ᠵᠠᠯᠠᠭᠤ ᠨᠠᠰᠤ
– ᠷ᠂ ᠴᠤᠢᠨᠠᠮ
ᠬᠦᠷᠦᠰᠦᠲᠦᠶᠢᠨ ᠠᠮᠢᠳᠤᠷᠠᠯᠳᠤ ᠬᠦᠯ ᠠᠯᠳᠠᠭᠰᠠᠨ
ᠬᠥᠯᠴᠦᠭᠦᠬᠡᠨ ᠵᠢᠷᠦᠬᠡᠨᠦ ᠮᠢᠨᠢ ᠲᠣᠯᠢᠲᠤᠨ ᠳᠡᠭᠡᠭᠦᠷ
ᠰᠢᠪᠡᠭᠤᠨᠤ ᠰᠡᠭᠦᠳᠡᠷ ᠰᠢᠭ᠌ ᠳᠠᠭᠠᠷᠢᠭᠠᠳ ᠦᠩᠬᠡᠷᠡᠭᠰᠡᠨ
ᠰᠢᠩᠬᠤᠨ ᠤᠯᠠᠭᠠᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠤ！
ᠠᠮᠲᠠᠲᠠᠨ ᠪᠥᠬᠦᠨᠦ ᠠᠮᠲᠠᠶᠢ ᠮᠡᠳᠡᠯ ᠦᠭᠡᠢ
ᠠᠰᠬᠠᠵᠤ ᠶᠠᠪᠣᠭᠰᠠᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ᠂
ᠥᠩᠭᠡᠲᠡᠨ ᠪᠥᠬᠦᠨᠦ ᠥᠩᠭᠡᠶᠢ ᠪᠣᠳᠤᠯ ᠦᠭᠡᠢ
ᠥᠷᠡᠵᠤ ᠶᠠᠪᠤᠭᠰᠠᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ᠃
ᠵᠤᠨᠤ ᠰᠦᠨᠢᠶᠢᠨ ᠨᠤᠢᠷᠢ ᠲᠣᠭᠤᠯ ᠦᠭᠡᠢ
ᠵᠠᠭᠤᠨ ᠭᠣᠷᠪᠠᠨ ᠤᠴᠠᠷᠠᠯᠢ ᠮᠥᠷᠦᠭᠡᠰᠴᠦ
ᠵᠢᠷᠤᠭ ᠰᠢᠭ᠋ ᠦᠬᠢᠳᠢ᠂ ᠲᠡᠷᠭᠡ ᠰᠢᠭ᠌ ᠳᠠᠭᠠᠷᠢᠵᠤ
ᠵᠠᠭᠤᠷᠠᠳᠤᠬᠠᠨ ᠮᠠᠨᠳᠤᠭᠰᠠᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ᠃
ᠡᠪᠦᠯᠦᠨ ᠶᠢᠰᠦᠶᠢᠨ ᠵᠢᠪᠠᠷᠢ ᠲᠣᠭᠤᠯ ᠦᠭᠡᠢ
ᠦᠭᠡᠷᠡ ᠬᠦᠮᠦᠨᠦ ᠡᠬᠡᠨᠠᠷᠲᠤ ᠰᠡᠳᠬᠢᠯ ᠬᠠᠶᠠᠵᠤ
ᠡᠷᠦᠭᠡᠨᠦ ᠦᠵᠦᠭᠦᠷ ᠰᠢᠭ᠌ ᠳᠡᠷᠪᠡᠵᠤ ᠶᠠᠪᠤᠭᠰᠠᠨ
ᠥᠯᠴᠢᠷᠬᠡᠨ ᠲᠡᠨᠡᠭ ᠵᠠᠯᠠᠭᠤ ᠨᠠᠰᠤ ᠮᠢᠨᠢ᠃
ᠳᠠᠩᠴᠢ ᠴᠢ ᠮᠢᠨᠢ ᠤᠳᠠᠭᠰᠠᠨ ᠦᠭᠡᠢ᠁
ᠳᠠᠪᠦᠦ ᠬᠥᠷᠮᠡ᠂ ᠰᠡᠪᠢᠬᠢᠨ ᠪᠡᠭᠡᠯᠡᠢ ᠬᠣᠶᠠᠷ ᠰᠢᠭ᠋ᠢᠶᠡᠨ᠂
