠭ
ᠲᠤᠷᠳᠤᠮᠠᠯ ᠬᠤᠷᠴᠠ ᠨᠠᠷᠠᠨᠤ ᠭᠡᠷᠡᠯᠢᠶᠡᠷ
ᠲᠤᠭᠲᠠᠵᠤ ᠶᠠᠳᠠᠨ ᠭᠠᠩᠬᠤᠨᠠ᠃
ᠳᠠᠰᠴᠤ ᠲᠠᠨᠢᠭ᠍ᠰᠠᠨ ᠨᠦᠬᠦᠳ ᠲᠠᠢ ᠪᠡᠨ
ᠳᠠᠩᠳᠠ ᠵᠢᠷᠭᠠᠳᠠᠭ ᠴᠤ᠌ ᠪᠤᠯᠤᠭᠠᠰᠠᠢ᠃
(ᠠᠷᠠᠳᠤᠨ ᠳᠠᠭᠤᠤ)
ᠡᠷᠪᠡᠭᠡᠷ ᠪᠠᠭᠠᠬᠠᠨ ᠬᠦᠷᠡᠩᠢᠪᠡᠨ
ᠡᠴᠡᠨᠡ ᠭᠡᠵᠦ ᠰᠠᠨᠠᠭᠠ ᠦᠭᠡᠢ
ᠡᠨᠡᠬᠡᠨ ᠬᠤᠶᠠᠷ ᠰᠡᠳᠬᠢᠯᠢ
ᠭᠠᠵᠢᠨᠠ ᠴᠤ᠌ ᠭᠡᠵᠦ ᠰᠠᠨᠠᠭᠰᠠᠨ ᠦᠭᠡᠢ᠃
(ᠠᠷᠠᠳᠤᠨ ᠳᠠᠭᠤᠤ)
ᠠᠴᠢᠲᠤ ᠡᠴᠢᠭᠡᠶᠢᠨ ᠳᠤᠷᠠᠰᠬᠠᠯᠳᠦ ᠵᠤᠷᠢᠭᠤᠯᠪᠠ
ᠨᠢᠭᠡ — ᠨᠢᠭᠡ
ᠤᠯᠠᠨᠠ ᠡᠷᠭᠦᠭᠳᠡᠭᠰᠡᠨᠦ ᠳᠦᠲᠦᠭᠡᠷ ᠤ᠌ᠨᠤ ᠵᠤᠨᠤ ᠡᠬᠢᠨ ᠰᠠᠷᠠᠶᠢᠨ ᠨᠢᠭᠡᠨ ᠡᠳᠦᠷ ᠶᠡᠬᠡ ᠲᠠᠮᠢᠷᠤᠨ ᠬᠤᠢᠭᠤᠷ ᠭᠠᠷᠤᠭᠰᠠᠨ ᠵᠠᠮᠢᠶᠠᠷ ᠭᠤᠴᠢ ᠤᠷᠴᠢᠮ ᠨᠠᠰᠤᠨᠤ ᠬᠠᠷᠠ ᠬᠦᠮᠦᠨ᠂ ᠨᠡᠯᠢᠶᠡᠳ ᠠᠴᠢᠶᠠ ᠲᠠᠢ ᠮᠤᠷᠢᠨ ᠲᠡᠷᠭᠡ ᠬᠦᠲᠦᠯᠦᠭᠡᠳ ᠶᠠᠪᠤᠵᠤ ᠪᠠᠢᠪᠠ᠃
ᠨᠠᠷᠠ ᠰᠠᠯᠬᠢᠨᠳᠤ ᠭᠠᠩᠳᠠᠵᠤ᠂ ᠭᠬᠢᠷ ᠬᠦᠯᠦᠰᠦᠨᠳᠤ ᠨᠡᠪᠲᠡᠷᠡᠵᠦ ᠤᠷᠠᠭᠳᠠᠭᠰᠠᠨ ᠳᠡᠪᠡᠯᠢᠶᠡᠨ ᠶᠢᠰᠦᠨ ᠦᠩᠭᠡᠶᠢᠨ ᠶᠠᠭᠤᠮᠠᠪᠡᠷ ᠨᠦᠬᠦᠭᠰᠡᠨ ᠪᠤᠯᠬᠤᠷ ᠶᠠᠮᠠᠷ ᠡᠳ᠋ᠢᠶᠡᠷ ᠬᠢᠭᠰᠡᠨ ᠨᠢ ᠮᠡᠳᠡᠭᠳᠡᠬᠦ ᠠᠷᠭᠠ ᠦᠭᠡᠢ ᠠᠵᠠᠢ᠃
ᠬᠠᠩᠬᠠᠭᠠᠷ ᠳᠦᠷᠪᠡᠯᠵᠢᠨ ᠮᠦᠷᠦᠨᠳᠡᠭᠡᠨ ᠤᠲᠤᠭᠠ ᠪᠤᠯᠤᠭᠰᠠᠨ ᠴᠠᠬᠢᠭᠤᠷ ᠫᠤᠤ ᠬᠦᠨᠳᠡᠯᠡᠨ ᠡᠭᠦᠷᠴᠦ᠂ ᠳᠠᠭᠠᠬᠢᠷᠠᠭᠰᠠᠨ ᠪᠦᠳᠦᠭᠦᠨ ᠬᠠᠷᠠ ᠭᠡᠵᠢᠭᠡᠪᠡᠨ ᠳᠠᠷᠠᠢᠭ᠍ᠰᠠᠨ ᠬᠠᠭᠤᠴᠢᠨ ᠬᠦᠬᠡ ᠶᠠᠩᠪᠤ ᠠᠯᠴᠢᠭᠤᠷᠢᠶᠠᠷ ᠰᠢᠭᠤᠵᠠᠢ᠃ ᠰᠢᠷᠤᠢᠳᠤ ᠪᠤᠭᠤᠷᠤᠯ ᠪᠤᠯᠤᠭᠰᠠᠨ ᠦᠳᠬᠡᠨ ᠬᠠᠷᠠ ᠬᠦᠮᠦᠰᠭᠡᠨ ᠲᠤᠤᠷᠠᠬᠢ ᠲᠤᠮᠣ᠌ ᠭᠡᠭᠴᠢᠶᠢᠨ ᠳᠦᠷᠯᠡᠭᠡᠷ ᠨᠢᠳᠦ ᠨᠢ ᠤᠳᠠᠭᠠᠨ ᠴᠠᠪᠴᠢᠯᠠᠵᠤ᠂ ᠬᠦᠯᠦᠰᠦ ᠳᠠᠭᠠᠪᠤᠷᠯᠠᠭᠰᠠᠨ ᠬᠦᠷᠡᠩ ᠨᠢᠭᠤᠷ ᠲᠤᠨᠢ ᠤᠷᠲᠤ ᠵᠠᠮᠤᠨ ᠠᠯᠵᠢᠶᠠᠯ ᠢᠯᠡᠷᠡᠵᠦ᠂ ᠭᠦᠨ ᠪᠤᠳᠤᠯᠳᠤ ᠠᠪᠲᠠᠭᠳᠠᠨ ᠭᠦᠷᠯᠡᠢᠬᠦᠶᠢ ᠬᠠᠷᠠᠪᠠᠯ ᠶᠠᠳᠠᠷᠠᠭᠰᠠᠨ ᠪᠤᠶᠤ ᠠᠭᠤᠷᠯᠠᠭᠰᠠᠨ ᠠᠯᠢᠨ ᠪᠤᠯᠬᠤ ᠨᠢ ᠮᠡᠳᠡᠭᠳᠡᠮᠡ ᠦᠭᠡᠢ ᠠᠵᠠᠢ᠃ ᠡᠨᠡ ᠬᠦᠮᠦᠨ ᠳᠠᠬᠢᠨ ᠳᠠᠬᠢᠨ ᠡᠷᠭᠢᠵᠦ ᠬᠠᠷᠠᠨ᠂ ᠵᠠᠷᠢᠮᠳᠠᠭᠠᠨ ᠵᠤᠭᠰᠤᠨ᠂ ᠠᠴᠢᠶᠠ ᠪᠡᠨ ᠵᠠᠰᠠᠨ ᠶᠠᠪᠤᠭᠰᠠᠭᠠᠷ ᠤᠷᠤᠢᠶᠢᠨ ᠨᠠᠷᠠ ᠠᠭᠤᠯᠠᠶᠢᠨ ᠲᠤᠯᠤᠭᠠᠢ ᠰᠢᠭᠦᠷᠡᠬᠦ ᠦᠶᠡᠳᠦ ᠵᠠᠮᠡᠴᠡ ᠭᠠᠷᠴᠤ ᠭᠤᠤᠯᠤᠨ ᠡᠷᠭᠢ ᠴᠢᠭᠯᠡᠪᠡ᠃ ᠳᠡᠷᠭᠡᠤᠪᠠᠨ ᠰᠡᠭᠦᠳᠡᠷᠲᠦ ᠲᠠᠪᠠᠲᠠᠢ ᠵᠠᠪᠢᠯᠠᠨ ᠰᠠᠭᠤᠭᠠᠳ ᠡᠪᠦᠷᠡᠴᠡᠪᠡᠨ ᠮᠤᠳᠤ ᠲᠤᠯᠤᠭᠠᠢ ᠲᠠᠮᠠᠬᠢᠪᠠᠨ ᠲᠠᠲᠠᠵᠤ᠂ ᠤᠲᠤᠭᠠᠶᠢ ᠨᠢ ᠠᠯᠭᠤᠷᠬᠠᠨ ᠦᠯᠢᠶᠡᠨ ᠭᠠᠷᠭᠠᠬᠤ ᠵᠠᠭᠤᠷᠠ ᠨᠤᠭᠤᠭᠠᠨᠤ ᠦᠵᠦᠭᠦᠷ ᠢᠮᠡᠷᠡᠨ ᠤᠷᠤᠯᠳᠤᠨᠠ᠃
ᠡᠨᠡ ᠬᠦᠮᠦᠨᠢ ᠡᠷᠳᠡᠨᠢ ᠭᠡᠳᠡᠭ᠃ ᠵᠠᠰᠠᠭᠲᠤ ᠬᠠᠨᠤ ᠬᠤᠰᠢᠭᠤᠨᠤ ᠣᠯᠭᠤᠨᠤᠳ ᠤᠳᠤᠭᠤᠨ ᠬᠦᠮᠦᠨ᠃ ᠤᠤᠯᠡᠴᠡ ᠡᠴᠢᠭᠡᠡᠴᠡ ᠠᠬᠠ ᠳᠡᠭᠦᠦ ᠬᠤᠶᠠᠭᠤᠯᠠ ᠪᠦᠭᠡᠳ ᠪᠠᠭᠠᠳᠠᠭᠠᠨ ᠦᠨᠦᠴᠢᠷᠡᠨ ᠠᠢᠯ ᠳᠠᠮᠵᠢᠨ ᠵᠠᠷᠤᠭᠳᠠᠵᠤ ᠪᠤᠷᠤ ᠬᠤᠨᠤᠭ ᠦᠩᠭᠡᠷᠡᠭᠦᠯᠦᠨ ᠶᠠᠪᠤᠵᠠᠢ᠃
