ᠠᠭᠸᠠᠩᠳᠠᠨᠳᠠᠷ ᠲᠡᠭᠷᠢ ᠳᠡᠳᠭᠦᠭᠴᠢᠶᠢᠨ ᠬᠣᠷᠢᠨ ᠭᠤᠷᠪᠠᠨ ᠣᠨ （ ᠨᠡᠢᠲᠡᠶᠢᠨ ᠣᠨ ᠲᠣᠭᠠᠯᠠᠯᠤᠨ 1758 ᠣᠨ ）ᠳᠦ ᠠᠯᠠᠱᠠᠨ ᠬᠣᠱᠣᠳ ᠬᠤᠰᠢᠭᠤᠨᠤ ᠪᠠᠶᠠᠨᠨᠢᠷᠤᠭᠤᠨ ᠪᠠᠭᠲᠤ ᠮᠠᠯᠴᠢᠨ ᠭᠠᠷᠣᠯ ᠲᠠᠢ᠂ ᠬᠤᠰᠢᠭᠤᠨᠳᠠᠭᠠᠨ ᠦᠶᠡ ᠤᠯᠠᠷᠢᠨ ᠲᠠᠷᠬᠠᠯᠠᠭᠳᠠᠭᠰᠠᠨ ᠲᠠᠢᠨᠤ ᠭᠠᠪᠢᠶᠠᠲᠠᠨ ᠨᠡᠷᠡ ᠲᠠᠢ ᠪᠠᠢᠭ᠍ᠰᠠᠨ ᠶᠡᠬᠡ ᠬᠣᠢᠳ ᠣᠪᠤᠭᠤᠨ ᠢᠨᠠᠢᠶᠢᠨ ᠬᠣᠶᠠᠳᠤᠭᠠᠷ ᠬᠦᠪᠡᠭᠦᠨ ᠪᠣᠯᠤᠨ ᠵᠠᠶᠠᠭᠠᠵᠠᠢ᠃
ᠠᠭᠸᠠᠩᠳᠠᠨᠳᠠᠷ ᠪᠣᠯ ᠳᠡᠯᠡᠬᠡᠢᠳᠦ ᠠᠯᠳᠠᠷᠰᠢᠭ᠍ᠰᠠᠨ ᠮᠣᠩᠭᠣᠯ ᠬᠡᠯᠡ ᠪᠢᠴᠢᠭ᠌ᠦᠨ ᠤᠬᠠᠭᠠᠨᠤ ᠰᠢᠯᠭᠠᠷᠠᠭᠰᠠᠨ ᠡᠷᠳᠡᠮᠲᠡᠨ ᠪᠣᠯᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ ᠲᠥᠪᠡᠳ᠂ ᠰᠠᠮᠺᠠᠷᠳᠠ （ ᠰᠠᠨᠰᠺᠷᠢᠲ） ᠬᠡᠯᠡᠨᠦ ᠡᠷᠳᠡᠮᠲᠡᠨ ᠪᠣᠯᠬᠤ ᠶᠤᠮ᠃ ᠲᠡᠷᠡ ᠨᠠᠰᠤᠨ ᠲᠤᠷᠰᠢ ᠲᠥᠪᠡᠳ᠂ ᠮᠣᠩᠭᠣᠯ ᠬᠡᠯᠡ ᠪᠢᠴᠢᠭ᠌ᠦᠨ ᠡᠷᠳᠡᠮᠢ ᠰᠢᠰᠲᠧᠮ ᠲᠠᠢᠪᠠᠷ ᠰᠤᠷᠤᠯᠴᠠᠨ ᠰᠣᠳᠤᠯᠤᠭᠰᠠᠨᠠᠴᠠ ᠮᠣᠩᠭᠣᠯ ᠲᠥᠪᠡᠳᠦᠨ ᠰᠣᠶᠣᠯᠤᠨ ᠲᠡᠦᠬᠡᠨᠳᠦ ᠦᠯᠡᠮᠵᠢ ᠣᠯᠠᠨ ᠵᠣᠬᠢᠶᠠᠯ ᠪᠥᠲᠦᠭᠡᠯᠢᠶᠡᠨ ᠦᠯᠡᠳᠡᠭᠡᠵᠤ᠂ ᠲᠥᠷᠥ᠍ ᠭᠡᠷᠡᠯᠲᠦᠶᠢᠨ ᠬᠣᠷᠢᠳᠤᠭᠠᠷ ᠣᠨ （ ᠨᠡᠢᠲᠡᠶᠢᠨ ᠣᠨ ᠲᠣᠭᠠᠯᠠᠯᠤᠨ 1840 ᠣᠨ）ᠳᠦ ᠪᠠᠶᠠᠨᠭᠣᠣᠯ （ ᠵᠡᠭᠦᠨ ᠬᠡᠢᠳ）ᠳᠦ 82 ᠲᠠᠢ ᠨᠠᠰᠤ ᠪᠠᠷᠠᠪᠠ᠃
ᠲᠡᠭᠦᠨᠢ ᠬᠡᠦᠬᠡᠳ ᠪᠠᠢᠬᠤ ᠳ᠋ᠤᠨᠢ ᠡᠴᠢᠭᠡ ᠡᠬᠡ ᠨᠢ ᠪᠣᠷᠬᠠᠨ ᠱᠠᠰᠢᠨᠤ ᠳᠠᠩᠰᠠᠨᠳᠤ ᠪᠣᠷᠰᠠᠩ ᠬᠤᠸᠠᠷᠠᠭ ᠨᠡᠷᠡ ᠲᠡᠮᠳᠡᠭᠯᠡᠭᠦᠯᠵᠦ᠂ ᠨᠢᠭᠡᠨ ᠠᠯᠲᠠᠨ ᠰᠣᠪᠤᠷᠭᠠ ᠪᠣᠰᠬᠠᠨᠠ ᠬᠡᠮᠡᠨ ᠪᠣᠶᠠᠨᠢ ᠠᠷᠪᠢᠳᠬᠠᠭ᠍ᠴᠢ ᠰᠦᠮᠡᠳᠦ ᠪᠠᠭ᠍ᠰᠢ ᠵᠠᠯᠠᠨ ᠱᠠᠪᠢ ᠪᠣᠯᠭᠠᠨ ᠰᠠᠭᠤᠯᠭᠠᠵᠠᠢ᠃