ᠲᠠᠰᠤᠭᠰᠠᠨ ᠰᠠᠯᠤᠭᠰᠠᠨ ᠭᠣᠳᠤᠩ ᠭᠡᠵᠢᠭᠡᠲᠦ ᠨᠤᠭᠦᠳ ᠰᠢᠭ᠌ᠢᠶᠡᠨ
ᠲᠠᠷᠳᠠᠩ ᠵᠠᠮ ᠳᠡᠭᠡᠷᠡ ᠦᠯᠡᠳᠡᠵᠠᠢ – ᠵᠠᠯᠠᠭᠤ ᠨᠠᠰᠤ ᠮᠢᠨᠢ！
ᠤᠯᠠᠭᠠᠨᠪᠠᠭᠠᠲᠤᠷᠤᠨ ᠴᠢᠯᠠᠭᠤᠨ ᠵᠠᠰᠠᠮᠠᠯᠢᠶᠠᠷ
ᠤᠷᠤᠭ᠍ᠰᠢᠪᠠᠨ᠂ ᠬᠣᠢᠰᠢᠪᠠᠨ᠂ ᠪᠠᠷᠠᠭᠤᠨ ᠲᠡᠢᠰᠢᠪᠡᠨ᠂ ᠵᠡᠭᠦᠨ ᠲᠡᠢᠰᠢᠪᠡᠨ
ᠲᠣᠲᠤᠭᠠᠳᠤ ᠦᠢᠯᠡᠳᠪᠦᠷᠢᠶᠢᠨ ᠬᠥᠨᠳᠦ ᠱᠠᠬᠠᠢᠶᠢ
ᠳᠣᠯᠤᠭᠠᠬᠠᠨ ᠬᠣᠨᠤᠭᠲᠤ ᠲᠣᠴᠢᠭᠤᠯᠳᠠᠵᠤ ᠶᠠᠪᠤᠬᠤᠳᠠᠭᠠᠨ
ᠬᠦᠮᠦᠨᠦ ᠰᠠᠢᠨ ᠮᠠᠭᠤᠶᠢ ᠵᠡᠭᠦᠳᠦᠯᠡᠭᠡ ᠴᠤ᠌ ᠦᠭᠡᠢ
ᠬᠡᠦᠬᠡᠳ ᠰᠢᠭ᠌ ᠦᠰᠦᠷᠭᠡᠭᠰᠡᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ᠂
ᠬᠡᠦᠬᠡᠨᠦ ᠰᠠᠢᠬᠠᠨᠢ ᠲᠠᠨᠢᠭᠠ ᠦᠭᠡᠢ
ᠬᠡᠬᠦᠷᠵᠡᠭᠡᠨᠡ ᠰᠢᠭ᠌ ᠨᠢᠰᠦᠭᠰᠡᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ᠃
ᠠᠩᠭᠠᠷᠠᠢᠳᠠᠭᠰᠠᠨ ᠨᠦᠬᠦᠳ ᠲᠠᠢ᠂ ᠦᠳᠡᠰᠢᠶᠢᠨ ᠴᠠᠭᠢᠶᠠᠷ
ᠠᠳᠤᠭᠤ ᠰᠢᠭ᠋ ᠫᠢᠵᠢᠬᠢᠨᠡᠭᠰᠡᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ
ᠠᠢᠯᠤᠨ ᠴᠢᠳ᠋ᠸᠩ ᠬᠠᠭᠠ ᠴᠢᠯᠠᠭᠤᠳᠠᠭᠰᠠᠨ
ᠠᠪᠤᠷᠢᠯᠠᠵᠤ ᠶᠠᠪᠤᠭᠰᠠᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ᠃
ᠠᠪᠤᠶᠢᠨ ᠬᠦᠦᠶᠢᠨ᠂ ᠱ᠌ᠢᠷᠦ ᠰᠢᠭ᠌ ᠬᠠᠴᠠᠷᠢ
ᠠᠯᠠᠭᠠᠳᠠᠵᠤ ᠶᠠᠪᠤᠭᠰᠠᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ᠂