ᠳᠡᠭᠦᠦ ᠨᠢ ᠲᠡᠮᠦᠷ ᠭᠡᠭᠴᠢ ᠬᠦᠮᠦᠨ ᠪᠤᠢ᠃ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠤᠨᠳᠠᠭᠠᠨ ᠰᠢᠯᠢᠶᠢᠨ ᠰᠠᠢᠨ ᠡᠷᠡᠴᠤᠳ ᠲᠠᠢ ᠨᠡᠢᠯᠡᠵᠦ ᠤᠳᠠᠯ ᠦᠭᠡᠢ ᠡᠷᠡᠮᠡᠭ ᠵᠣᠷᠢᠭ᠋᠂ ᠡᠷᠡ ᠴᠢᠳᠠᠯ᠂ ᠤᠬᠠᠭᠠᠨ ᠰᠠᠨᠠᠭᠠᠪᠠᠷ ᠭᠠᠢᠬᠠᠭᠳᠠᠭᠰᠠᠨ << ᠵᠠᠰᠠᠭᠲᠤ ᠬᠠᠨᠤ ᠴᠠᠬᠢᠭᠤᠷ ᠲᠡᠮᠦᠷ >> ᠭᠡᠵᠦ ᠠᠯᠳᠠᠷᠰᠢᠨ ᠬᠠᠯᠬᠠ ᠲᠦᠷᠪᠡᠨ ᠠᠢᠮᠠᠭ᠂ ᠱᠠᠪᠢ ᠲᠠᠪᠤᠳᠤ ᠳᠤᠮᠤᠭ ᠮᠡᠲᠦ ᠶᠠᠷᠢᠭ᠍ᠳᠠᠳᠠᠭ ᠪᠣᠯᠵᠠᠢ᠃
ᠥᠨᠥ᠍ᠡᠴᠡ ᠭᠤᠷᠪᠠᠨ ᠵᠢᠯᠦᠨ ᠡᠮᠦᠨᠡ᠂ ᠠᠬᠠᠶᠢᠨᠳᠠᠭᠠᠨ ᠭᠦᠨ ᠰᠦᠨᠢ ᠦᠯᠦ ᠲᠠᠨᠢᠬᠤ ᠬᠤᠶᠠᠷ ᠬᠦᠮᠦᠨᠦ ᠬᠠᠮᠲᠤ ᠢᠷᠡᠵᠦ ᠠᠭᠤᠯᠵᠠᠭᠠᠳ ᠦᠷ ᠰᠦᠨᠢ ᠰᠠᠯᠬᠤᠶᠢᠨ ᠦᠶᠡᠳᠦ ᠶᠠᠪᠤᠵᠠᠢ᠃ ᠲᠡᠭᠡᠬᠦᠳᠡᠭᠡᠨ ᠴᠣᠬᠣᠷ ᠶᠤᠸᠠᠮᠪᠤᠤ᠂ ᠤᠷᠤᠰᠤᠨ ᠴᠠᠭᠠᠨ ᠬᠠᠭᠠᠨᠤ ᠴᠥᠯᠭᠥᠪ ᠭᠤᠴᠢᠭᠠᠳᠢ ᠬᠠᠮᠲᠤ ᠦᠭᠴᠡᠢ᠃
ᠲᠡᠭᠦᠨᠡᠴᠡ ᠬᠤᠢᠰᠢ ᠠᠬᠠ ᠳᠡᠭᠦᠦ ᠬᠤᠶᠠᠷ ᠨᠢᠭᠤᠷ ᠤᠴᠠᠷᠠᠭᠠ ᠦᠭᠡᠢ᠃ ᠵᠦᠪᠬᠡᠨ ᠯᠡ ᠰᠤᠷᠠᠭᠢᠶᠠᠷ ᠠᠮᠢᠳᠤ ᠮᠡᠨᠳᠦᠪᠡᠨ ᠮᠡᠳᠡᠯᠴᠡᠵᠦ ᠪᠠᠢᠵᠠᠢ᠃ ᠬᠠᠷᠢᠨ ᠰᠡᠭᠦᠯᠦᠨ ᠵᠢᠯ ᠭᠠᠷᠤᠢᠶᠢᠨ ᠳᠣᠲᠤᠷᠠ ᠡᠷᠳᠡᠨᠢ᠂ ᠳᠡᠭᠦᠦᠶᠢᠨᠢᠶᠡᠨ ᠲᠤᠬᠠᠢ ᠶᠠᠮᠠᠷ ᠴᠤ᠌ ᠰᠤᠷᠠᠭ ᠰᠣᠨᠣᠰᠤᠭᠰᠠᠨ ᠦᠭᠡᠢ᠃ ᠡᠷᠳᠡᠨᠢᠶᠢᠨ ᠦᠪᠡᠷᠦᠨ ᠬᠢᠨᠢ ᠬᠤᠪᠢᠳᠤ ᠭᠡᠪᠡᠯ ᠪᠠᠭᠠᠳᠠᠭᠠᠨ ᠳᠤᠨᠤᠢ ᠲᠠᠢᠵᠢᠶᠢᠨ ᠬᠣᠨᠢ ᠬᠠᠷᠢᠭᠤᠯᠵᠤ᠂ ᠬᠤᠷᠳᠤᠨ ᠮᠣᠷᠢᠶᠢ ᠨᠢ ᠤᠨᠤᠵᠤ ᠪᠠᠢᠬᠤᠳᠠᠭᠠᠨ ᠬᠦᠦ ᠴᠢᠯᠠᠭᠤᠶᠢᠨ ᠬᠢᠨᠢ ᠪᠢᠴᠢᠭ᠌ ᠵᠢᠭᠠᠯᠭᠠᠬᠤᠶᠢᠨ ᠳᠠᠯᠢᠮᠢᠶᠠᠷ ᠪᠢᠴᠢᠭ᠌ ᠰᠤᠷᠴᠤ᠂ ᠤᠤᠯᠡᠴᠡ ᠤᠬᠠᠭᠠᠨ ᠰᠡᠷᠭᠦᠯᠡᠩ ᠪᠤᠯᠬᠤᠷ << ᠣᠶᠤᠨ ᠳᠦᠯᠬᠢᠭᠦᠷ >>᠂ << ᠴᠠᠭᠠᠨ ᠰᠢᠪᠠᠭᠤ >>᠂ << ᠭᠤᠷᠪᠠᠨ ᠤᠯᠤᠰᠤᠨ ᠪᠢᠴᠢᠭ᠌ >>᠂ << ᠠᠯᠳᠠᠨ ᠲᠣᠪᠴᠢ >>ᠡᠴᠡ ᠡᠬᠢᠯᠡᠨ ᠣᠯᠳᠠᠭᠰᠠᠨ ᠶᠠᠭᠤᠮᠠ ᠪᠦᠬᠦᠨᠢ ᠣᠩᠰᠢᠨ᠂ ᠭᠤᠶᠤᠭᠰᠠᠨ ᠬᠦᠮᠦᠨᠳᠦ ᠡᠷᠭᠦᠳᠡᠯ ᠵᠠᠬᠢᠶᠠ ᠪᠢᠴᠢᠵᠦ ᠤᠳᠠᠯ ᠦᠭᠡᠢ << ᠪᠢᠴᠢᠭᠡᠴᠢ ᠡᠷᠳᠡᠨᠢ >> ᠭᠡᠵᠦ ᠨᠤᠲᠤᠭᠲᠠᠭᠠᠨ ᠠᠯᠳᠠᠷᠰᠢᠵᠠᠢ᠃
ᠠᠷᠪᠠᠨ ᠨᠠᠢ᠍ᠮᠠᠨ ᠨᠠᠰᠤᠨᠳᠠᠭᠠᠨ ᠨᠤᠲᠤᠭᠤᠨ ᠳᠣᠯᠭᠠᠷ ᠭᠡᠳᠡᠭ ᠪᠦᠰᠡᠭᠦᠢ ᠲᠠᠢ ᠳᠡᠷᠡ ᠨᠡᠢᠯᠡᠭᠦᠯᠦᠨ ᠭᠡᠷ ᠪᠠᠷᠢᠵᠤ ᠠᠮᠢᠳᠤᠷᠠᠪᠠ᠃ ᠪᠠᠰᠠ ᠠᠷᠪᠠᠭᠠᠳ ᠰᠠᠷᠯᠤᠭ᠂ ᠬᠤᠶᠠᠷ ᠭᠤᠷᠪᠠᠨ ᠤᠨᠤᠬᠤ ᠮᠣᠷᠢ᠂ ᠬᠡᠳᠦᠨ ᠬᠣᠨᠢ ᠲᠠᠢ ᠪᠣᠯᠵᠠᠢ᠃
ᠡᠷᠳᠡᠨᠢ᠂ ᠪᠤᠰᠤᠳ ᠬᠦᠮᠦᠨ ᠰᠢᠭ᠌ ᠵᠤᠪᠠᠬᠤᠳᠠᠭᠠᠨ ᠵᠣᠪᠠᠵᠤ᠂ ᠥᠯᠥᠰᠬᠦᠳᠡᠭᠡᠨ ᠥᠯᠥᠰᠴᠦ᠂ ᠪᠠᠶᠠᠷᠯᠠᠬᠤᠳᠠᠭᠠᠨ ᠪᠠᠶᠠᠷᠯᠠᠭᠠᠳ᠂ ᠬᠣᠷᠤᠰᠬᠤᠳᠠᠭᠠᠨ ᠬᠣᠷᠣᠰᠤᠭᠠᠳ ᠠᠮᠢᠳᠤᠷᠠᠵᠤ ᠪᠣᠯᠬᠤ ᠪᠠᠢᠵᠠᠢ᠃ ᠭᠡᠲᠡᠯᠡ ᠰᠢᠨᠡᠪᠡᠷ ᠰᠢᠷᠡᠭᠡ ᠵᠠᠯᠭᠠᠭᠰᠠᠨ ᠵᠠᠰᠠᠭ ᠬᠠᠨ ᠭᠤᠮᠪᠤᠵᠠᠪᠤᠨ ᠵᠠᠩ ᠠᠪᠤᠷᠢ ᠰᠢᠷᠦᠭᠦᠨ᠂ ᠠᠷᠠᠳ ᠣᠯᠠᠨᠢ ᠵᠣᠪᠠᠭᠠᠬᠤ ᠨᠢ ᠬᠢᠷᠢ ᠬᠡᠮᠵᠢᠶᠡᠡᠴᠡ ᠬᠡᠲᠦᠷᠡᠬᠦᠳᠦ ᠴᠢᠭᠤᠯᠭᠠᠨ ᠳᠠᠷᠤᠭᠠ᠂ ᠮᠣᠩᠭᠣᠯ᠂ ᠮᠠᠨᠵᠤ ᠵᠤᠷᠭᠠᠨᠢ ᠳᠠᠮᠵᠢᠨ ᠵᠠᠷᠭᠣᠯᠳᠤᠪᠠ᠃
ᠭᠡᠪᠡᠴᠦ ᠨᠣᠶᠠᠨ ᠲᠠᠢ ᠥᠰᠢᠶᠡ ᠲᠠᠢ ᠪᠣᠯ ᠬᠣᠩᠭᠣ᠌ ᠦᠭᠡᠢ᠂ ᠨᠤᠬᠠᠢ ᠲᠠᠢ ᠦᠰᠢᠶᠡ ᠲᠠᠢ ᠪᠣᠯ ᠬᠣᠷᠮᠣᠢ ᠦᠭᠡᠢ ᠭᠡᠳᠡᠭ ᠳᠡᠮᠡᠢ ᠦᠭᠡ ᠪᠢᠰᠢ ᠪᠤᠯᠬᠤᠷ ᠭᠣᠮᠪᠣᠵᠠᠪ ᠬᠣᠰᠢᠭᠣᠨᠤ ᠬᠥᠷᠥᠩᠭᠡᠪᠡᠷ ᠬᠥᠯ ᠬᠦᠷᠬᠦ ᠭᠠᠵᠠᠷ ᠪᠦᠬᠦᠨᠳᠦ ᠬᠡᠭᠡᠯᠢ ᠬᠠᠬᠤᠤᠯᠢ ᠴᠢᠳᠬᠤᠵᠤ ᠪᠠᠢᠭᠠᠳ ᠡᠵᠡᠨ ᠨᠣᠶᠠᠨ ᠲᠠᠢᠪᠠᠨ ᠬᠠᠷᠭᠤᠯᠳᠤᠭᠰᠠᠨ ᠳᠡᠷᠰᠭᠦᠳ ᠠᠯᠪᠠᠲᠤᠶᠢ ᠤᠯᠢᠶᠠᠰᠤᠲᠠᠢᠶᠢᠨ ᠪᠠᠲᠤ ᠭᠦᠨᠳᠦ ᠬᠣᠷᠢᠪᠠ᠃ ᠲᠡᠨᠳᠡ ᠦᠰᠦ ᠪᠥᠭᠡᠰᠦᠨᠳᠡᠭᠡᠨ ᠪᠠᠷᠢᠭ᠍ᠳᠠᠨ ᠵᠢᠯ ᠭᠠᠷᠤᠢ ᠪᠣᠯᠵᠤ ᠪᠠᠢᠳᠠᠯᠠ ᠮᠣᠩᠭᠣᠯ ᠤᠯᠤᠰ ᠮᠠᠨᠵᠤᠡᠴᠡ ᠲᠤᠰᠠᠭᠠᠷᠯᠠᠨ ᠪᠣᠭᠳᠠ ᠵᠢᠪᠵᠤᠨᠳᠠᠮᠪᠠ ᠬᠣᠳᠣᠭᠲᠣ᠌ ᠲᠥᠷᠥ᠍ ᠱᠠᠰᠢᠨᠢ ᠬᠣᠣᠰᠯᠠᠭᠤᠯᠤᠨ ᠪᠠᠷᠢᠭ᠍ᠴᠢ ᠨᠠᠷᠠᠨᠭᠡᠷᠡᠯᠲᠦ ᠲᠦᠮᠡᠨ ᠨᠠᠰᠤᠲᠤ ᠡᠵᠡᠨ ᠪᠤᠯᠤᠭᠠᠳ ᠥᠷᠦᠰᠢᠶᠡᠯ ᠲᠥᠭᠡᠭᠡᠵᠦ ᠡᠷᠳᠡᠨᠢ ᠭᠢᠨᠳᠠᠨᠡᠴᠡ ᠭᠠᠷᠴᠠᠢ᠃
ᠪᠠᠲᠤ ᠭᠦᠨᠳᠦ ᠰᠠᠭᠤᠵᠤ ᠪᠠᠢᠬᠤᠳᠠᠭᠠᠨ ᠳᠡᠭᠦᠦ ᠲᠠᠢ ᠨᠢ ᠬᠠᠮᠲᠤ ᠭᠣᠪᠢ ᠮᠡᠷᠭᠡᠨ ᠸᠠᠩᠤᠨ ᠨᠤᠶᠠᠨᠤ ᠰᠦᠷᠦᠭᠡᠴᠡ ᠲᠠᠰᠤᠯᠤᠨ ᠬᠥᠭᠡᠭᠡᠵᠦ᠂ ᠴᠡᠴᠡᠨ ᠰᠠᠷᠳᠠᠭᠤᠯᠤᠨ ᠬᠤᠰᠢᠭᠤᠨᠳᠤ ᠳᠠᠮᠵᠢᠭᠤᠯᠵᠤ ᠪᠠᠢᠭ᠍ᠰᠠᠨ ᠨᠢᠭᠡ ᠡᠷᠡ ᠲᠠᠢ ᠲᠠᠭᠠᠷᠠᠯᠳᠤᠵᠤ ᠲᠡᠮᠦᠷᠦᠨ ᠲᠤᠬᠠᠢ ᠡᠳᠦᠢ ᠲᠡᠳᠦᠢ ᠳᠤᠮᠤᠭ ᠰᠢᠭ᠋ ᠶᠠᠷᠢᠶᠠ ᠰᠤᠨᠤᠰᠴᠠᠢ᠃
– ᠮᠣᠷᠢᠨᠤ ᠰᠠᠢᠨᠢ ᠬᠠᠷᠠᠩᠭᠣᠳᠠ ᠲᠠᠨᠢᠳᠠᠭ᠂ ᠰᠠᠨᠠᠭᠠ ᠨᠢ ᠰᠦ ᠰᠢᠭ᠌᠂ ᠴᠢᠳᠠᠯ ᠨᠢ ᠬᠠᠷᠠ ᠬᠤᠯᠠᠨ ᠰᠢᠭ᠋ ᠡᠷᠡ ᠳᠠ᠃ ᠳᠤᠯᠤᠭᠠᠨ ᠬᠣᠨᠣᠭᠤᠨ ᠥᠯᠢᠶᠢ ᠳᠠᠭᠤᠯᠠᠵᠤ ᠪᠠᠢᠭᠠᠳ ᠳᠠᠪᠠᠳᠠᠭ ᠬᠦᠮᠦᠨ᠂ ᠳᠠᠯᠠᠨ ᠥᠷᠳᠡᠭᠡ ᠭᠠᠵᠠᠷᠢ ᠳᠥᠷᠦᠭᠡᠨ ᠳᠡᠭᠡᠷᠡᠪᠡᠨ ᠲᠤᠭᠤᠯᠳᠠᠭ ᠡᠷᠡ ᠭᠡᠬᠦ ᠵᠡᠷᠭᠡᠪᠡᠷ ᠲᠡᠮᠦᠷᠢ ᠱᠠᠭ᠍ᠰᠢᠨ ᠮᠠᠭᠲᠠᠵᠠᠢ᠃
ᠡᠷᠳᠡᠨᠢᠶᠢ ᠨᠤᠲᠤᠭᠲᠠᠭᠠᠨ ᠣᠴᠢᠬᠤ ᠳ᠋ᠤᠨᠢ ᠬᠣᠷᠤᠰᠤᠭᠰᠠᠨ ᠬᠠᠨᠤ ᠬᠠᠪᠴᠢᠯᠭᠠ ᠪᠠᠢᠵᠤ ᠰᠠᠭᠤᠬᠤᠶᠢᠨ ᠠᠷᠭᠠ ᠦᠭᠡᠢ ᠪᠣᠯᠬᠤᠳᠤ ᠠᠯᠪᠠᠨ ᠲᠠᠳᠠᠪᠤᠷᠢ ᠠᠯᠢ ᠨᠢᠭᠡᠳᠦ ᠥᠴᠦᠬᠡᠨ ᠬᠥᠷᠦᠩᠭᠡᠪᠡᠨ ᠬᠠᠮᠤᠵᠤ ᠥᠭᠭᠦᠭᠡᠳ ᠭᠠᠭᠴᠠ ᠮᠣᠷᠢᠨ ᠲᠡᠷᠭᠡᠨᠳᠦ ᠶᠠᠭᠤᠮᠠᠪᠠᠨ ᠠᠴᠢᠵᠤ ᠪᠣᠭᠳᠠᠳᠤ ᠮᠥᠷᠭᠦᠬᠦᠪᠡᠷ ᠡᠬᠡᠨᠡᠷ ᠬᠡᠦᠬᠡᠳᠢᠶᠡᠨ ᠳᠠᠭᠠᠭᠤᠯᠤᠨ ᠬᠦᠷᠢᠶᠡᠨᠦ ᠵᠦᠭ ᠵᠠᠮ ᠬᠦᠭᠡᠭᠡᠵᠠᠢ᠃
ᠡᠷᠳᠡᠨᠢ᠂ ᠲᠠᠮᠠᠬᠢᠪᠠᠨ ᠬᠡᠳᠦ ᠲᠠᠬᠢᠨ ᠰᠢᠨᠤᠭ ᠰᠣᠷᠤᠭᠠᠳ᠂ ᠢᠷᠡᠭᠰᠡᠨ ᠵᠠᠮ ᠤᠷᠤᠭᠤᠪᠠᠨ ᠬᠠᠷᠠᠯᠠ᠃ ᠳᠡᠷᠲᠡᠭᠡ ᠬᠥᠲᠥᠯᠦᠨ ᠢᠨᠠᠳᠤ ᠤᠷᠤᠭᠤ ᠣᠷᠣᠭᠰᠠᠨ ᠵᠠᠮᠢᠶᠠᠷ ᠬᠡᠦᠬᠡᠳ ᠡᠬᠡᠨᠡᠷ ᠬᠤᠶᠠᠷ ᠨᠢ ᠭᠡᠯᠳᠦᠷᠢᠨ ᠠᠯᠬᠤᠭᠰᠠᠭᠠᠷ ᠢᠷᠡᠵᠤ ᠶᠠᠪᠤᠭᠠᠶᠢ ᠬᠠᠷᠠᠭᠠᠳ᠂ ᠮᠣᠳᠤ ᠲᠣᠯᠣᠭᠠᠢᠪᠠᠨ ᠭᠠᠯ ᠲᠠᠢ ᠨᠢ ᠲᠦᠷᠡᠢᠯᠡᠨ ᠪᠣᠰᠴᠣ᠌ ᠠᠴᠢᠶᠠᠪᠠᠨ ᠪᠠᠭᠤᠯᠭᠠᠭᠠᠳ ᠶᠠᠭ ᠯᠡ ᠳᠡᠪᠡᠯ ᠰᠢᠭ᠌ ᠨᠢ ᠲᠦᠮᠡᠨ ᠨᠥᠬᠦᠭᠡᠰᠦ ᠪᠣᠯᠵᠤ ᠤᠲᠤᠭᠠᠨᠳᠤ ᠰᠢᠷᠠᠯᠠᠨ ᠳᠠᠷᠠᠢᠭ᠍ᠰᠠᠨ ᠵᠢᠵᠢᠭ᠌ ᠮᠠᠢᠬᠠᠨᠢᠶᠠᠨ ᠪᠣᠰᠬᠠᠭᠠᠳ ᠠᠷᠭᠠᠯ ᠬᠣᠷᠮᠤᠢᠯᠠᠵᠤ ᠲᠡᠭᠦᠨ ᠭᠤᠷᠪᠠᠨ ᠲᠣᠮᠤ ᠴᠢᠯᠠᠭᠤ ᠲᠤᠯᠤᠨ ᠭᠠᠯᠯᠠᠵᠤ ᠴᠠᠢ ᠴᠢᠨᠠᠪᠠ᠃