ᠠᠳᠠᠯᠢᠬᠠᠨ ᠨᠥᠬᠦᠳᠦᠨᠢᠶᠡᠨ ᠬᠠᠮᠠᠷᠤᠨ ᠴᠢᠰᠤᠶᠢ
ᠠᠰᠬᠠᠷᠠᠭᠤᠯᠵᠤ ᠶᠠᠪᠤᠭᠰᠠᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ᠃
ᠦᠵᠡᠭᠰᠡᠨᠢᠶᠡᠨ ᠮᠠᠷᠲᠠᠵᠤ᠂ ᠲᠣᠭᠣᠯᠤᠭᠰᠠᠨᠢᠶᠠᠨ ᠲᠣᠭᠲᠠᠭᠠᠬᠤ ᠦᠭᠡᠢ
ᠡᠬᠦᠷᠢᠳᠡᠶᠢᠨ ᠶᠤᠮ ᠰᠢᠭ᠋ ᠲᠣᠷᠭᠢᠵᠤ ᠶᠠᠪᠤᠬᠤᠳᠠᠭᠠᠨ
ᠦᠢᠮᠡᠭᠡᠨᠲᠦ ᠬᠣᠷᠸᠠᠠᠴᠠ ᠲᠠᠬᠢᠭᠠᠳ ᠣᠯᠳᠠᠰᠢ ᠦᠭᠡᠢ
ᠦᠨᠡᠨᠴᠢ ᠬᠠᠨᠢᠶᠢᠨᠢᠶᠡᠨ ᠳᠡᠷᠭᠡᠲᠡᠭᠦᠷ ᠥᠩᠭᠡᠷᠡᠵᠦ
ᠬᠣᠨᠤᠭ ᠲᠡᠳᠦᠢ ᠵᠠᠭᠤᠷᠠᠳᠤᠬᠠᠨ ᠬᠠᠨᠢᠯᠠᠬᠤ
ᠬᠣᠲᠠᠶᠢᠨ ᠬᠡᠦᠬᠡᠨᠦ ᠦᠩᠭᠡᠨᠳᠦ ᠬᠠᠭᠤᠷᠲᠠᠵᠤ
ᠠᠷᠢᠭᠤᠬᠠᠨ ᠴᠢᠰᠤᠪᠠᠨ ᠲᠡᠭᠦᠨᠦ ᠲᠥᠯᠦᠭᠡ
ᠠᠰᠬᠠᠵᠤ ᠶᠠᠪᠤᠭᠰᠠᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ᠃
ᠣᠶᠤᠲᠠᠨ ᠠᠬᠤᠢᠶᠢᠨ ᠲᠡᠪᠡᠷᠡᠭᠦᠨ ᠰᠢᠯᠦᠭᠦᠨ
ᠣᠩᠭᠤᠳ ᠴᠠᠳᠢᠭ᠋ᠢᠶᠠᠷ ᠪᠢᠯᠬᠠᠵᠤ ᠶᠠᠪᠤᠬᠤᠳᠠᠭᠠᠨ
ᠣᠷᠴᠢᠯᠠᠩ ᠬᠣᠷᠸᠠᠶᠢᠨ ᠨᠠᠷᠢᠨ ᠤᠴᠢᠷᠢ
ᠣᠯᠴᠢᠬᠠᠯᠠ ᠬᠡᠮᠡᠨ ᠲᠦᠭᠡᠷᠢᠵᠤ ᠶᠠᠪᠤᠭᠰᠠᠨ
ᠠᠷᠢᠭᠤᠨᠠᠴᠠ ᠠᠷᠢᠭᠤᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ
ᠠᠷᠪᠠᠭᠠᠳ ᠵᠢᠯᠦᠨ ᠬᠠᠨᠢᠯᠠᠭᠠ ᠲᠠᠢ ᠪᠠᠢᠵᠠᠢ᠃
ᠬᠠᠯᠠᠭᠤᠨᠠᠴᠠ ᠬᠠᠯᠠᠭᠤᠨ ᠵᠠᠯᠠᠭᠤᠬᠠᠨ ᠴᠠᠭ ᠮᠢᠨᠢ
ᠬᠠᠪᠤᠷᠤᠨ ᠦᠶᠡᠷ ᠰᠢᠭ᠌ ᠬᠤᠭᠤᠴᠠᠭᠠ ᠲᠠᠢ ᠶᠤᠮᠰᠠᠨᠵᠠᠢ᠃
ᠠᠶᠠ ᠬᠥᠭᠡᠷᠦᠬᠦᠢ᠂ ᠬᠦᠮᠦᠨᠦ ᠵᠠᠯᠠᠭᠤ ᠨᠠᠰᠤ ᠭᠡᠵᠤ
ᠠᠪᠴᠤ ᠴᠤ᠌ ᠪᠣᠯᠳᠠᠭ ᠦᠭᠡᠢ᠂ ᠦᠭᠴᠦ ᠴᠤ᠌ ᠪᠣᠯᠳᠠᠭ ᠦᠭᠡᠢ