ᠵᠢᠯᠡᠪᠴᠢᠨ ᠲᠣᠭᠤᠭᠠ ᠲᠠᠢ ᠴᠠᠢ ᠴᠠᠢᠷᠠᠨ ᠪᠣᠴᠠᠯᠬᠤ ᠦᠶᠡᠳᠦ ᠡᠬᠡᠨᠡᠷ ᠬᠡᠦᠬᠡᠳ ᠨᠢ ᠴᠤ᠌ ᠢᠷᠡᠯᠡ᠃ ᠳᠣᠯᠭᠠᠷ ᠵᠠᠮᠳᠠᠭᠠᠨ ᠲᠡᠭᠦᠭᠰᠡᠨ ᠠᠷᠭᠠᠯᠢᠶᠠᠨ ᠠᠰᠬᠠᠵᠤ ᠬᠣᠷᠮᠣᠢᠪᠠᠨ ᠰᠡᠭᠰᠦᠷᠦᠭᠡᠳ ᠬᠥᠯᠢᠶᠡᠨ ᠵᠢᠭᠢᠨ ᠰᠠᠭᠤᠪᠠ᠃ ᠠᠯᠤᠰᠤᠨ ᠠᠶᠠᠨ᠂ ᠵᠠᠮᠤᠨ ᠰᠢᠷᠤᠢ᠂ ᠬᠤᠷᠴᠠ ᠨᠠᠷᠠᠨᠳᠤ ᠪᠣᠷᠤᠯᠠᠭᠰᠠᠨ ᠡᠨᠡ ᠡᠮᠡᠭᠲᠡᠢᠶᠢᠨ ᠴᠢᠷᠠᠢᠳᠤ ᠠᠯᠵᠢᠶᠠᠯᠤᠨ ᠲᠡᠮᠳᠡᠭ ᠲᠣᠳᠣᠷᠬᠠᠢ ᠠᠪᠠᠴᠤ ᠡᠬᠡᠶᠢᠨᠢᠶᠡᠨ ᠲᠠᠭᠤᠶᠢ ᠰᠤᠨᠤᠰᠦᠭ᠍ᠰᠠᠨ ᠪᠤᠲᠤᠭᠤᠶᠢᠨ ᠨᠢᠳᠦ ᠰᠢᠭ᠌ ᠲᠣᠷᠮᠤᠯᠵᠠᠭᠰᠠᠨ ᠪᠤᠯᠤᠷ ᠬᠠᠷᠠ ᠨᠢᠳᠦᠨ ᠳ᠋ᠤᠨᠢ ᠵᠠᠯᠠᠭᠤᠶᠢᠨ ᠭᠠᠯ᠂ ᠬᠥᠳᠡᠭᠡ ᠲᠠᠯᠠᠶᠢᠨ ᠪᠦᠰᠡᠭᠦᠢᠶᠢᠨ ᠭᠤᠸᠠ ᠵᠢᠪᠬᠤᠯᠠᠩ ᠲᠣᠳᠤᠷᠬᠠᠢ ᠠᠵᠠᠢ᠃
– ᠬᠦᠦ ᠮᠠᠨᠢ ᠶᠠᠪᠤᠵᠤ ᠥᠭᠳᠡᠭ ᠦᠭᠡᠢ ᠰᠢᠤ ᠭᠡᠳ ᠢᠨᠢᠶᠡᠮᠰᠦᠭᠯᠡᠬᠦ ᠳ᠋ᠤᠨᠢ ᠵᠢᠭᠲᠡᠭᠡᠨ ᠪᠦᠭᠡᠳ ᠳᠤᠩ ᠴᠠᠭᠠᠨ ᠰᠢᠳᠦ ᠢᠷᠠᠯᠵᠠᠪᠠ᠃
– ᠴᠢ ᠮᠢᠨᠢ ᠠᠮᠠᠷᠠᠵᠤ ᠦᠵᠡ᠃ ᠪᠢ ᠲᠤᠩᠪᠤᠪᠠᠨ ᠵᠠᠢᠯᠤᠭᠠᠳ ᠴᠠᠢᠪᠠᠨ ᠠᠭᠤᠳᠠᠯᠵᠤ ᠣᠷᠬᠢᠶᠠ ᠭᠡᠳ ᠡᠷᠳᠡᠨᠢ ᠲᠡᠷᠭᠡᠨ ᠲᠡᠭᠡᠷᠡᠡᠴᠡ ᠭᠠᠤᠯᠢᠨ ᠲᠣᠩᠪᠤ ᠠᠪᠤᠭᠠᠳ ᠵᠢᠷᠭᠠᠵᠤ ᠪᠠᠢᠭᠠ ᠨᠠᠷᠠᠨᠤ ᠭᠡᠷᠡᠯᠳᠦ ᠭᠢᠯᠲᠠᠭᠠᠨᠠᠨ ᠮᠢᠷᠠᠯᠵᠠᠵᠤ ᠪᠠᠢᠭᠠ ᠭᠣᠣᠯᠤᠨ ᠵᠦᠭ ᠶᠠᠪᠤᠯᠠ᠃
ᠳᠣᠲᠤᠷᠠᠬᠢᠪᠠᠨ ᠤᠭᠲᠤ ᠨᠢᠭᠤᠬᠤ ᠦᠭᠡᠢ ᠭᠡᠰᠡᠨ ᠮᠡᠲᠦ ᠲᠤᠩᠭᠠᠯᠠᠭ ᠭᠤᠤᠯᠤᠨ ᠡᠷᠭᠢᠨ ᠳᠡᠭᠡᠷᠡ ᠶᠠᠪᠠᠭᠠᠨ ᠰᠠᠭᠤᠭᠠᠳ ᠲᠣᠩᠪᠤᠪᠠᠨ ᠵᠠᠢᠯᠠᠬᠤ ᠵᠠᠭᠤᠷᠠ << ᠤᠰᠤ ᠬᠠᠷᠠᠭᠰᠠᠨ ᠬᠦᠮᠦᠨ ᠤᠢᠳᠳᠠᠭ ᠦᠭᠡᠢ >> ᠭᠡᠵᠦ ᠰᠤᠨᠤᠰᠦᠭ᠍ᠰᠠᠨ ᠨᠢ ᠡᠷᠳᠡᠨᠢᠶᠢᠨ ᠰᠡᠳᠬᠢᠯᠳᠦ ᠣᠷᠤᠵᠤ ᠨᠢᠭᠤᠷᠢᠶᠠᠨ ᠤᠭᠢᠶᠠᠭᠠᠳ ᠲᠣᠲᠤᠭᠠᠳᠤ ᠬᠣᠷᠮᠣᠢᠪᠠᠷᠢᠶᠠᠨ ᠠᠷᠴᠢᠪᠠ᠃
ᠪᠣᠰᠴᠣ᠌ ᠰᠢᠭᠤᠳ ᠶᠠᠪᠤᠭᠰᠠᠭᠠᠷ ᠭᠠᠯᠤᠨ ᠳᠡᠷᠭᠡᠳᠡ ᠢᠷᠡᠭᠡᠳ ᠣᠪᠤᠯᠵᠠᠨ ᠪᠣᠴᠠᠯᠵᠤ ᠪᠠᠢᠭᠠ ᠴᠠᠢᠡᠴᠡ ᠵᠢᠵᠢᠭ᠌ ᠲᠡᠮᠦᠷ ᠰᠢᠨᠠᠭᠠᠪᠠᠷ ᠤᠳᠬᠤᠵᠤ << ᠲᠠᠢᠰᠢᠷᠢ ᠬᠠᠨ ᠮᠢᠨᠢ >> ᠭᠡᠵᠦ ᠰᠢᠪᠡᠭᠡᠨᠡᠨ ᠪᠠᠷᠠᠭᠤᠨ ᠵᠦᠭ ᠡᠷᠭᠦᠭᠰᠡᠨᠢᠶᠡᠨ ᠲᠠᠬᠢᠨ ᠤᠳᠬᠤᠵᠤ << ᠬᠠᠩᠭᠠᠢ ᠳᠡᠯᠡᠬᠡᠢ ᠮᠢᠨᠢ >> ᠭᠡᠳ ᠡᠮᠦᠨᠡᠬᠢ ᠲᠦᠩᠭᠦᠭᠡᠷ ᠨᠤᠭᠤᠭᠠᠨ ᠠᠭᠤᠯᠠ ᠥᠭᠡᠳᠡ ᠡᠷᠭᠦᠪᠡ᠃
ᠬᠤᠯᠠ ᠵᠠᠮᠳᠤ ᠶᠠᠳᠠᠷᠠᠭᠰᠠᠨ ᠭᠤᠷᠪᠠᠨ ᠬᠥᠮᠥᠨ ᠨᠣᠭᠣᠭᠠᠨ ᠵᠦᠯᠭᠡᠨ ᠳᠡᠭᠡᠷᠡ ᠴᠢᠨᠳᠠᠮᠤᠨᠢᠯᠠᠨ ᠰᠠᠭᠤᠭᠠᠳ᠂ ᠦᠨᠦᠷ ᠨᠢ ᠬᠠᠩᠬᠤᠯᠤᠭᠰᠠᠨ ᠵᠠᠮᠪᠠᠭᠠ ᠠᠶᠠᠭᠠ ᠳᠦᠭᠦᠷᠡᠩ ᠵᠢᠭᠤᠷᠠᠵᠤ᠂ ᠪᠦᠭᠡᠷᠡᠩᠬᠡᠢᠯᠡᠨ ᠪᠠᠵᠠᠵᠤ ᠬᠣᠷᠮᠣᠢ ᠳᠡᠭᠡᠷᠡᠪᠡᠨ ᠲᠠᠯᠪᠢᠭᠠᠳ ᠠᠶᠠᠭᠠᠨᠳᠠᠭᠠᠨ ᠬᠠᠷᠠ ᠴᠠᠢ ᠳᠦᠭᠦᠷᠭᠡᠵᠦ ᠠᠪᠤᠭᠠᠳ ᠢᠳᠡᠵᠦ ᠤᠤᠭᠤᠵᠤ ᠪᠠᠢᠬᠤᠳᠠᠭᠠᠨ ᠬᠤᠷᠸᠠᠶᠢᠨ ᠪᠥᠬᠥ ᠵᠣᠪᠠᠯᠠᠩᠢ ᠮᠠᠷᠲᠠᠵᠤ᠂ ᠥᠩᠭᠡᠷᠡᠭᠰᠡᠨ ᠢᠷᠡᠭᠡᠳᠦᠢᠶᠢᠨ ᠭᠤᠨᠢᠭ᠍ᠲᠤ ᠶᠠᠪᠤᠳᠠᠯᠤᠨ ᠲᠤᠬᠠᠢ ᠣᠭᠲᠣᠬᠠᠨ ᠴᠤ᠌ ᠪᠣᠳᠣᠯ ᠦᠭᠡᠢ ᠬᠥᠭᠵᠢᠯᠳᠦᠨ ᠢᠨᠢᠶᠡᠯᠳᠦᠵᠦ᠂ ᠬᠥᠭᠡᠷᠦᠯᠳᠦᠨ ᠶᠠᠷᠢᠯᠴᠠᠪᠠ᠃
– ᠠᠪᠤ ᠡ᠂ ᠪᠣᠭᠳᠠᠶᠢᠨ ᠬᠦᠷᠢᠶᠡ ᠬᠡᠵᠢᠶᠡ ᠣᠷᠣᠬᠣ᠌ ᠪᠣᠢ ᠭᠡᠵᠤ ᠪᠠᠲᠤ ᠶ᠋ᠢᠨ ᠠᠰᠠᠭᠤᠬᠤᠳᠦ ᠡᠷᠳᠡᠨᠢ ᠵᠠᠵᠢᠯᠵᠤ ᠪᠠᠢᠭ᠍ᠰᠠᠨ ᠭᠤᠯᠢᠷᠢᠶᠠᠨ ᠵᠠᠯᠭᠢᠵᠤ᠂ ᠬᠣᠢᠨᠠᠡᠴᠡ ᠨᠢ ᠴᠠᠢᠪᠠᠨ ᠪᠠᠯᠭᠤᠭᠰᠠᠨᠢᠶᠠᠨ ᠄
– ᠤᠳᠠᠬᠤ ᠦᠭᠡᠢ᠂ ᠬᠠᠷᠢᠨ ᠴᠢ ᠦᠨᠦᠳᠦᠷᠦᠨ ᠬᠢ ᠰᠢᠭ᠌ ᠬᠠᠱᠠᠩᠨᠠᠭᠠᠳ ᠪᠠᠢᠪᠠᠯ ᠬᠦᠷᠢᠶᠡ ᠤᠯᠠᠮ ᠬᠣᠯᠠᠳᠠᠨᠠ ᠰᠢᠦ ᠭᠡᠯᠡ᠃
– ᠪᠢ ᠶᠠᠪᠤᠶᠠ ᠭᠡᠳ ᠯᠡ ᠪᠠᠢᠬᠤᠳᠤ ᠡᠨᠡ ᠬᠥᠯ ᠴᠢᠨᠢ ᠶᠠᠳᠠᠷᠠᠭᠠᠳ ᠪᠣᠯᠬᠤ ᠦᠭᠡᠢ ᠶᠤᠮ ᠭᠡᠵᠦ ᠪᠠᠲᠤ ᠭᠤᠮᠦᠳᠠᠯ ᠲᠠᠢ ᠬᠡᠯᠡᠬᠦᠳᠦ ᠡᠴᠢᠭᠡ ᠡᠬᠡ ᠬᠣᠶᠠᠷ ᠨᠢ ᠬᠦᠦᠪᠡᠨ ᠥᠬᠦᠭᠡᠷᠳᠡᠨ ᠢᠨᠢᠶᠡᠪᠡ᠃
– ᠪᠠᠷᠠᠭᠤᠨ ᠭᠠᠷᠲᠤ ᠥᠩᠭᠡᠷᠡᠳᠡᠭ ᠲᠣᠮᠤ ᠴᠢᠯᠠᠭᠤ᠂ ᠨᠥᠭᠦᠭᠡ ᠲᠠᠢᠬᠠᠷ ᠴᠢᠯᠠᠭᠤ ᠭᠡᠳᠡᠭ ᠮᠦᠨ ᠦᠦ ᠭᠡᠵᠤ ᠳᠣᠯᠭᠠᠷ ᠠᠰᠠᠭᠤᠪᠠ᠃
– ᠮᠦᠨ᠂ ᠠᠪᠤᠷᠭᠤ ᠡᠳ᠋ ᠰᠢᠦ᠃
ᠢᠭ᠌ᠦᠨ ᠳᠠᠪᠠᠭᠠᠨᠤ ᠴᠠᠭᠠᠨᠠ ᠪᠠᠢᠳᠠᠭ ᠮᠣᠭᠠᠢᠶᠢᠨ ᠵᠠᠮ ᠭᠡᠭᠴᠢ ᠬᠠᠷᠠᠭᠳᠠᠭᠰᠠᠨᠡᠴᠡ ᠡᠬᠢᠯᠡᠨ ᠲᠠᠢᠬᠠᠷ ᠴᠢᠯᠠᠭᠤᠨᠤ ᠲᠤᠬᠠᠢ ᠳᠣᠮᠤᠭᠢ ᠡᠬᠡᠨᠡᠷ᠂ ᠬᠡᠦᠬᠡᠳᠲᠡᠬᠡᠨ ᠡᠷᠳᠡᠨᠢ ᠶᠠᠷᠢᠵᠤ ᠥᠭᠭᠦᠭᠰᠡᠨ ᠪᠢᠯᠡ᠃
ᠭᠠᠢᠬᠠᠮᠰᠢᠭ᠍ᠲᠤ ᠭᠡᠭᠡᠨᠦ ᠷᠢᠳᠢ ᠰᠢᠳᠢᠳᠦ ᠪᠢᠰᠢᠷᠡᠭᠰᠡᠨ ᠲᠡᠷᠡ ᠮᠣᠨᠳᠠᠭ ᠴᠢᠯᠠᠭᠤᠨᠤ ᠬᠣᠢᠭᠤᠷ ᠭᠠᠷᠬᠤᠳᠠᠭᠠᠨ ᠭᠤᠷᠪᠠᠨ ᠬᠠᠯᠠᠭᠤᠨ ᠠᠮᠢᠪᠠᠨ ᠳᠠᠭᠠᠳᠬᠠᠨ᠂ ᠠᠷᠪᠠᠨ ᠬᠡᠳᠦᠨ ᠤᠳᠠᠭᠠ ᠰᠤᠨᠵᠤ ᠮᠥᠷᠭᠦᠵᠠᠢ᠃
– ᠡᠵᠢ ᠡ᠂ ᠲᠠ ᠬᠡᠨᠳᠦ ᠮᠥᠷᠭᠥᠵᠦ ᠪᠠᠢᠭᠠ ᠶᠤᠮ ᠪᠤᠢ ᠭᠡᠵᠦ ᠳᠡᠷᠭᠡᠳᠡ ᠨᠢ ᠵᠣᠭᠰᠤᠵᠤ ᠪᠠᠢᠭ᠍ᠰᠠᠨ ᠪᠠᠲᠤ ᠠᠰᠠᠭᠤᠪᠠ᠃
– ᠵᠠᠶᠠ ᠭᠡᠭᠡᠨᠳᠦ ᠮᠥᠷᠭᠥᠵᠦ ᠪᠠᠢᠨᠠ ᠬᠦᠦ ᠮᠢᠨᠢ ᠭᠡᠵᠦ ᠡᠬᠡ ᠨᠢ ᠰᠢᠪᠡᠭᠡᠨᠡᠨ ᠬᠠᠷᠢᠭᠤᠯᠪᠠ᠃
– ᠶᠠᠭᠤ ᠭᠡᠵᠦ ᠮᠥᠷᠭᠥᠵᠦ ᠪᠠᠢᠭᠠ ᠶᠤᠮ ᠪᠤᠢ
– ᠪᠢᠳᠡ ᠭᠤᠷᠪᠠᠳᠤ ᠪᠤᠶᠠᠨ ᠵᠠᠶᠠᠭᠠ ᠬᠠᠢᠷᠠᠯᠠᠭᠠᠴᠢ ᠭᠡᠵᠦ ᠮᠥᠷᠭᠥᠵᠦ ᠪᠠᠢᠨᠠ᠂ ᠡᠵᠢ ᠨᠢ᠃
– ᠨᠠᠳᠠ ᠮᠥᠰᠥᠨ ᠰᠢᠬᠢᠷ ᠭᠤᠶᠤᠭᠠᠷᠠᠢ ᠡᠵᠢ ᠡ᠃
– ᠮᠢᠨᠤ ᠬᠦᠦ ᠥᠪᠡᠷᠢᠶᠡᠨ ᠮᠥᠷᠭᠦ᠃
ᠪᠠᠲᠤ ᠰᠦᠬᠦᠷᠡᠨ ᠰᠠᠭᠤᠵᠤ ᠬᠡᠳᠦ ᠲᠠᠬᠢᠨ ᠮᠥᠷᠭᠦᠬᠦᠳᠡᠭᠡᠨ ᠠᠮᠠᠨᠳᠠᠭᠠᠨ << ᠭᠡᠭᠡᠨ ᠮᠢᠨᠢ ᠨᠠᠳᠠ ᠮᠥᠰᠥᠨ ᠰᠢᠬᠢᠷ ᠬᠠᠢᠷᠠᠯᠠᠭᠠᠴᠢ >> ᠭᠡᠵᠦ ᠲᠤᠷᠴᠢᠬᠢᠨᠠᠭᠤᠯᠤᠯᠠ᠃
ᠥᠩᠭᠡᠷᠡᠭᠰᠡᠨ ᠵᠢᠯ ᠳᠤᠨᠤᠢ ᠲᠠᠢᠵᠢᠶᠢᠨ ᠬᠤᠷᠳᠤᠨ ᠬᠡᠭᠡᠷᠢ ᠨᠠᠭᠠᠳᠤᠮᠳᠤ ᠤᠨᠤᠵᠤ ᠲᠦᠷᠦᠭᠦᠯᠡᠭᠡᠳ ᠢᠷᠡᠬᠦ ᠳ᠋ᠤᠨᠢ ᠲᠠᠢᠵᠢᠶᠢᠨ ᠠᠪᠠᠭᠠᠢ ᠵᠢᠵᠢᠭᠬᠡᠨ ᠮᠥᠰᠥᠨ ᠰᠢᠬᠢᠷ ᠥᠭᠴᠡᠢ᠃ ᠲᠡᠭᠦᠨᠡᠴᠡ ᠬᠤᠢᠰᠢ ᠶᠢᠷᠳᠢᠨᠴᠤᠶᠢᠨ ᠬᠠᠮᠤᠭᠤᠨ ᠰᠠᠢᠬᠠᠨ ᠶᠠᠭᠤᠮᠠ ᠪᠤᠯ ᠮᠥᠰᠥᠨ ᠰᠢᠬᠢᠷ ᠭᠡᠵᠦ ᠪᠠᠲᠤ ᠪᠣᠳᠣᠳᠠᠭ ᠪᠣᠯᠣᠭᠰᠠᠨ ᠠᠵᠠᠢ᠃
ᠢᠩᠬᠢᠵᠤ ᠡᠬᠡ ᠬᠦᠦ ᠬᠤᠶᠠᠷ ᠲᠠᠯᠠᠶᠢᠨ ᠳᠤᠮᠳᠠ ᠪᠠᠢᠭᠠᠯᠢᠶᠢᠨ ᠭᠠᠢᠬᠠᠮᠰᠢᠭ᠍ᠲᠤ ᠬᠦᠴᠦᠪᠡᠷ ᠰᠦᠨᠳᠡᠷᠯᠡᠨ ᠪᠤᠰᠤᠭᠰᠠᠨ ᠲᠠᠢᠬᠠᠷ ᠴᠢᠯᠠᠭᠤᠶᠢ ᠪᠢᠰᠢᠷᠡᠨ ᠥᠩᠭᠡᠷᠡᠭᠰᠡᠨ ᠶᠤᠮ᠃