ᠬᠡᠯᠡ ᠦᠭᠡᠢ ᠪᠠᠢᠭᠠᠯᠢᠶᠢᠨ ᠳᠠᠭᠤ ᠦᠭᠡᠢ ᠵᠠᠷᠯᠢᠭ᠋ᠢᠶᠠᠷ
ᠬᠡᠰᠡᠭᠬᠡᠨ ᠣᠯᠳᠠᠳᠠᠭ ᠱᠠᠩᠨᠠᠯ ᠶᠤᠮ ᠦᠦ ᠳᠠ᠃
ᠪᠤᠰᠤᠳᠤᠨ ᠯᠠᠩᠭᠦᠢᠨᠳᠤ ᠡᠨᠡᠬᠦ ᠱᠠᠩᠨᠠᠯᠢᠶᠠᠨ
ᠪᠣᠲᠠᠷᠬᠠᠢ ᠮᠥᠩᠬᠦ ᠰᠢᠭ᠌ ᠲᠠᠷᠬᠠᠭᠠᠵᠤ ᠬᠠᠶᠠᠭᠰᠠᠭᠠᠷ
ᠬᠦᠢᠲᠡᠨ ᠬᠣᠷᠸᠠᠳᠤ ᠨᠢᠭᠡ ᠮᠡᠳᠡᠬᠦᠨᠡ
ᠬᠦᠮᠦᠨᠦ ᠦᠷᠡ ᠨᠢᠴᠦᠭᠦᠷᠡᠳᠡᠭ ᠪᠠᠢᠨᠠ᠃
ᠰᠠᠢᠨ ᠬᠠᠨᠢᠠᠴᠠ ᠬᠠᠭᠠᠴᠠᠭᠰᠠᠨ ᠬᠤᠢᠨᠠ
ᠰᠠᠨᠠᠨ ᠰᠠᠨᠠᠨ ᠭᠣᠨᠢᠬᠠᠷᠠᠳᠠᠭ ᠰᠢᠭ᠋
ᠪᠣᠯᠤᠭᠠᠳ ᠥᠩᠭᠡᠷᠡᠭᠰᠡᠨ ᠬᠤᠢᠨᠠ᠂ ᠵᠠᠯᠠᠭᠤ ᠨᠠᠰᠤᠪᠠᠨ
ᠪᠣᠳᠤᠨ ᠪᠣᠳᠣᠨ ᠬᠠᠷᠠᠭᠤᠰᠳᠠᠭ ᠪᠠᠢᠨᠠ᠃
ᠪᠠᠶᠠᠷᠲᠠᠢ᠂ ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠤ ᠮᠢᠨᠢ᠂
ᠪᠠᠷᠢᠯᠳᠤᠭᠰᠠᠨ ᠭᠡᠵᠤ ᠪᠣᠳᠤᠪᠠᠯ ᠪᠢ ᠣᠢᠴᠢᠵᠠᠢ᠃
ᠤᠷᠤᠯᠳᠤᠭᠰᠠᠨ ᠭᠡᠵᠤ ᠦᠵᠡᠪᠡᠯ ᠪᠢ ᠬᠣᠴᠤᠷᠴᠠᠢ᠂
ᠠᠷᠠᠯᠵᠢᠶᠠ ᠮᠠᠢᠮᠠᠭᠠ ᠬᠢᠭᠰᠡᠨ ᠶᠤᠮᠰᠠᠨᠵᠠᠢ ᠭᠡᠪᠡᠯ ᠬᠠᠷᠢᠨ
ᠠᠮᠳᠠᠷᠬᠠᠨ ᠪᠡᠶᠡᠶᠢᠨᠢᠶᠡᠨ ᠡᠷᠡᠭᠦᠯ ᠮᠡᠨᠳᠦᠶᠢ ᠥᠭᠴᠦ
ᠠᠯᠳᠠᠷ᠂ ᠰᠢᠯᠦᠭ ᠬᠣᠶᠠᠷᠢ ᠴᠢᠨᠢ ᠠᠪᠴᠠᠢ᠃
ᠬᠦᠷᠦᠰᠦᠲᠦᠶᠢᠨ ᠠᠮᠢᠳᠤᠷᠠᠯᠳᠤ ᠬᠥᠯ ᠠᠯᠳᠠᠭᠰᠠᠨ
ᠬᠥᠯᠴᠦᠭᠦᠬᠡᠨ ᠵᠢᠷᠦᠬᠡᠨᠦ ᠮᠢᠨᠢ ᠳᠣᠯᠲᠤᠨ ᠳᠡᠭᠡᠭᠦᠷ
ᠰᠢᠪᠠᠭᠤᠨᠤ ᠰᠡᠭᠦᠳᠡᠷ ᠰᠢᠭ᠌ ᠳᠠᠭᠠᠷᠢᠭᠠᠳ ᠥᠩᠭᠡᠷᠡᠭᠰᠡᠨ
ᠰᠢᠩᠬᠤᠨ ᠤᠯᠠᠭᠠᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ！ ᠪᠠᠶᠠᠷᠲᠠᠢ！