– ᠠᠪᠤ ᠡ᠂ ᠲᠠ ᠲᠡᠷᠡ ᠴᠢᠯᠠᠭᠤᠶᠢ ᠣᠷᠬᠢᠮᠵᠢᠪᠠᠷᠢᠶᠠᠨ ᠣᠭᠣᠰᠣᠷᠯᠠᠵᠤ ᠡᠭᠦᠷᠦᠭᠡᠳ ᠶᠠᠪᠤᠵᠤ ᠴᠢᠳᠠᠨᠠ ᠦᠦ ᠭᠡᠵᠦ ᠪᠠᠲᠤ ᠠᠰᠠᠭᠤᠬᠤᠳᠤ ᠡᠴᠢᠭᠡ ᠨᠢ ᠥᠬᠥᠭᠡᠷᠳᠡᠨ ᠢᠨᠢᠶᠡᠮᠰᠦᠭᠯᠡᠭᠰᠡᠨᠢᠶᠡᠨ ᠲᠣᠯᠣᠭᠠᠢᠶᠢ ᠨᠢ ᠢᠯᠢᠵᠦ᠄
– ᠠᠪᠤ ᠨᠢ ᠲᠥᠷᠥ᠍ᠶᠢᠨ ᠬᠠᠷᠠ ᠬᠥᠮᠥᠨ ᠪᠣᠯᠬᠣᠷ ᠣᠷᠬᠢᠮᠵᠢ ᠪᠠᠢᠬᠤ ᠦᠭᠡᠢ᠃ ᠪᠠᠰᠠ ᠳᠡᠭᠡᠭᠡᠳ ᠵᠠᠶᠠ ᠪᠠᠨᠳᠢᠳᠠ ᠰᠢᠭ᠋ ᠲᠡᠢᠮᠦ ᠷᠢᠳᠢ ᠰᠢᠳᠢ ᠴᠤ᠌ ᠪᠠᠢᠬᠤ ᠦᠭᠡᠢ ᠭᠡᠯᠡ᠃
ᠪᠠᠲᠤ ᠪᠣᠳᠣᠯᠬᠢᠯᠠᠨ ᠪᠠᠬᠠᠨ ᠰᠠᠭᠤᠭᠰᠠᠨᠢᠶᠠᠨ << ᠠᠪᠤ ᠡ᠂ ᠷᠢᠳᠢ ᠰᠢᠳᠢ ᠭᠡᠵᠦ ᠶᠠᠭᠤ ᠪᠠᠢᠳᠠᠭ ᠶᠤᠮ ᠪᠤᠢ >> ᠭᠡᠵᠦ ᠠᠰᠠᠭᠤᠭᠠᠳ ᠡᠴᠢᠭᠡᠶᠢᠨᠢᠶᠡᠨ ᠨᠢᠭᠤᠷ ᠤᠷᠤᠭᠤ ᠨᠢᠳᠦᠪᠡᠨ ᠴᠠᠪᠴᠢᠯᠠᠨ ᠬᠠᠷᠠᠯᠠ᠃
– ᠷᠢᠳᠢ ᠰᠢᠳᠢ ᠭᠡᠵᠦ ᠦᠦ᠂ ᠦᠯᠡᠮᠵᠢ ᠴᠢᠳᠠᠯ ᠲᠠᠢ ᠶᠠᠭᠤᠮᠠ ᠪᠠᠢᠳᠠᠭ᠃ ᠷᠢᠳᠢ ᠰᠢᠳᠢ ᠲᠠᠢ ᠬᠥᠮᠥᠨ ᠪᠣᠯ – ᠭᠡᠳ ᠨᠢᠳᠦᠪᠡᠨ ᠠᠨᠢᠭ᠍ᠰᠠᠨᠢᠶᠠᠨ – ᠢᠩᠬᠢᠬᠦ ᠵᠠᠭᠤᠷᠠ ᠯᠡ ᠪᠢᠳᠡ ᠭᠤᠷᠪᠠᠶᠢ ᠪᠣᠭᠳᠠᠶᠢᠨ ᠬᠦᠷᠢᠶᠡ ᠬᠦᠷᠭᠡᠵᠦ ᠣᠷᠬᠢᠨᠠ ᠭᠡᠵᠦ ᠡᠷᠳᠡᠨᠢ ᠬᠡᠯᠡᠪᠡ᠃
– ᠲᠠ ᠷᠢᠳᠢ ᠰᠢᠳᠢ ᠲᠠᠢ ᠪᠣᠯᠬᠤ ᠦᠭᠡᠢ ᠶᠠᠭᠠᠬᠢᠭ᠍ᠰᠠᠨ ᠶᠤᠮ ᠪᠤᠢ᠂ ᠷᠢᠳᠢ ᠰᠢᠳᠢ ᠲᠠᠢ ᠰᠠᠨ ᠪᠤᠯ ᠶᠠᠳᠠᠷᠠᠬᠤ ᠦᠭᠡᠢ᠂ ᠨᠢᠳᠦᠪᠡᠨ ᠢᠩᠬᠢᠭᠡᠳ ᠯᠡ ᠭᠡᠳ ᠪᠠᠲᠤ ᠨᠢᠳᠦᠪᠡᠨ ᠲᠠᠰᠤ ᠠᠨᠢᠵᠤ ᠦᠨᠡᠬᠡᠷ ᠨᠢᠰᠴᠦ ᠶᠠᠪᠤᠭᠠ ᠶᠤᠮ ᠰᠢᠭ᠋ ᠭᠠᠷᠢᠶᠠᠨ ᠰᠠᠷᠪᠠᠯᠵᠠᠭᠤᠯᠤᠨ ᠬᠡᠰᠡᠭ ᠪᠠᠢᠭ᠍ᠰᠠᠨᠢᠶᠠᠨ << ᠬᠥᠯ ᠶᠠᠳᠠᠷᠠᠬᠤ ᠦᠭᠡᠢ ᠬᠦᠷᠢᠶᠡ ᠣᠷᠤᠴᠢᠬᠠᠨᠠ ᠰᠢᠦ ᠳᠠ᠂ ᠲᠡᠢᠮᠦ ᠡ᠂ ᠡᠵᠢ ᠡ >> ᠭᠡᠳ ᠭᠣᠮᠣᠳᠠᠯ ᠲᠠᠢ ᠢᠨᠢᠶᠡᠮᠰᠦᠭᠯᠡᠪᠡ᠃
– ᠠᠪᠤ ᠳ᠋ᠤᠨᠢ ᠵᠠᠪ ᠪᠣᠯᠣᠭᠠ ᠦᠭᠡᠢ ᠶᠤᠮ ᠭᠡᠳ ᠡᠷᠳᠡᠨᠢ ᠬᠦᠦᠶᠢᠨᠢᠶᠡᠨ ᠨᠠᠷᠠ᠂ ᠲᠣᠭᠣᠰᠣ᠌ ᠦᠨᠦᠷᠲᠡᠭᠰᠡ ᠲᠣᠯᠣᠭᠠᠢᠶᠢ ᠦᠨᠦᠰᠪᠡ᠃
ᠪᠠᠲᠤ᠂ ᠪᠠᠢᠨ ᠪᠠᠢᠨ << ᠶᠠᠭᠠᠬᠢᠭᠠᠳ >> ᠭᠡᠵᠦ ᠠᠰᠠᠭᠤᠭᠠᠳ ᠡᠴᠢᠭᠡ ᠡᠬᠡ ᠨᠢ ᠬᠦᠦᠶᠢᠨᠢᠶᠡᠨ ᠭᠡᠨᠡᠨ ᠴᠠᠭᠠᠨ ᠶᠠᠷᠢᠶᠠᠨᠳᠤ ᠪᠠᠶᠠᠰᠤᠨ ᠢᠨᠢᠶᠡᠵᠤ᠂ ᠤᠲᠤᠭᠠ ᠪᠣᠯᠣᠭᠰᠠᠨ ᠤᠷᠠᠩᠬᠠᠢ ᠮᠠᠢᠬᠠᠨᠤ ᠳᠡᠷᠭᠡᠲᠡᠡᠴᠡ ᠪᠠᠶᠠᠷ ᠴᠡᠩᠭᠡᠯᠦᠨ ᠬᠥᠭᠵᠢᠯ ᠲᠠᠢ ᠳᠠᠭᠤᠨ ᠴᠤᠤᠷᠢᠶᠠᠲᠤᠨ᠂ ᠱᠤᠤᠭᠢᠨ ᠤᠷᠤᠰᠴᠤ ᠪᠠᠢᠭᠠ ᠲᠠᠮᠢᠷᠤᠨ ᠭᠣᠣᠯᠤᠨ ᠴᠢᠮᠡᠭᠡᠨᠳᠦ ᠥᠴᠦᠬᠡᠨ ᠴᠤ᠌ ᠭᠡᠰᠡᠨ ᠬᠠᠨᠳᠢᠪ ᠪᠣᠯᠵᠤ ᠪᠠᠢᠪᠠ᠃ ᠬᠥᠮᠥᠨ᠂ ᠵᠢᠷᠭᠠᠯᠤᠨ ᠲᠥᠯᠥᠭᠡ ᠲᠥᠷᠥᠳᠡᠭ ᠪᠣᠯᠬᠣᠷ ᠶᠠᠮᠠᠷ ᠴᠤ᠌ ᠬᠡᠴᠡᠭᠦᠦ ᠪᠡᠷᠬᠡ ᠠᠮᠢᠳᠤᠷᠠᠯ᠂ ᠭᠠᠰᠢᠭᠤᠨ ᠵᠤᠪᠠᠯᠠᠩ᠂ ᠪᠠᠶᠠᠰᠬᠤ ᠰᠡᠳᠬᠢᠯ᠂ ᠵᠢᠷᠭᠠᠯᠤᠨ ᠡᠷᠠᠮᠡᠯᠵᠡᠯᠡᠯᠢ ᠨᠢ ᠰᠢᠷᠭᠢᠭᠡᠨ ᠬᠠᠲᠠᠭᠠᠵᠤ ᠴᠢᠳᠠᠬᠤ ᠦᠭᠡᠢ᠃ ᠡᠨᠡ ᠴᠤ᠌ ᠤᠴᠢᠷᠡᠴᠡ ᠬᠠᠲᠠᠭᠤ ᠠᠮᠢᠳᠤᠷᠠᠯ᠂ ᠨᠦᠰᠡᠷ ᠵᠠᠮ ᠡᠨᠡ ᠭᠤᠷᠪᠠᠶᠢᠨ ᠪᠠᠶᠠᠰᠤᠨ ᠴᠡᠩᠭᠡᠬᠦ ᠰᠡᠳᠬᠢᠯ᠂ ᠬᠣᠮᠰᠠ ᠬᠦᠨᠡᠰᠦᠪᠡᠨ ᠢᠳᠡᠭᠡᠳ ᠵᠠᠯᠠᠭᠤᠶᠢᠨ ᠴᠤᠭ᠂ ᠬᠠᠢᠷᠠᠶᠢᠨ ᠭᠠᠯᠢᠶᠠᠷ ᠶᠠᠳᠠᠷᠠᠯᠢᠶᠠᠨ ᠮᠠᠷᠲᠠᠵᠤ ᠠᠮᠠᠷᠠᠵᠤ ᠪᠠᠢᠬᠤ ᠳ᠋ᠤᠨᠢ ᠣᠷᠬᠢᠯᠤᠨ ᠭᠠᠷᠬᠤ ᠪᠢᠴᠢᠬᠠᠨ ᠵᠢᠷᠭᠠᠯᠢ ᠰᠢᠮᠡᠨ ᠰᠢᠩᠭᠡᠭᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠢᠷᠡᠬᠦ ᠡᠳᠦᠷ ᠶᠠᠮᠠᠷ ᠵᠤᠪᠠᠯᠠᠩ ᠠᠪᠴᠢᠷᠠᠵᠤ ᠥᠭᠬᠦᠶᠢ ᠮᠡᠳᠡᠬᠦ ᠦᠭᠡᠢ ᠳᠦᠩᠭᠡᠷ ᠳᠥᠩᠭᠡᠷ ᠶᠠᠷᠢᠯᠴᠠᠨ ᠬᠦᠭᠵᠢᠵᠦ ᠪᠠᠢᠳᠠᠯᠠ ᠦᠳᠡᠰᠢᠶᠢᠨ ᠪᠦᠷᠦᠩᠬᠦᠢ ᠳᠠᠭᠤᠰᠴᠦ ᠦᠨᠡᠭᠡᠨ ᠬᠠᠷᠠᠩᠭᠤᠢ ᠡᠬᠢᠯᠡᠭᠡᠳ ᠲᠡᠭᠷᠢᠳᠦ ᠲᠦᠭ ᠲᠦᠮᠡᠨ ᠣᠳᠣ᠌ ᠭᠢᠯᠠᠯᠵᠠᠨ᠂ ᠲᠠᠮᠢᠷᠤᠨ ᠬᠥᠨᠳᠡᠢ ᠳᠠᠭᠠᠵᠤ ᠢᠷᠠᠭᠤᠬᠠᠨ ᠦᠨᠦᠷ ᠠᠩᠬᠢᠯᠤᠭᠰᠠᠨ ᠰᠡᠷᠢᠭᠦᠨ ᠰᠠᠯᠬᠢ ᠰᠡᠪᠡᠯᠵᠡᠨᠡ᠃
ᠡᠷᠳᠡᠨᠢ ᠮᠣᠷᠢᠪᠠᠨ ᠠᠪᠴᠢᠷᠠᠵᠤ᠂ ᠤᠷᠲᠤ ᠳᠡᠭᠡᠰᠦᠪᠡᠷ ᠠᠷᠭᠠᠮᠵᠢᠭᠠᠳ᠂ ᠨᠤᠲᠤᠭᠤᠨ ᠵᠦᠭ ᠬᠠᠷᠠᠵᠤ ᠵᠣᠭᠰᠤᠭᠰᠠᠨᠢᠶᠠᠨ᠄ << ᠲᠠᠢᠰᠢᠷᠢ ᠬᠠᠨ ᠮᠢᠨᠢ᠂ ᠲᠠᠷᠯᠠᠨ ᠬᠠᠢᠷᠬᠠᠨ ᠮᠢᠨᠢ᠂ ᠠᠲᠠᠭᠠ ᠲᠠᠪᠤᠨ ᠲᠡᠭᠷᠢ ᠮᠢᠨᠢ᠂ ᠠᠴᠢᠲᠤ ᠭᠤᠮᠪᠤ ᠮᠢᠨᠢ >> ᠭᠡᠵᠦ ᠠᠯᠠᠭᠠᠪᠠᠨ ᠡᠯᠢᠭᠡᠨᠳᠡᠭᠡᠨ ᠬᠠᠪᠰᠤᠷᠤᠨ ᠰᠢᠪᠡᠭᠡᠨᠡᠨ ᠵᠠᠯᠪᠠᠷᠢᠭᠠᠳ ᠮᠠᠢᠬᠠᠨᠳᠠᠭᠠᠨ ᠣᠷᠣᠵᠤ ᠤᠳᠠᠯ ᠦᠭᠡᠢ ᠭᠤᠷᠪᠡᠨ ᠴᠠᠭᠠᠴᠢᠨ ᠭᠦᠨ ᠨᠣᠢᠷᠲᠠᠭᠠᠨ ᠴᠤᠬᠢᠭ᠍ᠳᠠᠨ ᠤᠨᠳᠠᠵᠠᠢ᠃
ᠦᠦᠷ ᠰᠦᠨᠢᠶᠢᠨ ᠵᠠᠪᠰᠠᠷᠢᠶᠠᠷ ᠡᠷᠳᠡᠨᠢ ᠪᠣᠰᠴᠣ᠌᠂ ᠳᠡᠪᠡᠯᠢᠶᠡᠨ ᠨᠥᠮᠦᠷᠴᠦ ᠭᠠᠷᠤᠭᠠᠳ ᠬᠠᠷᠠᠪᠠᠯ ᠠᠷᠭᠠᠮᠵᠢᠶᠠ ᠲᠠᠢ ᠮᠣᠷᠢ ᠨᠢ ᠠᠯᠠᠭᠠ ᠪᠣᠯᠣᠭᠰᠠᠨ ᠪᠠᠢᠬᠤᠳᠤ ᠭᠦᠶᠦᠨ ᠣᠴᠢᠪᠠᠯ ᠴᠢᠳᠦᠷ ᠨᠢ ᠠᠷᠭᠠᠮᠵᠢᠶᠠ ᠲᠠᠢᠪᠠᠨ ᠪᠠᠢᠪᠠ᠃ ᠡᠷᠳᠡᠨᠢ ᠴᠢᠨᠠᠭ᠍ᠰᠢ ᠬᠠᠷᠠᠬᠤ ᠭᠡᠲᠡᠯᠡ ᠡᠮᠦᠨᠡᠬᠢ ᠬᠠᠷᠠ ᠠᠭᠤᠯᠠ ᠲᠣᠮᠤᠷᠠᠭᠰᠠᠭᠠᠷ ᠣᠢᠷᠠᠲᠤᠭᠠᠳ ᠢᠷᠡᠬᠦ ᠰᠢᠭ᠌ ᠪᠤᠯᠬᠣ᠌ᠳᠤ ᠭᠡᠳᠡᠷᠭᠦᠪᠡᠨ ᠬᠣᠶᠠᠷ ᠠᠯᠬᠤᠪᠠ᠃
ᠬᠡᠰᠡᠭ ᠭᠦᠯᠢᠷᠠᠨ ᠵᠣᠭᠰᠣᠭᠰᠠᠨᠢᠶᠠᠨ ᠬᠥᠨᠳᠥ᠍ ᠰᠢᠷᠬᠠᠳᠦᠭ᠍ᠰᠠᠨ ᠬᠥᠮᠥᠨ ᠡᠴᠦᠰᠦᠨ ᠬᠦᠴᠦᠪᠡᠨ ᠰᠢᠪᠬᠠᠨ ᠠᠯᠬᠤᠵᠦ ᠪᠠᠢᠭᠠ ᠶᠤᠮ ᠰᠢᠭ᠋ ᠬᠡᠳᠦ ᠠᠯᠬᠤᠵᠤ ᠬᠠᠷᠠ ᠴᠢᠬᠢᠭ᠌ᠲᠦ ᠨᠡᠪᠲᠡ ᠨᠤᠷᠤᠭᠰᠠᠨ ᠭᠣᠷᠮᠣᠰᠣᠨ ᠴᠢᠳᠦᠷᠢ ᠠᠳᠬᠤᠵᠤ᠂ ᠳᠡᠷᠲᠡᠭᠡ ᠪᠠᠷᠠᠭᠤᠨᠠ ᠪᠠᠷᠠᠭᠠᠳᠠᠨ ᠬᠠᠷᠠᠭᠳᠠᠬᠤ ᠠᠭᠤᠯᠠᠰᠤᠨ ᠳᠡᠭᠡᠭᠦᠷ ᠰᠢᠷᠲᠡᠨ << ᠲᠠᠢᠰᠢᠷᠢ ᠬᠠᠨ ᠮᠢᠨᠢ᠂ ᠠᠲᠠᠭᠠ ᠲᠠᠪᠤᠨ ᠲᠡᠭᠷᠢ ᠮᠢᠨᠢ᠂ ᠭᠣᠮᠪᠣ ᠮᠢᠨᠢ ᠬᠠᠷᠠᠬᠤ ᠦᠭᠡᠢ ᠶᠠᠭᠠᠬᠢᠭᠠ ᠪᠤᠢ ᠳᠠ >> ᠭᠡᠵᠦ ᠰᠢᠪᠡᠨᠡᠪᠡ᠃
ᠡᠷᠳᠡᠨᠢᠶᠢ ᠪᠣᠰᠣᠭᠠᠳ ᠭᠠᠷᠬᠤᠳᠤ ᠰᠡᠷᠢᠭᠰᠡᠨ ᠳᠣᠯᠭᠠᠷ ᠣᠷᠣᠵᠤ ᠢᠷᠡᠬᠦᠳ᠋ᠤᠨᠢ ᠥᠨᠳᠡᠢᠵᠦ᠄
– ᠲᠡᠭᠷᠢ ᠰᠠᠢᠬᠠᠨ ᠪᠠᠢᠨᠠ ᠦᠦ ᠭᠡᠵᠦ ᠠᠰᠠᠭᠤᠪᠠ᠃
ᠡᠷᠳᠡᠨᠢ ᠮᠠᠢᠬᠠᠨᠤ ᠡᠭᠦᠳᠡᠨᠳᠦ ᠳᠠᠭᠤ ᠦᠭᠡᠢ ᠵᠤᠭᠰᠤᠵᠤ ᠪᠠᠢᠭ᠍ᠰᠠᠨᠢᠶᠠᠨ ᠠᠷᠭᠠᠮᠵᠢ ᠴᠢᠳᠦᠷᠢᠶᠡᠨ ᠮᠠᠢᠬᠠᠨᠤ ᠬᠠᠶᠠᠭᠠ ᠤᠷᠤᠭᠤ ᠰᠢᠳᠡᠵᠦ << ᠬᠤᠯᠠᠭᠠᠢ ᠠᠪᠤᠭᠠᠳ ᠶᠠᠪᠤᠴᠢᠬᠠᠵᠠᠢ >> ᠭᠡᠵᠦ ᠬᠡᠯᠡᠪᠡ᠃
– ᠶᠠᠭᠤ᠂ ᠮᠣᠷᠢᠶᠢ ᠮᠢᠨᠢ ᠦᠦ ᠭᠡᠵᠦ ᠬᠠᠰᠬᠢᠷᠤᠭᠠᠳ ᠳᠣᠯᠭᠠᠷ ᠪᠣᠰᠣᠨ ᠬᠠᠷᠠᠢᠪᠠ᠃
– ᠲᠡᠢᠮᠦ ᠭᠡᠳ ᠡᠷᠳᠡᠨᠢ ᠳᠡᠪᠢᠰᠴᠦ ᠤᠨᠳᠠᠭᠰᠠᠨ ᠥᠩᠭᠡ ᠦᠭᠡᠢ ᠰᠢᠷᠢᠳᠡᠭ ᠳᠡᠭᠡᠷᠡᠪᠡᠨ ᠰᠠᠭᠤᠪᠠ᠃
– ᠣᠳᠣ᠌ ᠶᠠᠭᠠᠬᠢᠳᠠᠭ ᠪᠢᠯᠡ᠃ ᠬᠥᠮᠥᠨᠦ ᠭᠠᠵᠠᠷ᠂ ᠭᠦᠩᠦᠨ ᠨᠤᠲᠤᠭᠲᠤ ᠭᠠᠬᠠᠢ ᠶᠠᠪᠠᠭᠠᠨ ᠬᠠᠮᠢᠭᠠ ᠣᠴᠢᠬᠣ᠌ ᠪᠢᠯᠡ ᠭᠡᠵᠦ ᠳᠣᠯᠭᠠᠷ ᠤᠬᠢᠯᠠᠬᠤᠳᠤ ᠨᠢᠯᠪᠣᠰᠣ᠌ ᠬᠠᠴᠠᠷᠢᠲᠠᠭᠠᠨ ᠤᠷᠤᠰᠪᠠ᠃
ᠡᠨᠡ ᠮᠠᠢᠬᠠᠨᠳᠤ ᠣᠷᠣᠭᠰᠠᠨ ᠵᠤᠪᠠᠯᠠᠩ ᠨᠠᠳᠠ ᠫᠠᠳ ᠦᠭᠡᠢ ᠭᠡᠰᠡᠨ ᠶᠤᠮ ᠰᠢᠭ᠌ ᠲᠠᠮᠢᠷᠤᠨ ᠭᠣᠣᠯ ᠵᠢᠭᠳᠡᠭᠡᠨ ᠱᠤᠤᠭᠢᠨ ᠤᠷᠤᠰᠴᠤ᠂ ᠳᠣᠷᠣᠨᠠ ᠵᠦᠭᠡᠴᠡ ᠤᠯᠠᠮ ᠲᠣᠳᠣᠷᠠᠵᠤ ᠪᠠᠢᠭᠠ ᠦᠷᠦᠨ ᠭᠡᠭᠡ ᠨᠤᠢᠷᠰᠤᠭᠰᠠᠨ ᠶᠢᠷᠳᠢᠨᠴᠤᠳᠤ ᠰᠢᠨᠡ ᠡᠳᠦᠷ ᠮᠡᠨᠳᠦᠯᠡᠭᠰᠡᠨᠢ ᠪᠠᠶᠠᠷᠲᠠᠢ ᠲᠤᠩᠬᠠᠭᠯᠠᠵᠤ ᠪᠠᠢᠪᠠ᠃
– ᠤᠬᠢᠯᠠᠭᠠᠳ ᠶᠠᠭᠤ ᠬᠢᠬᠦ ᠪᠤᠢ᠃ ᠬᠡᠷᠡᠭ ᠦᠭᠡᠢ ᠂᠂᠂᠂ ᠵᠠ ᠳᠠ ᠭᠡᠳ ᠳᠣᠯᠭᠠᠷ ᠤᠷᠤᠭᠤ ᠬᠠᠷᠠᠵᠤ ᠢᠨᠢᠶᠡᠮᠰᠦᠭᠯᠡᠬᠦ ᠭᠡᠳ ᠴᠢᠳᠠᠭᠰᠠᠨ ᠦᠭᠡᠢ᠃ ᠠᠮᠠ ᠨᠢ ᠮᠥᠷᠥᠯᠵᠠᠨ ᠥᠳᠬᠡᠨ ᠬᠠᠷᠠ ᠭᠥᠮᠥᠰᠬᠡ ᠨᠢ ᠲᠠᠲᠠᠯᠳᠤᠭᠰᠠᠨᠢᠶᠠᠨ ᠮᠣᠳᠣ᠌ ᠲᠣᠯᠣᠭᠠᠢᠪᠠᠨ ᠠᠪᠴᠤ ᠲᠠᠮᠠᠬᠢ ᠨᠡᠷᠡᠭᠡᠳ ᠬᠡᠳᠦ ᠲᠠᠬᠢᠨ ᠤᠭᠰᠠᠷᠠᠵᠤ ᠲᠠᠲᠠᠯᠠ᠃
<< ᠣᠳᠣ᠌ ᠶᠠᠭᠠᠬᠢᠬᠤ ᠪᠤᠢ >> ᠭᠡᠳᠡᠭ ᠮᠤᠬᠤᠷ ᠰᠤᠬᠤᠷ ᠠᠰᠠᠭᠤᠳᠠᠯ ᠡᠷᠳᠡᠨᠢᠶᠢᠨ ᠰᠡᠳᠬᠢᠯᠳᠦ ᠣᠷᠤᠵᠤ ᠬᠣᠭᠣᠯᠠᠢ ᠳ᠋ᠤᠨᠢ ᠲᠡᠭᠡᠭᠯᠡᠨ᠂ ᠨᠢᠳᠦ ᠨᠢ ᠪᠠᠢᠨ ᠪᠠᠢᠨ ᠬᠠᠲᠠᠩᠭᠤᠢᠯᠠᠵᠤ ᠪᠠᠢᠪᠠ᠃ ᠢᠩᠬᠢᠭᠡᠳ ᠤᠬᠢᠯᠠᠵᠤ ᠪᠠᠢᠭᠠ ᠳᠣᠯᠭᠠᠷ ᠤᠷᠤᠭᠤ ᠨᠢᠳᠦᠨᠦ ᠪᠥᠯᠥᠩᠢᠶᠡᠷ ᠬᠠᠷᠠᠭᠰᠠᠨᠢᠶᠠᠨ ᠪᠦᠰᠡᠪᠡᠨ ᠪᠥᠰᠡᠯᠡᠭᠡᠳ᠂ ᠲᠠᠬᠢᠨ ᠡᠨᠳᠡᠡᠴᠡ ᠪᠣᠰᠬᠣ᠌ ᠦᠭᠡᠢ ᠭᠡᠰᠡᠨ ᠪᠣᠯᠣᠯᠲᠠᠢ ᠲᠠᠪᠠᠲᠠᠢ ᠵᠠᠪᠢᠯᠠᠵᠤ ᠰᠠᠭᠤᠪᠠ᠃
– ᠵᠠ ᠬᠥ ᠶᠠᠪᠠᠭᠠᠷᠠᠭᠰᠠᠨ ᠪᠣᠯᠬᠤᠡᠴᠡ ᠦᠬᠦᠭᠰᠡᠨ ᠪᠢᠰᠢ᠃ ᠴᠠᠢ ᠴᠢᠨᠠᠵᠤ ᠤᠤᠭᠤᠶᠠ᠃ ᠠᠮᠢᠳᠤ ᠬᠥᠮᠥᠨ ᠠᠷᠭᠠ ᠲᠠᠢ᠂ ᠠᠷᠭᠠᠯᠤᠨ ᠭᠠᠯ ᠴᠤᠭ ᠲᠠᠢ ᠳᠠ ᠭᠡᠵᠦ ᠵᠠᠭᠤᠭᠰᠠᠨ ᠰᠢᠳᠦᠨᠦᠪᠡᠨ ᠵᠠᠪᠰᠠᠷᠢᠶᠠᠷ ᠰᠢᠪᠡᠭᠡᠨᠡᠨ ᠬᠡᠯᠡᠪᠡ᠃
ᠡᠷᠳᠡᠨᠢᠶᠢᠨ ᠰᠢᠨᠠ ᠵᠠᠩᠭᠢᠷᠠᠨ ᠲᠠᠯᠪᠢᠵᠤ᠂ ᠨᠢᠳᠦ ᠨᠢ ᠡᠮᠦᠨᠡᠬᠢ ᠭᠠᠵᠠᠷᠡᠴᠡ ᠰᠠᠯᠤᠯ ᠦᠭᠡᠢ ᠰᠢᠷᠲᠡᠨ᠂ ᠦᠶᠡ ᠦᠶᠡ ᠬᠠᠮᠠᠷ ᠠᠮᠠᠪᠠᠷ ᠨᠢ ᠴᠡᠩᠬᠡᠷ ᠤᠳᠤᠭᠠ ᠪᠣᠷᠭᠢᠯᠠᠨ ᠪᠠᠢᠬᠤᠶᠢ ᠳᠣᠯᠭᠠᠷ ᠬᠡᠳᠦ ᠳᠠᠬᠢᠨ ᠶᠠᠭᠤᠮᠠ ᠬᠡᠯᠡᠬᠦ ᠭᠡᠰᠡᠨᠢᠶᠡᠨ ᠪᠣᠯᠢᠵᠤ ᠭᠠᠳᠠᠭ᠍ᠰᠢ ᠭᠠᠷᠤᠯᠠ᠃
ᠳᠣᠷᠣᠨᠠᠲᠤ ᠠᠭᠤᠯᠠᠶᠢᠨ ᠤᠷᠤᠢᠡᠴᠡ ᠰᠠᠴᠤᠷᠠᠵᠤ ᠪᠠᠢᠭᠠ ᠨᠠᠷᠠᠨᠤ ᠭᠡᠷᠡᠯᠳᠦ ᠢᠪᠡᠭᠡᠭᠳᠡᠭᠰᠡᠨ ᠲᠠᠮᠢᠷᠤᠨ ᠬᠥᠨᠳᠡᠢᠶᠢᠨ ᠪᠥᠭᠡᠮ ᠪᠥᠭᠡᠮ ᠭᠢᠯᠠᠯᠵᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠨᠠᠮᠤᠷᠤᠨ ᠬᠠᠮᠬᠤᠤᠯ ᠰᠢᠭ᠋ ᠥᠩᠭᠦᠷᠢᠨ ᠲᠤᠭᠯᠠᠵᠤ ᠪᠠᠢᠪᠠ᠃
ᠭᠠᠯ ᠲᠦᠯᠡᠵᠦ ᠪᠠᠢᠬᠤᠳᠠᠭᠠᠨ ᠳᠣᠯᠭᠠᠷ << ᠭᠣᠮᠪᠣ ᠮᠢᠨᠢ᠂ ᠲᠠᠢᠰᠢᠷᠢ ᠮᠢᠨᠢ >> ᠭᠡᠵᠤ ᠲᠠᠬᠢᠨ ᠲᠠᠬᠢᠨ ᠰᠢᠪᠡᠭᠡᠨᠡᠪᠡᠴᠦ᠂ << ᠭᠣᠮᠪᠣ ᠲᠠᠢᠰᠢᠷᠢ >> ᠬᠤᠶᠠᠷᠡᠴᠡ ᠴᠣᠬᠣᠮ ᠶᠠᠭᠤᠶᠢ ᠭᠤᠶᠤᠵᠤ ᠪᠠᠢᠭᠠᠪᠠᠨ ᠥᠪᠡᠷᠢᠶᠡᠨ ᠮᠡᠳᠡᠬᠦ ᠦᠭᠡᠢ ᠪᠠᠢᠵᠠᠢ᠃
